Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№819 13-июль -13-июль, 2018-ж.


(Башы өткөн сандарда)


ххх


Тимур төрөтканадан чыгып эле батирин көздөй жөнөдү. Айсулуу Айназикти коңшунукуна калтырганын айткан. Аны алып келип тамактандыруу керек. Айтор, Айсулуу чыкканча Тимур менен Айназик чогуу болушат. Экөөнүн ортосунда ата-балага таандык болгон сезим эми ойгонор бекен?

Коңшунун эшигин какты.

– А сиз Айназикке келдиңизби?- деди коңшу келин сыпайы.

– Ооба.

– Айназик, атаң келди. Чакырып жатат,- батирдин ичинен кызды чакырды. Ал келгенче Тимур тердеп-тепчип кетти. Босогого келип «бул менин атам эмес» деп ызы-чуу салбаса экен деп кыжалат боло түштү. Кудай жалгап, кыз анткен жок. Чоң кишилердей жаңы курбусу Наку менен коштошуп Тимурду ээрчип жөнөдү.

– Курсагың ачтыбы, кызым?- Тимур күнөөлүүдөй сурады, бир кабат ылдый түшүп өзүнүн батирин ачып жатып.

– Жок, каса жедик. А апам кайда?

– Ал «лялька» төрөдү. Аны алып 2-3 күндө келет.

– Вау!- кыздын көздөрү жайнай түштү.

– Ооба, сен бөбөктүү болдуң, атын Байэл койдук.

– Байэл?

– Мм. Сени эртең ал жакка алып барайынбы?

– Ооба,- кыз колдорун өйдө көтөрүп жиберди.

– Эртең алып барам, ээ. Кел, мен сени өөп коёюнчу,- кыз бултуйган бетин тосту. Тимур элжиреп кетти.

– Сен менин кызымсың, ээ?

Кыз бул суроону жоопсуз калтырды. Тыпылдап чуркап жуунуучу бөлмөгө кирип кетти. «Мен колумду жууйм» деп койду ал жооптун ордуна. Бирок ал суу агызуучу кранга жетмек эмес. Тимур аркасынан кирди. Сууну агызып кыздын бойтойгон сүйкүмдүү колдорун жууй баштады. Алаканына салып кыздын колун жууп жатып Тимурдун жүрөгү дагы туйлай түштү. Ушул беле аталык сезим? Элжирей берүү, баланын сүйкүмдүүлүгүнө ичи эзилип жакшы көрүү, бекем-бекем кучактап алгыңды келтирген сезим беле атанын сүйүүсү? Же атанын сүйүүсү жоопкерчиликпи? Жанын аябай күн-түндөп, бала деп аракеттенүүбү? Ага үлгү, жол көрсөткүч болуубу? Жыгылса тургузуп, ыйласа жашын сүртүп чоң турмушка аралаштыруубу? Же атанын сүйүүсү деген өз жашооңду, сүйүүңдү, кызыкчылыктарыңды бала үчүн садага чабуу беле? Тимурда суроо толтура болчу. Кызынын колун жууп, алаканынан өптү да, «сен азамат кызсың» деди маңдайынан өөп. «Азамат кызсың? Жо-ок, Азаматтын кызымын» деп койду ичинен Айназик.


ххх


Түрмөнүн бул бөлмөсүндө уюлдук телефонду ээн-эркин эле колдонушат экен. Кадыр кимдир бирөө менен көпкө чейин сүйлөшүп отурду. Азаматка эркиндик алып берем деген убадасын аткармакчы болуп жүрөт. Тээ кыйладан кийин Азаматтын жанына үшкүрүп отура кетти.

– Айтчы, сен дудук эмессиң да, туурабы?

– ...

– Сен дудук эмессиң. Мен сен жөнүндө баарын сурап билдим. Анда эмнеге сүйлөбөйсүң?- Азаматты тике карады. Жигит аны кайдыгер гана карап турган экен. Көк көздөрүндө муң толтура.

– Башка адам болгондо мен башкача мамиле кылат элем. Өмүрүмдү сактап калганың үчүн гана дудуктун ролун ойноп жатканыңа кайыл болуп турам. Мейли, сүйлөбөсөң сүйлөбө. Сенин мөөнөтүң жакында 3 жылга кыскарат. Мен жакшы жактоочу аркылуу иштерди жасап баштадым. 7 жылга караганда 3 жыл отуруп чыгып кеткениң жакшы эмеспи, туурабы? Мейли, ыраазычылык айтпай эле кой. Бул жөн гана карыздан кутулуу.

Азаматтын жүрөгү бат-баттан согуп жатты. 3 жыл чыдаса чыгат. Анан кызын көрөт. Айназик. Дароо кызынын жылмайып турган элеси көзүнө тартылды. Кандай болуп калды экен? Атасын унутпады бекен? Мамалак тууралуу жомокту эстеп жатабы? Аз калды...


ххх


Эртеси Тимур Айназикти ээрчитип төрөтканага барды. Апасы коридорго алып чыгып шейшепке оролгон кызыл эт баланы кызына көрсөттү.

– Сага окшош бекен?

– Мм.

– Сенин бөбөгүң.

Кыз жылмайып койду. Ал аябай кубанып жатты. Жакшы көрдү чүрпөнү. Дал ушул учурда Айназик Тимурдун канынан жаралган кыз болсо да, анда Азаматтыкына окшош таттуу мүнөздөр бар экенин байкады.


ххх


Ушул эле күнү кечинде Тимур менен Айназик үйдө тамактанып жаткан учурда Нуржандан чалуу келди.

– Чалат болду бекен деп күтсөм кабарсыз кеттиң го?- Нуржан таарынгандай сүйлөдү.

– Мм, бир аз бошобой калдым. Чалайын деп жаткам,- жуунуучу бөлмөгө кирип баратып актангандай сүйлөдү жигит. Айназиктин жанында отуруп сүйлөшкөн кооптуу.

– Анан эмнеге чалган жоксуң?

– Азыр чалмакмын.

– Телефонду албай койгон болсомчу?

– Жумушуңа бармакмын.

– Мен жумушта эмесмин.

– Анда үйүңө бармакмын.

– Анда кел, мен үйдөмүн,- кыз наздана сүйлөдү.

– Жарайт,- жигит чечкиндүү сүйлөдү. Азыр эле аны менен кошо тамактанып жаткан кичинекей кызын таштап кетерин ойлогон жок. Баруу керек. Жүрөгү опколжуп кетти. Нуржанды сагынган экен. Дароо эле Айназикти алдап-соолап коңшу келиндин үйүнө калтырды да, зуу койду.


ххх


Байэл менен Айсулуу төрөтканадан чыгып келишти. Айназиктин кубанычында чек жок. Байэл жаткан жел бешикти улам айланчыктап, анын быйтыйган колдорун суктана карап ичи элжирейт. Бир гана Тимурдун эмоциялары түшүнүксүз. Анын кубанганы же өкүнгөнү белгисиз.

– Мен жокто Айназикти түнү менен кошуна келиндикине таштап каякка бардың?- ашканада отурган Тимурга жубайы тике суроо салды.

– Кайда болмок эле? Уулдуу болдум деп балдар менен майрамдадым.

– Кайсы балдар менен?

– Достор, чогуу иштегендер менен,- Тимур дагы бир алдады. Айсулуу ишенип калды. Күндөр дал ушундай эле улана берди. Бири алдайт, бири ишенет. Бири кете албай кыжалат болуп, экинчиси эч нерседен капарсыз.


ххх


– Сен эмнеге дайыма мага келгенде телефонуңду өчүрүп коёсуң?- Нуржан шектене сүйлөдү.

– Жөн эле эч ким тоскоол болбосун деп.

– Телефонуңду дегеле карматпайсың го.

– А сага анын эмне кереги бар?

– Деги сенин аялың жокпу?

– Жок.

– Анда телефонуңду көрсөтсөң.

– Ой, сен качан чалсаң алып жүрөм го. Аялы бар киши үйүнө барганда телефонун өчүрүп коймок да.

– Билбейм, Москвада бирөөгө ишениш да кыйын.

– Кам санаба, мен сеники элемин. Эч кимим жок,- жигит кызды кучагына алып жатып сүйлөдү. Анан капыстан оюна бир нерсе кылт эткендей «А эгер аялым болсо эмне кыласың?» деди сынай карап.

«Эмне кыласың?» Эмне деген суроо бул? Албетте, жаактан ары чабам. Кайнап жаткан ысык сууну башыңдан ылдый чачып жиберем.

– Таш боорсуң го.

– Анан эмне кылыш керек. Аялы бала-чакасы бар туруп солго баскан эркектерди катуу жазалаш керек.

– Байкуш эркектер.

– Эч кандай байкуш эмес. Жоопкерчилик ала албаган эркек ал эркек эмес. Үй-бүлөсүн таштап башкага кеткендер бүт эркек эмес.

– Бирок сүйүү деген бар да? Адам үй-бүлөсү бар туруп эле кимдир бирөөнү сүйүп калышы мүмкүн. Эмне ал байкуштун сүйүүгө акысы жокпу? Үй-бүлөсү болгон үчүн элеби?

– Жок, акысы жок. Жакшылап ойлонуп үйлөнүү керек болчу.

– Биз кыргыздар гана ушинтебиз. Бири-бирибизди кыйнап сүйүүсүз жашай беребиз. «Эл эмне дейт?» деп өзүбүздү азапка салабыз. Балдарыбыз эмне болот деп өзүбүздү чектейбиз. Сүйүп калуудан коркобуз. Сүйүп калсак жүрөктү кыйнап баарын унутканга аракет кылабыз. Анан өмүр өтүп кетет. Сүйүүсүз өмүр өтүп кетет.

– Эй, сенин чындап эле аялың жокпу?

– Аялымдын бар же жок экени маанилүү эмес. Мен сени сүйөм. Ушул маанилүү.

– Жок-жок, антип айтпа. Мен кимдир бирөөнү атасыз калтыргым келбейт. Ачыгын айт, үй-бүлөлүү болсоң биз эч убакта бир болбойбуз.

– Аялым жок. Биз бир болобуз. Мен сенден эми кетпейм. Куусаң да кетпейм,- Тимурдун жүрөгү сайгылашып кетти. Нуржанды жоготуп алуудан коркуп турду...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(9)
17.07.2018. 09:27 
Тайпасы:
Жаран
Комментарийлердин саны:
8
Катталган:
28-12-2015
Соӊку аракети:
29-09-2018 21:17
Жынысы:
Белгисиз
0
1
17.07.2018. 09:27 
Тайпасы:
Жаран
Комментарийлердин саны:
8
Катталган:
28-12-2015
Соӊку аракети:
29-09-2018 21:17
Жынысы:
Белгисиз
0
Биринчи
17.07.2018. 09:33 
Тайпасы:
Жаран
Комментарийлердин саны:
3
Катталган:
13-10-2016
Соӊку аракети:
02-10-2018 11:39
Жынысы:
Белгисиз
+6
Сөз жок Тимурга!((
17.07.2018. 10:30 
Тайпасы:
Жаран
Комментарийлердин саны:
13
Катталган:
06-01-2012
Соӊку аракети:
17-11-2018 11:03
Жынысы:
Белгисиз
+3
Экинчи аял кылып ал Нуржанды
17.07.2018. 10:31 
Тайпасы:
Жаран
Комментарийлердин саны:
149
Катталган:
10-03-2016
Соӊку аракети:
13-11-2018 22:50
Жынысы:
Белгисиз
Калаасы:
Кыргызстан
+3
Чиркин дуйно
17.07.2018. 15:12 
Тайпасы:
Жаран
Комментарийлердин саны:
48
Катталган:
12-12-2017
Соӊку аракети:
16-11-2018 10:55
Жынысы:
Белгисиз
Калаасы:
KG.
+4
Эки талдын башын кармап, сууга агып олот эми Тимур!!!
17.07.2018. 16:46 
Тайпасы:
Жаран
Комментарийлердин саны:
25
Катталган:
16-01-2018
Соӊку аракети:
23-08-2018 00:09
Жынысы:
Белгисиз
Калаасы:
Тоолордун чокусунда...
+2
Развязкасын элестете албай турамда...
18.07.2018. 02:09 
Тайпасы:
Жаран
Комментарийлердин саны:
44
Катталган:
04-06-2011
Соӊку аракети:
16-11-2018 23:08
Жынысы:
Белгисиз
Калаасы:
россия москва
+4
Айсулуу эми эки бала мн салбырап Азаматка барат да
19.07.2018. 19:09 
Тайпасы:
Жаран
Комментарийлердин саны:
77
Катталган:
10-01-2015
Соӊку аракети:
06-11-2018 21:57
Жынысы:
Белгисиз
+1
Тимур эшшек мыжыгып салгым келет ушундай эркектерди
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: