Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Санжар Кадыралиевдин апасы Агдана Кочкорова: «НЕБЕРЕМ САНЖАРЫМА КУЮП КОЙГОНДОЙ ОКШОШ»

№397 11-17-июнь, 2010-ж


Тагдыр

ЖКнын эки жолку чакырылышынын депутаты Санжар Кадыралиевди 2009-жылы 14-апрелде атып кетишкен. Убагында тергөө иши башталып, бирок солгундоого учурап, “күнөөкөр” деп кармалган адам сот жообуна тартыла элек. Бирок Убактылуу өкмөт “буйрутма өлтүрүүлөр кайрадан каралат” деген чечим чыгарды. Ошондон улам маркумдун апасын кепке тарттык.

  • Санжар Кадыралиев 1976-жылы 16-ноя­брда туулган.
  • Кыргыз-Өзбек университетинин финансы-кредит факультетин 2000-жылы аяктаган.
  • 2000-жылы ОшМУнун юридикалык факультетине тапшырган.
  • 1999-жылы саясий карьера куруу максатында кыргыз-өзбек жаштарынан турган “Жаңы күч” жаштар биримдигин түзгөн.
  • Жети бир туугандын үчүнчүсү эле.

– Агдана апа, балаңыздын өмүрү коркунучта экенин энелик туюмуңуз менен сезгендирсиз?
– Бул каргашалуу окуянын алдында, тагыраак айтканда, 11-апрелде Санжар айылга келип, эл менен жолугушкан. Элдин көйгөйүн угуп жүрүп, үйгө түнкү саат 11де келди. Чогулгандар менен “18-апрелде келем да, маселелериңерди чечип берем” деп коштошуптур. Үйгө келип эле кайра түнү менен Ошко барып, анан борборго учмай болду. Санжардын баласы Жоомартты “тур, Санжар акең кетип жатат” деп ойготтук. Санжар уулун асманга так көтөрүп туруп, эки бетинен өөп койду. Баласына эч качан мындай мамиле кылган эмес. Келгенде ушундай бир тиктеп алчу. “Эркелетип, бетинен өөп койсоң боло?..”- десем: “Апа, сиздин балаңыз да. Сиз эркелетип жатпайсызбы”,- деп менден тартынып турчу.
14-апрелде кечинде үйдүн тепкичинен түшүп келатып эки жолу чүчкүрдүм. “Балдарым тынч болушса экен” деп чүчкүрүгүмдү жакшылыкка жорудум. Эшик алдында жолдошум, балам Орунбек болуп сүйлөшүп турушкан. Аңгыча Орунбектин телефону шыңгырап калды. Ал “эмне?!” деп бакырып, телефонду жерге бир чапты. Өң-алеттен кетип: “Санжарды атып кетишиптир!”- деди.
– Өлүмгө шектүү катары Санжардын өзүнүн эле досторунун бири кармалбады беле...
– Өлтүргөн дешип жаткан Итибаевди Санжар менен бир досу тааныштырган имиш. Балам эртең менен жумушка баратканда жанындагы жан сакчысы Итибаевдин коңшу подъездден чыгып баратканын көргөн экен. Бул жөнүндө күнөөкөр өзү: “Мен Санжарды эртең менен эле атканы баргам, бирок жанында адамдар көп экен”,- деп айткан. Аткандыгынын себебин “700 доллар карыз болчу” деп түшүндүрүп жатат.
Чынында, балам досторунан карыз алчу эмес. Ал студент кезинде эле 1996-жылы Оштогу туристтер базасын ижарага алып, дискоклуб кылып иштете баштаган. Союз урагандан кийин ал имарат каралбай калган экен, “оңдоо-түздөө иштерине жумша” деп атасы эки бука берген. Ошол эле учурда айрым чиновниктерге жан сакчы да боло койчу. Анан 2002-жылы “КСК Илбирс” (Кадыралиев Санжар Карымшакович) деген фирма ачып, Кытай менен Кыргызстан ортосунда соода иштерин жүргүзө баштаган. Соодадан түшкөн акчасын достору менен бөлүшө билчү. Аларды алып жүрүш үчүн чоң каражат керек да.
– Уулдарыңыз Санжар менен Канжардын кылмыш чөйрөсүнө аралашып калгандарын билдиңиз беле?
– Санжар биринчи жолу депутат болордо Куршабда 2000 адам чогулган жыйын болгон. Ошондо эл арасынан бирөө: “Санжар, сени криминал, баш кесер дешет. Буга эмне дейсиң?”- деп суроо берген. Балам: “Кадырлуу калайык-калкым. Араңардан бирөөңөрдүн бир тал чачыңарды түшүрсөм, бир тамчы каныңарды агызсам, бир сом тыйыныңарды алган болсом, эл алдына чыгып айткыла. Жигитчилик сөзүмдү берем. Талапкерлигимди азыр алып, трибунадан түшүп кетем”,- деген. Эл унчукпай туруп калып, дуулдата кол чаап жиберишкен.
– Ош шаарындагы “Алай” мейманканасынын алдынан кайсы бир криминалдык топ менен атышыптыр эле...
– Кимдер менен кагылышканын билбейм, бирок атышуу болгон. Ал учурда Санжар башка жакта жүрүптүр. Бирок анын жети баласына ок тийген экен.
– Небереңиз Жоомарттын апасы жөнүндө эмнеге айтпай келди?
– Мен Куршаб айылында мээрман айым болуп иштечүмүн. Бир жолу Санжарды достору жетелеп келишип: “Келиндүү жана неберелүү болдуңуз”,- дешти. Санжар: “Апа, ал кызды албайм. Биз түшүнүшүп алдык. Бала бизде калат”,- деди. Кантсе да энемин да, “кой, балам, алып кел” деп неберемди энеси менен үйгө алдырттым. Нике кыйылды, анан окуусу башталганда келин кетип калды.
– Санжардын өзү жок болсо да, артында туяк калган турбайбы...
– Жоомартым атасына куюп койгондой окшош. Басканы, уктап жатканы дал өзү. Атасы келгенде калем сабын, саатын кармалап, укмуш сүйүнөр эле. Санжар каза болгондо 1-классты аяктап жаткан. Экөөбүз отуруп алып ыр жаттайбыз, эсеп чыгарабыз. Таң аткыча отуруп бир куплет ыр жаттай албаган да күндөр болду. Кыскасы, көп кыйынчылык менен чоңойттум. 2-класстан чоң атасы менен кеңешип, англис жана орус тилдерин азыртадан өздөштүрсүн деп Оштогу “Илим” жеке мектебине бердик. Мага неберем Санжардан да курч көрүнөт.
– “Ажар” тобунун ырчысы Назгүл Санжар каза болгондон кийин “мен сүйлөшкөн кызы элем, үйлөнгөнү жатканбыз” деп чыкты. Силер билчү белеңер?
– Ал жөнүндө кызым Ыргал эле айтып калат. Ал кыз ЖКдан “мен Москвадан келдим, эжеси менен жолугат элем” деп кызымдын телефон номерин алыптыр. Кызымды капчыгы калың деп ойлосо керек. Ыргал “тигил кыз үйгө келгенде залда жарык жок, коридордо отурганбыз” деп күлүп калат. Акыркы убакта Санжарды үйлөн дей берчү болгонбуз. Ал “бир кыз менен сүйлөшүп жүрөм, күзүндө үйлөнөм” деп жаткан. Ыргал Назгүл деген кызды ошол кыз экен деп ойлоптур. Назгүл кирип келип эле кызымдын үйүнүн ичин карап, анан “Санжар экөөбүз түшкөнбүз” деп монтаждалган сүрөттү көрсөтүптүр. Ыргал көрөрү менен түшүнүп, башын чайкаптыр. Ал кыз үйдөн чыгып, дароо кайсы бир гезитке барып: “Санжардын сүйлөшкөн кызы элем. Азыр эле эжеси менен жолугуп келе жатам. Экөөбүз аябай ыйладык”,- деп интервью бериптир. Баламдын достору кызыма нааразы болушуп: “Ал кыздын Санжар менен эч тааныштыгы жок болчу. Аны кайдан таптың?”- деп телефон чалышыптыр. Ыргал тиги кызга телефон чалып “эмне калп айтасың? Качан ыйладык эле?” десе, азыр чалам деген боюнча жоголуптур.
– Маек соңунда айтар сөзүңүз...
– Тергөөчүлөр диплому, тажрыйбасы бар адамдар. Аткан адам колдорунда турат. “Кайдан, кантип аттың? Ким буйрук берди?” десе эле чыгат го. “Итибаев аткан эмес. Мунун башында мандем бар, жиндиканага жиберебиз” деп да чыгышты. Санжарды өлтүрүүгө ким буйрук бергенин айтпаган себеби “айтсаң үй-бүлөңдөн ажырайсың!” деген коркутуулар болсо керек деп ойлойм. Убактылуу өкмөттөн мындай кылмышкерлердин тамырын кыркып соолутушун суранам. Менин башыма түшкөн күн эртеңки күнү башка эненин башына түшпөсүн. Чыгаан уулдарыбыз аман болушса экен деп тилейм.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
18.06.2010. 16:26 
Тайпасы:
Кыймылы жок
Комментарийлердин саны:
5
Катталган:
14-06-2010
Соӊку аракети:
06-10-2010 16:49
Жынысы:
Белгисиз
+2
Эгер козу тируу болгондо качкын чиновниктердин бири болмок. Карга да баласын аппагым дейт демекчи, балам криминал эмес болчу деп жазыптыр. Еще как криминал болгон, эл жакшы билет Санжар кандай адам болгонун.Козунорду чон ачып, терен ой жугуртуп иш кылгыла. Итибаевдин эч кандай куноосу жок. Эч кандай конкретный далил жок. Эгер жансакчысы коргон болсо, Итибаевди ошол эле куну кармамак. Бул жерде саясий олтуруу болду десем жанылышпайм. Чындыгын Бакиевдерден сурап алгылы деп айтмакчмын.
13.10.2012. 19:51 
Тайпасы:
Кыймылы жок
Комментарийлердин саны:
7
Катталган:
05-06-2012
Соӊку аракети:
08-10-2014 10:38
Жынысы:
Белгисиз
Калаасы:
osh
0
баласына ийгилик кыргызтан учун куйгон азаматтардан болсун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: