Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Гойко Митич: «ЭРКИНДИКТИ СҮЙҮП, «КИНОГО» ҮЙЛӨНДҮМ»

№398 18-24-июнь, 2010-ж.


Кичине кезиңде көргөн индей уруулары тууралуу кинолор, андагы каармандар жагымдуу сезим калтырат эмеспи. Чингачкук, Бүркүт, Северино сыяктуу баатырларды экранга алып чыккан Гойко Митич сиздин алдыңызда...

Толук аты-жөнү – Гойко Митич
Туулган жылы – 1940-жыл, 13-июнь

Туулган жери –
Югославиянын Лесковац айылы
Билими –
Белграддагы дене тарбия академиясын бүтүргөн
Карьерасы –
Каскадёрлуктан башталган карьерасы актёрлук, режиссёрлук менен коштолуп, азыр театр актёру
Өзгөчөлүгү –
Спорттун дээрлик бардык түрлөрү менен машыккан
Ашканада –
Бардык тамактарды жей берет, ичимдиктен кызыл шарапты татып коёт
Баалаган унаасы –
Чингачкуктун азыркы “аргымагы” – велосипед
Кийими – Ар дайым жынсы кийип жүрөт

АЛГАЧ СПОРТЧУ, АНАН АКТЁР
1960-жылдары “Дефа” аттуу немис студиясы индейлер тууралуу кино тартууну баштайт. Бул тема буга чейин ачыла элек болгондуктан өзгөчө кызыгуу жаратып, ошол кездерде индеомания дүйнөнү каптап турган. Анда югославиялык жөнөкөй жигит Гойко студент эле. Югославияда индейлер тууралуу тасмага дублёр керек экенин уккан студенттер аз да болсо акча таап алуу үчүн кино тартуучу топко келишет. Гойконун ат үстүндөгү трюктары киночуларды таң калтырат. Алар бул жигит кыйын каскадёр гана эмес, жүзү экранга төп келгендей сулуу экенин да байкашат. Америкалык режиссёр Конуэл Уайльд бул учурда Югославияда “Ланселоттун кылычы” аттуу фильм тартууну көздөп жүргөн. Өзү башкы ролду аткарып, Митичти дублёр кылат. Бул чоң ишенимдин белгиси эле.
1964-жылы режиссёр Йозеф Махаттунун чакыруусу менен Гойко “Чоң аюунун балдары” аттуу индейлер тууралуу тасмада башкы ролду ойнойт. Андан соң “Чингачкук – чоң жылан”, “Ак карышкыр” тасмалары тартылат. Өткөн кылымдын 60-жылдарынан 70-жылдарына чейинки 10 жылдыктын ичинде индеомания өкүм сүрүп, катары менен 15 фильмге тартылган.

ТАМЕКИ ТАРТКАН ТРЮКТУ АТКАРА АЛБАЙ...
Эмне үчүн Гойко тартылган фильмдер популярдуулуктун туу чокусуна жеткен? Эң биринчиден, Гойко өңү гана эмес, дүйнө таанымы, мыйзамды туу тутканы жагынан индей урууларына жакын эле. Югославиянын Лесковац аттуу карапайым айылында дыйкандын үй-бүлөсүндө чоңойгон Гойко буту үзөңгүгө жете электе ат чапканды үйрөнгөн. Чоң энеси экөө токойлордо көп жүрүшчү. Баса, небересинен тамеки тартпоону чоң энеси суранган экен. Бул убаданы Гойко эч качан бузган эмес. “Аскадан дарактын бутагына, жүрүп бараткан поездден атка, кылдай көпүрөдөн көз ирмебей өткөн эпизоддордун баарын дублёрсуз өзүм аткаргам. Ошол татаал трюктардын арасынан канжа менен тамеки тартуу мага өзгөчө оор болду. Тамеки үчүн ролумдан да баш тарта жаздагам”,- деп эскерет Гойко. Ошентсе да өмүрүндө чыныгы индейлер менен жолуккан учурда алардын тамекисин тартуудан баш тарта албаган экен.
Аны Америкага жакын жайгашкан Сиэтл өрөөнүндө жашаган индейлер конокко чакырышкан. Чыныгы уруу башчы индейлердин турмушун мыкты чагылдырганы үчүн Гойкого канаттан жасалган баш кийим берип, өзүнүн канжасынан тамеки тартуусун өтүнгөн. Бул конокту сыйлоо аземинен баш тарткан адам өлүм жазасына туш болмок. Гойко канжаны колуна алууга аргасыз болуп, эки жолу тартып, кайра узаткан. Индейлер Гойкону өз уруусуна кабыл алуу сунушун киргизишкен. Бирок ал сунушту актёр кабыл албагандан кийин сыймык катары ага Карышкыр деген ысымды ыйгарып узатышкан.

ЧАЛМАГА ДА ТҮШПӨГӨН ШАМДАГАЙ БОЛЧУ
Өз учурунун кумири, миңдеген кыз-келиндердин жүрөгүнүн ээси болгон Гойко ушул күнгө чейин үйлөнө элек. Жеке турмушун элдин кызыкдар көзүнөн алыс сактап келген. Бирок анын төш чөнтөгүндө 18 жаштагы кыздын сүрөтү ар дайым сакталып келет. Бул анын кызы – Наталья. Ал атасынын кара чачтарын жана жагымдуу жылмаюусун мураска алган. Гойко эч качан журналисттерге бул сүрөттү тартып алууга уруксат берген эмес. Эмнеге экени да табышмак. Ал эми кызынын апасы тууралуу минтип эскерет:
Өмүрүмдө көп роль аткардым. Бирок мыкты күйөөнүн ролун аткаруу мага буюрбаптыр. Мен Рамонаны көргөндө чыныгы индейлердин сулуусун көргөндөй болгом. Аябай күчтүү сүйүү болчу. Ал кесиби боюнча архитектор. Көз жаш, жаңжал, кызганыч, баары болгон. Кийин гана үй-бүлө үчүн жаралбаган адам экенимди сезип, мени коё берди. Ошентип мен эркиндикти сүйүп, «киного» үйлөндүм десем болот.Жашоодо көп аялга жолуктум. Алардын арасында жылдызы да, саясатчысы да, үй кожойкеси да бар болчу. Бирок өзүңөр көргөндөй, эч ким мени кармай алган жок. Деги эле Чингачкукту ноктолой алган аялзаты болбосо керек. Үй-бүлө үчүн жаралбаганым менен, кызыма татыктуу тарбия бере алдым болуш керек. Эки жашында атка мингенди, лыжа тепкенди үйрөттүм. Азыр мени менен театрда иштейт.
Такталбаган маалыматтар боюнча, «Гойко Митичтин Орусияда да никесиз төрөлгөн кызы бар. Ал кыздын аты – Юля, апасы актриса экен» деген кептер таралган. Бирок Митич Юляны «менин кызым» деп эл алдында эч качан айткан эмес.

АЙЫЛДЫК БАЛА БОЙДОН КАЛГАН
10 жыл бою экрандан түшпөй, элдин жүрөгүнөн орун алган Гойконун мүнөзүн атак да өзгөртө алган эмес. Интервью чанда гана берет. Журналисттерден, жалпы элдин көзүнөн алыс жүргөнгө аракет кылат. Эки бөлмөлүү гана үйдө жөнөкөй кийим менен жүргөн ал бир кезде бүткүл Союз эле эмес, дүйнөнү таң калтырган актёр болгонун өзү да унуткусу келет.

УЧУРДА...
Индей тасмаларынын толкуну токтогондон кийин көп жылдар бою Гойко өзү тууралуу маалымат бергенден баш тартып жүргөн. 2006-жылы гана “Эсперанца” аттуу фильмде Гойко индей адамы эмес, карапайым жумушчунун ролун жараткан. Азыркы учурда Германиянын Бад-Загеберт шаарындагы театрда иштейт. Ошондой эле балдарга арналган фильмдерди тартып, режиссёрлук да кылат.

Нуржамал Жийдебаева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: