Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨФ, КАЙРАДАН МОЛОЧНИЦА... Андан толук арылууга болобу?

№820 20-июль -26-июль, 2018-ж.


Молочница же жатын кынынын кандидозу – айымдар арасында кеңири тараган оору түрү. Оорунун жаралышына кандай факторлор таасир берет жана кантип алдын алууга болот? Суроолорго «Мир здоровья» медициналык борборунун гинекологу Айпери Соурбекова жооп берет.

ООРУ ТУУРАЛУУ

Молочница же жатын кынынын кандидозун кандида тобундагы грибоктор козгойт. Булар таза жатын кынында да аз санда болуп, эч кандай ыңгайсыздык жаратпайт. Кайсы учурда ыңгайсыздык жаратат? Качан гана кандида грибоктору кандайдыр бир ички же сырткы факторлордун таасиринен улам көбөйгөн учурда жатындан бөлүнүп чыккан суюктук быштак сымал ак болуп, кычышуу, заара кылган учурда жана андан кийин оорутуу сезилет.

ДАРЫЛОО

Бул дартка айымдар гана эмес, эркектер да чалдыгышат. Андыктан жогоруда саналган белгилер байкалары менен дарыгерге кайрылып, өнөктөшү менен чогуу дарылануусу шарт. Молочницаны дарылоодо дарыгер грибокко каршы медициналык каражаттар, мазь, таблеткалар, суппозиторийлерди жазып берет. Жатын кынынын кандидозун өз убагында дарылабаса өнөкөт түрүнө өтүп, буга бактериялык вагиноз, трихомониаз, хламидиоз, гонорея өңдүү оорулар кошулушу мүмкүн. Эгер кош бойлуу кезинде аталган илдет менен ооруп, дарыланбай жүрө берсе, ал энеден балага өтөт.


ООРУНУН ӨӨРЧҮШҮНӨ ТААСИР ЭТҮҮЧҮ ФАКТОРЛОР ЖАНА АЛДЫН АЛУУ

АНТИБИОТИКТЕР

Антибиотиктерди кабыл алган учурда алар зыяндуу микробдорду гана эмес, кээде адамдын организмине керектүү болгон, кандида тобундагы бактериялардын өсүп кетүүсүн көзөмөлдөп туруучу бифидобактерия жана лактобактерияларды кошо жок кылып салат. Бифидо жана лактобактериялардын колдоосу жок болгон учурда кандида грибокторунун саны көбөйүп, мындан улам молочница жаралат.

ЭМНЕ КЫЛУУ КЕРЕК?

Антибиотик колдонордо өтө сак болуңуз. Аларды өз алдынча колдонууга болбойт, сөзсүз дарыгердин кеңеши, көзөмөлү менен ичиңиз. Антибиотиктерди кабыл алгандан кийин организмди кайра калыпка келтирүү үчүн 2 жума же 1 ай пайдалуу бактериялуу пробиотиктерди ичүү сунушталат.

ЖЫПАР ЖЫТТУУ ГИГИЕНАЛЫК КАРАЖАТТАР

Күн сайын жана этек кир келген учурда колдонулуучу көпчүлүк гигиеналык каражаттардын ички катмарларына ар кандай жыпар жыттуу заттар сиңирилип жасалат. Жыныс кынынын териси жана чел кабыгы өтө сезимтал болгондуктан, тилекке каршы, мындай жыпар жыттуу заттар көп жага бербейт. Мындан улам анда аялуу жерде кычышуу, кызаруу байкалып, айрым учурда шишип чыгып, кандида бактериясынын көбөйүшүн шарттайт.

ЭМНЕ КЫЛУУ КЕРЕК?

Колдон келсе жытсыз гигиеналык каражаттарды колдонууга аракет кылыңыз. Аларды ар 3-4 саат сайын которуп туруңуз. Ошондой эле териси сезимтал айымдар тампондордон жана гигиеналык каражаттардан баш тартканы оң.

КОРГОЛБОГОН ЖЫНЫСТЫК КАТНАШ

Эгер кезектеги жыныстык катнаштан соң молочницанын белгилери байкалса, демек, ооруну козгогучтар өнөктөшүңүз тараптан сизге конокко келди дей берсеңиз болот. Бул оорунун козгогучтары жабык формада да келиши мүмкүн.

ЭМНЕ КЫЛУУ КЕРЕК?

Жыныстык жол менен жугуучу инфекциялардан сактанам десеңиз презерватив колдонуңуз. Эгер дайымкы өнөктөшүңүз менен болгон байланыштан кийин кандидоздун белгилери байкалса, анда чогуу дарылануу сунушталат.

НЫМ КУПАЛЬНИК

Эс алуу учурунда бассейнге, көлгө, деңизге сууга түшкөн учурларда молочницанын көбөйгөнү байкалат. Анын себеби – ным купальникте. Анткени нымдуулук кандида грибогунун өөрчүшүн шарттоочу факторго кирет.

ЭМНЕ КЫЛУУ КЕРЕК?

Ным купальник менен көпкө жүрбөө үчүн сөзсүз кошумча кийим ала жүрүңүз. Же болбосо бат кургоочу кездемеден тигилген купальник тандаңыз.

ТАТТУУ АЗЫКТАР

Кандида тобундагы козгогучтар глюкозаны аябай жакшы көрүшөт. Күнүмдүк менюга таттуу азыктарды көп кошуу кандида грибогунун санынын көбөйүшүнө алып келет.

ЭМНЕ КЫЛУУ КЕРЕК?

Менюңуздагы таттуу азыктардын санын азайтыңыз. Кандагы канттын деңгээлин көзөмөлдөп туруңуз. Эгер молочницадан жабыркап, дарыланып жүргөн болсоңуз, анда таттуу азыктар тууралуу унутуңуз. Мындан сырткары дарылануу учурунда спирт ичимдиктерин, маринаддалган, ышталган азыктардан баш тартуу туура.

БОЙГО БҮТҮҮДӨН САКТООЧУ ГОРМОНАЛДЫК КАРАЖАТТАР

Гормоналдык каражаттарды колдонуу жыныс кынынын флорасына сөзсүз таасирин тийгизет. Мындан улам аларды колдонуу учурунда көпчүлүк айымдарда молочница жаралышы мүмкүн. Ошондой эле аялдардын этек киринин келүү цикли бузулганда, кош бойлуу кезинде да күчөйт. Анткени бул учурларда организмде гормондук өзгөрүүлөр жүрөт.

ЭМНЕ КЫЛУУ КЕРЕК?

Гормоналдык каражаттарды тандоо учурунда сөзсүз гинекологуңуз менен кеңешип, ага бат-баттан молочница болоруңузду эскертиңиз. Мүмкүн, бойго бүтүүдөн сактануунун башка жолун тандап берер. Эгер биринчи таблетканы ичкенден кийин эле молочницанын белгилери байкалса, дароо дарыгерге кабарлаңыз.

СИНТЕТИКАЛЫК ИЧ КИЙИМДЕР

Синтетикалык ич кийимдер абаны начар өткөрөрү жана тердетери баарыбызга маалым. Дал ушул нымдуу жана жылуу атмосфера кандида грибокторунун өөрчүшүнө себеп болот.

ЭМНЕ КЫЛУУ КЕРЕК?

Пахтадан согулган кездемеден тигилген, өз өлчөмүңүздөгү ич кийимдерди тандаңыз. Өзгөчө синтетикалык кездемеден тигилген стрингилерди жана тар ич кийимдерди кийүүдөн качыңыз. Эгер шартка жараша кийүүгө туура келсе, бат чечип салууга аракет кылыңыз.

ИММУНИТЕТТИН ТӨМӨНДӨШҮ

Ар дайым стрессте жүрүү, иммунитетти төмөндөтүүчү дары-дармектерди көп ичүү да молочницанын өөрчүшүнө алып келет.

ЭМНЕ КЫЛУУ КЕРЕК?

Ар убак иммунитетти бекемдеп, ачык маанайда жүрүүнү адат кылыңыз.


Дамира Арстанова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(7)
24.07.2018. 12:45 
Тайпасы:
Жаран
Комментарийлердин саны:
198
Катталган:
02-07-2015
Соӊку аракети:
16-11-2018 14:13
Жынысы:
Белгисиз
+6
Болочок энелер силер өзүңөрдү жакшы карагыла,эринерди тийгенде кыйнабай
24.07.2018. 16:48 
Тайпасы:
Жаран
Комментарийлердин саны:
14
Катталган:
25-08-2013
Соӊку аракети:
05-11-2018 19:41
Жынысы:
Белгисиз
Калаасы:
Сүлүктү
+10
mirlanpiter,эркектер дагы кабылат деп турат го бул оорууга. Үйлөнгүчө эркектер дагы жөн жүрсүн да
24.07.2018. 14:16 
Тайпасы:
Жаран
Комментарийлердин саны:
17
Катталган:
06-02-2017
Соӊку аракети:
16-11-2018 11:57
Жынысы:
Белгисиз
+12
Мусульман калктарында ушуга окшогон нерселерди уялып айтбай жүрө беришет өтүшүп кеткенден кийин сасып баштайт.Ажырашуунун биринчи себеби ушундай нерселерден көп болот.
24.07.2018. 16:32 
Тайпасы:
Жаран
Комментарийлердин саны:
213
Катталган:
28-11-2008
Соӊку аракети:
15-11-2018 17:23
Жынысы:
Белгисиз
+3
Эми түшүнүктүү көлгө барганда эле ооруп калчумун да
26.07.2018. 21:36 
Тайпасы:
Жаран
Комментарийлердин саны:
919
Катталган:
14-11-2015
Соӊку аракети:
16-11-2018 16:37
Жынысы:
Белгисиз
0
Бир эжем айтып калды аселден тампон жасап колдон,пайдасы жакшы анын эч кандай зыяны жок деп.Курс боюнча 3 жолу жасаш керек экен,эки кун жасагандан кийин эле молочница болуп,энемди уч коргондон коргонмун.Кундузу жон журо албаймын,туну уйку жок.
27.07.2018. 23:19 
Тайпасы:
Жаран
Комментарийлердин саны:
123
Катталган:
08-02-2017
Соӊку аракети:
16-11-2018 17:34
Жынысы:
Белгисиз
0
Имунитетти кантип көтөрүү керек ошону да билип бергилечи супер инфо сураныч
31.07.2018. 03:43 
Тайпасы:
Жаран
Комментарийлердин саны:
1
Катталган:
09-09-2017
Соӊку аракети:
22-08-2018 22:05
Жынысы:
Белгисиз
0
Жакшы кенештер экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: