ЖЫЛДЫЗ ТӨЛГӨ 28-майдан 3-июнга чейин

КОЙ (21.03-20.04)
Апта негизинен жаман эмес. Максаттарга талыкпастан умтула бериңиз, жеңиш сиз тарапта. Кошуналар жана жакындарыңыз менен көп алака жасайсыз. Окууга, документтерди бүтүрүүгө чуркайсыз. Сапарга чыгууңуз же кабар угууңуз да мүмкүн.

БУКАЧАР (21.04-20.05)
Жакшы ийгиликтердин болуусу үчүн чөйрөдөгүлөр, туугандар менен тыгыз мамиледе болуңуз. Каржыны көбөйтүүгө көбүрөөк көңүл бөлүү керектелет. Жакшыраак аракеттенсеңиз ири суммадагы акча колго тиет.


ЭГИЗДЕР (21.05-21.06)
Жумушта жетекчилик жактан колдоолор болуп жатса манчыркап жатып албаңыз, аракетти токтотпоңуз. Сырткы келбетке, кийинүү стилине да жакшы көңүл бөлүңүз. Себеби сиз бул аптада көпчүлүктүн көңүл борборунда болосуз. Кадыр-баркыңыз жогорулайт.

БӨЙӨН (22.06-22.07)
Алгылыктуу иштериңиз бул аптада да уланат. Ийгиликтер негизинен өзүңүзгө болгон ишеничтен көз каранды. Өз алдынча аракеттерди көп жасаңыз. Жабык типтеги мекемелер менен иш алып барууга жагымдуу мезгил.

АРСТАН (23.07-23.08)
Акыркы убакта жасап жаткан иштериңизге баа берчү мезгил келди. Жыйынтыгы кубантарлык болот. Алдыда жаңы иштер күтүлүүдө. Курбу, кесиптештер менен чогуу чоң иштерди алып барууга аргасыз болосуз.

БИЙКЕЧ (24.08-23.09)
Бул аптада көп аракеттерди жасап, жасаган иштериңизден эргүү аласыз. Сүйлөшүүлөр көп болот. Жакындарыңыз моралдык колдоо көрсөтүшөт. Жогорку даражадагы адамдар менен жакшы тил табышасыз.


ТАРАЗА (24.09-23.10)
Өткөн жумада башталган иштерди жарым жолдо токтотпой, андан ары улаңыз. Чечкиндүүлүктү көрсөтүңүз. Башка шаардык адамдар, дин, өкмөт өкүлдөрү тараптан колдоолор болот.

ЧАЯН (24.10-22.11)
Капчыгыңызды даярдаңыз. Колуңузга акча тиет. Акча табуу жана көбөйтүү жаатында сүйлөшүүлөр да жүрөт. Келечекке пландарды куруңуз. Көздөгөн ой-максаттарды ишке ашырууга көп аракет жумшаңыз. Натыйжасы жаман болбойт.

ЖААЧЫ (23.11-21.12)
Сизди бул аптада таанышуулар күтөт. Эл менен жакшы алакада болосуз. Сизден талап: оюңузду тартынбай билдирүүгө аракет жасаңыз. Кимдер жана кайсы ишканалар менен чогуу иш алып барсаңыз да ийгиликтер күтөт.

ТЕКЕЧЕР (22.12-20.01)
Жумушка, ден соолукка көңүл буруу ойдогудай жүрөт. Кесиптештердин колдоосуна ээ болосуз. Баарлашуу, пикир алышуулар көп болот. Мал күтүү, кароо, алардын башын көбөйтүү маселесин чечүүңүз керектелет. Карыз маселеси козголот.

СУУ КУЯР (21.01-19.02)
Негизги ой-максаттарды орундатууга киришесиз. Анын ишке ашышы үчүн жогорку кызматтагы адамдарга кайрылганыңыз оң. Узак мөөнөттүү пландарды күн тартибине киргизиңиз. Балдарыңыздын ийгилиги кубантат.

БАЛЫК (20.02-20.03)
Үйүңүзгө конок келет. Жагымдуу сүйлөшүүлөр, диспуттар жүрөт. Ата-эне, туугандар менен да баарлашуулар болот. Телевизор, компьютер же чөнтөк телефонун сатып алууңуз ыктымал. Китеп, канцеляриялык буюмдарды да алууга туура келет.