Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БАЛАМДЫ КӨЛГӨ ТҮШҮРСӨМ БОЛОБУ?»

№820 20-июль -26-июль, 2018-ж.


«Супер-Инфодон» ата-энелерге өзгөчө мүмкүнчүлүк. Балаңыздын саламаттыгы тууралуу сурооңузга 35 жылдык тажрыйбасы бар, Кыргыз Республикасынын Президентинин жана Өкмөтүнүн иш башкармасынын клиникалык ооруканасы мамлекеттик мекемесинин врач-педиатры Гүлжамал Саадакбаева жооп берет. Балдар дарыгеринин кеңештерин ар жума сайын гезит бетинен табасыз.

Суроолорду 0557 75 63 11 WhatsApp номерине жөнөтүңүздөр.


– Балам 1 жаш 2 айлык. Жакында Ысык-Көлгө эс алганы бармакпыз. Баламды сууга түшүрүп, бир аз күнгө күйдүрсөм болобу? Зыяны жокпу?

Самира, Бишкек шаары

– Жаш балдардын башка климатка көнүүсү жай болгондуктан, алар менен Көлгө 2-3 күнгө барууну пландоо туура эмес. Кеминде 2 күндө ошол климатка көнүшөт. Баланы алып барып дароо сууга салууга да болбойт. Биринчи күнү нымдуу кумду бастырыңыз, андан соң колу-бутун сууга малуу туура. Сууга дароо салганда бала чочуп, суудан коркуп калышы ыктымал. Албетте, суу жылуу болушу (28 градус) шарт. Муздак болсо атайын үйлөнмө бассейндерге суу толтуруп, алгач 1-2 мүнөт, кийин убакытты узартып түшүрсөңүз болот. Сууга түшүргөн соң денесин кургатып, көлөкө жерде эле отургузуу туура. Күндүн тик тийген нурларына, өзгөчө эртең мененки саат 11ден кечки 5ке чейинки убактарда алып чыгуудан сак болуңуз.

«КҮН НУРУНАН КОРГООЧУ КРЕМДИН БАЛАГА ЗЫЯНЫ ЖОКПУ?»
– Күн нурунан коргоочу каражаттарды, алсак, крем, спрейлерди, лосьондорду жаш балдарга колдонууга болобу? Эгер болсо канча жашынан баштап?

Айтурган, Токмок шаары

– Албетте, колдонууга болот. Жаш балдарга «Балдар үчүн» же болбосо «Бардык үй-бүлө мүчөлөрү үчүн» деген белгиси бар, күндөн коргоочу фактору, индекси SPF 30дан 50гө чейинки каражаттарды тандоо керек. Каражаттардын индекси канчалык жогору болбосун, баары бир алардын таасири 2 сааттан ашпайт. Андыктан ар эки саат сайын аны баланын денесине жаңылап сүртүп туруу зарыл. Учурда күндөн коргоочу каражаттардын 6 айлык балдарга арналгандарын да табууга болот. Эң жакшысы, жаш балдарды күнгө кактабай эле койгон оң. Анткени алардын териси жука жана меланин заты аз иштелип чыккандыктан, күнгө бат күйүп кетүү коркунучу чоң. Андан көрө жука кездемеден тигилген, жеңи узун кийим, башына баш кийим кийгизип коё берүү туура.

«ЫСЫКТА МУЗДАК СУУСУНДУКТАРДЫ ИЧҮҮГӨ БОЛОБУ?»
– Уулум 4 жашта. «Кой, жебе, ичпе, тамагың ооруйт» дегенибизге карабай муздак суусундуктарды, балмуздак талап кыла берет. Ангина, отит болобу деп корком. Күн катуу ысып турганда муздак суусундуктарды ичүүнүн зыяны жокпу?

Болот, Лейлек району

– Ысыкта өтө муздак суусундук ичүү сунушталбайт. Анткени муздак суу ашказанда көп убакытка кармалат. Анын курамындагы минералдык туздар организмдин клеткаларына кеч жетет да, тер бездерин козгойт. Андыктан чаңкоону кандыруу үчүн өтө муздак эмес суусундукту аз-аздан ууртап ичкен оң. Ал эми балмуздакты тиштеп эмес, соруп, жалап, кийин бир аздан тиштеп жегенге үйрөтүү керек. Сиз айткан ангина, отит сыяктуу инфекцияларды балмуздак, муздак суусундуктар эмес, патогендик бактерия, вирус, грибоктор чакырат. Эгер балада өнөкөт инфекциялардын очогу бар болсо, мисалы, өнөкөт тонзиллит, анда муздак нерселер ооруну козгошу же өөрчүшүнө себеп болуп калышы мүмкүн.

«СУУ ЖУТУП АЛСА ЭЧ НЕРСЕ БОЛБОЙБУ?»

– Балам көлмөгө түшүп жатып чөгүп кете жаздаптыр. Бир аз суу жутуп алдым дейт. Атасы экөөбүз өпкөсүнө суу кетип калбадыбы деп санааркап жатабыз. Өпкөгө суу кеткенде кандай белгилер байкалат? Эмне кылсак болот, дарыгерге көрсөтүшүбүз зарылбы?

Фатима, Аксы району

– Баланы өз алдынча бассейндерге, көлмөлөргө жиберүүдө сак болуңуздар. Учурда балаңыздын абалы кандай? Өпкөгө суу кирип кеткен учурда аба алмашуу, канга кычкылтектин жетиши кыйындап, бала шалдырап, уйкусурайт, дем алуу, жүрөгүнүн согушу тездейт. Эгер ушул белгилер байкалса, анда баланы дарыгердин текшерүүсүнөн өткөрүңүз. Мындан сырткары балдар сууга түшүп жатканда суу жутуп албайт, же болбосо мурдуна, кулагына суу кирип кетпейт деп эч ким кепилдик бере албайт. Сууда ар кандай бактериялар, микробдор жана ичеги-карын ооруларын чакыруучу лямблия сыяктуу бир клеткалуу жандыктар болот. Булар органдарды сезгентип, гайморит, отит, ичеги-карын ооруларын жаратат.

«БАЛАНЫ ААРЫ ЧАККАНДА ЭМНЕ КЫЛУУ КЕРЕК?»

– Дарбыз жеп отурганыбызда баламдын колун аары чагып алды эле. Азыр чаккан жери шишип, кызарып, ысып турат. Кычышып да жатат окшойт, тырмай берип жара кылып салды. Кандай каражат сүйкөсөк болот?

Асылбек, Шамалды-Сай шаарчасы

– Аарыбы же башка курт-кумурска чаккан жерди эч качан тырмоого болбойт. Катуу тырмагандан кийин чаккан жер жара болуп, ар кандай инфекциялар кирип кетиши толук мүмкүн. Чаккан жерге Псило-бальзам сыяктуу кычышууга каршы кремдерди, гелдерди жука сүйкөө керек. Элдик медицинада бака жалбыракты тартышат же айран сүйкөшөт. Эгер баланын аллергиясы болсо, анда тезинен "Тез жардам" чакыруу керек.

«ЭМНЕГЕ БИРӨӨЛӨРДҮ ЧИРКЕЙ ЧАГАТ, АЙРЫМДАРДЫ ЧАКПАЙТ?»

– 2 балам бар. Мени таң калтырганы, улуу баламды чиркей аябай жакшы көрөбү, көп чагат. Кичүү баламды чакпайт деле. Бул эмнеси? Чиркей чаккан учурда сүйкөөчү каражаттардын кайсынысы зыяндуу эмес?

Салима, Маевка айылы

– Чындыгында чиркейлер, өзгөчө ургаачысы курмандыгын тандап чагат. Биринчиден, аларга жука терилүү адамдар, өзгөчө жаш балдар жана кыздар жагат. Экинчиден, көмүртек кычкыл газынын деңгээлин болжолдошот. Адам канчалык бул газды көп бөлүп чыгарса, чиркей ошого жакын барат. Бул газды кош бойлуулар, сыраны жактыргандар, көп тердеген адамдар көп бөлүп чыгарышат. Үчүнчүдөн, чиркейлер кандын тобуна карап да чагышат. Эң жакшы көргөнү 1-топтогу кандын ээлери. Андан кийин 2-топтогу кандын ээлери кетет. Төртүнчүдөн, чиркейлер таттууну көп жеген адамдарды да көп чагышат. Менимче, балаңыз ушул 4 топтун бирине кирсе керек. Чиркей чаккан учурда «Балдар үчүн», «0+», «Гипоаллергенно» деген белгилери бар атайын крем, спрей, гелдерди сүйкөңүз.

«КЫЗЫМДЫН МУРДУ БАТ-БАТ КАНАП ЖАТАТ»

– Кызым 3,5 жашта. Күн ысык болгонгобу, күн алыс эле мурду канап жатат. Сөзсүз уюган кан чыгып, андан соң токтойт. Көлөкө жерде эле ойнойт. Кан басымы көтөрүлүп жаткан жокпу?

Адина, Бишкек шаары

– Эгер кан уюп түшкөндөн кийин токтосо – бул нормалдуу көрүнүш, өтө кооптонуунун кереги жок. Кызыңызды ЛОР-дарыгерине көрсөтүп, мурун көңдөйүндөгү кан тамырларын текшертип коюңуз. Эгер мурдунун кан тамырлары жакшы болсо, анда неврологго, кийин гематологго көрсөтүү туура.


Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(1)
24.07.2018. 16:38 
Тайпасы:
Жаран
Комментарийлердин саны:
383
Катталган:
28-11-2008
Соӊку аракети:
15-11-2018 17:23
Жынысы:
Белгисиз
0
Эң керектүү кеңештер экен. Рахмат сизге, Гүлжамал Саадакбаева жана "Супер-Инфо"!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: