Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№815 15-июнь -21-июнь, 2018-ж.


(Башы өткөн сандарда)


ххх


– Ата!- кыз уйкудан ойгонуп эле атасын издеди. Кечээ ыйлап жатып уктап калган.

– Ойгондуңбу, кызым?- Айсулуу аны тиктеп турган экен.

– Атам! Атама байам,- кыз оозун кемшейтип ыйлаганга даярданып калды.

– Кызым, мен бүгүн сага кооз көйнөк алып берейинби?

– Жок! Мен атама байам,- кыз ыйлай баштады.

Кыздын көз жашы тыйыла турган эмес. Башка нерсеге алаксып да кетпейт экен. Бир күн ыйлады, эки күн... Бирок атасы келбеди, аны атасына алып барышкан жок. Бир жума бою Айсулуу аны айланчыктап жүрдү. Бир да жолу үнүн көтөргөн жок, ыйлаганына да, чыркыраганына да кайыл болуп чыдады. Баары бир Айназик менен Айсулуунун ортосунда белгисиз бир байланыш бар экен. Экөөнү ошол байланыш жакындата берди. А Тимур болсо унчукпай гана жүрөт. Жок. Кыз ага чоочун болчу...


ххх


Баягы караңгы бөлмөгө Азаматты дагы алып келишти. Бөлмөдөгү столдун үстүн эскилиги жеткен лампа жарык кылып турат.

– А Азамат, келдиңби? Так, сенин үстүңдөн айылдашың Улан да арыз жазган, билесиң да, ээ?

– ...

– Кыскасы, 10 миң долларга чукул акчасы жоголгон. Табыла элек. Мындан 3 жыл мурун сен айылыңдан из жашырып качкан күнү акча да жоголуп отурат. Кимден шектенмек эле мындайда?

– Анын акчасын алган эмесмин.

– Анан ким алган?

– ...

– Сен алгансың... Күбөлөр бар.

Ошол түндү эстеди Азамат. Жок, аны эч ким көргөн эмес. Күбө болушу мүмкүн эмес. Бирок ошол кылыгы үчүн өзүнөн-өзү уялып кетти. Ооба, арга жок болчу. Аргасыздык аны ошол жолго түрткөн. Анда эмне, кылмышты моюнга алуу керекпи? Моюнуна алса эле күнөөсү жуулуп кетеби? Анда кызы менен жолукчу күн алыстайт. Ал кылмышы үчүн жок эле дегенде 3 жыл беришет. Жалпы 10 жылга камалып кетүүсү мүмкүн. Башы ооруп чыкты.

– Айт, моюнуңа аласыңбы күнөөңдү?

– Жок.

–Аласың, кайда барат экенсиң? Сенден кыйындарды сындырганбыз. Сен эмне болуп калыпсың. Саке-е...- кимдир бирөөнү чакырды тергөөчү.

– Эмне болду?- арыкчырай жигит кирип келди.

– Уурдаган... Болгондо да киши уурдаган. 10 миң доллар уурдаган. Эми баягыдай, тойгончо жеп, өлгөнчө карганып жатат...

– Булар ушинтет... Жакшылыкты билишпейт, жакшы сөздү угушпайт. Эй, “моюнума алам, уурдаганым чын, кечирим сурайм” десең күнөөң жеңилдегени жатпайбы?!

– Жок!- деди Азамат тиштенип.

– А балким уурдаган акчаңдын жарымын береттирсиң, жазаңды жеңилдетебиз...

– Алган эмесмин.

– Ме сага!- колундагы дубинкасы менен жондон ары тартып алды Саке дегени. Азамат жалтактап кетти. “Моюнума албашым керек” деди ичинен.

– Жакшы сөз түшүнбөйт булар, колун аркага кылчы мунун,- Саке дегени көзү кызарып жиндеп чыкты. Адамды кыйноо мунун жумушу болуп калган өңдүү. Арыдагы шкафтан көк желим баштык алып чыкты. Ушу баштыкты башына кийгизип, эки-үч жолу эсин оодаргандан кийин, каалаган киши каалаган кылмышты моюнуна алып сайрап берет. Бул ыкма канча жолу өзүн актаган. Азыр мынабу көк көз сөлдөйгөн жигит да баарын шурудай тизип айтып берип, күнөөнү моюнуна алат. Кайда бармак эле? Колу аркасына таңылып отургучта отурган Азаматтын башына желим баштыкты кийгизип баштады милиционер...

Андан кийинкиси элес-булас гана эсинде. Улам дем жетпей эс-учун жоготот. Бул азабы аз келгенсип дүңкүлдөтүп тигил экөө сабайт. Бирок баары бир моюнуна албай койду. Кызына эртерээк жолугушу керек. Чыдашы керек...


ххх


Райондук убактылуу кармоочу жайдын абалы да жыргатарлык эмес болчу. Азамат үңкүйүп дубал карап жатат.

– Айназик эмне кылып жатты болду экен?- деди ал өзүнө-өзү. Кызынын жылмайып жатканын элестетти. “Сонун күлчү эле кыткылыктап. Байкушум балдар үйүндө кыйналып жаткандыр. Аз калды, кызым, баары жакшы болот. Сен апаңа барасың... А мен сага бир күнү барам. Сөзсүз барам...”

Денесинин чолоо жери калбай оорутуп жатат. Мындайда аны кызы тууралуу ойлор гана сооротуп жаткандай.


ххх


– Жейгой, кызым...- Айсулуу Айназикке мээрим төгө карады. Кыз кичинекей колдору менен чоң кашыкты эпсиз кармап тамакка киришти. Чоң кашык аны кадимкидей жүдөтүп жиберди.

– А менин кашыгым кайда?

– Кайсы кашыгың?

– Атам сатып бейген кашык. Ак гүлдөйү бай.

Айназиктин оюнчуктары, кийимдеринин баары калып калган болчу.

– Биз сага башка алып беребиз, ээ?

– Мамалак да жок,- кыз кемшеңдеп кайра ыйламакчы болду. Акыркы күндөрдө ал болор-болбос нерсеге ыза боло бермей адат тапты. Акыркы окуялар ага катуу сокку болгон өңдүү.

– Мамалакты да алып беребиз башка... Мына атаң бүгүн барып алып берет, макулбу?

– Кана атам? Качан келет?- кыздын үнү башкача чыкты. Ал чындап эле түш оой атасы келет окшойт деп ойлоп кетти.

– Мына атаң! Бул сенин чыныгы атаң,- Айсулуунун сөздөрүнө Тимур ыңгайсыз болуп кетти. Эмне деши керек?

– Ооба, кызым, мен сенин атаңмын...

–Ы-кы! Менин атам Азамат. Ал чо-оң киши.

– Жок, ал сенин атаң эмес. Ал сени бизден уурдап кеткен. Мына бул сенин атаң? Көрдүңөрбү экөөңөр окшошсуңар,- Айсулуу Тимурга да жагына сүйлөдү.

– Жо-ок. Менин атам башка!

– Ал сенин атаң эмес. Ал сени таштап кетти го. Сенин ага керегиң жок. Ал келбейт болду. Сени таштап кетип калды.

Кыздын көзү жашка толуп чыкты. Көзүн ирмеп жибергенде тунук жаш ылдый кулады. Бул кабар ага катуу тийди. Ишенер-ишенбесин билбей калды. Бирок атасы сөзсүз келем дебеди беле? Баягы мамалак тууралуу жомоктогудай болот дебеди беле?

Айсулуу кызга Азаматты унуттуруунун жолун тапкандай болду. Кызга аны жаман көрсөтүү керек окшойт. А Тимурду жакындатуу керек.


ххх


Сот иштери бүткөнчө чакырганда келип тургула дешкендиктен Бишкектен убактылуу батирге чыгып алган Айсулуу менен Тимур бул күнү Айназикти шаарга алып чыгып ойнотуп келмей болушту. Бирок кыздын сабыры суз болуп, көңүлү ачылбай койду. “Атаң таштап кетти” деген сөз аны кыжалат кылып жаткандай.

Акыры үчөө оюнчук сатчу дүкөнгө келишти.

– Кана айтчы, бул мамалак жактыбы? Ушуну алып берейинби?- Тимур кызга көздөрү тостойгон оюнчукту көрсөттү. А кыз болсо дароо өз мамалагын эстеди. Күрөң, эскирип бараткан, көздөрү муңдуу мамалак. Бирок ал кандай сүйкүмдүү эле. Анан калса ал кызды жакшы көрчү. Ооба, атасы ошентип айтпады беле. Айназикти өзү издеп келген мамалак да ал. Ал сөзсүз келет. Бир күн келип селкинчекке отуруп калат. Атасы да келет. Мамалак жана атасы чогуу келишет. Көрөсүңөр го... Кыз кыялданып кетти.

– Ушуну алалыбы?- Тимур кайтадан кайталады.

– Жок. Менин мамалагым бай.

– Сонун экен го. Ала бербейсиңби?- Айсулуу да сөзгө аралашты.

– Ыкы,- кыз баш чайкады.

– Анда атаң эмне алып берсин? Айтчы. Куурчак, балким?

– Ал менин атам эмес!- кыз чечкиндүү жооп кайтарды. Тимурдун өңү бозоро түштү.


ххх


– Айсулуу, ал мени кабыл албай койсочу?- Тимур шыпты тиктеп сүйлөдү. Бүгүнкү окуядан кийин өзүнө келе элек болчу.

– Бирок ал сенин кызың да. Убактылуу эле го... Акырындап көнөт сага.

– Сага дароо эле көндү. А мени жанына жакын жолотпойт.

– Ал кичинекей да. Сен атасың, сен ага жакканга аракет кыл.

– Биз бири-бирибизге чоочун экенбиз.

– Антип айтпа, суранам! Эми толук кандуу үй-бүлө болгонубузда артка чегинбе. Биз баарын жеңебиз.

Тимур унчукпай калды. Түпөйүл ойлор жеп жатты. “Балким, мен үй-бүлө үчүн жаралган адам эместирмин? Балким, менде аталык сезим жоктур? Болбосо ушу кызды көргөндө кандайдыр бир сезим ойгонуш керек эле го? Көкүрөктө таптакыр эч нерсе болгон жок. Мага чоочун. Айсулуунун курсагындагы төрөлсө кантер экем? Ата боло аламбы деги мен?..”

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(3)
19.06.2018. 09:28 
Тайпасы:
Жаран
Комментарийлердин саны:
227
Катталган:
10-02-2016
Соӊку аракети:
19-09-2018 13:03
Жынысы:
Белгисиз
+1
2 2 2 2
19.06.2018. 09:33 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
21-09-2018 11:11
Жынысы:
Белгисиз
+3
Байкущ кыз кыйналды т
Азаматта кыйналып бутмой болдуго
21.06.2018. 01:28 
Тайпасы:
Жаран
Комментарийлердин саны:
25
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
0
"Бала - төрөгөндүкү эмес, баккандыкы!" деген сөзгө ынанып кеттим... Жаш балага болгон мээрим өзгөчө! Өзүңдүкү эмес болсода, ушунчалык ширин болушат...
Иий эстесем ичим элжирейт (((
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: