Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Назира Мамбетова, Кыргыз Эл артисти: «ҮЙЛҮҮ БОЛОМ, ЖЕРДИН АЛДЫНДАБЫ, ҮСТҮНДӨБҮ АЙЫРМАСЫ ЭМНЕ?»

№812 25-май -31-май, 2018-ж.


«Курманжан датка» тасмасында Курманжан датканын уулу Камчыбекти дарга асып жаткан жери бар эмеспи. Курманжан датка бир тиктеп басып кеткен жери таасирдүү, ээ? Ошол күчтүү көз караштын ээси, көп наамдарды алып жаткан актриса Назира Мамбетова маек төрүбүздө.

– Эже, акыркы жылдары жемиштүү эмгектенип жатасыз. Жаңылыктарыңыз көп болсо керек.

– Рахмат, иштеп жатабыз.Чыңгыз Айтматовдун «Жамиля» чыгармасын спекталь кылып койдум. Бул долбоордун автору мен болдум. Премьерага көптөгөн белгилүү адамдар келишти. Роза Отунбаева, Роза Айтматова да келип ыраазы болуп кетишти. Мен өзүм элестеткенден да күчтүү чыкты, ошого дагы да толкунданып жүрөм.

– Сиздин чыгармачылык жылдызыңыз, азыр ачылып жаткандай.

– Демек, чыгармачылыкка болгон мамилем бышып жетилди деп ойлойм. Анткени мага авторлор, продюсерлер өздөрү келип жатат. Султан Раев мага арнап «Суфлёр» деген пьеса жазып, өзү каражатын бүт көтөрүп театрларга койдук. Бул спектакль менен Лондонго эл аралык фестивалга бардык. Гран прини, «Аялдын эң мыкты ролу үчүн» деген сыйлыкты алып келдим. Андан соң Меңди Мамазаирова «Актриса» деген чыгармасын мага арнап жазды. Ал дагы бир топ беделдүү фестивалда 4 сыйлыктын ээси болду. «Манас» орденин алдым, Токтогул Сатылганов атындагы сыйлыкты мага ыраа көрүштү. Жакшы, буюрса, ийгиликтер биринен сала бири болуп жатат.

– Ошого карабай сиз театрдан көрүнбөй калыптырсыз? Себеби эмнеде?
– Ооба, барбай калдым. Себеби (айтсамбы же айтпасамбы деп ойлонуп)... Көрө албастык, бут тосуу болду. Ушундай мыкты ролдорду ойноп жатканым, ийгиликтерим бирөөлөрдү тынч уктатпай жатат окшойт. Кысым болду, «Актриса» спектаклин театрдын көркөм кеңеши кабыл алган эмес, «Жамиляны» болсо Маданият министрлигинин эксперттик кеңешмеси жүз пайыз кабыл алса, театрдын кеңешмеси кабыл албай койду. Ушундай майда-чүйдө нерселер аябай жүдөтүп ийди. Аралашкым келбей «силер иштегиле, мен өз чыгармачылыгым менен кетем» дедим. Азыр иштерим чыгып калганда эле барбасам, көп каттабайм.

– Атактуулук сизге эмгек менен келдиби, же кокустукпу же талантыңыздан уламбы?

– Эмгек менен келди. Анткени аны сатып алайын десем, менде акча жок. Бул сатып ала турган да нерсе эмес. Жон терим менен кылган эмгегим. Ош шаардык драма театрында 22 жыл иштедим. Кийин тополоң заман башталып кетти. Эл катары мен дагы борборго чоң чыгармачылык издеп келдим.
9 жыл ишим жок отуруп калдым. Майда-чүйдө иштер болуп жатты, бирок чоң нерсе кыла албай жүрдүм. 1994-жылдан баштап чоң-чоң ролдорду ойноп калдым.

– Ролдоруңузга келсек, «Мен Тянь-Шань» тасмасында Кадичанын ролу менен таанылгансыз. Адатта кайсы ролду аткарсаң, ошол тагдырга таасир берет дешет го. Мындай нерсе сизде болгон жокпу?

– Жок, ал жөн эле сөз. Мен театрда миң жолу өлдүм, өлүп калбайт белем. Мына, 70ке чыгып калдым. Болгону ролуңду жан дүйнөң менен кабыл аласың. Өз турмушуңду унутуп сиңип кетесиң. Мисалы, Кадичаны аткарган ролумду эл башкача карайт, мен башкача карайм. Кадича байкушту «үй-бүлөсүн бузду, Ильяз менен Аселди ажыраштырды» дешет, бирок ал Аселге чейин Ильязды сүйүп калган. Эмнеге ал өз сүйүүсү үчүн күрөшпөшү керек? Сүйүүгө Кадичанын да укугу бар.

– Сиз да сүйүүңүз үчүн күрөшкөн учур болгонбу?

– Ал абалга жараша болот.

– Күчтүү аялсызбы?

– Жок, мортмун. Күчтүү эмесмин. Мени сындырып коюш оңой.

– Анан кантип ушул чөйрөдө атыңызды жасай алдыңыз?

– Мен күчүмдү эмгектен чыгардым. Бири мени артка сүргүлөсө, аны менен тирешкенден көрө артка чегингеним жакшы. Сөз кайтарып айтышып, өзүмдүкүн далилдөө мен үчүн эмес. Түшүнбөгөн адам менен акыйлашуу – тыянаксыз иш. Андан көрө баркымды билген башка нерсеге арнайм өзүмдү.

– «Курманжан датка» тасмасында таасирдүү көз карашыңыз эсте калды, ушул эпизод арасында көп сөздөр жүрдү эле. Буга сиздин көз карашыңыз?

– «Курманжан датка» тасмасына көп актрисанын арасынан мени тандашты. Ошол мени чакырган мүнөттөн баштап тынчсыздандым. Анткени ал кыргыздын көкүрөгүнө уюп калган ыйык образ да. "Аны кантип ачып берем?" деген ой болду. Эгерде башынан баштап бир адам ойносо башка кеп. Мында төрт Курманжан бар. Баарыбыз өз ишибизди кылдык. Кандай чыкты, бул элдин сыноосундагы нерсе. Сындар да болду. Айрымдар «балам, өлүмгө тике кара» деген сөз эмнеге жок дешти. Анткени ал чыгармада бар да. Режиссёр эмнеге мындай кылды? Эми эки датканын ортосунан чыккан баатыр мырмыңдап ыйлап турса, энеси каргылданып «балам, өлүмгө тике кара» десе болмок беле? Тиги жакта душмандар карап турса... Датканын бир ооз сөзү менен кыргыз кырылып кете тургандай оор кырдаал түзүлсө, ал сөздү айттырыштын канчалык кажети бар? Башында эле кичинесинде "атка минем" деп жатканда «мине албайсың» деп тиктеп башын чайкап, көз менен сүйлөшүп көндүрбөдү беле. Менимче, эне менен бала көз караш менен тиктешип койгону режиссёрдун күчтүү чечими болду.

– Сиздин энелигиңизге келсек, балдарыңызды жалгыз чоңойтуптурсуз, оор болгондур.

– Тагдырга эмне туш келсе көтөрөбүз. Оордугу болбогон энелик болбосо керек. Чоңойттум, Кудайга шүгүр,
1 кыз, 1 уул, 4 неберем бар. Балдарым чыгармачылыктан алыс. Ошого сүйүнөм, анткени бул оор кесип.

– Кайсы наам сиз үчүн күтүүсүз болду?

– Бардыгы күтүүсүз болду. Кыргыз Республикасынын Эмгек сиңирген артисти менен Эл артистин Ош шаардык драма театрында жүргөндө алгам. Анда документтерибиз кетип жатканын деле билчү эмеспиз. Токтогул Сатылганов атындагы сыйлыкты айтышканда үйдө жалгыз элем, кыйкырып-кыйкырып алдым. Эмоциямды чыгардым окшойт. «Манас» орденин алганымды укканда көчөдө бараткам, "эл эмне дейт?" деп кыйкыра алган жокмун. Баарында эле сүйүндүм, толкундандым.

– "Үйүм жок, мен өлгөндө өзүңөр уялып калбагыла" деп тамашалаган экенсиз? Азыр үй маселеси кантип жатат?

– Азыр үйгө кызыкпай деле калдым. Журналисттердин бири «Канча бөлмөлүү үйүңүз бар?» деп сурап калды. «Үйүм жок» десем эле коомчулукка чыгып кетти. Бирок мен эч кимдин эшигин тешип "мага үй бергиле" деп айтып көргөн эмесмин. Жок болсо жок да. Аны туура эмес кабыл алгандар болду. Маданият министри «мени уят кылып үй сурайсың» деп чыкты. Жакында үйлүү болом. Ал беш жылдабы, жыйырма жылдабы, ким билет? Жердин алдындабы, үстүндөбү, ал дагы белгисиз.Жеткен бийиктиктериме, ийгиликтериме, элдин оозунда калганыма, балким, тарыхта калганыма, айтор, мен баарына ыраазымын. Башка эмне керек? Министрге да ушинтип айттым «сиз үй бербесеңиз да ыраазымын, чыгармачылыгыма бут тоспогула» дедим.

– 70 жашка келип калыптырсыз, бирок келбетиңизди да, жүзүңүздү да жаш сактаптырсыз. Сыры эмнеде?

– Мен актрисамын. Өзүмдүн ички дүйнөмө, жүзүмө, келбетиме ар дайым кам көрүшүм керек. Эл менин майларымды, жүзүмдөгү бырышымды көргөнү келмек беле? Искусство жаштыкты, сулуулукту сүйөт.

– Дайым жаш бойдон жүрүңүз.

"СССР убагында "Санниковдун жери" тасмасында Гошардын ролун аткаргам".
"Суфлёр" спектаклин аткаруу учурунда".


Нуржамал Жийдебаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  12 
Комментарийлер(17)
29.05.2018. 11:32 
Тайпасы:
Жаран
Комментарийлердин саны:
130
Катталган:
05-03-2017
Соӊку аракети:
20-09-2018 23:55
Жынысы:
Белгисиз
+2
Ишинизге ийгилик!!!
29.05.2018. 12:50 
Тайпасы:
Жаран
Комментарийлердин саны:
304
Катталган:
23-10-2011
Соӊку аракети:
18-09-2018 19:50
Жынысы:
Белгисиз
0
Кыйын актриса
29.05.2018. 13:27 
Тайпасы:
Жаран
Комментарийлердин саны:
242
Катталган:
28-05-2012
Соӊку аракети:
20-09-2018 20:16
Жынысы:
Белгисиз
Калаасы:
нарын
+8
Кыйынды кыйын деш керек баардык ролдору жагат сонун аткарат. омурлуу болсун эжекебиз.
29.05.2018. 14:56 
Тайпасы:
Жаран
Комментарийлердин саны:
5
Катталган:
30-05-2011
Соӊку аракети:
20-09-2018 22:51
Жынысы:
Белгисиз
Калаасы:
germahiya
+22
Квартира бербесе да ушундай таланттуу айымга 70ке чыкканда бут тоспой эле коюшпайбы?!
29.05.2018. 16:30 
Тайпасы:
Жаран
Комментарийлердин саны:
19
Катталган:
18-05-2016
Соӊку аракети:
20-09-2018 00:54
Жынысы:
Белгисиз
+1
Убагында берилген Оштогу квартирасын сатып ийген го.
29.05.2018. 16:41 
Тайпасы:
Жаран
Комментарийлердин саны:
2
Катталган:
15-03-2017
Соӊку аракети:
08-09-2018 16:35
Жынысы:
Белгисиз
+1
Азаматсыз акты ак,кокту кок деп чындыкды айтыптыр бактылуу карылык каалаймын
29.05.2018. 21:00 
Тайпасы:
Жаран
Комментарийлердин саны:
3
Катталган:
26-04-2018
Соӊку аракети:
20-09-2018 19:43
Жынысы:
Белгисиз
+12
Ушундай кыргыз учун бут омурун берген адамга 1 квартираны жон эле берип койсо болмок. Ансыз деле канчалаган акчалар коррупционерлер тарабынан жок болуп кетти го.
29.05.2018. 21:59 
Тайпасы:
Жаран
Комментарийлердин саны:
174
Катталган:
13-04-2017
Соӊку аракети:
21-09-2018 00:59
Жынысы:
Белгисиз
-1
Ошондо Ким тосуп атат бутту Буга??
29.05.2018. 22:00 
Тайпасы:
Жаран
Комментарийлердин саны:
174
Катталган:
13-04-2017
Соӊку аракети:
21-09-2018 00:59
Жынысы:
Белгисиз
0
Ай кыргыздар ай ушинтип эле журушот озгочо театрдагы адамдар. Азыр театрдагы жетекчи кыргыздар осмоновго же башка бироо тосуп атабы
30.05.2018. 22:42 
Тайпасы:
Жаран
Комментарийлердин саны:
172
Катталган:
02-06-2015
Соӊку аракети:
20-09-2018 21:53
Жынысы:
Белгисиз
+1
Убагында уй берилген экен го.Дагы эмнесин берет мамлекет?Кийингендери эле биздин эки айлык маянабыз булардын.Артистмин деп эле журо бериш керекпи?Балдары бар экен иштеп алышсын да уй.
02.06.2018. 23:39 
Тайпасы:
Жаран
Комментарийлердин саны:
144
Катталган:
10-08-2016
Соӊку аракети:
20-09-2018 20:43
Жынысы:
Белгисиз
+2
-Sumitra-,ошол Оштогу уйун айтып койбодунар го,ал уйун жыргаганынан сатты дейсинерби,ал кезде Оштун баары Бишкекке чууруп кочуп келишпеди беле жана башка жерлер да,анан дагы баласы алып бербейт деп,азыр уй алыш онойбу,коп киши квартиралап журот.
Дагы бир нерсе:Эже журналисттин уйунуз барбы деген суроосуна уйум жок деп жооп берип койгондон баштап жумушунда проблемалар башталыптыр,ошону айтып жатса министрден баштап жонокой адамга чейин туура эмес тушунуп алыпсынар,эшик жыртып уй сурап
02.06.2018. 23:44 
Тайпасы:
Жаран
Комментарийлердин саны:
144
Катталган:
10-08-2016
Соӊку аракети:
20-09-2018 20:43
Жынысы:
Белгисиз
+3
surgeon777,уй сурап жургон жокмун деп экинчи жолу маек берип жатат,хотя бир комнат болсо да берип коюшса болмок,убагында Болот Бейшеналиев да общежитиенин суу тамчылаган жарыбаган бир болмосундо жашаган,жана башка канча таланттар журот уйу жок,эмгеги синсе да Эмгек синирген артистти албай каяктагы акчалуу катындар алып журушот,а залкар адамдарды эч ким эсине албайт!
01.06.2018. 12:55 
Тайпасы:
Жаран
Комментарийлердин саны:
212
Катталган:
15-08-2017
Соӊку аракети:
20-09-2018 06:43
Жынысы:
Белгисиз
+1
"Мен Тянь-Шань" киносундагы ролун жакшы аткарган.
01.06.2018. 14:09 
Тайпасы:
Жаран
Комментарийлердин саны:
39
Катталган:
16-03-2017
Соӊку аракети:
20-09-2018 03:27
Жынысы:
Белгисиз
0
Оштон болобу
03.06.2018. 10:52 
Тайпасы:
Жаран
Комментарийлердин саны:
114
Катталган:
22-02-2011
Соӊку аракети:
27-08-2018 12:42
Жынысы:
Белгисиз
Калаасы:
Бишкек.
0
Назира Эженин оптимистик көз карашы, дүйнө таанымы жакты. Ушунуңуздан жазбай, ден соолукта болуңуз. Албетте, буюрса сөзсүз үйлүү болосуз!
04.06.2018. 21:08 
Тайпасы:
Жаран
Комментарийлердин саны:
367
Катталган:
06-02-2012
Соӊку аракети:
13-09-2018 20:51
Жынысы:
Белгисиз
+1
Уят ушу тарых музейине 14мин евродон ат алгыча ушул эженин талантын баалап 1 ком квартира алып берсе болмок ошол европоид атынарага чоон ыраазы элек.. Адамдын айтпаса жанын кашайтышат.. Айткандын оозу ыйлагандын козу жаман..
04.06.2018. 23:36 
Тайпасы:
Жаран
Комментарийлердин саны:
1213
Катталган:
05-04-2015
Соӊку аракети:
20-09-2018 09:22
Жынысы:
Белгисиз
Калаасы:
Алматы
-1
Мамлекет бул эженин эмгегин убагында баалап сыйлыктарын да ,уй да берген.
Эми дагы да уй берсе билбейм!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: