БЕЛЬГИЯЛЫК ДАРБАЗАЧЫ КЫРГЫЗ КҮЙӨРМАНЫН ИЗДЕЙТ

Орусиянын Ростов-на-Дону шаарында футбол боюнча Дүйнө биринчилигинде Бельгия-Япония беттеши орун алды. Жарым чейрек финалдык оюн жыйынтыкталган соң Бельгиянын дарбазачысы Симон Миньоле Твиттер баракчасынан күйөрманын издеп жаткандыгын жазды. Күйөрман аталган оюнда «Ливерпуль» футболдук клубунун футболкасын кийип келип, колунда «Миньоле, мага футболкаңды бере аласыңбы?» деп жазылган плакат кармап турган.

Дарбазачы издеген күйөрман 21 жаштагы кыргыз жигити Арсен Алтыбаев экендиги аныкталып, ал Дүйнө чемпиондугуна барууну 8 жыл мурун эле кыялданганын айтат. «Футболду абдан жакшы көрөм. Анткени футбол адамдарды бириктирет. Бул окуядан кийин кыялдар орундаларына дагы бир ирет ынандым. Миньоле мени байкап кол чапкан, бирок жаныма келген эмес. Бирок мен үмүтүмдү үзбөй оюн бүткөнгө чейин колумдагы плакатты түшүргөн жокмун. Оюн бүткөндөн кийин тааныштарым Миньоле мени издеп жаткандыгын айтышты. Алгач ишенген жокмун, бирок Твиттердеги билдирүүсүн көрүп аны менен байланышканга аракет кылдым, азырынча жооп бере элек»,- дейт футбол сүйүүчүсү.

Адилет Керимбек уулу
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

Kaninaiman

2018-07-10 11:51:32

Берди окшойтко футболкасын...

monster_high_98

2018-07-10 12:19:33

Kaninaiman,Ал футболкасын кыргыз жигитине берип жатканда,супер инфо гезити таратылып калган,ошол версиясын эле жуктогон сайтка

Nanei

2018-07-10 20:28:07

Футбол корбой эле вратарды андып отурган го ,менин плакатымды коруп жатавы деп

Nora

2018-07-11 07:16:22

kol koidurup alsa jakshy bolot, antkeni al futbolkany kaira satsan choon summaga satsan bolot

Jakjakynas

2018-07-11 10:02:09

Оо сонун го кыялдар орундалса фудболду мен да суйом бирок барып коро албайм. Твдан бекер кордук. Ошо да бизге чоон суйунуч

Maral97

2018-07-13 23:16:49

Супер

Metior8019

2018-07-14 17:18:48

футболкасын алып кымбат сат да тышкы карыздарды толоп сал укам.

boris8907

2018-07-16 12:53:36

Metior8019,озунун ички карызынан кутулсун

Комментарий калтыруу үчүн өз ысымыңыз менен кириңиз же каттоодон өтүңүз.

№ 818, 6-июль -12-июль, 2018-ж.