Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

САЯСАТ ЖАНА КООМ ЖАҢЫЛЫКТАРЫ

№397 11-17-июнь, 2010-ж


СЕЛДЕ 2 ЖАШАР КЫЗ КӨЗ ЖУМДУ

Өткөн аптанын соңку күндөрүнөн баштап ушул күнгө чейин өлкөнүн түштүк облустарында катуу жааган жамгырдын айынан көптөгөн айылдарда кыян жүрдү. Жалал-Абад облусунун Базар-Коргон районунда 3-5-июнь күндөрү сел жүрүп, анын зыяны 11 миллион сомдун тегерегинде бааланууда. Өзгөчө кырдаалдар министрлигинин маалыматы боюнча, сел 1100 турак үйгө зыян келтирди. Сузак районунун Кызыл-Туу, Кызыл-Көл жана Көк-Арт айылдарына министрликтин куткаруучулары барып, жергиликтүү эл менен 400гө жакын үйдү ылай суудан тазалап чыгышты.
Ал эми 9-июнга караган түнү нөшөрлөп жааган жамгыр селге айланып, Аксы районуна караштуу Сыны айылынын тургуну Тойчубек Садыровдун үйүн жууп кеткен. Суу эки кызын кошо агызып, 2 жашар Гулира аттуу кыз көз жумган. Төрт жаштагы кызын куткарып алганы менен, ал оор абалда ооруканада.
Ош облусунда селдин айынан болгон жалпы зыяндын көлөмү 102,5 миллион сомду түздү. Анын ичинде эң көп Араван району, ал эми азыраак Кара-Суу менен Алай райондору жапа чегишти.
9-июнда Убактылуу өкмөттүн төрайымы Роза Отунбаева иш сапары менен келген Орусия президентинин атайын өкүлү Владимир Рушайло менен аталган өлкөнүн Борбордук шайлоо комиссиясынын төрагасы Владимир Чуровду кабыл алды. Бул жолугушууда Р.Отунбаева Орусиядан селден жабыркаган айылдарга жардам берүү өтүнүчү менен кайрылды.


БАКИЕВДИН “БАШЫ” 100 МИҢ ДОЛЛАРГА БААЛАНДЫ

ИИМдин Кылмыш иликтөө башкы башкармалыгынын жетекчиси Самат Бакеевдин айтымында, Курманбек Бакиевдин жайгашкан жери тууралуу маалымат бергендерге бийлик 100 миң доллар берет. Ошондой эле бул тизменин катарына экс-президенттин бир туугандары Жаныш, Акмат, Каныбек, уулдары Марат менен Максим Бакиевдер жана Данияр Үсөнов, Алексей Ширшов жана Евгений Гуревич кошулду.
Ал эми УКМКнын экс-жетекчиси Мурат Суталинов кайда экендигин айтып бергендер 50 миң доллар менен сыйланышса, Нурлан менен Курманбек Темирбаевдердин “башы” 20 миң долларга бааланды.


ЖАШТАР КАЙРЫМДУУЛУК АКЦИЯ ӨТКӨРҮШТҮ

Социалдык программалар менен иш алып бара баштаган коомдук биримдик жаштарды коомдук иш-чарага тартуу үчүн кайрымдуулук акция өткөрдү. Беловодск айылындагы психоневрологиялык жаш балдар жатак-үйүнүн 80 тарбиялануучусу жана мектепке чейинки жетим балдар үйүнүн 30 тургуну борбор шаардагы аянтта акциянын катышуучулары менен сейилдешти. Андан кийин алар кинотеатрга барышып, мультфильм көрүштү. Коомдук биримдиктин төрагасы Эльдар Супатаев мындай иш-чаралар дагы улантыларын айтып, калкты социалдык-экономикалык маселелерди чогуу чечүүгө чакырат.


“МАТРЁШКАНЫН” ЧЫНЫГЫ ЭЭСИ ТАБЫЛДЫБЫ?

Өмүрбек Текебаевге байланыштуу белгилүү болгон “матрёшкагейт” иши боюнча бир канча киши кармалгандыгын, анын арасында милиция кызматкерлери да бар экендигин Ички иштер министринин милдетин аткаруучу Болот Шер билдирди. Анын айтымында, тергөө иштери аякталып, жакында бардык материалдар сотко өткөрүлүп берилет. “Бул кутумчулукту уюштурууда Жаныбек Бакиевдин тиешеси бар экендиги иликтөө учурунда аныкталды”,- дейт Болот Шер.
Маалымат үчүн: 2006-жылы күзүндө “Ата Мекен” партиясынын лидери жана ошол мезгилде депутат болуп турган Өмүрбек Текебаев Польшанын аэропортунда кармалган. Анын жүгүнөн героин салынган матрёшка табылган. Оппозиция жана парламенттин өкүлдөрү “буга УКМКнын тиешеси бар” деп күнөөлөп, Улуттук коопсуздук мамлекеттик кызматынын төрагасы Бусурманкул Табалдиев кызматынан кеткен. Бул операцияны уюштуруучулардын “кара тизмесинде” Курманбек Бакиевдин иниси Жаныш Бакиев да бар болчу.


АДАХАН МАДУМАРОВ ЭМНЕГЕ НААРАЗЫ?

“Бүтүн Кыргызстан” саясий партиясынын лидери Адахан Мадумаров айрым жалпыга маалымдоо каражаттарын (ЖМК) сотко берүүгө ниеттенүүдө. Анын айтымында, 2-июнда болуп өткөн партиянын жыйыны жөнүндө туура эмес маалымат таркатылган. Ошондой эле А.Мадумаров бир катар ЖМКнын өкүлдөрү жыйынга келгенине карабастан, аны чагылдырышпаганын билдирди. Ал эми ал жыйында “Бүтүн Кыргызстан” саясий партиясына “Комсомол” менен “Ата жолу” партиялары кошулгандыгы тууралуу чечим чыгарылган.


БАШ МЫЙЗАМГА АЛЬТЕРНАТИВДИК ВАРИАНТ СУНУШТАЛУУДА

Жаңы түзүлгөн “Эркин тандоо үчүн” уюму эки аптадан кийин өтүүчү референдумда Конституциянын альтернативдүү вариантын көрсөтүү зарылдыгын айтууда. Бул тууралуу Токтайым Үмөталиева: “Биз иштеп чыккан Баш мыйзам Конституциялык кеңеш түзгөн документке 99 пайызга окшош жана президенттин бийлиги кеңейтилген”,- деп билдирди.
Ушундай эле ой-пикирди билдирген Мирослав ­Ни­язов: “Кыргызстандын башында күчтүү лидери бар президенттик башкаруу болушу керек, себеби өлкө парламенттик башкарууга даяр эмес”,- дейт.
Ал эми “Таза табигат” бейөкмөт уюмунун жетекчиси Анара Дауталиеванын айтымында, жогоруда айтылган альтернативдүү вариантты алып чыгууга мүмкүн эмес. “Техникалык жактан алганда деле, ага убакыт тар”,- дейт ал.


ЭДИЛ БАЙСАЛОВ “ЧОҢ КАЗАТКА” АТТАНАТ

7-апрелден кийин кайтып келген Убактылуу өкмөттүн төрайымынын аппарат жетекчиси Эдил Байсалов кызматынан кетти. Ал муну парламенттик шайлоого өзүнчө саясий күч менен бара тургандыгы менен түшүндүрдү. Убактылуу өкмөттүн курамында эки айдан бери иштеген Эдил Байсалов маалымат жыйынында кадрдык саясатта эч кандай өзгөрүү жоктугун билдирди. “Жер-жерлерде жаңы кишилер дайындалса жакшы болмок, бирок Убактылуу өкмөт мурункудай эле билими жана тажрыйбасы жокторду коюп жатат”,- дейт ал. Эдил Байсаловдун айтымында, партиясынын аталышы “Айкөл эл” болот.


МАНАС-КЫРГЫЗ РЕСПУБЛИКАСЫ. ЖАРАШАБЫ?

“Коргоо партиясынын” лидери Акбаралы Айтикеев Кыргыз Республикасынын аталышын өзгөртүп, Манас-Кыргыз Республикасы деп атоо сунушун айтып чыкты. Акбаралы Айтикеев 2005-жылдагы президенттик шайлоого талапкер иретинде катышкан. 2009-жылкы президенттик шайлоого да катышууга даярданып жүрүп, кийин БШК каттабай койгондуктан, бул кадамынан баш тартууга туура келген. Эми кезектеги шайлоолорго катышууга белсенип жүрөт.
Маалымат үчүн: Акбаралы Айтикеев 1958-жылы 9-мартта туулган. 1993-жылдан баштап ушул күнгө чейин КРнын Өнөр жай кызматкерлери жана ишкерлер союзунун президентинин милдетин аткарып келет. “АзияУниверсалБанк” мамлекеттин эсебине өттү
Убактылуу өкмөт өзүнүн декрети менен “АзияУниверсалБанк” АККсын улутташтыруу чечимин кабыл алды. Бул жагдай банктык жана төлөө системасынын туруктуулугун сактоо, кредиторлордун жана акча сактоочулардын кызыкчылыгы үчүн ишке ашырылган. Эгерде “АзияУниверсалБанк” ААКсы каржы жактан колдоого муктаж болсо, тийиштүү мыйзамдын чегинде Улуттук банк ага колдоо көрсөтөт.
Убактылуу өкмөттүн төрайымы Роза Отунбаева 9-июнда Жайыл районунун тургундары менен жолугушууда дагы 30га жакын объект мамлекеттин эсебине өтөрүн билдирди.


ОШТО ЖЕР ТИТИРЕДИ

10-июнда саат 12:38де Алай районунун Сары-Таш айылында 5,6 баллга жеткен зилзала катталды. Сейсмология институтунун директору Канат Абдрахматовдун айтымында, жер титирөө Ош жана Жалал-Абад шаарларында да 3-4 баллдын тегерегин түзгөн. “Азырынча маалымат дагы такталууда”,-дейт ал. Ал эми жер титирөөнүн очогу Кытайдын Синцзян-Уйгур автономдук округ экендиги такталган.


ВИЗАСЫ ЖОК РЕЖИМГЕ ӨТӨБҮЗБҮ?

Либералдуу жаштардын клубу жана Эркин рынок боюнча Борбор Азиялык институт Убактылуу өкмөткө дүйнөнүн өнүккөн өлкөлөрү менен визасы жок каттоо режимин киргизүү зарылдыгын билдиришти. Демилгени көтөрүп чыккандардын маалыматы боюнча, адатта туристтердин 40 пайызы визасы жок режими бар өлкөлөрдө эс алууну тандашат. “Эгерде ушундай режимге өтсөк, оор мезгилди башынан өткөрүп жаткан өлкөбүз туристтердин эсебинен жакшы пайда тапмак”,- дешет алар.

Эльвира Караева
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: