Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«БАЛАМДЫН ЧИМКИРИГИ ТОКТОБОЙ ЖАТАТ»

№821 27-июль -2-август, 2018-ж.


«Супер-Инфодон» ата-энелерге өзгөчө мүмкүнчүлүк. Пайдаланып калыңыз! Балаңыздын саламаттыгы тууралуу сизди түйшөлткөн суроолор барбы? Анда 0557 75 63 11 WhatsApp номерине жөнөтүңүз. Суроолорго 35 жылдык тажрыйбасы бар, Кыргыз Республикасынын Президентинин жана Өкмөтүнүн иш башкармасынын клиникалык ооруканасы мамлекеттик мекемесинин врач-педиатры Гүлжамал Саадакбаева жооп берет. Жооптор жума сайын гезит бетине жарыяланып турмакчы.

– Балам 3 жашта. Бир жылдай болуп калды, чимкириги токтобойт. Дарыгерге көрсөтсөм «сасык тумоодон улам» деп, дары-дармек жазып берген. Дарыландык, бирок жакшы жыйынтык болбоду. Ийне алып жатканыбызда да түссүз суюктук агып жатты, дарылоосу бүткөндө кайра эле сары түстө. Эмне кылсам болот?

Атыргүл, Бишкек шаары

– Сасык тумоодон дарылангандан кийин кандайдыр бир убакытка чейин баланын мурду акпашы керек эле. Эгер баланын дарылоодон кийин да мурду акса, демек, ал өнөкөт ринитке кабылган. Лор дарыгерине көрсөтүп, рентген жасатуу керек. Балким, мурун көңдөйлөрүндө аденома болушу мүмкүн. Же болбосо атайын клиникаларга кайрылып, эндоскопиялык текшерүүдөн өткөрүүнү сунуштайм.

РИНИТ ДЕГЕН ЭМНЕ?

– Ринит – мурундун былжыр челинин сезгениши. Ага кабылганда мурундан суюктук көп чыгып, дем алуу кыйындайт. Анын эки түрү бар.

Вирустуу ринит. Себепкери – вирус, бактерия, грибок. Организм катуу үшүп калганда анын коргоо механизми төмөндөйт да, мурундагы вирус, бактериялар көбөйүп, сезгенүүнү жаратат. Мурундан суу, чимкирик көп агат. Дарылабаса гайморит, ортоңку кулактын отити, фарингит, бронхит жаралат.

Аллергиялык ринит. Өсүмдүктөрдүн чаңчаларынан, мурунга аллергендин кирип кетүүсүнөн (мисалы, жаныбардын жүнү) болот. Дарылабаса гайморит, бронхиалдык астмага өтөт.

Муздак абадан жаралчу ринит. Суукка чыкканыбызда мурдубуз дем алган муздак абаны жылытуу үчүн былжырды көп чыгара баштайт. Ошондуктан мурундан суу агат. Сууктан ысыкка киргенде да мурундан суу куюлат. Кыскасы, бул процесстер "суукка аллергия" деп эсептелет. Ысыкта бир топ отурганда өтүп кетет. Бирок суукта дамамат көп жүргөндө гайморитке, полипке айлануусу мүмкүн.

Риниттин алдын алуу жолдору

1. Мурунду жууп, тазалап туруу. Дарыканаларда сатылуучу деңиз тузунун даяр эритмелери оорунун алдын алып, сезгенүүдөн улам көөп кеткен мурун былжырын калыпка келтирип, тез айыгууга жардам берет. Жуу ыкмасы: башты оң жакка чалкалатып сол таноого дарыны куйсаңыз, дары оң таноодон агат (туура жасалганда). Анан чимкирип, берки танооңузду ушундай эле жол менен жууйсуз.

2. Бутту жылуулоо. Суукта бутка дары чөптүн (ромашка, ит уйгак жана башка) кайнатмасынан ванна жасап, жүн байпак кийүү зарыл.

3. Компресс. Риниттин жаңы башталышында мурун кайкысына (переносица) жылуу компресс жасоого болот.

4. Суукта жылаң баш сыртка чыкпоо керек.

5. Иммунитетти көтөрүү. Бул үчүн витаминдүү тамак-ашты көп жеп (айрыкча сарымсак, бал, лимон, жашылча салаты), активдүү жашоо образы сунушталат, атайын иммундук системди көтөрүүчү каражаттарды пайдалануу.


«КУЛАГЫНАН САРЫ СУЮКТУК АГЫП ЖАТАТ»

– Балам болгону 3 айлык. Эмнеден улам билбейм, кулагынан сары суюктук агып, кулкудай болуп катып жатат. Ириң эмеспи?

Айнура, Токмок шаары

– Менимче, сиз айтып жаткан суюктук ириң эмес. Негизи ар бир баланын, ал гана эмес чоң кишилердин да өзүнө тиешелүү физиологиялык абалы болот. Сиз айтып жаткан суюктук да адамдын физиологиялык абалына жараша бөлүнүп чыгат. Алсак, териси майлуу кишилерде бул суюктук көбүрөөк чыгышы мүмкүн. Айрымдарда суюк түрүндө, айрымдарда кургак болот дегендей. Бул оору эмес. Аны акырын тазалап коюуга болот. Бирок сиздин балаңыз 3 айлык ымыркай экен, анын кулагын өз алдыңызча чукуп тазалоого болбойт. Балаңызды лор дарыгерине алып барып көрсөтүңүз. Ал агып чыгып жаткан суюктук анын физиологиялык абалыбы же жокпу аныктап, андан соң тазалап берет.

«БИР СӨЗДҮ 2-3 ЖОЛУ КАЙТАЛАЙТ»

– Балам 4 жаштан ашты. Сүйлөгөндө такалып, бир сөздү 2-3 кайталайт. Сүйлөөсү, кабыл алуусу кеч эмеспи? Кайсы дарыгерге көрсөтсөм болот?

Бакыт, Ош шаары

– Баланын мындай абалы кекечтенүү же мукактануу деп аталат. Балаңызды логопедге же балдар психоневрологуна көрсөтүңүз. Алар текшерип көрүп ошого карата атайын дарылоону сунушташат же логопеддик сабактарды өтүшөт. Баланын мындай абалга кептелишине бир нерседен коркуу, чочуу, үй-бүлөдөгү ар кандай чыр-чатактар, чоңдордун же бала бакчадан тарбиячынын туура эмес мамилеси себепкер болот. Кекечтенүүнү өз убагында жойбосо балада өмүр бою адат катары кала бериши мүмкүн. Бала менен атайын адистер иш алып баруусу шарт. Мындай балдарга аяр мамиле керек. Айрым ата-энелер «болбойсуңбу, айтпайсыңбы, түшүндүрбөйсүңбү» деп шаштырышат. Мындай мамиле жасоо туура эмес.

«КАНДЫН ГЕМОГЛОБИНИН КАНТИП КӨТӨРӨМ?»

– Кызым 1,5 жашта. Аябай арыктап кипкичинекей болуп кетти. Каны да аз окшойт, өңү купкуу. Кандын гемоглобинин кантип көтөрөм?

Саламат, Бишкек шаары

– Кандын аздыгы – бул организмге темирдин жетишсиздиги. Каны аз баланын өңү купкуу болот, алсырайт, мындан сырткары бор, тамдын боорун чукуп топурак жегиси келет. Гемоглобиндин деңгээлин билүү үчүн кан тапшыруу керек. Анын жыйынтыгынан анемиянын даражасын, жеңилби же оорбу аныктоого болот. Эгер бала анемиянын жеңил түрү менен жабыркаса үй шартында диета кармоо, туура тамактануу менен гемоглобинди көтөрүүгө болот. Ал үчүн курамында темир көп азыктарды берүү зарыл. Мисалы, эт, жашылча-жемиштер. Темир организмге сиңиши үчүн туура тамактануу керек. Биз эт жегенден кийин чай ичебиз. Бул туура эмес. Анткени чайдын курамында тонин заты темирди өзүнө тартып алып, организмге жакшы сиңбей калат.

Эгер бала анемиянын оор даражасы менен жабыркаса, анда ага диета кармоо жардам бере албайт. Сөзсүз дары-дармектер менен дарылоого туура келет. Анализдин жыйынтыгына карата дарыгер 1 килограммга канча миллиграмм темир каражаты керек экендигин эсептеп, дары-дармек жазып берет. Дарылануу 1-2 айга чейин жүргүзүлүп, ай сайын гемоглобиндин деңгээли текшерилип турат. Гемоглобиндин деңгээли 120га жетип нормага түшкөндө дагы ошончо убакыт жарым дозадан берилет. Кандын деңгээли нормалдашып, кан айлануу системи жакшырганда дарылоо токтотулат.

«ТЫРМАГЫН ЖЕЙТ»

– Менин балам азыр 12 жашта. Эмнеге экенин билбейм, кичинесинен бери эле тырмагын жейт. Канча уруштук, баары бир адатын таштабай койду. Кантип калтырсак болот?

Жумайым, Кант шаары

– Баланын тырмагын жеши – терс адаттардын катарына кирет. Бул адат баланын психоэмоционалдык абалынын туруксуз экендигинен кабар берет. Алсак, тартынчаак, мектепте бир нерседен уялат, же кайсы бир сабагынан жетишпей ичинен кыжалат болуп жатат дегендей. Балаңызды психоневрологго көрсөтүүнү сунуштайм. Ал баланы атайын тесттен өткөрүп, ошого карата дарылоо жүргүзөт.

«БАЛАНЫН ИЧИ КАТКАНДА ЭМНЕ КЫЛУУ КЕРЕК?»

– Баламдын ичи катып, 2 күндө бир жолу заң чыгарып жатат. Боботик, укроп суусун бердим. Ошондо да 2 күндө бир заңдайт. Кээде клизма кылып жатам. Дагы кандай жолдору бар?

Адина, Бишкек шаары

– Эгер бала ыйлап тынчыңызды албаса, анда кооптонуунун кереги жок. Анткени бул баланын физиологиялык түзүлүшүнөн болушу мүмкүн. Айрым балдардын ичегиси узун болот. Жеген тамагы заң болуп арткы тешикке жеткиче 2 күндөй убакыт керектелет. Эгер 1-2 саат токтобой ыйлап, тыбырчыласа, демек, бала ооруп жатат, анын ичегилеринде спазм бар. Баланын көпкө заң чыгарбай жүрүшү ичегиде лактозанын жетишпегенинен улам болот. Бул көйгөйдөн айрым балдар 3 айында, айрымдар 6 айында гана арылышы мүмкүн. Ага чейин улана берет.

«1 АЙДАН БЕРИ ИЧИ ӨТҮП ЖАТАТ»

– Бир айдан бери кызымдын ичи өтүп жатат. Кээде бир күндө 15 жолкуга чейин жетет. Дарыларды берсем 2-3 күнгө токтойт да, кайра башталат. Кеңеш берип коюңузчу?

Асел, Бишкек шаары

– Биринчи кезекте баланын дене табы көтөрүлүп жатабы же жокпу, ошону байкаңыз. Эгер дене табы көтөрүлбөсө, демек, баланын ичинин өтүшү кандайдыр бир дисбактериоздон, микрофлоранын бузулушунан улам. Ал эми дене табынын көтөрүлүшү ичегинин курч инфекция менен жабыркап жаткандыгынан кабар берет. Дарылоо үчүн баланын заңын баклабораторияга тапшырып, кайсы микробдон улам ичегилер жабыркап жатканын аныктоо шарт.


Дамира Арстанова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
31.07.2018. 10:04 
Тайпасы:
Жаран
Комментарийлердин саны:
27
Катталган:
14-04-2017
Соӊку аракети:
25-08-2018 19:25
Жынысы:
Белгисиз
+5
Баланы маска кийип алып, түрү суук болуп коркутпаш керек, кекеч болуп калат. Интернетте видеого тартыш үчүн розыгрыш кылып жатышат го, прикол деп, бул туура эмес!
31.07.2018. 10:06 
Тайпасы:
Жаран
Комментарийлердин саны:
3
Катталган:
13-11-2017
Соӊку аракети:
23-09-2018 18:54
Жынысы:
Белгисиз
+3
Биринчи учурда, баламдын чимкириги токтобой жатат деген учурда - ЛОРго көрсөтүү керек. Балким мурдуна бир нерсе киргизип алгандыр ойноп жатып (мисалы: оюнчуктун майда тетиктери). Андай учур жаш балдарда көп болот.
31.07.2018. 14:02 
Тайпасы:
Жаран
Комментарийлердин саны:
3
Катталган:
31-01-2018
Соӊку аракети:
04-09-2018 22:07
Жынысы:
Белгисиз
+1
Доктурга оз убагында корсотуу кажет
31.07.2018. 15:21 
Тайпасы:
Жаран
Комментарийлердин саны:
16
Катталган:
17-11-2015
Соӊку аракети:
23-09-2018 14:30
Жынысы:
Белгисиз
+1
Кулагынан ирин аккандай,геран гулдун жалбырагын жууп ороп тыгып койгула.эртеси эчтеке калбайт. Жаш балдардын кулагын чукуп же жуунтканда сезгентип алабыз
06.08.2018. 00:32 
Тайпасы:
Жаран
Комментарийлердин саны:
32
Катталган:
28-01-2016
Соӊку аракети:
23-09-2018 19:13
Жынысы:
Белгисиз
+3
Бир кундо 15 жолу ичи отсо гезитке суроо менен кайрылган эне да энеби?! Баланын ичи откондо эле которуп кунду кун тунду тун дебей жонойбузго ооруканага
Aytur түзөттү 2018-08-06 00:33:55
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: