Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Бактыгүл Бадыева: «МАГА БУТ ТОСКОНДОР КӨП»

№397 11-17-июнь, 2010-ж


Акыркы учурда ырчы Бактыгүл Бадыеванын бир буту Кыргызстанда, экинчи буту АКШда болуп калгандай. Жагымдуу ырлары менен кошо океандын ары жагындагы мекендештерибизге кыргыз жытын ала барып, жылуу маанай тартуулап жүргөн ырчы менен баарлаштык. Анда, Бактыгүлдүн акыркы жаңылыктарынан кабардар болуп коюңуз.

– Бактыгүл, кандайсың? Европадан келге­ниңе бир айга жакындап баратат. Байланышалы десек эле карааныңды таптырбай кеттиң да...
– Келерим менен апам Токмокко алып кеткен. Эки жарым ай андан алыс жүрбөдүмбү. Экөөбүздүн сагынычыбыз тарабай, жанынан чыкпай отурам. Сагынычымды таратып алып анан чыгармачылыкка жаңы эргүү менен киришейин деген оюм бар. Биз алыста жүргөндө Кыргызстанда төңкөрүш болуп кетти. 7-апрелде Нью-Йоркто элек. Бишкектеги ата-энелерибиз чалып айтышты. Аябай сарсанаа болуп, күнүгө интернет аркылуу жаңылыктарды окуп жаттык.
– Шоу-бизнесте колдоо көрсөтүп жүргөн курбуң Миргүл “Бактыгүл ооруп калыптыр” деп жатты эле...
– Жылуу өлкөдөн суук өлкөгө сапар тартып жатып, бир аз ооруп калдым. Тез-тезден климаттын алмашышына адамдын көнүшү кыйын экен. Мисалы, Лос-Анжелес аябай ысык эле. Ал жерден Германияга учуп барсак, шамал болуп, жамгыр жаап жатыптыр.
– АКШнын, Европа өлкө­лөрүнүн кайсы шаарларында болдуң?
– Вашингтондо, Лос-Анжелесте андан сырткары АКШнын көп эле штаттарына концерт бердик. 8-апрелде Германиянын Берлин шаарына бардык. Ал жактан Лондонго сапар тарттык. Кыскасы, Европа өлкөлөрүнүн көбүн кыдырганга үлгүрдүк. Биз концерт берип өзүбүзгө акча жасаган жокпуз. Түшкөн акчанын баарын кайрымдуулук кылып, Кыргызстандагы балдар үйүнө жардам катары бердик.

– Чет өлкөдө жүрүп эмнеге өкү­ндүң да, эмнеге сүйүндүң?
– Өкүнгөнүм, аларга салыштырмалуу кыргыздарда анчалык ынтымак жок. Бирөө бир иш кылам десе, экинчиси аны көрө албай бут тосо баштайт. Ошентип, экөө тең кыйратпай ара жолдо калышат. Сүйүнгөнүм, чет жердеги мекендештериме кыргыз ырларын тартуулап, сагынычтарын аз болсо да таратып келгеним.
Анан да катуу таң калганым, мыйзамды бузушпайт экен. Биздин элде да тартип катуу болсо, бири-бирибизди буттан тартпай колдосок, алдыга өсүш болмок.
– Мекендештериң кандай кабыл алышты?
– Элге ыраазымын. Кайда барбайлы кол чаап кубаттап, кошулуп ырдап жатышты. Өзгөчө “Энекем” деген ырымды аткарганымда апалардын көздөрүнөн жаш куюлду. Ал эми жаштар алыстагы апаларын эстеп, кыскасы, бул ырым алардын жан дүйнөлөрүн дүрбөлөңгө салды.
– Чет өлкөлүк кыздар менен кыргыз кыздарынын эмне айырмасы бар экен?
– Ал жактын кыздары менен кыргыз кыздарын салыштырып болбойт. Кыргыз кыздары ыймандуу, сулуу, үй оокатына тың, эмгекчил, кыскасы, бардыгын өз колдору менен жасашат. Ал эми мен болгон жерлерде бизчилеп түрлөп тамак жасабай эле гамбургер жеп, артынан кола ичүүгө көнүп алышыптыр.
– АКШда көй­нөктөрдүн көргөзмөсүн өткөргөнгө жети­штиңби?
– Азырынча көргөзмө өткөрө элекмин. Өткөрүүгө дайынданып жатам. Кышында барганда ал жактагы кыргыз кыздар дизайнын өзүм чийген сахна көйнөктөрүмдү көрүп алышып “бул жакка ала келиңизчи, сатып алат элек” дешкен. Ушул жолу ала баргам, көп эле көйнөк сатылды.
– Жигитиң АКШда турбайбы, ал жерде эмне менен алектенет?
– Ал Кыргызстанда эле. Башка маалымат булактарына таянсак, мен америкалык жигитке турмушка чыгыптырмын. Бирок чындыгында турмушка чыга элекмин. Жүрөгүмдүн ээси мени түшүнгөн, кыргызымдын эле мырзасы.
– Мындан мурунку АКШ­га барып келге­ниңде сени көргөндөр “толуп кетиптир” дешти эле. Толуп кетпеш үчүн диета кармап жаттыңбы?
– Толуп кетсем да, арыктасам да аман болсом болду. “Арыктайын” деп кыйналбайм дагы. Чыныгы күйөрмандарым кандай болсом деле жактырышат деп эсептейм.
– Атаандашым деп кимди эсептейсиң? Сахна артындагы бут тосууларды кантип жеңесиң?
– Ырчылар ар кимибиз ар кандайбыз. Ар бирибиздин күйөрмандарыбыз бар. Күйөрман баарыбызга жетет. Мага ачык атаандашкандарды байкай элекмин, бирок болсо керек. Менин кийингенимди, ырдаганымды туурагандар бар. Аларды көрүп, сүйүнүп калам. Өзүм эч кимге атаандашпайм. Ал эми мага бут тоскондорду Кудайдын жардамы менен жеңип жатабыз. Адамга канчалык көп жакшылык кылсаң, анын акыбети эртеби-кечпи баары бир кайтат. Мен ушул күнгө чейин бирөөгө бут тосуп көрө элекмин. Тоспойм дагы деп айта албайм. Анткени биз билбейбиз да эртеңки күнү эмне болорубузду.
– Достор арасында чыккынчы­лык кылгандарды кечире аласың­бы?
– Чыккынчыларды жек көрөм. Чыккынчылык кылдыбы, анда ал менин досум эмес. Ичимден кечирип коюшум мүмкүн, бирок сүйлөшпөй, саламдашпай калам. Алар менин саламыма татыктуу эмес.
– Алар дегениңе караганда­ көп окшойт? Шоу-бизнес чөйрө­сүнөнбү?
– Алар дегеним эки кыз. Бул темада сөз козгогум келбейт.
– Гастролго чыкпай калдың окшойт...
Чыгып эле жатам, акыркы гастролум ушул жылы 8-мартта Нарын шаарында жана Кочкор айылында өттү. Апамды 8-Марты менен куттуктап, анын туулуп-өскөн жерине концерт бердим.
– Телефонуңдун номурун эмнеге тез-тез­ден алмаштырасың?
– Сахна адамы болгондон кийин күйөр­мандарым, мени менен жакындан сүйлөш­күсү келгендер бар. Алар менен сүйлөшкөнгө кээде убакыт тар болсо, кээде жалгыздыкты, тынчтыкты самап калам. Тынчтыкты эңсеп калганда номурумду алмаштырууга аргасыз болом.
– 29-май туулган күнүң эмес беле, кандай белгиледиң?
– Сахналаштарымдын, курбуларымдын курчоосунда өткөрдүм.
– Микаэлдин жакын досторунун бири элең, шектүү катары кармалган досун деле таанысаң керек...
– Микаэлдин достору көп болчу. Экөөбүздүн жакшы дос болуп жүргөнүбүзгө төрт жыл болгон. Ал эми шектүү саналган досу Эркинди тааныбайт экем, көрбөптүрмүн дагы. Микаэлдин бул дүйнө менен коштошконуна азыркыга чейин ишенбейм.
Ооба, биз жакшы достордон элек. Эң өкүнүчтүүсү, Миканы акыркы сапарга узата албадык. Миканын каза болгонун “Кыргыз клабдын” жетекчиси Айбек Хакимов курбум Миргүлгө телефон чалып айтыптыр. Биз алгач тамаша экен деп ишенген жокпуз. Анан барып айла жок ишендик. Микаэль боорукер, эч кимден жардамын аябаган, достукка бекем жигит болчу. 2-апрелде Нью-Йорк шаарында концерт бермекпиз. Ушул күнү Мика жерге берилгендиктен аза күтүп, Максат Бегалиев, Омар үчөөбүз ырдаган жокпуз. Каныкей жалгыз ырдады. Келечектеги планы да абдан чоң эле. “Өзүм, буюрса, клуб ачам. Анан Америкага дагы бир жолу барам” деп кыялданчу. Ошол кыялына жетпей кете берди. Жаткан жери жайлуу болсун дегенден башка эмне кылабыз?!
– Мурун деле ачык-айрым кыз элең. Азыр андан да ачылып алып­тырсың го...
– Мен башынан ачык-айрым­дыкты, болгонун болгондой бетке айтып салууну жактырам. Азыр деле ошондоймун. Негизи, адамда жакшы да, жаман да сапат болот эмеспи. Менде жакшы сапат көп болсо керек. Бирок жиниме тийген адамга өзүнө жараша жооп берүүдөн кайра тартпайм.
– Жакынкы күндөрдөгү пландарың кандай?
– Эки-үч күндөн кийин шаардын четине барып курбу кыздарым менен кымыз ичип келгени жатам. Андан сырткары чет өлкөгө чакыруулар көп келүүдө. Ошондон улам кайрадан чет жерге сапар тартышым мүмкүн.


Жылмайып коюңуз!

Бактыгүл дизайнер-модельер курбусу экөө жаңы тигилген көйнөктөрдү кийип көрө башташат. Ал ортодо сөздөн-сөз чыгып, курбусу турмуштан жолу болбой жүргөнүн айтып “жашоого тоюп кеттим, ушундан көрө өлөм” деп шар аккан сууга чуркайт. Анда Бактыгүл:
– Эй, келесоо, анда алдагы көйнөктү чечип кет!

Сүйүн Кулматова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
22.06.2010. 01:35 
Тайпасы:
Кыймылы жок
Комментарийлердин саны:
21
Катталган:
09-05-2010
Соӊку аракети:
18-09-2010 02:27
Жынысы:
Белгисиз
Калаасы:
москва
0
чыккынчылар кимдер болду экен.
04.08.2010. 15:37 
Тайпасы:
Жаран
Комментарийлердин саны:
17
Катталган:
04-08-2010
Соӊку аракети:
03-10-2017 13:01
Жынысы:
Белгисиз
Калаасы:
Бишкек ш.
0
Эмне Корунбой калды десе АКШда жакыш бирдеке барго
16.08.2010. 21:22 
Тайпасы:
Жаран
Комментарийлердин саны:
29
Катталган:
02-08-2010
Соӊку аракети:
20-09-2018 08:05
Жынысы:
Белгисиз
Калаасы:
Hamburg
0
chyn ele kyrgyz kyzdary suluu bolushat.euro paga salyshtyrmaluu
21.08.2010. 03:13 
Тайпасы:
Кыймылы жок
Комментарийлердин саны:
19
Катталган:
03-08-2010
Соӊку аракети:
14-09-2010 00:47
Жынысы:
Белгисиз
0
salam okuurmandar. men Baktygul yrchybyzdyn bir gana yryg ukkan elem. emne degen yr ekeni esimde da jok... birok Mediyaga raxmat. Silerdi ataktyy kylgandar ushular. Mediatorlor menen jashy otnosheniede bolguga. a to takyr ele taanybay kalabyz sirdi. ,;)
21.08.2010. 03:15 
Тайпасы:
Кыймылы жок
Комментарийлердин саны:
19
Катталган:
03-08-2010
Соӊку аракети:
14-09-2010 00:47
Жынысы:
Белгисиз
0
birok Kyrgyrzdardyn suluu kyzdarynan ekeni chyn. Toluguraak bolgonu problema emes. Erkekter ett ayaldardy jakshy korushot. a na hudyh prosto zyryat. (im vse idet potomuchto ;) )
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: