Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Максат Тасмаев, актёр, куудул: “ЧЫГАРМАЧЫЛЫКТА ЖҮРҮП “ФИГУРАМДЫ" ЭЛГЕ ТААНЫТТЫМ”

№815 15-июнь -21-июнь, 2018-ж.


– Кандайсыз, Максат мырза? Бир учурда “Орок-Балка” тобу “Мык” деген тамашаңыздар менен эл оозуна алындыңыздар эле. Соңку жылдары өнөктөшүңүз Айылчы Орозалиев менен чогуу көрбөй калдык.

– “Орок-Балка” тобунун жигиттери 3-4 жылдай чогуу иштедик. Ал убакта бойдок болчубуз. Үйлөнүп, үйлүү-жайлуу болуп, ар кимибиз турмуш арабабызды ар жакка тартып кеттик. Шеригим "тойчу" болуп кетти. Мен болсо киного тартылып, концерттерге катышып, чыгармачылык менен жүрөм. Башында ким концерт берсе эле “Орок-Балка” деп бизди чакырып “дежурный” болуп жүрүп көңүлүм калган экен, азыр “дежурный” болгум келбей, көп чакыруулардан баш тартып калдым.

– Шеригиңиз сыяктуу сиз дагы “тойчу” болгон жоксузбу?

– Тар чөйрөдө тамадалык кылып коё берем. Тааныштарга. Өтө эле өзүмдү жарнама кылып “мен тамадамын” деп “атыла” бербейм.

– Үй-бүлөңүз, балдарыңыз тууралуу айтып өтпөйсүзбү.

– Көлдүн күйөө баласымын. Келинчегим балдарды карап үйдө. Чоң уулум 9-классты, кызым 7-классты бүттү. Кичинекейим 4 жашка чыгат.

– Үйдө кандай кожоюн, атасыз?

– Берекелүү кожоюнмун. “Бүгүн болбосо, эртең болот” дейм. Балдарымды кемчиликсиз, элден калтырбай чоңойтуп келе жатам.

– Сиздин үйдө казан-аяк деле кагышпаса керек?

– Казан-аяк кагышпайт, себеби келинчегим түшүнүктүү. Казанды өзү эле калдыратат, мени кактырбайт.

– Кыргыз актёрлорунун эмгек акысы башка өлкөлөргө салыштырмалуу аз. Үй-бүлө багуу үчүн башка каражат булактарыңыз барбы?

– Кудай ырыскыны ар бир адамга берген да. Болгонуна топук кылыш керек. Акчанын, саясаттын артынан сая түшкөндөрдү жактырбайм. Элдин артында эмес, алдында эмес, ортосунда жүргөнүмө сүйүнөм.

– Азыр элдин көбү соода-сатыкка өтүп кетпедиби. Сиз да байкап көрдүңүзбү?

– Ага деле талант, өнөр керек тура. Же “аферист” болуш керек экен, же нары чапкылап, бери чапкылаш керек экен. Шуулдак болуш керек. Болпоюп турсаң “кел, брат, муну алып келип берем” деп акчаңды алып, ошол бойдон көздөн кайым болсо, башыңды чайкап кала бересиң да (күлүп). Студент кезимде “Ош базарына” 1-2 жолу чыгып чай, тамеки сатып көрдүм. Ал кезде бойдокмун, күнүмдүк тапкан акча менен кара курсакты тойгузуп жүрдүм. Анан чыгармачылыкка өтүп кеттим.

– Кинодогу, сахнадагы Максат менен жашоодогу Максаттын айырмасы барбы?

– Жашоодо кандай болсом кинодо, сахнада деле ошондоймун. Тасмага тартылсам деле жасалмалуулугу жок кандай сүйлөсөм ошондой сүйлөп, кандай бассам ошондой басам. Көргөндөр “кинодогудай эле экенсиз” дей беришет.

– Тамашаларыңызга эл күлбөй калган учурлар болобу?

– Болгон. Номер ушундай болчу деген сыяктуу аягына чейин аткарып, анан жүгүнүп туруп сахнанын артына кирип кетесиң да андайда. Анан балдар “өтпөй калдың, атылып кеттиң” дейт. “Бүгүн бул жерден атылдым, эртең ары жактан атып алам” дейсиң.

– Импровизация сизде күчтүү окшойт.

– Шүгүр. Былтыр бир тасмага тартылып жүрөбүз. Тартуучулар чоң үйдү ижарага алышыптыр. Тартуу учурунда үйдүн ээсинин ити үрө берет десең. Өзү да чоң алабай ит. Темир торго камап койгон. Турса аюудай, жанына барыштан коркобуз. Аны же алдай албайбыз, эт эле жейт экен. Анан режиссёрго “итти да тартып койгула” деп айттым. Себеби ар бир кадрда эле иттин үнү. Тасмада уулума “акырын сүйлө, итти ойготосуң” деген жерим бар, ошол жерин мен импровизация кылып жибергем.

– Тасмага тартылып жатып кээде өзүңүз да режиссёр болгуңуз келип кетпейби?

– Бул эми планымда илгертеден эле келе жатат. Каражат, демөөрчү, аракет дейт, бирок бул сааты чыкмайынча болбой турган нерсе экен да. Бирөөлөргө “демөөрчү болуңуз” деп 1-2 жолу тийишип көргөм. Дүнүйөнүн артынан кубалаган кишилер чыгармачылык жөнүндө ойлонбойт. “Канча акча чыгат? Канча айда акчамды кайра чыгарып алам?” дегенинен көңүлүм калган. Андан көрө убактысы келгенде өзүбүз эле тартабыз.

– Кайсы жакта жашап жатасыз?

– Бишкекте, Ошто. Мен улуу муунга кире албай, же кичүү муунга кире албай ортодо жалгызсырап калган учурларым болду. “Мык” менен чыгып жүргөн кезде же чоңдор кошпойт, же жаш балдарга өзүм барып кошула албайм. Ортодо жүрүп, акыры жаш балдарга кошулдум. Буюрса, жакында “Бешилик”, “Беш-Тапан”, “Орок-Балка” тобундагы жигиттер чогуу-чаран “Жыргализм” деген концерт коюп, элди жыргалга бөлөйлү деп жатабыз. Эл деле саясатка ооп кызыктай заман болуп кетпедиби.

– Сакал өстүрүп “стилиңизди” өзгөрткөн экенсиз?

– Жашым 45те. Көчөнү чаңыткан жаш жигит эмеспиз да, балдар чоңоюп, сакал өстүрчү куракка жеттим. Үйдө кичине бакчаны карап, эшикке деле чыккың келбейт. Бош убакта жоролор менен бильярд ойнойбуз. Футбол, волейболго барып калабыз. “Породам” ушундай, салмак көбүрөөк, топ узатып же дарбаза тосуп берип коём.

– Сыртыңыздан караган адамга беймарал, токпейил, майда-чүйдө нерселерди этибарга албаган момун киши көрүнөсүз.

– Атам ыраматылык кенен киши болчу да. Атамды тартып калгам го. Майда-чүйдө нерселерге “койчу” деп кол шилтеп коём. Жөнөкөйлүк – бул менин "фишкам".

– Жоош адамдар жемин жедирип коюшат го көбүнчө...

– “Жооштон жоон чыгат” дейт. Жемимди талашкандарды көмөлөтө эле коём (күлүп). Энесин окутуп дегендей.

– Азыркы саясий кырдаалдарды, өлкөнүн казынасына кол салгандарды көрүп ачууланасызбы?

– Саясатты чакканга убакыт деле жок. Ачуум деле келбейт. Уурдагандарга ошол нерсе өзүнө буюрган. Кусуп бере турган деле күн келер.

– Саясатка кызыкпасаңыз, шайлоого деле барбайт экенсиз да.

– Барбайм деле. Өмүрүмдө бир жолу баргам. Анда да жанагындай "тааныштар" аркылуу.

– Чыгармачылыктан эмне жоготуп, эмне таптыңыз?

– Чыгармачылыкта жүрүп элди таптым, эл мени тапты. Элге бир аз таанылдым. Атымды эле таанытпай, өзүмдү деле тааныттым. “Фигурамды” таанышты, “ушундай бир киши бар экен” дешип. Жоготконум убакыт эле.

– Сизди көчөдөн көрүп, тааныгандар көп элеби?

– Базарда же эл көп жерде жүрсөм “Мык”, “Атаңдын чокусу” деп бири-бирин нукуп жаткандарын байкап калам. Ээрчишип кээ бирлери жаныма чейин чуркап келип карап өтүшөт. Мен көзүмдү ымдап же учурашып коём. Атайын келгенден кийин жөн кетирип койсоң да болбойт, жакшы көз караш калтырып коюш керек да.

– Азыр куудулдар көпчүлүк тамашаларын интернет аркылуу элге жеткирүүгө өтө баштады. Сизчи?

– Башында Одноклассникиге кирип жүрүп жеңеңе кармалып калгандан кийин интернет-минтернет дегендин баары кеткен мээден. Негизи эле социалдык тармактарга такыр кызыкпайм. Кирсең эле бири-бирин алдамай, бири-бирин сөкмөй, ортодо талашмай. Сөз менен согуш. Андан көрө тоо коюнуна барып эс алганым жакшы.

– Эргүү сизге тоо коюнунда келеби?

– Эргүү келет, кайра кетет. Достор “жалкоосуң, диктофонго жазып койбойсуңбу” дешет. Тоо коюнунда ойлоруң бутактап, шактап кетет да. Ошондо диктофонго жаздырып коём. Эртеси күнү башка дүйнөдө ойгоносуң, баягы кыялдар, эргүүлөр учуп кеткен, анан баягы жаздырганымды угуп күлүп-күлүп, “ээ, койчу” деп кайра өчүрүп салам. “Сочный” жерлерин кармап калып, иштеп чыгасың. Эл менен быша турган нерсе да ал.

– Өзүңүздүн куудулдук дареметиңизге кандай баа бересиз?

– 3 деген баа берем. “Туруксуз баа” деп коёт го (күлүп).

– Маегиңизге рахмат. Жашооңуз дайым беш болсун!

«Орок-Балка" тобу 3-4 жыл чогуу иштедик».


Асхат Субанбеков
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(13)
19.06.2018. 10:01 
Тайпасы:
Жаран
Комментарийлердин саны:
143
Катталган:
13-07-2013
Соӊку аракети:
18-09-2018 23:00
Жынысы:
Белгисиз
Калаасы:
Бакыт калаасы!
+13
Мындай сонун интервьюну окуй элек болчум, авторго алкыш
19.06.2018. 11:42 
Тайпасы:
Жаран
Комментарийлердин саны:
469
Катталган:
05-05-2018
Соӊку аракети:
23-09-2018 01:03
Жынысы:
Белгисиз
Калаасы:
Уч-Коргон
+11
Болпоюп деген жери жакты хе хе
19.06.2018. 11:45 
Тайпасы:
Жаран
Комментарийлердин саны:
60
Катталган:
31-03-2009
Соӊку аракети:
18-09-2018 12:59
Жынысы:
Белгисиз
Калаасы:
Бактылуулар калаасы.
+13
Мээм эс алды тим эле укмуш интервью болуптур. Жан дуйносу таза, аруу, жайлоодой жайкалган кен пейил, берекелуу адам менен маектешкен же маегин окуу кандай сонун!
Асхат азаматсын!
19.06.2018. 11:58 
Тайпасы:
Жаран
Комментарийлердин саны:
121
Катталган:
07-04-2016
Соӊку аракети:
23-09-2018 03:42
Жынысы:
Белгисиз
Калаасы:
Токтогул
+12
Ушундай инсандардын маегин окуп жыргайсың, эс аласың да, бар болуңуз Мык мырза
19.06.2018. 12:34 
Тайпасы:
Жаран
Комментарийлердин саны:
3
Катталган:
11-01-2017
Соӊку аракети:
22-09-2018 21:29
Жынысы:
Белгисиз
+12
Супер инфо чыккандан бери эн мыкты маек болсо керек, молодец Макс!
19.06.2018. 14:21 
Тайпасы:
Конок
Комментарийлердин саны:
9
Катталган:
26-05-2018
Соӊку аракети:
23-07-2018 16:40
Жынысы:
Белгисиз
+8
Мен да эс алгандай болдум
19.06.2018. 20:58 
Тайпасы:
Жаран
Комментарийлердин саны:
173
Катталган:
26-01-2017
Соӊку аракети:
14-09-2018 13:16
Жынысы:
Белгисиз
+2
Көчөдө достору мн эле сүйлөшкөндөй сүйлөп коюптур го.
19.06.2018. 22:34 
Тайпасы:
Жаран
Комментарийлердин саны:
92
Катталган:
05-11-2014
Соӊку аракети:
29-08-2018 14:23
Жынысы:
Белгисиз
+6
Ой тообо такыр жасалмалуулук жок молодец ушунчалык эс алдым атайын прессага даярдаган созу жок баары башкача айтканда....... ий соз да таппай калдым азамат.
20.06.2018. 00:24 
Тайпасы:
Жаран
Комментарийлердин саны:
253
Катталган:
14-11-2015
Соӊку аракети:
26-08-2018 21:56
Жынысы:
Белгисиз
Калаасы:
Шахризааданын жомогу
+7
Бул жумада эки кызыктуу, маанилуу, окуганда таасир калтыра турган интервьюлар, бири ушул байке мн болгон маек болсо, бири Азамат Болгонбаевдин маеги болуптур. Мынча минге клип тартам,мынча миндик машинам бар,тигиним бар,мунум бар,мен кыйынмын,мен,мен деген куру кыйкырык интервьюлардан кунчулук ойдо болуптур.
Shahrizaada түзөттү 2018-06-20 00:34:52
20.06.2018. 14:14 
Тайпасы:
Жаран
Комментарийлердин саны:
54
Катталган:
04-09-2013
Соӊку аракети:
20-07-2018 17:19
Жынысы:
Белгисиз
+3
Эн сонун маек,уй булонузго бакыт каалайм!
20.06.2018. 14:23 
Тайпасы:
Жаран
Комментарийлердин саны:
18
Катталган:
31-08-2015
Соӊку аракети:
04-07-2018 23:22
Жынысы:
Белгисиз
+3
Сонун маек болуптур. Биринчи жолу откорбой, аягына чейин башымды которбой окудум
23.06.2018. 12:47 
Тайпасы:
Жаран
Комментарийлердин саны:
28
Катталган:
26-02-2012
Соӊку аракети:
23-09-2018 06:56
Жынысы:
Белгисиз
+2
Соз жок ото соонун маек
24.06.2018. 14:36 
Тайпасы:
Жаран
Комментарийлердин саны:
1
Катталган:
20-05-2013
Соӊку аракети:
17-09-2018 14:22
Жынысы:
Белгисиз
0
Биздин уйдо казан аяк кагышпайт аялым озу калдырата берет дегени жакты
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: