Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ЭГИЗДЕРИМДИН ТИРҮҮ ЭКЕНИН СЕЗЕМ»

№398 18-24-июнь, 2010-ж.


Издейм сени

“Супер-Инфо” гезитинин №394-санына жарыяланган “Көз жаш” аттуу макаланы окуп, үй-бүлөбүз менен абдан жаман болдук. Ал макалада аман-эсен төрөлгөн эгиз кыздарынан түрүүлөй ажыраган эне тууралуу жазылыптыр. Мен да кезинде ошол эненин кейпин кийип, ак сүтүмдү кана эмизбей калган эгиз кыздарымдын дайынын билүү үчүн келип отурам”,- деп сөз баштады Атыр апа.

Гезитибиздин №394-санына чыккан “Көз жаш” аттуу макаланы эске сала кетсек, Гүлнур аттуу жаш келиндин төрөт үйүндө эгиз кыздарынан кантип ажырап калгандыгы тууралуу баяндалган.

– Макаланы окугандан тартып жүрөгүм бир орунда болбой жатат. Мен эгиз кыздарымдан ажырасам да, ушул убакка чейин алардан үмүтүм үзүлбөй келет. Кээде аргасыздан “чын эле каза болуп калышканбы?” деп ойлоп, жүрөгүм ооруйт.
Улуу кызым Аида, уулдарым Айдар жана Алмаз төрөлгөндөн кийин дагы кош бойлуу болуп калдым. Анда кызылчада иштечүмүн. Ысык-суукта жүрүп боордун циррозуна чалдыккан элем. Бирок маал-маалы менен дарыланып турчумун. Кош бойлуу кезимде бул дартым көп деле кыйнаган эмес. Көпчүлүк кош бойлуу аялдардай эле шишип калчумун. Муну этибарга албай иштеп жүрүп, анан убактым келип калганда декретке чыктым. Өзүбүз Сокулук районунун Жыламыш айылында тургандыктан, төрөөр маалым жеткенде ал жактын төрөт үйүнө кайрылдым. Бирок алар “өтө шишик басып кетиптир, жаткыра албайбыз” дешип борборго жөнөтүштү.

ӨЛҮМ МЕНЕН ӨМҮРДҮН ОРТОСУНДА...
– Мен борбордогу №2-төрөт үйүнө катталдым. Толгоом башталганда кан басымым көтөрүлүп, абалым абдан начарлап кетти. Бирок кыздар аман-эсен эле ыйлап төрөлүштү. Ошентип, 1983-жылы 13-октябрда эгиз кыздарды жарык дүйнөгө алып келдим. Бир аздан кийин ороп келип мага көрсөтүштү. Бири ак жуумал, экинчиси кара тору экен. Кыздарымды көрүүгө өзүмдү кармадымбы, айтор, наристелеримди боорума кыскандан кийин эс-учумду жоготуп коюптурмун. Эсиме келгенде “кыздарымды алып келгилечи, эмизейин” деп сурансам, мени төрөткөн акушерка: “Сен бала эмизгенди эмес, өзүңдү ойло. Өмүрүң кылдын учунда турат”,- деп жооп кылды. Бир аздан кийин дагы кыздарымды көргүм келип, алардан алып келүүлөрүн сурап кайрылсам: “Сага балдарды алып келгенге болбойт. Бага албайсың го, андан көрө тиги жакта бирөөлөр сурап жатышат, бербейсиңби?”- деп оозумду ачырды. Болгон күчүмдү жыйнап: “Жок! Мен бага албасам, атасы, бир туугандары багышат”,- деп макул болгон жокмун.
Ушундан кийин абалым өтө оорлоп, дарыгерлер мени башка ооруканага которобуз деп калышты. Балдарымды сурасам: “Сиздин абалыңызды көрүп, дароо айтуудан баш тарттык. Кыздарыңыз каза болуп калышты”,- деп суук кабар угузушту. Боздоп ыйлап: “Анда сөөктөрүн алып кетели”,- десем: “Берилбейт, биз аны башка жакка жөнөтүп жибердик”,- дешти.
Бул ошол ооруканада уккан акыркы сөздөр болду. Кийин өзүмө келсем, башка ооруканада экенмин. Жолдошум, тууган-урук менин аман калышымды тилешип, алагды болушуп, кыздардын тагдыры эмне болгону такталбай кала бериптир. Ооруканалап бир жыл жүрдүм. Көрсө, көп сездирбегени менен эски дартыма кош бойлуу кезимдеги шишик басуу кошул-ташыл болуп, өлүм менен өмүрдүн ортосунда калган күндөр башыман өтүптүр. Кийин төрөт үйүнөн берилген кагазды карасам, “боюнан түшүп калды” деген жыйынтык жазылган экен. Өз көзүм менен көргөн кыздар кандайча бойдон түштү болуп калганына түшүнө албай жаттым.
Улам ооруп-сыктап жүрүп кыздарымдын дайынын билүүгө да чолоом тийбей калды. Андан кийин көр турмуштун айынан балдар менен алек болуп кеттим. Бирок бир жерден эгиз кыздарды көрсөм эле капа болуп, ооруп калчумун. 1992-жылы Айзада аттуу кыздуу болдум. Мына ушул кызды көргөндөн кийин алаксыдымбы, айтор, жаратым унутула баштады. Жогоруда аталган макаланы окуганда ал жаратымдын оозу ачылып, кыздарымдын дайынын билүүнү чечтим. Эне жүрөгү менен кыздарымдын түрүү экенин сезип турам. Азыр алар, балким, үй-бүлө күтүп, очор-бачар болуп калышкандыр. Кыргызда “бала тапкандыкы эмес – баккандыкы” деген кеп бар эмеспи. Менин эми кыздарымды кайтарып алайын деген ниетим деле жок. Болгону, алардын амандыгын билсем, алар менен катташып турсам деп гана кыялданам. Турмушта ар кандай нерселер болот эмеспи, балким, кыздарга жардам керектир. Боор этимден бүткөн балдарымды бир көрүп алсам, бул жашоомдо арманым жок болот эле.

Айдар, Атыр апанын уулу:
«КӨЗҮ АЧЫКТАР ДА ТИРҮҮ ДЕШЕТ»
– Биз чоңоюп, аркы-беркини түшүнүп калгандан кийин апам карындаштарыбыз тууралуу окуяны төкпөй-чачпай айтып берген. Ошол күндөн баштап биз да бир туугандарыбызды табууга куштар болуп жүрөбүз.
1993-жылы аскерден келгенде №2-төрөт үйүнө барып, эмне максат менен келгенимди айтып, архивин карайын десем, уруксат беришпеди. Сурамжылап бир топ издедим, бирок жыйынтык чыккан жок. Кийин троллейбус айдап иштеп жүргөндө эгиз кыздар түшүшсө эле “балким, булар менин карындаштарымдыр” деп ойлоно берчүмүн. Бир жолу троллейбуска эгиз кыздар отурушуп, анан Салиева көчөсүнөн түшүп калышты. Кыздар улуу эжем Аидага абдан окшош экен. Троллейбус айдабаганда артынан бармакмын.
Бир туугандарыбыз кеңешип, көзү ачыктарга да кайрылып көрдүк. Алардын көбү эле “карындаштарыңар түрүү, алыс деле эмес, жакын эле жерде жашашат” деп айтышат. Анан дагы “силер 6 бир тууган экенсиңер” деп көп айтышат. Ушундан улам карындаштарыбыздын тирүү экенине ишенебиз.

Чындык деңиздин кол жетпеген тереңине бекем катылса да, бир күнү жээкке калкып чыгат. Балким, бул макала окуяга тиешеси бар бирөөнүн колуна тийип, ал кеч болсо да чындыкты чыркырап балдарын издеген энеге айтып берет деген ишеничтебиз.

Бул окуя тууралуу маалыматы барлар
(0312) 66-09-46, (0778) 51-11-52
байланыш телефондоруна
кайрылсаңыздар болот.

Сиз качандыр бир кездеги жакын адамыңызды издеп, бирок таппай жүргөн болсоңуз, анда Главпочтамт, а/я 2031 дарегине же koom@super.kg электрондук почтасына кат жазыңыз.
Эскертүү: Катта маалымат берген адамдын дареги же телефон номуру так көрсөтүлүүгө тийиш.
Байланыш телефону: 32-33-26

Бахияна Сатылганова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  11 
Комментарийлер(2)
19.03.2014. 18:34 
Тайпасы:
Жаран
Комментарийлердин саны:
90
Катталган:
03-11-2013
Соӊку аракети:
22-09-2018 13:42
Жынысы:
Белгисиз
Калаасы:
Москва
0
Адамдарга тушунбойсун
23.10.2017. 01:45 
Тайпасы:
Конок
Комментарийлердин саны:
32
Катталган:
02-10-2017
Соӊку аракети:
19-11-2017 18:25
Жынысы:
Белгисиз
0
Табылып калса экен эми
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: