Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

3 ЖАШАР БАЛАСЫН ДЕПКИР МЕНЕН САБАП ӨЛТҮРҮП КОЙГОН ЭНЕ 13 ЖЫЛГА ЭРКИНЕН АЖЫРАТЫЛДЫ

№815 15-июнь -21-июнь, 2018-ж.


Гезитибизге коомчулукту силкинткен чуулгандуу окуялар, кылмыш иштери тууралуу материалдарды жарыялап келебиз. Бул ирет ошол кылмыш иштерине сот кандай өкүм чыгарганына токтолмокчубуз.

2018-жылдын 3-февраль күнү Ош облустук ооруканасынын жандандыруу бөлүмүнө эсин жоготкон абалда 2 жаш 8 айлык бала алынып келинген. Денесине кароо жүргүзгөн убакта наристенин ички органдары жабыркап, денеси көк ала болуп, баш мээсине кан уюп калганы аныкталган. Ооруканага алып келген баланын жакындары «тепкичтен жыгылып түштү» деп айтышкан. Бирок баланын денесинде мурда дагы сабалгандан калган тактар бар экендиги шек жаратып, дарыгерлер милицияга кабарлашкан.

Иликтөөлөрдүн жыйынтыгында уулун сабаганга шектелип наристенин апасы, 1994-жылы Кара-Кулжа районунда туулган Д. аттуу аял кармалып, камакка алынган. Ал алгачкы тергөөдө 3 күн мурун Ош шаарындагы эжесинин үйүнө келгенин, өзү эч жерде иштебей тургандыгын жана баласынын сийип койгондугу үчүн депкир менен сабагандыгын айтып көрсөтмө берген.

Ош шаардык социалдык коргоо башкармалыгынын үй-бүлө жана балдарды коргоо бөлүмүнүн башчысы Гүлзина Раева уулун сабады деп шектелген аялдын ата-энесине кабар жеткенин, бирок анын өгөй энеси «биз кызыбыздын төрөп алганын билбейбиз. Ал канча жолу үйдөн качып чыгып кеткен жеринен үйгө алып келгенбиз. Бизди окуяга аралаштырбагыла. Атасы бул кабарды угуп ооруп калды. Андыктан кызыбыздан эч кандай кабар ала албайбыз» деп баладан баш тартканын билдирген.

Тилекке каршы, 11-февраль күнү саат 18:30дар чамасында апасы депкир менен сабаган Бексултан эсине келбей ооруканада каза болгон.

Ош шаардык соту 2-май күнү бул кылмыш боюнча өкүм чыгарды. Өкүмгө ылайык, А.к.Д. Кылмыш-жаза кодексинин 104-беренеси (саламаттыкка атайылап оор залал келтирүү жабырлануучунун өлүмүнө алып келсе) менен күнөөлүү деп табылып, 13 жылга эркинен ажыратылды. Эми күнөөлүү аял жазасын аялдар абагында өтөйт.


ПОДПОЛКОВНИКТИ ӨЛТҮРГӨНДӨРДҮН БИРИ ӨМҮР БОЮ, ЭКИНЧИСИ 12 ЖЫЛГА ЭРКИНЕН АЖЫРАТЫЛДЫ
2017-жылдын 23-мартында Ош шаарына караштуу Учар айылынын Набережная көчөсүндө токтоп турган Мицубиси унаасынын ичинен 1973-жылы туулган Таирбек Уларовдун жансыз денеси табылган. Маркум ИИМдин Баңгизаттарды мыйзамсыз жүгүртүүгө каршы күрөшүү боюнча Ош облусундагы башкармалыгынын тескөөчү-коменданты болуп иштеп келген. Өлүккө кароо жүргүзүүдө маркум башынын арткы бөлүгүнө оор нерсе менен урулган соккудан улам каза болгондугу билинген. Бул иш боюнча Кылмыш-жаза кодексинин 97-беренеси (киши өлтүрүү) менен кылмыш иши козголгон.

Таирбек Уларовдун өлүмүнө шектүү катары 1972-жылы Талас облусунун Бакай-Ата районунда туулган Д.Ш. аттуу жаран, анын аялы, баласы жана кайниси кармалган. Кылмышка шектүү Д.Ш. кылмышын моюнуна алып, бул ишке кызганычтан улам барганын айткан. Д.Ш. менен маркум уруша кетип, аны чечүү үчүн Учар айылы тарапка барышкан. Ал жерде кылмышка шектүү Таирбек Уларовдун башына балдак, таш менен уруп жиберген. Ал Таирбек Уларов кыйналып жатканда жардам бергендин ордуна автоунааны бекитип, ачкычты сууга ыргытып кетип калган.

Кылмышка шектүү Д.Ш. буга чейин да уурулук кылганы үчүн 2008-жылы соттолгон, анын жубайы да мурда соттолгон. Ошондой эле Д.Ш. алдамчылык боюнча Бишкек ШИИББи тарабынан издөөдө жүргөндүгү аныкталган.

2018-жылдын 20-мартында Ош шаардык соту Д.Ш. менен анын аялынын иниси Р.Мди күнөөлүү деп тапкан. Ага ылайык, Д.Ш. 97-берене (адам өлтүрүү) жана 166-берене (алдамчылык) менен күнөөлүү деп табылып, 23 жылга эркинен ажыратылган. Ошондой эле мүлктөрү конфискацияланып, күчөтүлгөн тартипте жазасын өтөй турган болгон. Ал эми аны менен кошо айыпталып жаткан Р.М. 339-берене (кылмышты жаап-жашыруу) менен күнөөлүү деп табылып, 7 жылга эркинен ажыратылган.

Андан соң 2018-жылы 7-июнда Ош облустук соту милициянын подполковниги Таирбек Уларовдун өлүмүнө шектүүлөргө карата өкүмүн чыгарды. Өкүмгө ылайык, айыпталуучу Д.Ш. өмүр бою эркинен ажыратылса, Р.М. 12 жыл абакта жазасын өтөмөкчү.



22 ЖАШТАГЫ КЫЗДЫ 4-КАБАТТАН ТҮРТҮП ЖИБЕРГЕНДЕР 3 ЖЫЛГА ШАРТТУУ КЕСИЛИШТИ
2017-жылдын 2-ноябрында Бишкектин 6-кичи районундагы көп кабаттуу үйлөрдүн биринин 4-кабатындагы батирде 2 кыз жана 1 жигит спирт ичимдиктерин ичип отурушканда ортодо уруш чыккан. Андан улам 1997-жылы туулган М.Д. аттуу кыз жигити 1998-жылы туулган С.Кга болушуп жабырлануучу К.Кны 4-кабаттан түртүп жиберген. Бул экөө ошол эле күнү кылмышка шектелип кармалып, тергөө абагына киргизилген. Алардын үстүнөн Кылмыш-жаза кодексинин 104-беренеси (ден соолукка атайылап оор залал келтирүү) менен кылмыш иши козголгон.

Жабырлануучу К.К. биздин гезитке берген маегинде: “1-ноябрь күнү түнкү саат 11лерде курбумдун үйүнө баргам. Биз бир сааттай сүйлөшүп отурдук. Андан соң үйгө курбумдун жигити келди. Үчөөбүз бир аз ичимдик ичтик. Бир убакта курбум жигитин менден кызганып, экөөбүздүн ортобузда уруш чыкты. Жигити курбума болушуп мени далыга уруп жиберди. Ошол убакта мен ашкананын терезесинде отурган элем, курбум мени түртүп жиберди. Жерге кантип кулап түшкөнүм эсимде жок. Бир маалда ал экөө жерге түшүп мени жаткан жеримден кайра 4-кабатка алып чыкмай болушту. «Мени көтөрүп чыгып койгулачы» деп алардан аябай сурандым. Курбум болсо уруп, чачымдан сүйрөп, жигити колумдан тартып үйгө алып келишти. Батирге киргенден кийин да курбум мени үстүмө чыгып алып сабады. Ошондо жигити мени аяп ажыратканынан экөө уруша кетишти. Мен ошондон пайдаланып эшикке качып чыкканга үлгүрдүм”,- деген.

Аталган кылмыш боюнча 2018-жылдын июнь айында Октябрь райондук соту өкүм чыгарды. Ага ылайык, М.Д. жана С.К. ден соолукка атайылап зыян келтирүү боюнча күнөөлүү деп табылып, ар бири шарттуу түрдө 3 жылдан жаза өтөмөкчү.


БАЛАСЫН ДААРАТКАНАГА ТАШТАП САЛГАН “КҮКҮК ЭНЕ” 2 ЖЫЛГА КЕСИЛДИ
2017-жылдын 31-июлунда Бишкек шаарындагы Арча-Бешик конушунун тургунунун дааратканасына кимдир бирөө төрөп, жаңы төрөлгөн ымыркайын даараткананын ичине таштап салган. Баланын ыйын уккан ошол жерде жашаган тургундар жаңыдан чөгүп бараткан наристени алып чыгып, алгачкы жардам көрсөтүшкөн. Наристе ууланып калганы менен, бактыга жараша, аман калган. Бул факты боюнча Бишкек ШИИББи тарабынан кылмыш иши козголуп, баланы дааратканага таштап салган "күкүк энеге" издөө салынган.

Көп өтпөй “күкүк эне” – Б.к.Ж. кармалып, өз көрсөтмөсүндө биринчи турмушунан 1 кызы бар экенин, бирок жолдошу менен ажырашып кеткенин айткан. Анын айтканына караганда, ал 2016-жылы официант болуп иштеп жүрүп бир жигит менен таанышып, сүйлөшүп калат. Түшүнбөстүктөн экөө таарынышып кетип, кийин келин кош бойлуу экенин билет. Жигитке боюнда бар экенин айтса ал “аборт кыл” деп урушуп салат. Батирде жашап жүрүп, бир күнү ичи ооруп дааратканага барат. Ошондо бала төрөлүп, аңга түшүп кеткенде келин аны өлүү төрөлдү деп ойлоп кетип калган. Күнөөсүн толугу менен моюнуна алып, кылган ишине кейип жатканын билдирген.

Окуянын күбөсү Н.А. ошондо гезитибизге төмөнкүлөрдү айтып берген: “Эртең менен саат 10:00дөр чамасында дааратканага барсам, эшиги ичинен илинүү экен. Бир аздан кийин кайра барсам дагы деле жабык туруптур. Үчүнчү жолу барганымда даараткананын эшиги ачык, ичинин баары кан экен. Анан эле ыйлаган баланын үнү угулду. Алгач үй жактан чыгып жатабы деп ойлодум, байкасам, ажаткананын ичинен чыгып жатат. Чуркап барып жолдошума айттым, ал болсо кошуналарды чакырып, наристени алып чыгышты. "Тез жардам" кызматы бир сааттай кечигип келгендиктен, алардан телефон аркылуу киндигин кандай кесиш керек экенин сурап, жуунтуп, кулак-башын тазалап кармап отурдук”.

2018-жылдын апрель айында Ленин райондук соту Б.к.Жга карата мамлекеттин эсебине 5 миң сом айып пул төлөө жана 2 жылга аялдар абагында жазасын өтөө чечимин чыгарды.


Асыл Орозбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
19.06.2018. 09:32 
Тайпасы:
Жаран
Комментарийлердин саны:
674
Катталган:
31-05-2017
Соӊку аракети:
19-11-2018 23:15
Жынысы:
Белгисиз
+1
Ичимдик ичип жигити экоо тортунчу кабаттан ыргытып жиберсе неге шарттуу турдо кесип коцгон???
19.06.2018. 11:09 
Тайпасы:
Жаран
Комментарийлердин саны:
42
Катталган:
18-02-2018
Соӊку аракети:
16-11-2018 02:24
Жынысы:
Белгисиз
+3
4кабаттан тушса буту колу сынбадыбы экен. Ушу да кыздардын ортомунда достук больойт дегени. Ал эми ымыркайдын энеси табылганына суйунуп атам. После род кантип качып кетти экен. Тан калыштуу. Анын устуно кантип тороду экен туалетте. Кудай ай озун ынсап ьер
19.06.2018. 17:43 
Тайпасы:
Жаран
Комментарийлердин саны:
41
Катталган:
20-10-2016
Соӊку аракети:
20-11-2018 01:01
Жынысы:
Белгисиз
+3
тиги таирбек уларовду олтурду деп куйом менен иними уруп мойнуна алдырып жатышат,ботолко менен мени зордуктады деп видеодо эже чыркырап жатпады беле.демек баары бир тиги эки байкушка куноону тагыптыр да.
19.06.2018. 17:45 
Тайпасы:
Жаран
Комментарийлердин саны:
41
Катталган:
20-10-2016
Соӊку аракети:
20-11-2018 01:01
Жынысы:
Белгисиз
+2
ботолко менен зордукташты деген видеону кордунор беле.ошодо таирбек уларовду олтурду деп жолдошум менен иними уруп моюнга аласынар деп чыркырап айтып аттылего эже.
19.06.2018. 20:19 
Тайпасы:
Жаран
Комментарийлердин саны:
173
Катталган:
26-01-2017
Соӊку аракети:
14-09-2018 13:16
Жынысы:
Белгисиз
0
Мамлекеттин эсебине 5000 дегени эмнеси айласыздар экен го,кылган кылмышын мойну мн тартсын күкүк эне да тиги күкүк АТА дагы тартсын жаткычакты алтыным боюна бүткөндөн кийин суудан кургак чыккан айбан.
19.06.2018. 20:50 
Тайпасы:
Жаран
Комментарийлердин саны:
172
Катталган:
02-04-2013
Соӊку аракети:
19-11-2018 19:36
Жынысы:
Белгисиз
Калаасы:
Орустун батири
+1
Тиги Таирбек Уларовду олумуно кунолуу эженин видеосун короор замат эле ишенбегем.Бут даярданып алып суйлоп,бызылдаган тиги аял!Олгон олуп кетти!Булар тируу го!Кылганын моюну менен тартыш керек!Ушинтип озумду орттойм деп актрисалана берсе болмок беле?!Тиги олгондун туугандарынын абалы мындан да жаман болуп турса керек...
19.06.2018. 23:04 
Тайпасы:
Жаран
Комментарийлердин саны:
79
Катталган:
05-03-2018
Соӊку аракети:
19-11-2018 20:46
Жынысы:
Белгисиз
+2
Бут баары бутуп калган адамдар орусча кончен....й . Ошол учун баласын туалетке ыргытып дос кызы менен арак ичип баласын депкир менен сабап олтуруп . Турмо жарашат аларга
04.11.2018. 13:24 
Тайпасы:
Жаран
Комментарийлердин саны:
7
Катталган:
25-06-2014
Соӊку аракети:
04-11-2018 13:37
Жынысы:
Белгисиз
0
Наристени сабап олтургонго 13 жыл ото эле аз!!! Убалы ктатпасын!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: