Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№813 1-июнь -7-июнь, 2018-ж.


(Башы өткөн сандарда)

ХХХ

Бурул адатынча уктаар алдында күбүрөнүп, балдарына, кичинекей неберелерине өмүр тилеп, бак тилеп Кудайга жалынып-жалбарып жатты. Азаматты ойлогон сайын жүрөгү сайгылашат. Өлкөдөн чыгып кетти бекен? Жалгыз, жанындагы жаш баласы менен жүдөдү го? Айназик кантти экен? Жылуу кийинип жүрөбү? Сан ойлордун курчоосунда шыпты тиктейт. Алсыз. Оору айласын кетирип турат. Сол ныптасы кыймылсыз. Бирок... Бирок азыр ушул абалында "Азамат бир нерсе болуптур" десинчи, жанын оозуна тиштеп, жөлөп-таярга эч ким жок болсо да, колу менен жер тытып жетип барууга даяр. Уулуна келчү азаптын баарын өзүнө алып, баласына эч бир залал тийгизбей коргоп калууга бар дарманын жумшайт. Азапка батканына да кайыл. Башкысы, баласы аман болсо болду.
А өзүчү? Көрсө, энелер эч качан өздөрү үчүн жашабайт тура. Балам деп жалынып, балам деп ооруп, балам деп санааркап жүрүп бүтүндөй бир өмүрүн балдарына арнап салат экен. Мээрими түгөнбөйт. Өмүрүнүн акыркы ирмеминде да, ажал менен бет келишип отуруп да баласынын караанын издейт, баласы үчүн санаага батат, мээримин берет, баласына жалынат. Эне... Эненин жүрөгү. Эбегейсиз мээрим баткан, эбегейсиз санаа тарткан, күчтүү да, назик да, чыдамкай да жүрөк. Анын ар бир түрсүлдөп соккону бала деп согот. Акыркы согушу да бала дейт. Ал бала деп жашайт, бала деп өлөт. Өңү серт, үнү чыйылдак, семиз-арык, дудук, дүлөй деп чанбаган, айтор, бар болгону үчүн, аман болгону үчүн сүйө алган, сенден кемчилик көрбөй мээримин төгө алган, жууса кеткис күнөөңдү да кечире алган энеден башка жан жок тура, көрсө?!

Эненин жүрөгү тыз дей түштү. Уктап жатканын же ойгоо экенин өзү айырмалай албай калды. Көп жыл мурун каза тапкан жолдошу Камчы куду жаш кезиндегидей жасанып маңдайына келип калбаспы. Бул кайдан? Мен кайдамын? Жүрөгү опколжуй түштү.

"Кетели" деди Камчы жылмайып. Үнү жагымдуу.

– Азамат?..

– Баары жакшы болот. Сен мени менен жүр.

– Жок! Азамат кантет?- түш экенин түшүнгөндөй көзүн ачууга аракет кылды. Бирок көздөрүн ачканда да караңгылыктан башка эч нерсе көрүнбөдү. Төшөгүндө чебелектегенинен аркы бөлмөдөгү Ырыскан ойгонуп кетти.

– Апа?! Эмне болду? Бир жериң ооруп жатабы?

– Азамат, Азамат...- үнү араң чыкты Бурулдун.


ХХХ


Азамат уктап жаткан. Телефонунун шыңгырынан ойгонду. Эжеси Ырыскан экен.

– Азамат, келишиң керек.

– Эмне болду, эже?

– Апам...- бышактап ыйлап жиберди,- ал ооруп жатат. Катуу ооруп жатат.

– Барып калам,- Азамат шашкалактап калды.


ХХХ


Тасмадай сызылган узак жолдо кызыл түстөгү Ауди алып учуп баратты. Рулдагы Азамат алдын телмире тиктеп башына келген түркүн ойлордун учуна жете албай убара.

Ал эмнегедир апасын жоготуп алам деп ойлобоптур. Апасы түбөлүк жашачудай эле жүргөн экен. Дилинде эжесинин “келишиң керек” деген сөзүнүн аркасында, "апам үзүлгөнү жатат" деген сөздүн турганын ал түшүнүп эле турат. Бирок кабыл алгысы келбей жатты. Андай ойлорду алыс кууду. Андай ойлордон коркуп жатты. Көкүрөгү бошойт. Көзүнөн жаш сызылды.

Айназик атасын муңайыңкы карап койду. Ал акыркы күндөрдө атасынын ыйлаганын көп байкачу болду. Бирок унчуккан жок.


ХХХ


Короого унаа жулунуп кирип токтоду.

– Жакшы элеби апам?- унаадан түшүп-түшпөй жатып үйдөн чыга калган жездесинен сурады.

– Сен кир,- деди Майрамбек көздөрүн ала качып.

– Айназик, бас, чоң апаңа кирели,- кыз мамалагын колтуктап шаша-буша жөнөдү.

Үйдө бир нече айылдаш кемпирлер отурушуптур. “Кир, кирегой” дешти алар төркү бөлмөнү көрсөтүп.

Апасы көзүн жумуп, оор дем алып жаткан экен.

– Апа?!- үнү каргылданып кетти. Азамат тизелеп отура калып апасынын колунан алды. Тээ баятан бери акыркы күчүн жыйнап отурган окшобойбу.

– Азамат,- деп үнүн бек чыгарып белин түздөдү.

– Аа, балакетиңди алайын, келдиңби?

– Ооба, апа.

– Кап, убара болуп... Айназигим да...- оор дем алып алды.

– Баары жакшы болот, апа. Биз сени алып кетебиз,- Азамат бышактап жиберди.

– Ыйлаба,- дем алганы дагы жанагындан оорлогондой.

– Балакетиңди алайын,- Азаматтын колун өзүнө тартып, шуу жыттады.

– Балакетиңди алайын,- бул ирет үнү араң эле чыкты.

– Апа, Апа-а?- бул жолу Бурул жооп берген жок. Эрдин бекем кымтып, катуу бир дем чыгарды. Бирок кайра дем тарткан жок.

–Апа-а!- Азаматтын күйүткө толгон үнү баарын чочутту. Кемпирлер үшкүрүп калышты. Өмүрдө көп жоготууну көргөн немелер жигиттин үнүнөн эле Бурулдун түбөлүк уктаганын айттырбай билишти. Үй ызы-чууга толуп калды. Атасынын боорунан кучактаган Айназик атасы эмнеге мынча боздоп жатканын аңдай албай коркуп турду. Чоң апасы эрдин бек кымтып уктап жатты. Ойгонбой уктап жатты.


ХХХ


Жигиттин көкүрөгү ачышып жатты. “Байкуш апам, ай... Байкуш апам, ай” деп эле сыздай берди. Көкүрөктөн чыкканы ошол эки ооз сөз болгону менен, жигиттин жүрөгү арманга чыланып турду. Жүрөгү канап турду.

“Өмүр бою азабымды тарттың. Сага бир жакшылык көрсөтсөм эмне?! Мен деп санаага батып, мен деп мекениңден качып... Азап бербей, сый көрсөтсөм эмне?! Мына, баары жакшы болот, анан апамды тигинтем, анан апамды кийинтем. Анан апама алтын алып берем. Анан апама баарын жасап берем. Анан, анан... Байкуш апам, ай! Азабыма чыдап, жакшылык көрөр күнүңө жетпей кеттиң. Эми мен кантем? Кантем сен жок? Сага көрсөтсөм деп кыялданган жакшылыктын бирин көрсөтө албай калганымды сезип-билип кантип жашайм? Байкушум, ай, байкуш апам, ай”...


ХХХ


Дарбазадан кирип келе жаткан милиция кызматкерлерин көрүп Майрамбек жиндене ордунан тура калды. Боз үй түбүндө өкүрүп отурган Азаматтын жанында эле. Жинденип баягы сержанттын алдын торой чыкты.

– Эмне керек?

"Кетти" дебедиң беле? Кармашыбыз керек!

– Көрбөй жатасыңбы? Энесин жоготуп өксүп турат. Энең барбы сенин? Кыргызсыңбы сен?- жини келип үнүн бек чыгарды.

Тигил эки кызыл шапкечен ыңгайсыз болуп унчукпай туруп калышты.

– Бизге ошентип буйрук беришти.

– Кармайсыңар! Бүгүн эмес, сөөк коюлсун. Адамдыктан кетпегиле.

– Тигил жакта кичине кыздын өз ата-энеси келе жатышат. Эртең келип калышса керек.

– Эй, бир элбиз го. Энесин көмгөнчө эмне болуп баратасыңар?

Унчукпай калышты. Айтарга сөз таппай дарбазадан ыңгайсыз болуп чыгып кетишти.

– Сөөк коюлчу күнү акмалап туруш керек!

– Ооба. Тиги келин менен күйөөсүн да сөөк коюлганча кармап туралы. Кийин деле чечишип алышар.

Экөө өздөрүнчө кобураша баратышты.


ХХХ


Айылдын четиндеги мүрзөгө Камчынын жанына коюлмак. Азамат апасы жаткан табыттын аркасында баратты. Мүрзөнү көздөй чубалган адамдарды утурлап райондон келчү жолдон милициянын унаасы келе жатыптыр. Жол жээкке токтоп калды. Унаанын тушунан өтүп бара жатып, анда арткы орундукта башын жерге салып отурган Айсулууну Азамат жазбай тааныды. Жүрөгү мыкчыла түштү. Апасы менен кошо жакшы жашоого болгон үмүтү да жоголуп бараткандай...


 

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(10)
05.06.2018. 09:14 
Тайпасы:
Жаран
Комментарийлердин саны:
11
Катталган:
05-05-2015
Соӊку аракети:
07-07-2018 00:07
Жынысы:
Белгисиз
+8
Мынча кооп жазгансынар окуп буто албайсын рахмаат кооп кооптон жазганынарга
05.06.2018. 09:37 
Тайпасы:
Жаран
Комментарийлердин саны:
48
Катталган:
09-08-2017
Соӊку аракети:
14-11-2018 21:31
Жынысы:
Белгисиз
+4
Ыйлап, ыйлап алдым го.
05.06.2018. 10:31 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
17-11-2018 10:53
Жынысы:
Белгисиз
+3
журокту эздиго байкуш
05.06.2018. 10:43 
Тайпасы:
Жаран
Комментарийлердин саны:
2
Катталган:
01-12-2014
Соӊку аракети:
17-11-2018 13:12
Жынысы:
Белгисиз
Калаасы:
Бишкек
-1
Буттубу ошондо.
05.06.2018. 10:55 
Тайпасы:
Жаран
Комментарийлердин саны:
793
Катталган:
21-05-2016
Соӊку аракети:
16-11-2018 22:22
Жынысы:
Белгисиз
+3
Желмогуз Айсулуу...
05.06.2018. 11:56 
Тайпасы:
Жаран
Комментарийлердин саны:
37
Катталган:
31-12-2017
Соӊку аракети:
06-11-2018 17:30
Жынысы:
Белгисиз
+11
Ээх тагдыр... ушунун баарына Айсулуу беле ошол куноолу. Жакшынакай куйоосун сыйлап жашай берсе болмок. Кыз болуп тийбегенден кийин. Эшшееекк!!!
05.06.2018. 15:01 
Тайпасы:
Жаран
Комментарийлердин саны:
30
Катталган:
23-11-2017
Соӊку аракети:
16-11-2018 14:59
Жынысы:
Белгисиз
0
Эми Азамат камалат окшойт
05.06.2018. 22:48 
Тайпасы:
Жаран
Комментарийлердин саны:
168
Катталган:
26-03-2014
Соӊку аракети:
17-11-2018 11:49
Жынысы:
Белгисиз
0
Иий жүрөктү эзди го
06.06.2018. 00:39 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
0
Айсулуунун акылсыздыгынын айынан
07.06.2018. 02:01 
Тайпасы:
Жаран
Комментарийлердин саны:
25
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
0
"Жанын оозуна тиштеп, жөлөп-таярга эч ким жок болсо да, колу менен жер тытып жетип барууга даяр" ушул бир сүйлөм, жүрөктүн түпкүрүнө жетип барып жайгашты! Аябай башкача кабыл алдым!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: