Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАБИТТЕРИ БАШКА, МАКСАТТАРЫ БИР – «TWICE»ТОБУ

№820 20 - 26-июль, 2018-ж.


Топ күйөрмандарга көргөндө өзүнчө, укканда өзүнчө, эки ирет ырахат тартууласын деген максатта «Twice» деп аталган. Кореядагы эң популярдуу k-pop топторунун катарына кирген, өспүрүм кыздардын кумирине айланган жылдыздар жашоодо кандай, эмнеге кызыгышат, макала ошол тууралуу.

Түзүлгөн жылы – 2015-жыл, 20-октябрь
Жери – Түштүк Корея

Жанры – Хип-хоп, рэп

Инстаграмдагы окурмандары – 5,8 миллион

РЕАЛИТИ-ШОУДОН ЧЫККАН ЖЫЛДЫЗДАР

2013-жылы «JYP Intertainment» компаниясынын жетекчиси Пак Чин Ён «6mix» аталышындагы топ түзүүгө киришет. Тилекке каршы, ырчы айымдар чекеден топтон чыгып баштаганда долбоор убактылуу токтотулат. Эки жылдан соң кайра «Sixteen» реалити шоусуна 16 талапкер кабыл алынган. 3 ай бою талапкерлер талбай эмгектенип, мыкты делген 6 кыз тандалат. Ошентип мурунку «6mix» тобундагы Наён, Чонён, Чжихёго шоунун жеңүүчүлөрү кошулуп отуруп 9 кыздан турган толук кандуу топ куралат.

«BLACK PINK» КЫЙЫНБЫ ЖЕ «TWICE» ТОБУБУ?

«Twice» менен «Black Pink» тобунун ортосундагы атаандаштык топ түзүлгөндөн тартып токтобой келет. Анткени экөө тең бир убакта негизделип, коомчулукка бирдей тарашкан. Эки топтун бийлеген бийлерин, ырларын салыштыргандар да көп. Топ алгач «Like ooh-aah» аттуу музыкасы менен жанып, көп убакыт өтпөй эле YouTube`дагы дебюттук топтордун арасынан алгачкылардан болуп 50 миллионго жакын көрүүчүгө татыган. Учурда дүйнөдөгү кореялык поп музыканын сүйүүчүлөрүнүн кумирине айланган топтун 10го жакын ыры бар. Былтыр «Twice» тобунун расмий сайтына «Япония өлкөсү көп суммадагы акча сунуштап, топ Кореяны таштап кетет дешет. Ушул маалыматты тактап бергилечи» деген кат келген. Бул маалыматка ырчы айымдар «акча көп болсо эч ким баш тартпайт, бирок, элестеткиле, биз өлкөбүздү кантип таштап кетмек элек?» деп жооп узатышкан.

КЫЗЫКТУУ МААЛЫМАТТАР

  • Топ түзүлгөнүнө бир ай болгондо жалпы суммасы 1,8 миллиард вонго 10 келишим түзүлгөн.
  • «Cheer Up» ыры менен Түштүк Кореянын улуттук музыкалык хит-парадынын 4 жолку алтын медалынын ээси болгон жана 16 жума бою музыкалык чартта биринчиликтен түшкөн эмес;
  • 1 жыл ичинде «Page two» альбомунун 100 миң нускасы сатылып, Кореянын алдыңкы 10 k-pop тобуна кирген;
  • Атайын күйөрмандары үчүн «TwiceTV» реалити-шоусун ачып, ал жактан жашоосундагы кызыктырган маалыматтар менен бөлүшүп турушат.
  • Компаниянын жетекчиси Пак Чин Ён ырчы айымдарга 3 жыл мырзалар менен мамиле түзүүгө тыюу салган. Бул талаптын мөөнөтү бүткөнү менен, айымдардын жеке жашоолору дале тынч.
  • Кореяда эң популярдуу k-pop`чулардын арасында 8-орунда турат.


1. ЦЗЫЮЙ (ЧЖОУ ЦЗЫЮЙ)

Туулган жылы – 14-июнь, 1999-жыл

Туулган жери – Тайвань, Тайвань шаары

Бою – 170 сантиметр

Салмагы – 48 килограмм

Цзыюй топ ойногонду жакшы көрөт. «Дагы бир жолу жаралсам боюмдун кыска болушун каалайт элем» дейт. Ал 2012-жылы Түштүк Кореядагы «JYP» компаниясына стажировка өтөгөнү келип, 2 жылдан соң «Sixteen» реалити-шоусуна катышкан. Учурда «Twice» тобунун эң кенжеси жана узун бойлуу расмий жүзү. Өзүн «мен Twice» деп тааныштырган Цзыюй башкалардан патриоттуулугу менен да айырмаланып келет. Топтун сулуу жүзү болгону менен, жашоодо тартынчаак. Дахён, Чеён үчөө бир бөлмөдө жашашат. Америка жылдызы Бейонсенин ырларын көп угат.


2. ЧОНЁН (Ю ЧОНЁН)

Туулган жылы – 1-ноябрь, 1996-жыл

Туулган жери – Түштүк Корея, Сувон шаары

Бою – 168 сантиметр

Салмагы – 50 килограмм

Чонён компанияга 2010-жылдан тартып аралашкан. Телефон оюнун ойногондон тажабайт. Анын топтогу кыздардын дене-мүчөлөрүнө суктануу менен караган көз карашы дайым көңүл борборунда. Ал тууралуу интернет айдыңында лесбиянкага шектенткен видеолор жайнап келет. Чонён «20-хит ырыбызды аткарып бүтөрүм менен Range Rover үлгүсүндөгү темир тулпарлуу болом» деп кыялданат.

Аны «f(x)» кыздар тобунун солисти Эмберге окшоштурушат, бирок күйөрмандары Чонёнду Эмберден күчтүү деп эсептешет.


3. САНА (МИНАТОЗАКИ САНА)

Туулган жылы – 29-декабрь, 1996-жыл

Туулган жери – Япония, Осака шаары

Бою – 168 сантиметр

Салмагы – 48 килограмм

Сананын чыгармачылыгы япониялык k-pop топторунун күйөрманы болуу менен башталган. «Sixteen» реалити-шоусунда сахнадан ырдап, бийлеп жана куймак куйганы менен өзгөчөлөнгөн. Сана кай жерде болбосун чүчкүрө берет. Бул адатына кесиптештери да көнүп калышкан. Тил үйрөнүүгө кызыгат.


4. ЧЖИХЁ (ПАК ЧЖИХЁ)

Туулган жылы – 1-февраль, 1997-жыл

Туулган жери – Түштүк Корея, Кури шаары

Бою – 162 сантиметр

Салмагы – 56 килограмм

«Ой позитивдүү болуусу керек» деп жашаган Чжихё «Twice» тобунун позитивдүү лидери. Чыгармачылыкка кадамы 3-классында «JYP» компаниясы өткөргөн сулуулук сынагынан башталат. Сынактан 2-орунду жеңген соң компания менен кызматташып, 10 жыл бою стажёр болгон. Өзүнүн Чжису атын Чжихёго өзгөртүп, 2015-жылы топко расмий түрдө кирет. Чжихё топто 2 артыкчылыгы менен белгилүү: биринчиси – дене мүчөсүнүн төп келишкени, экинчиси – өзгөчө үнү. Твиттерде көп отурат, классикалык музыкаларды укканды жакшы көрөт.


5. НАЁН (ИМ НАЁН)

Туулган жылы – 22-сентябрь, 1995-жыл

Туулган жери – Түштүк Корея, Сеул шаары

Бою – 163 сантиметр

Салмагы – 47 килограмм

«Twice» тобунун эң улуусу. Наён телефон жоготуу боюнча эч кимди алдына салбайт. Баллада, лирика жанрында жазылган музыкаларды сүйүп угат. Өзүн сквиртлге (япон покемону) окшоштурат. Жашоодо гиперактивдүү болгон Наён учурда Кореядагы Конкук университетинде билим алат. Ал тууралуу интернет колдонуучулар «мурдуна пластикалык операция жасаткан» деп мурунку жана азыркы сүрөтүн салыштырып келишет.


6.
ЧЕЁН (СОН ЧЕЁН)

Туулган жылы – 23-апрель, 1999-жыл

Туулган жери – Түштүк Корея

Бою – 157 сантиметр

Салмагы – 48 килограмм

Чеён 6-классында Түштүк Кореядагы бий академиясына тапшырып, 1 жыл билим алат. 2012-жылы «JYP» компаниясына чакырылган. «GOT7», «Miss A» топторунун клиптерине тартылган. Америкалык ырчы Жастин Биберди жакшы көрөт. «Дагы бир жолу жаралсам Америкада төрөлүүнү каалайт элем» деп кыялданат. Маанайы жокто жалгыз отуруп алып музыка угуп, кээде ыйлап бугун чыгарып аларын айтат. Ырчы айым бош убактысында сүрөт тартканга да жетишет.


7. ДАХЁН (КИМ ДАХЁН)

Туулган жылы – 28-май, 1998-жыл

Туулган жери – Түштүк Корея, Соннам шаары, Кёнгидо провинциясы

Бою – 164 сантиметр

Салмагы – 48 килограмм

Шоколадсыз жашоосун элестете албаган Дахён топтун эң мыкты рэп аткаруучусу. Ал өзүнө көп көңүл бурдурууну жакшы көрөт. Анын эл көзүндө болууну көздөгөн кыялы 6-классында пайда болгон. Ошондон тартып компаниянын стажёру болуп келип, кийин белгилүү k-pop`чулар «GOT7» тобунун «Stop stop it» клибине тартылат. Бош убактысында музыка угуп, пианино ойногонду жакшы көрөт. Анын көзүнүн көрүүсү начар болгондуктан дайыма линза тагынып жүрөт.


8. МИНА (МЁИ МИНА)

Туулган жылы – 24-март, 1997-жыл

Туулган жери – АКШ, Сан-Антонио шаары

Бою – 163 сантиметр

Салмагы – 46 килограмм

Мина сахнада «дерзкая» образы жана сүйкүмдүүлүгү менен кызыгууну жаратат. Бирок жашоодо орой. Минанын чыгармачылыгы балет бийи менен башталган. 11 жыл бою балет менен алектенип, балет жылдызына айланат. Мектеп курагында өзүнүн талантын ача билген Мина апасы менен шаардын дүкөндөрүнүн биринен «JYP» өкүлүнүн көзүнө чалдыгып, чакыруу алат. Минанын бир адаты – эринин, тырмактарын тиштегилей берет, бирок өзү көбүнчө байкабай каларын айткан.


9. МОМО (ХИРАИ МОМО)

Туулган жылы – 9-ноябрь, 1996-жыл

Туулган жери – Япония, Кётанабе шаары

Бою – 167 сантиметр

Салмагы – 48 килограмм

Момо 3 жашынан бери бий менен алектенет. Көп убактысы бий студиясында өткөндүгүнө байланыштуу кандай кырдаал болбосун кыймыл-аракет менен түшүндүрөт. Момо ырчы болууну кыялданчу, ага шык берген япониялык ырчы Амуро Намиэ болсо, k-pop жанрына жетелеген Ли Хёринин клиби. «JYP» компаниясы Момону эжеси экөө бийлеп тартылган видео аркылуу тааныган. Бул видеодон кийин дароо эки кыз тең компанияга чакырылган. Тилекке каршы, Момонун эжеси өтпөй калып, Момо алынат. Өзүнүн жөндөмүнө кайдыгер карабаган Момо диета кармап, ден соолугуна да кам көрүүнү жакшы көрөт.


Турсунай Жумадил кызы
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(3)
24.07.2018. 09:53 
Тайпасы:
Жаран
Комментарийлердин саны:
38
Катталган:
30-06-2015
Соӊку аракети:
19-11-2018 14:49
Жынысы:
Белгисиз
-1
4чу жакты мага
24.07.2018. 10:39 
Тайпасы:
Жаран
Комментарийлердин саны:
546
Катталган:
05-05-2018
Соӊку аракети:
20-11-2018 00:13
Жынысы:
Белгисиз
Калаасы:
Уч-Коргон
-1
Бийлери укмуш го,,,
24.07.2018. 11:10 
Тайпасы:
Супермодератор
Комментарийлердин саны:
2109
Катталган:
22-02-2011
Соӊку аракети:
19-11-2018 17:57
Жынысы:
Белгисиз
Калаасы:
...
0
akusya55, саламатсызбы! Кайрылууңуз тиешелүү бөлүмгө жеткирилди, рахмат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: