Нурлан Насип: “АСЕЛ КЛАССТАШТАРЫМА КЫЗМАТ ӨТӨДҮ”

25-май – бүтүрүүчүлөр күнү айрым ырчылар үчүн да өзгөчө майрам болду. Алар 10, 20 жылдап көрбөгөн классташтары менен болгон жолугушуу кечеси тууралуу кызыктарды айтып беришти.

-Туулган айылыма бара элегиме 7 жыл болуптур. 9-классты бүтүп келгендиктен айрым классташтарымды 12 жылдан бери көрө элек экем. Мен алгач айылыма бекер концерт уюштуруп, андан соң классташтар менен жайлоого чыгып 3 боз үй тигип, жылкы союп, сайрандадык. Асел классташтарга чай куюп, келиндик кызматын аткарды. Анан, албетте, арабызда “балалык сүйүүм сен элең, сага айта албай калдым” деп армандарын айткандар болду (күлүп). Белек катары мугалимдердин үйүнө керектүү буюмдарды сатып алдык. Ошондой эле мектепке проектор, керектүү жабдууларды алып, айылдын мечитин оңдоп бердик.

Эрнест Бөрүбаев, ырчы, тамада: “КЛАССТАШТАРЫМДЫ ТААНЫБАЙ КАЛЫПМЫН”

-Мен Өзгөн районундагы Жыланды айылында мектепти аяктагам. 10 жылдыкка барган эмес элем, 20 жыл аралыгында айрымдарын тааныбай калыпмын. Мени көрүп “сиз да ушул жактан болосузбу?” деп таң калгандар болду. Ичим ачышканы айрым классташтардын арабызда жоктугу, мугалимдердин карыгандыгы. Кечээ эле мектепти бүткөндөй болдум эле, убакыт билинбей өтө берет экен да. Мугалимдерге үй буюмдарын, мектепке компьютер белек кылдык.

Азиза, ырчы: “20 ЖЫЛДЫККА БАРГЫМ КЕЛГЕН ЭМЕС”

– Мурун 10 жылдыкка барганда жаш экенбиз да, 90 пайыз аяштарыбыз классташ балдарыбызды бизден кызганышкан эле. Ошол отуруш көп жакпай, 20 жылдыкка барбайм деп сөз бергем. Бирок кайра эле классташтар чогулуп баштаганда чыдабай кошулуп алдым, чогуу окуган балдар-кыздарды көргүм келди, сүйлөшүп отургум келди. 20 жылдык мага жакты, мурун жолдошторун кызганган аяштарыбыз менен камыр-жумур болуп, жакшы отурдук. Алгач Токтогулда кафеде отуруп, кийин Чычкан капчыгайында эс алдык. Мугалимдерге акчалай, буюмдарды белекке бердик. Мен кошумча музыкалык аппарат, тамаданы моюнума алдым.

Мындан сырткары Аваз Акимов Түштүк Кореяда жүргөнүнө байланыштуу 10 жылдыкка келе албаганын айтат. Кубаныч Сатаев, Кубаныч Ажыбаевдер да айылына барып 20 жылдыгын белгилеп келишти. Ошондой эле актёр Марат Жанталиевдин мектепти бүтүргөнүнө 40 жыл болуптур.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (12)

Meni_unut

2018-06-05 10:16:29

Охоо 7жылдан бери дейт го Нуке

fantomas

2018-06-05 11:04:16

7 жылдан бери оз айылына барбаганына уялуунун ордуна сыймыктануу менен суйлоптур го...

Болбосо гастролдоп канча журот, ошол жерден ар айда канча жолу ары-бери отот...

Башкасы болсо ушул созду айтуудан арданмак...

+26

nurhan2702

2018-06-05 12:26:35

Эрнест Борубаевдин интервьюсу жакты . Чындап эле кандай гана окунучтуу кечээ мектепти аяктагандай болобуз .Бирок коп нерсе озгоруп копчулугу арабызда жок .эхх омур, омур

+20

Djal1987

2018-06-05 12:54:22

Аялынды мага корсот мен кандай эркек экенинди айтам. Классташтар жолукканда билинет аялдарын коруп, ким кандай эркек экенини.

Pandora

2018-06-05 14:02:49

Djal1987,"аялдарын коруп ким кандай эркек экенин эмес"- досундун кандай болуп озгоргонун коруп аялынын кандай экенин билсен болот

Бул соз кобунчо классташ кыздардын куйоосуно тууру келчуудой. А классташ балдарга "Сени коруп аялын кандай экенин айта алам"- десен болчуудай. "Аял жакшы,эр жакшы"-деген соз бекеринен айтылган эмесго дейм.Аялы жакшы болгон учун келип отлтурат,жаман аял эрди тууган уруктан да,достон да ажыратат.

-2

Djal1987

2018-06-05 15:54:10

Pandora,тоо десе бээ дебечи. Бар лолулорго тийип алгыла. Бир жолу олдунорго аялдан умут кылып. Силерди тогуз ай которуп тун уйкусунан ойгонуп багып чонойтуп койду жетишет эркек болгулачы ары шолбуробой. Иштеп чон чон басып тарс тарс суйлоп уйбулоонорду багып. Аялдын этегине жармашып жашабай.

+19

kyrgyzstan00

2018-06-05 14:09:58

Вай Нурлан 7 жылда барбаГаны жаман болуптур. Тоа.

+10

Busi06

2018-06-05 16:08:42

Каякты караба Нурлан Асел уже ззззз аллергия

+17

aman0296

2018-06-05 20:58:56

Анжелика, Самарахон жокко

D.Uezalieva

2018-06-06 12:54:14

aman0296,эмки сандан орун алып коюшса керек да)))

Nuri1988Elim2010

2018-06-06 13:28:01

Асель байкуш аябай кызмат кылган турбайбы

naida81

2018-06-06 17:37:57

Замир Арыкбаев да барып келди 20 жылдыкка. Ырчы шоу бизнес окулдорун алып барып айылына чон майрам уюштуруп берди

Комментарий калтыруу үчүн өз ысымыңыз менен кириңиз же каттоодон өтүңүз.

№ 813, 1-июнь -7-июнь, 2018-ж.