БИР БҮРКҮМ. КУСТУРИЦА АЙТМАТОВДУН ЧЫГАРМАСЫНА КИНО ТАРТАТ...

Өлкөдө июлда күйүүчү-майлоочу МАЙДЫН БААСЫ ӨЗГӨРБӨЙТ. Бул тууралуу Нефтетрейдерлер ассоциациясы билдирет.
«МАНАС ЭПОСУ» араб тилинде басылып чыгат.
Сербиялык режиссёр ЭМИР КУСТУРИЦА Айтматовдун чыгармасынын негизинде кино тартат.
Кыргызстанга жыл башынан бери 504 миң 500 тонна МУНАЙ ЗАТ ИМПОРТТОЛДУ. Өлкөгө 234 миң тонна бензин, 270 миң 500 тонна дизелдик отун ташылып келинген.
3-июлда Жалал-Абад облусуна караштуу Аксы районунун Жарды-Колот айылында КАТУУ ЖААГАН ЖААНДАН улам сел жүрүп, 19 үйдү суу каптады.
Ысык-Көлдөгү сегиз пансионат ТУРИСТТЕРДИ КАБЫЛ АЛУУГА даяр эмес. Алар экологиялык жана техникалык талаптарга жооп бербейт.
2-апрелден 1-июлга чейин 214 миң 192 киши УНААЛАРЫН кайра каттоодон өткөрүштү.
Бишкектеги балдар бакчасына электрондук кезек аркылуу 1 миңден ашуун НАРИСТЕ кабыл алынды. Апрелдин акырында 4 миңдей кезек күткөн жарандар болгон болсо, учурда алардын саны 9 миңден ашат.
АЙБЕК КАДЫРАЛИЕВ Финансылык чалгындоо мамлекеттик кызматынын төрагалыгынан бошотулду.
Чувашияда болгон жол кырсыгынан 3 Кыргыз жараны КАЗА БОЛДУ, экөөсү 5-6 жаштагы балдар.
Жалал-Абаддын Базар-Коргон районунда КҮЙДҮРГҮНҮН айрым белгилери менен ооруканага жаткандардын саны 11ге жетти.
Кыргыз жерине көчүп келген ПАМИРЛИК КЫРГЫЗДАРДЫН он сегизи Ооганстанга жөнөштү. Памирлик кыргыздар жайкы эс алуу башталганда эле Ооганстанга барып, жакындары менен көрүшүп келүүнү суранышкан.
Экономика министринин орун басары болуп эмгектенип келген АЛМАЗ САЗБАКОВ Кыргыз өкмөтүнүн ЕАЭБдеги атайын өкүлү болуп дайындалды.
Лейлекте МАЙ КУЮУЧУ ЖАЙ ӨРТТӨНҮП, төрт киши жаракат алды. Станциянын кеңсеси, 4 фура, 2 газ ташуучу унаа, 2 спринтер, 1 жеңил унаа күйдү.

Адилет Керимбек уулу
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 818, 6-июль -12-июль, 2018-ж.