Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БЕЛГИЛҮҮ «БЛОНДИНКА» АЙЫМДАР

№397 11-17-июнь, 2010-ж


“Блондинка” айымга ата-энеси телефон чалып “кызым, эмне үчүн бизди тоюңа чакырган жоксуң?” дешсе, кызы “силер да мени өзүңөрдүн тоюңарга чакырган эмессиңер” деп жооп берген экен. Сары чачтуу айымдар тууралуу мындай анекдоттор дегеле толтура. Бирок бул чыныгы сары чачтуу айымдарга арналган. Биз бүгүн атактуу, таланттуу, акылдуу “блондинка” айымдар тууралуу кеп кылмакчыбыз.

“БЛОНДИНКА” ДЕГЕН КИМ?
“Блондин” “blondine, blond” француз сөзү, которулганда “ачык түс” дегенди түшүндүрөт. Ал эми “блондинка” деп чачы сары түстүү айымдарды айтып келебиз. Бул сөздүн көпчүлүккө тараган каймана мааниси – аң-сезими чектелүү, интеллект жактан тайкы айым. Кандайча келип чыкканы баарына эле кызык болсо керек. Сары чачтуу айымдар табиятынан сулуу келишет. Анан жашоодо бардык ийгиликке сулуулугу аркылуу тез жетишет экен. Муну кара чачтуу айымдар көрө албай “сары чачтуу айымдардын акылы кем болот” деген кеп таратышкан. Эл арасында бул жөнүндө түрдүү мүнөздөмөлөр айтылып келет.
“Блондинка” айымдар тууралуу 5 мүнөздөмө бар. Алар:
1. Акыл-эси чектелүү, интеллекти төмөн.
2. Канчалык сулуу болушса да, мырзалар аларга оңой менен үйлөнүшпөйт. Аларды кооз буюм катары көрүшөт.
3. Мүнөзү дал периштеникиндей.
4. Күлгүн түстү өзгөчө жакшы көрүшөт.
5. Назик, наздуу жан.
Окумуштуулар “чын эле сары чачтуу айымдардын интеллекти төмөнбү?” деп чын-бышыгын изилдеп, алардын IQ коэффициенти катардагы кара чач айымдан кем эмес экендигин далилдешкен.

ШАРЛИЗ ТЕРОН
Африканын сулуусу Шарлиз Терон өзүнүн ак жуумал жүзү, сары чачы менен канчалаган мырзалардын эсин тандырып келет. “Блондинка” айымдарга тиешелүү сапаттардын бирин да бул актрисадан көрө албайсың. Ал эмгекчил, таланттуу ошондой эле ажарлуу. Сары чачтуу айымдар өзүнүн сулуулугун баса белгилейт эмеспи. Бул айым, тескерисинче, өзүн баалап, сулуумун деп эсептебейт. “Блондинка” айымдар тууралуу 5 мүнөздөмөдө “аларга эч ким үйлөнбөйт” деп айтылат. Ушул мүнөздөмө Теронго эмнегедир туура келип калат экен. Сүйгөнү Стюарт Таунсенд менен 9 жылдан бери жарандык никеде жашашат. Баш кошуу тууралуу ойлонуша элек. Ким билет, мүмкүн, Стюарт мүнөздөмөгө ишенип жүргөндүр.

ОЛЬГА БУЗОВА
Ольга Бузова көпчүлүккө "Дом-2" теледолбоорунан улам таанымал. 24 жаштагы Ольганын келбети, кийингени, өзүн алып жүргөнү баарыбыздын көз алдыбызга тартылган чыныгы “блондинка” айымды элестетет. Бирок ал андай эмес. Ольга орус, англис, немис, литва тилдеринде эркин сүйлөйт. Бир кезде аталган долбоордун катышуучусу болсо, азыр алпаруучусу. Бул да болсо анын жетишкендиги. Бош убактысында китеп жазат. Бүгүнкү күндө мода боюнча жарык көргөн эки китептин автору. Сары чачтуу айымдарга карата мүнөздөмөдө “алардын мүнөзү периштеникиндей болот” деп айтылат. Бузованын мүнөзү анчалык мактоого татыктуу болбосо да, “анын көзү дал периштеникиндей, адамды эритип гана жиберет” дейт аны жактырган жигиттер.

КСЕНИЯ СОБЧАК
Теледива Ксения Собчак "бүгүнкү ийгилигине атасы, Санкт-Петербург шаарынын алгачкы мэри Анатолий Собчактын артынан жетти” дегендер көп. Ал “атамдын фамилиясы, кызматы мүмкүн мени популярдуу кылгандыр. Бирок негизгиси бул – өзүмдүн талыкпаган эмгегим” дейт. Ксюша кесиби боюнча дипломат жана саясат таануучу. Ким билет, балким, кесиби менен иштесе бүгүнкүдөй таанымал болот беле?.. Кандай гана болбосун, биз аны таланттуу телеалпаруучу катары билерибиз бышык. Демек, бул бийкечти да чыныгы "блондинканын" катарына киргизе албайбыз. Анын интеллектуалдык деңгээли абдан жогору десек жаңылбайбыз.

ПЭРИС ХИЛТОН
Актриса, фотомодель күлгүн түстү абдан жакшы көрөт. Анын гардеробунун 50 пайызын күлгүн түстөгү кийимдер жана аксессуарлар түзөт. Актриса "бул маанайды көтөргөн, бакытты чакырган түс" деп келет. 2008-жылы Пэрис: "АКШнын президенти болгондо Ак үйдүн тышын күлгүн түскө боёйм”,- деп айткан. Мындай жоруктарынан улам ал Голливуддун супер "блондинкасы” деп аталып келет. Бирок Перисти жазуучу жана ишкер айым катары тааныгандар муну жокко чыгарат. Интеллекти төмөн адамдын жылдык кирешеси орто эсеп менен 10 миллион доллар болбосо керек.

ШЭРОН СТОУН & ПАМЕЛА АНДЕРСОН
Американын атактуу актрисалары Памела Андерсон менен Шэрон Стоун учурда Голливуддун атактуу “блондинка” айымдарынын катарында. Ажарлуу актрисалардын сырткы келбети чыныгы “блондинка” айымдарды көрсөтсө, интеллект жагынан окумуштуу Эйнштейнге бир аз эле жетишпейт экен. Алардын IQ коэффициентин текшергенде Стоун да, Андерсон да 150 балл топтогон. Ал эми норма 90 балл болуп эсептелет. Баарыбызга белгилүү болгондой эле окумуштуу Эйнштейндин IQ коэффициенти 160. Демек, бул сулууларды чыныгы "блондинка” дегенге такыр болбос.

Дүйнө жүзүндө 31-май – “Блондинка” айымдардын күнү деп белгиленет. Көп жерлерде бул майрамда сары чачтуу айымдар үчүн түрдүү сынактар уюштурулуп, жеңүүчүгө бриллиант менен кооздолгон шиш такалуу туфли берилет. Көбүнчө кыздарды бийик такалуу туфли кийгизип жарышка түшүрүшөт.

БУЛАР ДА "БЛОНДИНКА" АЙЫМДАР:
Бритни Спирс;
Скарлетт Йоханссон;
Хилари Дафф;
Кирстен Данст;
Жессика Симпсон;
Кейт Бланшетт;
Сиенна Миллер;
Гвен Стефани;
Хайди Клум;
Риз Уизерспун;
Кайли Миноуг;
Клаудия Шиффер;
Кристина Агилера;
Камерон Диаз;
Лера Кудрявцева;
Анастасия Волочкова;
Анна Курникова;
Вера Брежнева.


Шоу-бизнес жаңылыктары

ЛЕДИ ГАГАНЫН КЕЗЕКТЕГИ ТРИУМФУ
Леди Гага "World Music Awards" сыйлыгында беш наамды илип кетти. Аткаруучу “Мыкты дебют”, “Мыкты поп-рок артист”, “Жылдын синглы” “Таанылгыс жүз” ("Poker Face"), “Жылдын мыкты жыйнагы” ("The Fame" альбому) жана "Түштүк жана Түндүк Америкадагы суроо-талап көп түшкөн артист" деген сыйлыктарды алды. Ошол эле сыйлык тапшырууда “Black Eyed Peas” тобу “Поп жана R&B жанрындагы мыкты артист”, “U2” тобу “Мыкты рок группа”, “Жылдын мыкты продюсери жана ди-джейи” деп Дэвид Гетта табылды.

МАЛИКОВ ЭЛ АРТИСТИН АЛДЫ
Ырчы Дмитрий Маликов Орусиянын Эл артисти наамын алды. 40 жашында мын­дай сыйлыкты алган Маликовдун төбөсү көк­кө жетип турган чагы. Сыйлык тапшыруу салтанатында ырчы Дмитрий өлкөнүн ажо­­­­­­­су Дмитрий Медведевге жана өзүнүн күйөрмандарына, жакындарына колдоо көрсөтүшкөнү үчүн ыраазычылыгын билдирип өттү.

ЖАҢЫЛАНГАН “THE PUSSYCAT DOLLS” АЛГАЧКЫ КОНЦЕРТИН БЕРДИ
The Pussycat Dolls” тобу таркайт” деп жүрүп, курамы дээрлик толугу менен жаңыланды. Бул тууралуу топтун негиздөөчүсү, белгилүү хореограф Робин Антин “Топто Николь Шерзингерден башкалардын баары алмашат” деген эле. Андыктан топ жаңыланып, Кэрингтон Пейн, Рино Накасон-Разалан, Ванесса Карри, Жейми Ли Руис деген жаңы ысымдар пайда болду. Жада калса, жаңыланган топ Лос-Анжелесте алгачкы концертин да беришти.

КОСТНЕР БААТЫР АТАБЫ?
55 жаштагы атактуу актёр Кевин Костнерге “баатыр ата” наамын ыйгарыш керек болду окшойт. Себеби ал жакында 7-жолу ата болду. Ымыркайга актёр жубайы Кристина менен кеңешип Грейс Эйвери деген ат коюшту. Эске салсак, 6 жылдан бери чогуу жашаган Кевин менен Кристина 3 баланы тарбиялашууда. Ал эми биринчи никесинен 3 баласы бар.

ВОЛКОВА ЭМИ БОЙДОК
“Тату” тобунун ырчысы Юля Волкова жолдошу Парвиз Ясинов менен ажырашты. Себебин ырчы кыз “ортобуздагы алоолонгон сүйүү оту үч жарым жылдын ичинде өчүп калды. Мен эркиндикти каалайм, жолдошум буга каршы болуп келет. Эми өз каалаганымды аткарам. Ич кийим менен сахнага чыксам да, мага эч ким тыюу салбайт” деп түшүндүрдү. Эскерте кетсек, Волкова менен Ясиновдун ортосунда 2 жаштагы Самир аттуу уулу бар.

КИРКОРОВ ПУТИНДИН БЕЛЕГИН САТЫП ЖИБЕРДИ
Дима Билан продюсери Яна Рудковская менен бирге Сочи шаарында майып балдарга жардам берүү максатында кайрымдуулук аукционун өткөрүштү. Анда Орусиянын популярдуу жылдыздары өз буюмдарын аукционго коюшкан. Мисалы, Филипп Киркоров Владимир Путинден белекке алган кол саатын “майып балдар үчүн аябайм” деп аукционго коюп, 80 миң рублга өткөрдү.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: