БИР БҮРКҮМ. БИШКЕКТЕ ЫСЫК СУУ БЕРИЛЕ БАШТАДЫ...

Эсептөө палатасы Билим берүү жана илим министрлиги 2016-жылы 117 МИЛЛИОН 300 МИҢ СОМДУ негизсиз сарптаганын аныктады.
Ала-Бука районундагы "Иштамберди" алтын кенин иштетүү УБАКТЫЛУУ ТОКТОТУЛДУ. Өткөн аптада жергиликтүү тургундар аталган кенде экологиялык кырдаал жөнгө салынганга чейин кендин иштөөсүн токтотууну талап кылып митингге чыгышкан.
Райондор аралык СОТТУ ЖОЮУ боюнча мыйзам долбоорун иштеп чыгууга 2 эксперттик жумушчу топ түзүлдү. Бул тууралуу президенттик аппараттын басма сөз кызматы билдирди.
Учурда өлкө аймактарында иштеп жаткан дарыгерлердин 70 ПАЙЫЗЫ ПЕНСИОНЕРЛЕР экенин саламаттыкты сактоо министри Космосбек Чолпонбаев айтты.
Акыйкатчы КУБАТ ОТОРБАЕВдин билдиришинче, өлкөдө жылына 40-45 миң үй-бүлө курулса, алардын 20 пайызы ала качуу жолу менен баш кошушат.
Ички иштер министринин орун басары ДАНИЯР АБДЫКАРОВ кызматтан алынды.
Экономикалык кылмыштуулукка каршы күрөшүү боюнча мамлекеттик кызматтын (Финпол) аймактык бөлүмдөрүнөн 6 айда өлкө казынасына 588 МИЛЛИОН 461 МИҢ СОМ түшкөн.
"ӨМҮРБЕК ТЕКЕБАЕВдин ишиндеги жаңы ачылган жагдайларды кайра кароодон баш тартты" деп Текебаевдин адвокаттары Башкы прокуратуранын үстүнөн сотко кайрылды.
Муфтияттын билдиришинче, быйыл КУРМАН АЙТ майрамы 21-августка туш келиши мүмкүн.
Биринчи Май райондук соту экс-премьер ЖАНТӨРӨ САТЫБАЛДИЕВди тергөө бүткүчө камакка алуу чечимин чыгарды. Сатыбалдиев Бишкек ЖЭБин жаңылоо иши боюнча “коррупцияга” шектелип кармалган.
Кыргызстанда ЭКСТРЕМИЗМ ЖАНА ТЕРРОРИЗМ боюнча 500дөн ашык адам соттолгон. Бул тууралуу Жаза аткаруу мамлекеттик кызматы билдирди.
Бишкекте пландык оңдоп-түзөө иштеринен кийин үйлөргө кайрадан ЫСЫК СУУ бериле баштады.
Автоунааларды кайра каттоого жеңилдик мөөнөтү берилгенден кийин унаасын өзүнө каттаткандардын саны 3 ЭСЕ ӨСКӨНҮН Мамлекеттик каттоо кызматы билдирди.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 816, 22-июнь -28-июнь, 2018-ж.