Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№817 29-юинь -5-июль, 2018-ж.


(Башы өткөн сандарда)


ххх


Азамат адатынча дубал тиктеп ар кайсыны ойлонуп жаткан. Сагыныч жүрөгүн өйкөп улам алсырап баратат. Уйку да качат. Мына ушинтип кээде кирпик какпай таң атырат. Азыр да уктабай жөн гана көзүн жумуп жаткан, капыстан бөлмөнүн ичи калдыр-кулдур этип керебеттердин кагылышкан үнүнө толуп кеткенде чочуп артын карай салды. Баягы тыржыйган арык немени кара майкечен букадай жигит муунтуп жаткан экен. Бөлмөдөгү калгандары эч иштери жоктой, ажыратпай гана карап турушуптур.

– Өлтүрөм мен сени,- букадай жигит жинденип алыптыр. Тиги арык кишинин көзү аңтарылып баратат. Анын ысымы Кадыр болчу. «Хатадагылардын» өз ара сүйлөшүүсүнөн улам анын атын билип калган Азамат. Кадырдын тиги кара майкеченге алы жетмек эмес. Аз убакыт болгондо о дүйнө кете бермек. Бирок Азамат жетип келди. Ортолоруна түшүп ажырата баштады.

– Эй, дудук, жогол азыр,- Азаматты төшүнөн түртүп жиберди. Кекиртеги бошой түшкөн Кадыр терең дем тартып артка кетенчиктеп, тиги жигиттен кутулуунун амалын издеди. Бул учурда жанатан карап тургандардын бири Азаматты көк желкеге муштап жиберди. Калгандары да заматта аралашып кетишти. Азаматка ар кайсы жактан сокку жаап баштады. Бирок жыгылып түшкөн жок. Ал күчтүү болчу. Кара майкечен жигитти түртүп жиберди да, капталдан катылган берки үчөөнүн бирин былч эттире бетке чапты. Тээ баягы айылдан Улан менен мушташкандан бери киши менен чырдаша элек болчу. Азыр эмнегедир көптөн бери көкүрөгүндө уюп жаткан ыза дүүлүктүрүп күч бердиби, айтор, ага катылгандарга катарма-катар жооп берип жинин чыгарып жатты. Бирок баары бир төртөөнө алы жетчүдөй эмес. Улам жабыла калып жатышты.

– Токтогула,- эптеп дем тартып өзүнө келе калган Кадыр жыгач отургуч менен Азаматка алаксый түшкөн майкечен жигитти башка чаап эсин оодарды.

– Канчыктар!- деди анан ал ыза боло.

– Өлтүрөйүн деген экенсиңер да, ээ? Баарың чабыласың. Канчыктар,- шалк этип ортого кулаган кара майкечен жигиттин башынан буту менен басып туруп сүйлөдү Кадыр. Азаматка жабылып жаткан үчөө көздөрү чакчайып туруп калышты.

– Рахмат, дудук,- мурдунан кан жылжып жаткан Азаматка карап сүйлөдү. Ушул жигит болбогондо ичер суусу түгөнмөк.

– Сен болбогондо булар мени жайлашмак экен да. Эч нерсе эмес. «Общакка» кол салгандарды буга чейин да жазалап жүргөнбүз. Тфу, начальник,- бөлмөнүн темир эшигин барып какты.


ххх


Азамат ушул окуядан кийин гана Кадырдын канчалык «салмактуу» экенин туйду. Азамат экөө ошол эле күнү башка «хатага» которулуп, ал жактагылар аларды сый-урмат менен тосуп алышты.

– Мыкты жигит экенсиң,- деди Кадыр отурган соң капкара коюу чайды жутуп жатып.

– Жалпыга тиешелүү мүлккө кол салган туура эмес. Жанагы Маке деген өзү жаза басты. Эми жазасын алат. А сен менин жанымда жүрө бер. Кор болбойсуң. Мен сага карызмын. Карызды төлөп берем. Рахмат, дудук.

«Мен дудук эмесмин» деди Азамат ичинен. Үнүн чыгарбады. Сырын төккүсү келген жок.

– Түшүнүп турам. Сен бул жакка кокустан гана келип калгансың. Көкүрөктө ызаң бар, балким, сагынычпы? Кыскасы, сен кылмышкер эмессиң. Көрүнүп эле турбайбы. Эркиндик көзүңдөн учуп жаткандыр, ээ? Сөзсүз да. Ансыз болчу беле? Мен сага алдын ала убада бербейм, бирок карызды, балким, сага эркиндик берүү менен төлөйм. Аракет кылайын, келиштикпи? Өмүр жана эркиндик. Бир-бирине дал келген эле бартер го дейм. Кандай дейсиң?- Кадыр колун сунду. Азамат анын колун бекем кысты, ооба, эркиндик ага азыр эң керек.


ххх


Тимур көңүлсүз басып келе жатты. Бир чети жумушунан чарчады, бир чети моюнундагы карыздар, бир жагынан андан оолактап качкан кичине кыз. Ооба, ал кыз анын канынан жаралган. Бирок ал ушунчалык курч көздөрү менен карайт. Тим эле Тимурдун ички ойлорунан тарта билип алгандай, ишенбегендей тиктейт. «Жок, сен атам эмессиң» деген эле көз караш. Мындайда Тимур эмне кыларын билбей калат. Себеби анын көкүрөгүндө кызга карата эч кандай сезим жок. Бирок ал бүтүндөй жан дүйнөсү менен ушу кызды жакшы көрүп алган адамдын колунан жулуп келбеди беле? Аталык сүйүүнү бере албаган соң эмнеге алып келди? Айсулуу... Баарын кылган ошол. Аялын күнөөлөдү. «Ээх» деди ичинен. Ичкиси келди. Жалаң кыргыздар отурчу кафе боло турган, ошол жакка жөнөдү.


ххх


Эки бөтөлкө сыра түгөткөндөн кийин Тимурдун денеси балкый түштү. Көйгөйлөр да унутулгандай болду. Анан баягы көкүрөгүндөгү тентектиги ойгонду. Ойлоп көрсө, турмуш деп жүрүп өзүн эркелеткенди да унуткан экен. Канчадан бери көйгөйдүн артынан көйгөй. Эми аз да болсо ошол түйшүктөрдөн алыстагысы келди. Ууга чыккан мергенчидей алды-артын карап алды. Тааныш адам көрүнбөйт. Бирок тигинде ага улам сыра куюп келип жаткан кыз чынында чырайлуу экен.

– Келип коёсузбу?- Тимур кызды кол жаңсап чакырды.

– Оу, угуп жатам,- кыз дароо эле келе калды.

– Мен азыр ойлонуп жатам. Дагы сыра ичсемби же ичпей эле койсомбу?

– Аны өзүңүз билесиз да,- кыз жылмайды.

– Ичпей эле коюшум керек го дейм. Анткени сизди карап алып өтө мас болуп калдым.

– Чоң эле киши экенсиз. Таанышканыңыз жаш баладай. Оригиналдуу нерсе ойлоп табыңызчы?

– Бул өтпөй калдыбы ошондо?

– Мм,- кыз жылмайып башын ийкеди.

"Сиздин апаңызга күйөө бала кереги жок беле?" дегенди да айтышкан да, ээ?

– Ооба, айтышкан. Издениңиз...

– Та-ак, эмне десем? Мен сизди бир жерден көргөндөй болуп жатам, сиз Нургүл эмессизби?

– Мындайды да айтышкан.

– Анда сиз фантазиясы таптакыр иштебеген жигит менен таанышууну каалайсызбы?

– Ха-ха,- кызга жакты окшойт, каткырып жиберди.

– Фантазиясы иштебеген жигиттин аты ким ошондо?

– Тимур, сиздикичи?

– Биздики Нуржан.

– Нуржан? Мм, кандай сонун ысым. Тимур жана Нуржан, Рамео жана Жульетта дегендей угулат экен.

Кыз каткырып койду.


ххх


– Эмнеге кечээ кеч келдиң?- Айсулуу кыжалат боло сурады.

– Балдар менен жолугуп калдык. Отуруп кеч болуп кетти.

– Тигилер жалгыз коркот деп ойлогон жоксуңбу?

– Кызың бар го жаныңда.

– Кызың? Менин эле кызымбы?

– Уфф, Айка, жөн жерден уруш чыгарып жатасың, суранам, токтотчу!

– Жо-ок, Тимур, баарын баштаган сенсиң, түндө ичип келген да сенсиң.

– Ичкенде сага бир нерсе дедимби?

– Жоопкерчиликтүү болуш керек да, Тимур.

– Айка, токтот! Эмне мага акыл үйрөтөйүн дейсиңби? Антип өктөм сүйлөбө, түшүндүңбү?!

– Жүрө бер анда жыргап.

– Оо, Кудай. Эмне деген немесиң? Болбогон жерден уруш баштайсың. Чын эле тажап кеттим.

«Тажап кеттим» ушул сөздөр Айсулууну чочутуп жиберди. Айназик колуна келсе эле толук кандуу үй-бүлө болобуз, бакытка бөлөнөбүз деп жүрбөдү беле. Ындыны өчө түштү. Бул баягыдай бир күнү тажап кетип калбайбы? Ушинтип ойлоду. Кетсе тиги кызы, курсактагысы менен кантет?

– Эмнеден тажадың? Менденби?

– Үй-жумуш. Жумуш-үй. Келсем сен нааразы. Тигил жактан Айназик жек көрүп карайт. Бул үйдө мен ашыкчамын. Ошондон тажадым. Эркекти үйдү көздөй сүйрөгөн бир нерсе болуш керек. Балким, аялынын жаркылдаган кабагы? Балким, балдарынын сүйүүсү? Айтчы, мен кантип үйгө шашам?

– Анда кет, мына, муну да таштап кет!- Айсулуу курсагын көрсөттү.

– Жок, сен мени түшүнө албайсың.

– Кет ошон үчүн,- Айсулуу жинденип кетти. Бирок бул жолу «кетсе кантем?» деген эмес, «эки баласын таштап кайда кетмек эле?» деген ой жеңип кетти. Жиндене түштү. Тимур ордунан турду да, күрмөсүн кийип эшикти тарс жаап чыгып кетти...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Башка сандарда:
Комментарийлер(7)
03.07.2018. 09:11 
Тайпасы:
Жаран
Комментарийлердин саны:
43
Катталган:
11-03-2018
Соӊку аракети:
18-09-2018 18:31
Жынысы:
Белгисиз
+5
Мен биринчи дегим келген жок.
03.07.2018. 09:50 
Тайпасы:
Жаран
Комментарийлердин саны:
227
Катталган:
10-02-2016
Соӊку аракети:
18-09-2018 18:53
Жынысы:
Белгисиз
0
бособолду комент жазып жаткандар болсокерек 5 6чы деймби
03.07.2018. 10:36 
Тайпасы:
Жаран
Комментарийлердин саны:
132
Катталган:
15-02-2013
Соӊку аракети:
18-09-2018 18:57
Жынысы:
Белгисиз
Калаасы:
Бишкек Новосибирск
+7
Эми Айсулуу турмуштун эн оор кундорун корот.
03.07.2018. 11:08 
Тайпасы:
Жаран
Комментарийлердин саны:
43
Катталган:
11-03-2018
Соӊку аракети:
18-09-2018 18:31
Жынысы:
Белгисиз
+5
Ушул чыгарма жакты. Карапайым эле элдин турмушунан алынган. Эч кандай миллионер, сулууга ашык болгон бай киши и.т.д. жок.
03.07.2018. 12:55 
Тайпасы:
Жаран
Комментарийлердин саны:
43
Катталган:
09-08-2017
Соӊку аракети:
11-09-2018 22:58
Жынысы:
Белгисиз
+3
Суперди ачып эле, биринчи ушуну окуйм. Анан калганын шашпаай окуп бүтөм. Кызыктуу го.
04.07.2018. 08:42 
Тайпасы:
Жаран
Комментарийлердин саны:
47
Катталган:
13-10-2017
Соӊку аракети:
11-09-2018 21:21
Жынысы:
Белгисиз
+1
Timurun Uşu menen eç kelbei koiso eken şoorun katsa eken şoorun
06.07.2018. 09:21 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
0
Ырас Азамат чыгаткенда
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: