реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta
lager gazeta

Жол кырсыгынан каза тапкан Сания Шакированын апасы: "Кызымды Кудай эрте алып кетерин билип ийгиликтерди берди окшойт"

№814 8-июнь -14-июнь, 2018-ж.


Сания Шакирова 2018-жылы 28-марттан 4-апрелге чейин Вьетнамдын Нячанг шаарында өткөн «Miss Universe Beauty» (Турмуш курган эң сулуу келиндерди аныктоочу дүйнөлүк сынак) эл аралык сынагына катышып, «Missis world 2018» («Дүйнөнүн сулуу айымы-2018») наамын жеңип алган.

КЫРСЫК...
2-июнда саат 21:30дар чамасында Балыкчы-Ананьево-Каракол жолунда жол кырсыгы катталган. Унаада 1 айдоочу жана 2 жүргүнчү болгон. Алар Ысык-Көлдөн Бишкекти көздөй бара жатып Чок-Тал айылынын кире беришиндеги мүрзөнү курчаган дубалды сүзүп алган. Окуя болгон жерден "Дүйнөнүн сулуу айымы-2018" наамынын ээси Сания Шакирова каза болуп, жанындагы 31 жаштагы жүргүнчү алган жаракатынан улам Чолпон-Атадагы ооруканага жеткирилген. Ал эми айдоочу туугандары тарабынан Бишкек шаардык №4 ооруканага жеткирилген. Учурда бул факт боюнча Кылмыш-жаза кодексинин 281-беренеси (транспорт каражаттарынын кыймылынын жана аларды пайдалануунун коопсуздук эрежелерин бузуу) менен кылмыш иши козголуп, тергөө иштери жүрүп жатат.

Сания Шакированын сөөгү 4-июнда жерге берилди. 12-июнда маркум 31 жашка чыкмак...

МОСКВА...
Кызынан айрылып, кан жутуп отурган Саниянын апасы Насипа Мамбеталиевага байланышып, азасы менен тең бөлүштүк. Көзүнө жаш алган эне кызы тууралуу буларга токтолду.
– Менин 4 кызым, 1 уулум бар. Сания кичүүсү болчу. Жакында туулган күнү болмок, ошого жетпей кетти, байкушум. Кичинесинен колу эптүү, бир нерсе жасай койгонго шыктуу эле. Чачтарды жасалгалап, өрүп эле отурчу. Сания 17 жашында үй-бүлөлүк шарттарга байланыштуу Москвага иштегенге кетти. Ал кез кыйын замандар болчу. Ал жакта 10 жыл жүрдү. Алгач сулуулук салондо чач жасалгалап жүрүп, кийин маникюр жагына өтүп кетти. Өзгөчө дизайндарды ойлоп тапчу. Иштерин интернет аркылуу мага жиберип калчу. Орусиялык жылдыздар Ольга Бузова, Маша Малиновская, Авраам Руссо менен иштешти.
Ата-эне балдарынын ийгилигине кубанат да, бири президенттигине сыймыктанса, экинчиси министрлигине сыймыктанат. Мен кызымдын жакшы иштеп кеткенине, ошол ишинен ырахат алып жатканына кубанчумун. Ксения Бородинанын салонунда иштеп жүрдү. Москвада жүрүп турмушка чыкты. Күйөөсү Москвадагы ИИМдин академиясында окучу экен. Экөө бири-бирин аябай жакшы көрүшчү. Ортолорунда үч баласы бар. Күйөө бала түштүк тараптан болчу. Балким, менталитет дагы өз ролун ойнодубу, кийин ажырашып кетишти. Биз ажырашты дегенде эле бет карашпай калганды түшүнөбүз, алар андай эмес эле. Ортолорунда сый, түшүнүшүү, достук бар болчу. Сания каза болгондо мурунку күйөөсүнүн туугандары ата-энеси менен келип топурак салып кетишти. Күйөө бала аябай ыйлады.

СУЛУУЛУК СЫНАГЫ...
– Кызым эмгекчил, тырышчаак болчу. Иштеп жүрүп өз күчү менен бутуна турду. Үй, машина алды. Москвадан келип алгач Кара-Балтага сулуулук мектебин ачкан. Өзү окутуп тажрыйбасы менен бөлүшчү. Анан Бишкекке ачты. Мода индустриясында жүрүп кыргыздын жылдыздары, таанымал адамдары менен иштешип калды. Ассоль Молдокматова менен жакшы мамиледе болчу. Бир жолу аны менен чогуу Парижге Вячеслав Зайцевдин юбилейине барып калышат. Белгилүү адамдар көп болгон экен, Санияга суктанышыптыр. Ассоль «сен дүйнөлүк сынакка катышсаң болчудай» десе, Сания тамаша катары кабыл алып күлүп коюптур. Келбети, жүзү чын эле сулуу болчу. Үч баланы төрөдү деп эч ким ойлочу эмес. Баары ошондон башталып, 1 айдан кийин Вьетнамга уча турган болушту. Ассоль анкетасын жиберсе, тиги жактан кабыл алышып, бир жума калганда «Дүйнөлүк сулуулук сынагына катышасың, даярдан» дептир. Сания үчүн да бул бир ачылыш болду. Бир жума ичинде эле дефиле, кийим-кечегин даярдап учуп кетти.
Сынак болор күнү телефон чалсам албайт, интернетти карайм, жок. Аябай кабатыр болдум. Бир маалда биздин саат менен 8де байланышка чыкты. «Апа, мен Гран-прини алдым» деди. Сүйүнүчтөн ыйлап жибере жаздадым. Мен жеңерин деле билген эмесмин, «ушундай мүмкүнчүлүк болуп жаткандан кийин эми катышып келсең эле жакшы. Иштериңе да жакшы, дүйнөлүк сулуулук сынагына катышып келди дешет» деп айткам. Анан Гран-прини алып жатпайбы. Телефондон сүйлөшүп бүтүп эле жакындарыбызга сүйүнчүлөп баштадым. Сыймыгым менин... (ыйлап).
Таажысынын салмагы 3 жарым килограмм болчу. Колго жасалган асем буюм. Кайсы бир сынактарда улам өткөрүлүп берилет го, бул таажы ага өмүр бою берилген, андан тышкары 5 миң долларлык акчалай сыйлык, сертификат, Италияга жолдомо беришкен. Июль айында Италияга кетмек.

КАРГАША...
– Сания бардык жаңылыктарын мага айтчу. Жигити тууралуу да айткан, аны 1-2 жолу көргөм. Бирок энемин да, «кызым, үч балаң менен турмушка чыкпай эле койбойсуңбу? Үйүң, машинаң, ишиң бар. Эми эмнеге турмушка чыгат элең?» деп бир ооз айткам. Мага Ысык-Көлгө кетип жатканын айткан эмес, балким, ошол сөздөрүмдөн улам мени каршы болот десе керек. Ал жактан жигити Саниянын колун сурамак экен. Таптакыр түшкө кирбеген иш болду. Ошол күнү сүйлөшкөм. Кийин чалсам эле телефону өчүк. Эч нерсени сезген эмесмин, аян да бербеген, али деле ишенгим келбей жатат.
Машинада айдоочу, жигити, өзү бар экен. Кырсык кандай болгонун билбейм, иш тергөөдө. Жигитинин атасы келип топурак салып кетти. Айтымдарында, ал дагы оор абалда экен, ошол күнү ага да операция жасалмак дешти.
Саниянын мүнөзү элден башкача болчу. Бир нерсени сүйлөсө да сулуу кылып кооздоп айтып берчү. Тамашакөй эле. Ичинде кири жок, жаркылдап жүргөнү үчүн эл жакшы көрчү. Зыйнатына келген кишилерди көрүп кызымдын баркын билдим. Биз тууган-урукка эле кабар бергенбиз. Саниянын өзүн билген адамдар чууруп эле келип жатышты. Өлөргө жакын аябай сулуу, мээримдүү да болуп кеткен. Акыркы 4-5 айда иштери да жакшы жүрүп жаткан. Балким, Кудай алып кетерин билип ошонун баарын бердиби деп ойлоп кетем. Аркасында 2 кыз, 1 уулу калды. Мен аларды апасы каалагандай тарбиялап чыгарам.

«Сания кырсыкка кабылган машинанын абалы».
««Балдарына өтө камкор эне болчу».

Нуржамал Жийдебаева
koom@super.kg


Жол кырсыгынан каза тапкан "Дүйнөнүн сулуу айымы-2018" наамынын ээси жакында турмуш куруу алдында турган

Автор: Айсалкын Качкынбекова
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(13)
Super TV
05.06.2018. 09:15 
Тайпасы:
Жаран
Комментарийлердин саны:
41
Катталган:
12-12-2017
Соӊку аракети:
19-06-2018 15:02
Жынысы:
Белгисиз
Калаасы:
KG.
0
Кечээ жакында эле Фейсбукка берген Интервюсун окуп аябай кубанып, сыймыктандым эле..((
А бугун болсо жок...ээх, кандай гана окунучтуу...
Алдыга койгон кандай гана сонун максаттары бар эле бул эженин...
Аллахым Бейишинен орун берсин...(Амиийнь)
12.06.2018. 09:23 
Тайпасы:
Жаран
Комментарийлердин саны:
107
Катталган:
14-02-2016
Соӊку аракети:
19-06-2018 09:11
Жынысы:
Белгисиз
Калаасы:
Кыялдарда
+17
Чынында Ассоль жазып чыкты го,жигитинин уй булоосу,балдары бар экен.Кандай бети жок акмак?Тируу аялы туруп,башкага коз артып?Машина эзилип эле калыптыр,тиги экоондо эч нерсе жок,а Сания олуп калды.Ассоль жазды го "у него ни царапинки" деп.Ото тан калыштуу окуя
12.06.2018. 09:24 
Тайпасы:
Конок
Комментарийлердин саны:
3
Катталган:
23-04-2018
Соӊку аракети:
20-06-2018 14:17
Жынысы:
Белгисиз
0
Эхх ыйлап алдым окуп.Жайы жанаттан болсун.
12.06.2018. 09:46 
Тайпасы:
Жаран
Комментарийлердин саны:
137
Катталган:
13-05-2016
Соӊку аракети:
20-06-2018 09:23
Жынысы:
Белгисиз
+1
Жаткан жери жайлуу болсун,орозо мезгилде отту жакшы кундору
12.06.2018. 10:42 
Тайпасы:
Жаран
Комментарийлердин саны:
225
Катталган:
14-05-2017
Соӊку аракети:
20-06-2018 15:19
Жынысы:
Белгисиз
+3
Ии жакындарына сабыр тилейм... Супер Инфо, дуйнолук СУЛУУ АЙЫМ конкурсунда женген эмес Сания.. а Вьетнамда откон ДУЙНОЛУК СУЛУУ АЙЫМ ФЕСТИВАЛЬда женген... тактык учун....
12.06.2018. 10:55 
Тайпасы:
Жаран
Комментарийлердин саны:
225
Катталган:
14-05-2017
Соӊку аракети:
20-06-2018 15:19
Жынысы:
Белгисиз
+2
Жааакшынакай ажарлуу экен. Аттин... кудайым суйгон пендесин эрте алып коет деген чын белем. Периште... жаткан жерин жайлуу болсун..
12.06.2018. 12:15 
Тайпасы:
Жаран
Комментарийлердин саны:
147
Катталган:
11-01-2017
Соӊку аракети:
20-06-2018 14:43
Жынысы:
Белгисиз
+5
Семьясы туруп, семьялуу эркек менен мамиле курганына тан каласын да.
12.06.2018. 12:19 
Тайпасы:
Жаран
Комментарийлердин саны:
126
Катталган:
05-11-2016
Соӊку аракети:
20-06-2018 02:43
Жынысы:
Белгисиз
+6
Жигит соройундо кептин баары. Аялы балдары бар эле туруп жашырып бойдок болуп уй булоосун жашырган. Сания билип калып уруш чыккан болуш керек. Былчыйган машинадан ал да тируу чыкмак эмес эле. ( царапинасы жок бутун бойдон деп айтышты го)
12.06.2018. 12:43 
Тайпасы:
Конок
Комментарийлердин саны:
0
Катталган:
07-06-2018
Соӊку аракети:
20-06-2018 12:36
Жынысы:
Белгисиз
0
Ушундай айымдын каш кабактын ортосунда эле каза болуп калганын угуп ичиң туз куйгандай эле ачышат экенда
12.06.2018. 15:09 
Тайпасы:
Конок
Комментарийлердин саны:
33
Катталган:
05-05-2018
Соӊку аракети:
20-06-2018 14:28
Жынысы:
Белгисиз
+4
Айдоочулар кантип дити барат,адам омурунон коркпой,спирт ичимдигин ичип??Тоба бул жакта го биз учун адам олду деп окуп кою оной болгону менен,артында жакындары сыздап жатышат,Жаткан жери жайлуу болсун,жакындарына сабыр
12.06.2018. 15:40 
Тайпасы:
Жаран
Комментарийлердин саны:
68
Катталган:
15-03-2017
Соӊку аракети:
20-06-2018 15:20
Жынысы:
Белгисиз
+3
Кудай бейишин берсин. Курулай дооматтан бей ажал олумдон сактасын тооба кылдым. Айтылбай келген кырсыктан сактасын Кудай.
12.06.2018. 16:34 
Тайпасы:
Жаран
Комментарийлердин саны:
14
Катталган:
18-09-2017
Соӊку аракети:
20-06-2018 14:37
Жынысы:
Белгисиз
Калаасы:
♡Love♡
+1
Бугун Туулган куну экен эле... (
12.06.2018. 17:12 
Тайпасы:
Жаран
Комментарийлердин саны:
17
Катталган:
19-02-2014
Соӊку аракети:
20-06-2018 03:37
Жынысы:
Белгисиз
0
Сания жаткан жерин жайлуу болсун.аябай шайыр кыз элен.балдарынын атасы Марат дагы жакшы адам болчу.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 4 колдонуучу (Катталган: 0, коноктор: 4) бул макалага кирди:

Макалалардын саны:
20802;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: