Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Манас Алыкулов, шоумен: «МЕН АЛМАЗ АГАМДЫН ЖЕКЕ ЖАКТООЧУСУМУН»

№820 20-июль -26-июль, 2018-ж.


Куудул Жаныбек Алыкулов арабызда болсо 58 жашка чыкмак. «Атага тең уул, атадан кем уул, атадан артык уул» деген кеп кыргызда бекеринен айтылбаган. Учурда Алыкуловдун атын өчүрбөй, жолун улап келаткан эки уулу бар. «Эки үй-бүлөдө чоңойсок да жатындаш бир туугандай жакынбыз» деген ага-ини бала кези, азыркы турмушу тууралуу айтып беришти.

Бир тууган Алыкуловдор:

1. Айжан Алыкулова – 1983-жылы туулган, жеке ишкер;

2. Алмаз Алыкулов – 1984-жылы туулган шоумен;

3. Нуржамал Алыкулова – 1989-жылы туулган, Ички иштер министрлигинде эмгектенет;

4. Жаныбек уулу Жанарбек – 1990-жылы туулган, аскер кызматкери;

5. Манас Алыкулов – 1993-жылы туулган, шоумен;

6. Гүлжигит Алыкулов – 2000-жылы туулган, жаштар арасында улуттук курама команданын футболчусу.

– Алмаз, ыраматылык Жаныбек агай башка үй-бүлө күтүп кеткенде сиз кандай кабыл алдыңыз?

Алмаз: – Атамдын эки үй-бүлөсү бар экенин эл жакшы билет. Үйдө деле апабыз бөбөк төрөсө "ордумду тарттырып койдум" деп кызганасың го. Албетте, кызгануу, таарынуу сезимдери болгон. Чоңойгондон кийин гана абалды түшүнүп жатпайлыбы. Атам ыраматылык бир тууган дегенде жанын берген киши болчу. Ошондуктан бизди тыгыз катыштырды. Кээде гастролго чыкканда экөөбүздү тең калтырганга киши жок, чогуу алып жүрчү. Манасты бала кезинен эле мен карадым.

– Кайсы мүнөздөрүңөр окшош, өзгөчө дегендей?

А.: – Экөөбүз сүйлөгөндө эмоцияларыбыз окшош. Кээде бир учурда бирдей ойду айтып калабыз.

Манас: – Алмаз акем диплом керек болуп эле юристтик кесипти окуганы болбосо, экөөбүз тең чыгармачылыкка жакынбыз. Байкем кафеде (кабак) ырчы болуп иштеп жүргөндө мага кантип ырдоо керектигин үйрөткөн.

– Сиз кафеде ырдап жүрсөңүз, анда эмнеге сахнадан көргөн жокпуз?

А.: – Мен 2007-жылы «Сапарымды улай, Күтөм жолуң карай. Сагынычтан самап жүрөк...» деген саптары бар «Кусалык» аттуу ырымды жаздыргам. Элге ырым жакшы тарады, бирок жүзүмдү эч ким тааныбай "Ильяз Абдыразаков ырдайт" деп жүрүштү. Ошол ырым чыкканда атама «угуп көрүңүзчү. Телевидениеде тааныштарыңыз көп, чалып айтып коюңузчу жардам беришсин» десем «жок, мен чыгып жатканда атам жардам кылган эмес» деп кагып койчу. Советтик адамдар эч кимдин жардамысыз өздөрү көтөрүлүшкөн да. Ал кезде бизди колдобойт деп ыйлаганбыз. Эми бирөөгө ишенбей өздөрү бутка турганды үйрөнсүн деген "мораль" жатканын түшүнүп жатпайлыбы. Ошону менен ыр жаздырбай Казакстанга кетип, 2013-жылга чейин кафелеринде ырдап жүрдүм.

М.: – Бул жагын мен улантайынчы. Дагы бир себеби кафелерге көнүп алган жаман экен. Арак ичкичтер "запойго" кирип кеткенде чыгышы кыйын болуп калат го, Алмаз акем да ошондой болгон. Бир жумушка көнүп алып, сахнага аракет кылбай койду.

А.: – 2013-жылы мекениме келип үйлөндүм. Ырчынын жумушун билесиздер да, түнү иштеп, күндүз уктамай, жеке жашоого көңүл бура албай каласың. Жубайым тың чыкты, кафени жыйыштырып салдым.

– Агай артисттин жашоосунун ысык-суугун көрүп калды. Чыгармачылыкты тандашыңыздарды колдочу беле?

М.: – Алмаз акем айткандай, атам бизди көбүнчө сындырып койчу. Мен 2009-жылы Мураталы Күрөңкеев атындагы музыкалык окуу жайга 1-сынактан өтпөй калгам. Атама айтсам «азамат, сенин колуңдан эч нерсе келбейт» деп койгон. Бирок ал нерсеге намыстанып кийинки турдан өтүп кеткем. Мындай сөздөр менен бизди чыйралтып турганы менен, кескин каршылыгын көрсөткөн эмес.

– Алмаз, социалдык тармактарда Алыкуловдор деп сыймыктануу менен бир туугандарыңызды көп айтасыз. Жоопкерчиликти да көп алсаңыз керек.

– Албетте, улуу уул катары жоопкерчилик оор. Жанар инимдин үйлөнүү тоюнда ата ордуна ата болуп турдум. Ошондо өзүмчө калтырак басып, оор жүктү алып жүргөнүмдү билдим. Андан кийин карындашыбызды узаттык, Манасты үйлөнттүк. Татыктуу ага, ата болгонго аракет кылып жатам. Атам калтырып кеткен аманатты аткарып, бири-бирибизди колдоп жүрөбүз.

– Экөөңөр тең учурда ата болуп калдыңар. «Балам, балалуу болгондо билесиң» дегендей, атанын кадырын билип жатсаңар керек?

А.: – Ооба, Манастын бир уулу, менин эгиз кыздарым, бир уулум бар. Эгиздерим төрөлгөндө атам абдан кубанган. Манаска окшогон капкара эгиз кыздарымды көрүп алып ыйладым. Атама таңкы саат 5те чалып «ата» деп эле эч нерсе сүйлөй албайм. Атам коркуп кетип «эмне болду, балам, аманчылыкпы?» дейт. Өзүмдү кармап «ата, чоң ата, эгиз неберелүү болдуңуз» десем "азыр" деп эле телефонду коюп салды. Бир убакта үйдөгү кийими менен жетип келиптир. Чынында атабыздын орду жашообузда чоң. Ар бир жакшылыкта, жамандыкта эскерип турабыз.

– Бала кезде тентектик кылганда көбүнчө ким жазалачу?

М.: – Үй-бүлөдө президент жана премьер министр болот эмеспи. Биздин президентибиз такыр урушкан эмес. Премьер-министр аябай күчтүү болчу, чыбык менен чыпылдатып, чымчып атама жеткирчү эмес. Алмаз аке, угушумча, сиз дагы аябай тентек болгон экенсиз, ээ? Бир бузук машинаны өрттөп салганыңыздарды көп айтышчу.

А.: – Мындай тентектиктер далай болду. Бирок сен айтмакчы, биздин премьер да кыйын да, бирин да атама жеткирген эмес. Президент келатканда эч нерсе болбогондой тизилип туруп калар элек.

– Экөөңүздөр тең той башкарып жүрөсүздөр. Кээде тойду алмашып алпарган учурлар болобу?

А.: – Мен Манастын тамада экенин үйлөнүп жатканда билдим. Тоюбузду Майрамбек Осмонов алып барган. Ал киши аябай токтоо эмеспи. 3-бөлүгүнө келгенде кайдан-жайдан бабочкасын тагынып «саламатсыздарбы, коноктор?» деп кыйкырып чыга калса эсим ооп калыптыр. Манас ал кезде кафеде ырдап жүрчү.

Бизди чынында көп алмаштырышат. Мага келип "кандай, Манас?" дешет. "Мен байкеси болом" десем таң калышат. Мурун "сенин байкең бар экен го" дегендерге «ал менин иним, 10 жаш кичүү» дей берип чарчаганда "ооба, байкем бар" деп калдым.

М.: – Мага да "Алмаз деген иниң бар экен" деп көп айтышат. Ооба, кээде адашып бир күнгө 2 тойго буюртма алып алган учурларда алыс жерде болсо да, экөөбүз кезектешип, алмашып алып барган учурлар болот.

– Үйдө абал кандай? Жубайларыңыздар кесибиңиздерди туура эле түшүнүшөбү?

М.: – Көз тийбесин менин жубайым түшүнөт, чалбайт. Алмаз акеме кечке чала берет (күлүп).

А.: – Мурун үйдө отурганда чалчу. Жумушка чыккандан бери чарчап калып жатабы, меники да чалбай калды.

М.: – Мен Алмаз акемдин жеке жактоочусу болом. Жеңем мага чалып «Алмаз каякта?» десе, "ал Төө-Ашууда жүрөт, ал жакта байланыш тартпайт" дейм. "Же жаңы эле сүйлөштүм, батарейкасы өчүп жатат деди эле" дейм. Иши кылса көңүлүн жайгарганга аракет кылам. Бир жолу ошентип дагы бир жооп узатып жатсам, "сен эмне ага жактоочу болуп алгансың?" деп урушуп салган (күлүп).

– Бири-бириңиздердин мүнөзүңүздөрдү сүрөттөп берсеңиздер?

А.: – Манас сонун бала да, искусство боюнча канча окуу жай болсо баарында окуп чыкты (күлүп).

М.: – Мен Мураталы Күрөңкеев атындагы музыкалык окуу жайда, Бүбүсара Бейшеналиева атындагы Кыргыз мамлекеттик маданият жана искусство университетинде, Кыргыз улуттук консерваториясында, Улуттук филармониянын алдындагы студияда бир жылдан окудум. Окуу жайларда кандай сабак беришет, маалымат алдым да, көңүлүмө жакын болгон шоумендикти тандадым.

«Биздин апаларыбыз күчтүү болду. Канчалык тентектик кылып маселе жаратсак да, атабызга билдиришкен жок».


Гүлжамал Абылкасымова
Адилет Бектуров
star@super.kg



Манас Алыкулов: "Агамдын эгиз кыздары капкара болуп мага окшош"

Автор: Аяна Байтемирова
Оператор: Мухамадзиямидин Турдубек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
24.07.2018. 10:28 
Тайпасы:
Жаран
Комментарийлердин саны:
545
Катталган:
05-05-2018
Соӊку аракети:
18-11-2018 11:49
Жынысы:
Белгисиз
Калаасы:
Уч-Коргон
+7
Эгиз козудай го,
24.07.2018. 11:07 
Тайпасы:
Жаран
Комментарийлердин саны:
60
Катталган:
20-06-2013
Соӊку аракети:
18-11-2018 10:39
Жынысы:
Белгисиз
Калаасы:
Алай
+9
Бир туугандарыбыз ар дайым жаныбызда бар болсун!
24.07.2018. 11:14 
Тайпасы:
Жаран
Комментарийлердин саны:
36
Катталган:
28-07-2012
Соӊку аракети:
18-11-2018 08:37
Жынысы:
Белгисиз
Калаасы:
кадамжай
+2
Азамат сенин колунан эчнерсе келбейт деген жери жакты
24.07.2018. 11:31 
Тайпасы:
Жаран
Комментарийлердин саны:
3
Катталган:
16-12-2015
Соӊку аракети:
18-11-2018 10:20
Жынысы:
Белгисиз
+7
Мынча ынтымактуу Бир туугандар ачык айрым коз тийбесин дайыма ушинтип журо бергиле.
24.07.2018. 14:12 
Тайпасы:
Жаран
Комментарийлердин саны:
209
Катталган:
19-04-2011
Соӊку аракети:
03-11-2018 22:27
Жынысы:
Белгисиз
0
Жаныбек Алыкуловдун 1-аялынан кызы 2-аялына окшош го...Айрыкча коздору...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: