Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ҮЙ ЖЫЛЫТУУ ҮЧҮН РАДИАТОРДУН КАЙСЫ ТҮРҮ ЫЛАЙЫКТУУ?

№820 20-июль -26-июль, 2018-ж.


Сиз учурда там салып, аны суу менен жылытууну көздөп жатасызбы? Же үйдөгү эски радиаторлорду алмаштыруу керекпи? Анда сизге «Теплоинвест» ЖЧКсынын башкы адиси, инженер, радиаторлорду орнотуу, монтаждоо боюнча 10 жылдык тажрыйбасы бар Ислам Тагайматовдун кеңештерин сунуштайбыз.

– Кыргызстанга учурда суу менен жылытуучу системдер үчүн радиаторлор (батарея) Кытай, Түркия, Орусия, Германия, Италиядан алынып келинүүдө. Басымдуу көпчүлүгү Кытайдан келип жаткандар. Түзүлүшүнө жараша радиаторлор секциялык (гармошка), блок жана колонна түрүндөгү панелдүү болуп бөлүнөт. Жасалган материалына карап чоюн, болот, жез, алюминий, биметалл радиаторлор деп ажыратылат.

ЧОЮН РАДИАТОРЛОР

– Жалаң чоюндан куюлуп (литой) жасалат. Советтер союзу учурунда дээрлик үйлөрдүн баарында колдонулчу. Өлкөбүздө азыркыга дейре колдонулуп келе жаткандар бар. Бирок жаңы койдургандар азыраак. Азыркы тапта Германия, Орусиядан чыгарылат.

Коюлат: Жер тамдарга жана көп кабаттуу үйлөргө койсо болот. Жылуулук электр станциялары (ТЭЦ) суу түтүктөрү чирибеши үчүн сууга жегич (щёлочь) кошот. Ал жегичтен чоюн чирибейт.

1 секциясына – 1,8 литр суу батат.

Артыкчылыктары:

+ Баасы арзаныраак. Учурда 1 секциясы 300 сом жана андан жогору. Мурун колдонулгандары 200 сом.

+ Дат басууга туруктуу (20 жылдан ашуун кызмат кылат).

+ Гидравликалык соккуга (суу толкунунун соккусу) туруктуулугу 16 атмосферага (16 атм.) барабар. Атмосфера – басымдын өлчөө бирдиги. Гидравликалык сокку – бул суу түтүктөрүнүн ичиндеги суунун ылдамдыгынын кескин өзгөрүшүнөн түтүктөгү басымдын өсүп же түшүп кетүүсү (мисалы, суу өтө ысып кеткенде, суу насосу катуу айланганда, кранды күтүүсүз жаап же ачып жибергенде). Мындай соккулардан түтүктөн тыкылдаган үн чыгат. Соккулардан акырындап түтүктөн жарака кетүүсү, түтүктүн жарылып кетүүсү мүмкүн.

+ Кечирээк ысыганы менен, жылуулукту узакка сактайт.

Кемчиликтери:

-
Сырткы көрүнүшү жакшы эмес.
- 1 секциясынын салмагы 3 килограммдын тегереги. Салмагы оор болгондуктан монтаждоо, өз алдынча секциянын санын азайтуу же көбөйтүү кыйын. Ал үчүн слесарь, сантехникке кайрылуу кажет. Бети быдыр болгондуктан сырдоо да кыйыныраак.
- Орнотуу жана карматуу үчүн арматура керектелет (дубалды тешип). Анткени полго коюлуучу түрү жок, жалаң асылып коюлат.
- Учурда бийиктиги 500 миллиметр келген гана түрү бар (стандарт).
- Жылытуу үчүн (электрге, көмүргө, газга) кетирген чыгым башка радиаторлорго салыштырмалуу көбүрөөк.


АЛЮМИНИЙ РАДИАТОРЛОР

– Учурда өлкөгө Кытай, Орусия, Германия, Италиядан алынып келинүүдө. Кытайда көбүнчө сапаты төмөн алюминийден жасашкандыктан мортураак келет.

Коюлат: Жер тамдарга гана коюлат. Жылуулук электр станциялары (ТЭЦ) суу түтүктөрү чирибеши үчүн сууга кошкон жегичтен (щёлочь) алюминий болжол менен 1 жылда чирип калат. Андыктан жер тамдарга гана сунушталат.

1 секциясына – 0,8-1,2 литрге чейин суу батат.

Артыкчылыктары:

+ Баасы арзаныраак (учурда 1 секциясы 350-700 сомго чейин).
+ Дат басууга туруктуу (25 жылдан ашуун кызмат кылат).
+ Бийиктиги 3 түрдүү (200, 350, 500 миллиметр) чыгарылат. Демек, тандоого болот.
+ Гидравликалык соккуга туруктуулугу 25 атмосферага (25 атм.) барабар.
+ Көрүнүшү жакшы. Заводдон ак түстө чыгарылат. Ак түстөн башка түстө болуусун кааласаңыз өзүңүз машинанын краскасы менен сырдасаңыз болот. 1 секциясына болжол менен 100 грамм кетет (150 сом тегереги).
+ Монтаждоо бат жана оңой, анткени салмагы жеңил. 1 секциясынын салмагы 0,6-0,8 килограмм. Үйдү оңдоп-түзөөдө, мисалы, обои чаптоодо, дубалды шпаклёвкалоодо чечип, кайра кураштыруу оңой. Секцияларынын санын көбөйтүп алууга болот.
+ Жылытуу үчүн (электрге, көмүргө, газга) кетирген чыгым чоюн радиаторлорго салыштырмалуу аз.

Кемчиликтери:

- Бат ысып, бат муздайт.

- Материалы мортураак болгондуктан үстүнө катуу нерсе түшсө сынып, майышып калуусу жана сыры көчүп кетүүсү мүмкүн.


БИМЕТАЛЛ РАДИАТОРЛОРУ

– «Биметалл» Италия сөзү, «би» – эки дегенди жана «металл» болсо металлды түшүндүрөт. Башкача айтканда, 2 металлдан: болот жана алюминийден жасалат. Ичиндеги суу жүрүүчү түтүктөр болоттон, сырты алюминийден жасалат. Бизге Кытай, Италиядан келет.

Коюлат: Жер тамдарга, көп кабаттуу үйлөргө койсо болот. Негизи ТЭЦтин шарттарына ылайыкташтырылып чыгарылган.

1 секциясына – 0,4-1 литрге чейин суу батат.

Артыкчылыктары:
+ Дубалга асып коюучу жана полго коюлуучу түрү бар.

+ Бийиктиги 3 түрдүү чыгарылат (200, 350, 500 миллиметр). Демек, тандоого болот.

+ Баасы алюминийге караганда кымбатыраак (учурда 1 секциясы 550 сомдон жогору).

+ Дат басууга туруктуу (30-35 жылдан ашууну кызмат кылат)

+ Гидравликалык соккуга туруктуулугу 40 атмосферага (40 атм.) барабар.

+ Көрүнүшү жакшы. Заводдон ак түстө келет. Башка түстө болуусун кааласаңыз өзүңүз, машинанын краскасы менен сырдап алсаңыз болот. Мунун деле 1 секциясына 100 граммдай краска кетет.

+ Монтаждоо оңой жана бат. 1 секциясынын салмагы 0,8-1,2 килограмм. Обои чаптоодо, дубалды шпаклёвкалоодо чечип, кайра кураштырууга оңой.

+ Жылуулукка кетирген чыгым чоюн радиаторго караганда азыраак.

Кемчиликтери:
- Бат ысып, бат муздайт. Жылуулукка корогон чыгым алюминий радиаторго корогон сыяктуу эле.

- Сырткы материалы алюминийден болгондуктан мортураак келип, үстүнө катуу нерсе түшсө сынып, майышып калуусу жана сыры көчүп кетүүсү мүмкүн.


БОЛОТ РАДИАТОРЛОР

Болоттон жасалгандары учурда Кыргызстанда сатылбайт. Башка өлкөлөрдө да колдонулбайт. Мурун койдургандардын кээ бирлери гана колдонуп жүрүшү мүмкүн.

ЖЕЗ РАДИАТОРЛОР

– Мындай түрү кымбат жана Кыргызстанда жок. Чет өлкөлөрдө бар. Артыкчылыгы 100 жылга чейин колдонулат, жылуулукту өткөрүү сапаты бардык радиаторлордон жогорку деңгээлде. Бат ысыйт.


Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(1)
26.07.2018. 23:50 
Тайпасы:
Жаран
Комментарийлердин саны:
45
Катталган:
16-06-2013
Соӊку аракети:
15-11-2018 11:51
Жынысы:
Белгисиз
0
Жакшы маалымат экен. Супер инфо, чоон рахмат силерге! Ушундай пайдалуу маалыматтарды, бат-баттан чыгарып турунуздар!?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: