Каза болгон келиндин кайненеси: «КЕЛИНИМДИ ӨЛТҮРСӨМ 18 ЖЫЛ МУРУН ЭЛЕ ӨЛТҮРМӨКМҮН»
Гезитибиздин №819 санында Баткенде Нуржамал Алыкулованы өлтүргөн деп шектелип маркумдун кайын сиңдиси менен анын күйөөсү кармалгандыгы тууралуу жазганбыз. Каза болгон Нуржамал Алыкулованын кайненеси Сафия Арзыбаева гезит чыккан соң биз менен байланышып, бул окуя боюнча менин да айта турган сөздөрүм бар эле дейт.
ЭСКЕ САЛСАК...
Ушул жылдын 18-май күнү Баткендин Кадамжай районунун Кыргыз-Кыштак айылындагы каналдан 39 жаштагы аялдын жансыз денеси табылган. Ал Кадамжай районунун Чоң-Кара айылынын тургуну Нуржамал Алыкулова экендиги аныкталган. Соттук-медициналык экспертиза маркумдун оң жак баш сөөгү урулуп айрылганы, оң жана сол бетинде тактар бар экени, ошондой эле моюну жана омуртка сөөктөрү сынганы, жүлүнүндө жана баш мээсинде жабык түрдөгү жаракат бардыгы, анда кан уюганы аныкталган.
Бул жагдай боюнча 18-июнь күнү Кадамжай РИИБинин тергөө кызматы тарабынан “киши өлтүрүү” беренеси боюнча кылмыш иши козголгон. Кылмышка шектелип 1990-жылы туулган А.А. аттуу маркумдун кайын сиңдиси жана 1992-жылы туулган кайын сиңдисинин күйөөсү кармалып, убактылуу кармоочу жайга киргизилди.
“УЛАМ АЖЫРАШЫП, КАЙРА ЭЛЕ ЖАШАЙ БЕРИШЧҮ”
Каза болгон Нуржамал Алыкулованын кайненеси 67 жаштагы Сафия Арзыбаева "уулум менен келиним жакшы болсо вагондо жашабайт элем" дейт:
– Келиним уулумду улам чакырып, өзү үйгө чейин келе берип жүрүп тийген. Келинди ала качты кылып алып келгенде унаадан түшүрүп алайын десем, мени колго бир чапкан. Ошондо жүрөгүм муздай түштү. Алгач чогуу жашадык. Уулум менен келиним улам уруша беришчү, түнү менен мушташып чыгышар эле. Келиним кетип-келе берчү. Биринчи уулун төрөп, ага 19 күн болгондо да баласын мага таштап кетип калды. Ал бала алсыз төрөлгөндүктөн мен ооруканалап жүрүп чоңойттум. Балага 10 ай болуп калганда кайра келди. 8 ай чогуу жашагандан кийин мен башка уулум менен Бишкекке иштегенге кетип калгам. Ошондон бери ал үйгө барган жокмун, алардын урушунан тажадым.
Бишкекте бир жыл иштеп келип Бүргөндүдөн бирөөнүн эски дүкөнүн алып, аны иштетип, ошондо жашадым. Андан кийин вагондо жашадым. Кийин үлүш жериме времянка куруп, азыр ошол жакта жашайм. Уулум жакшы болгондо мындай күнгө туш келбейт элек. Балам төргө отургузуп сыйлап бакпаса да, менден кабар алып турмак. Балама берген сүтүмдү кечкен жокмун. 2002-жылдын ноябрь айында өз үйүмдөн чыгып кеткенимден бери келиним өлгөндө гана бардым. 5 жылдан бери уулум менен сүйлөшпөйм, уруша кеткенбиз. Келин-уулумдун өңдөрү да эсимден чыгып калды. Ал үй 3 бөлмө жана 2 бөлмө болуп өз-өзүнчө курулган. Уулум жана кызым үй-бүлөлөрү менен бирден гана бөлмөлөрдө турушчу. Кызым көчүп барганына 5-6 ай гана болгон. Жакында кайра иштеп келүү үчүн Орусияга же Бишкекке кетебиз деп жатышкан.
“КЫЗЫМ МЫНДАЙ ИШКЕ БАРА АЛБАЙТ БОЛЧУ”
– Келинимди кызым менен күйөө балам өлтүрдү же өлтүргөн жок деп азырынча айта албайм. Алар жеңеси менен жакшы мамиледе болушкан. Уруштары болсо кызым мага айтмак. Кызым суракта кылмышты моюнуна алып, “кылдым, кылсам ырас эле кылдым” деп айтып, прокуратурага барганда “өлтүрсөңөр да моюнума албайм” деп жатыптыр. Балким, өчөшүп “апамды карабай, сыйлабагандыгы үчүн өлтүрдүм” деп айткандыр. Кызымдын акталышын күтөм. Ал үчүн чуркайын десем, анын балдарынан бошобой жатам. Андыктан Кудайга койдум.
Бирок кызым мындай ишке бара албайт болчу. Ал ак көңүл, боорукер. Мышыгы өлсө да кечке ыйлачу. Келинимдин өлүмү боюнча эч нерсе түшүнө элекмин. Арык кызым чоң аялды кантип өлтүрмөк эле. Кайын журту мени күнөөлөптүр. Мен өлтүрсөм 18 жыл мурда өлтүрүп, милицияга өзүм бармакмын. Бул тууралуу азыр ашыкча сүйлөгөндөн корком.
Милицияда иштеген таанышым чалып, “окуяда үчүнчү киши бар” деп айтты. 10-15 күн мурун келин колун кесип алган экен. Кызыма билдирбей күйөө балам ооруканага алып барып тиктирип келиптир. Кызыма “жыгылып кетип колун кесип алган экен” деп айтыптыр. Балким, күйөөсү же өзү кесип алгандыр. Күйөөсүн кызгана берчү. Мындан 7-8 жыл мурун балдарымдын уулдарын чогултуп, сүннөт той өткөргөм. Ошондо да келинимдин ичине бычак сайылган. Келиним “жыгылып кеттим, бычак тик турган экен сайылып кетти” деп айткан. Күйөөсү же күйөөсүнө өчөшүп өзү сайып алган болушу мүмкүн.
Оюмча, балам өлтүргөн эмес, ал билген да эмес. Ушу күйөө балам аралашып калганбы дейм. А кызым бир нерсе көрүп калган. Же бирөө кылып, “экөөңөр моюнуңарга аласыңар” деп жатышы да мүмкүн.
Келинимдин эжеси айткан гилас келин өлөрдөн 10 күн мурда эле жок болгон. Аны ошол жакта жашаган уул-кызым терип алып, башка балдарыма да жиберишкен.
Ал эми тажияга келишкенде “өлүгүңөрдү алып кеткиле” дегенден да жаманын айттым. Анткени алар баргандан тарта мени урушуп, уят сөздөр менен сөгө беришти. Экинчи күнү чыдабай кыйкырдым. “Алып чыгып кеткиле! Арам жашаган адамдарга үйүмдөн жаназага жер бербейм” дедим. Келиндин туугандарын билбейм, биз кыркылыгын, айтын өзүбүз эле өткөрдүк.
Азыр бети-башым көк ала болуп жүрөт. Милицияга сурак берип түнкү үчтөрдө чыккам. Эки милиция кызматкери эки жагыма отуруп үйгө жеткирип келатышкан. Кийин карасам жерде жатыптырмын, көйнөгүм суу. Милиция кызматкерлери унаадан өзүңүздү таштап жибердиңиз деп айтышты.
Перизат Музуратбекова
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (28)
Кызым кылган эмес, куйоо балам куноолуу дегиси бар го
Олгон келинин да соо койбоптур. Олгондо эле ушинтип суйлоп жатса,тируусундо эмнени кана уккан жок болду экен жан берген аял??? Кайненеси ириген ооздон чириген соз чыгат деген макал ушул аялга таандык экен. Оозу жаман го,хлордоп жууш керек экен
Созду бащтай электе келинин жамандаптыр. Кантип эле жаны келип жаткан келин кайненесин колго чаап жиберсин
Алгач маркум келиндин жаткан жери жайлуу болсун, туугандарына Кудайым сабыр берсин. Бул шордуу эженин акыбалына көңүлүң ооруйт. Жакшыбы,жаманбы,дос,душманбы Менттердин колуна түшпөсүн да.Айрымдарынын тергөөдөгү адамга жасаган иштери, өтө жаман да. Бети көгөргөнү жаакка эле жегени көрүнүп турат.Тилинен табат дейт, ашыкча туура эмес сөз сүйлөгөнбү,балким. Ар бир пендеге ыйман ынсап берсин.
Жетим балдарын ойлосоң убалы кимге. Жыйынтыгында ушул балдар кыйынчылык көрбөсө экен.
Баарибир кайненеден башталатда башы
Бир туугандар чогу осуп, бир сынык нанды болушуп чоноет эмеспи. Бирок уйбуло куруп бала чакалуу болгондон кийин колдон келсе сый гана мамиледе болгондон отоору жок.
Алыс болсо келиндерда, куйо балдарда кайнжуртун сыйлап сыйы узак болот.
Оорчулукта бир туугандар колдон буттан алышып бири бирине жардам берип ата энени урматтап туруудан башканын кереги деле жок.
Азыр илгеркидей 2,3 уй було чогу жашачу заман эмес
Бул аял 2002-жылдан бери ал уйго бара элекмин дейт дагы уйундогу баары жогун билет го
Келини олгонуно,неберелери жетим калганына эч кайгырбай эле отуратго кайра жамандап.Ал Келин да бироонун бапестеген кызы эле,кызын торолсо кандай кубанып,коргоп чонойтосун аттин арман.Келин силерге Аллахтан аманат эле,ото жаман окуя болуптур.
Кыскасы ото начар семейка экен. Уул болуп энесин уйго батырбаган, кыз болуп турмушка чыгып куйоосун ич куйоо кылып алып келген. Кыскасы урмат сый, уй булолук баалуулуктар жок ынтымаксыз адамдар экен.
Уятсыз! Тим эле озунун балдары аппак, байкуш Келин мокочо. ХХХ ХХХ
Sagidko88, порталдын эрежелерин сактоону сунуштайбыз.
Булардын урушуна чыдабай башка балам мн Бишкекке иштегели кетип калгам дейт.эмнеге анда ошол баласынын торундо сый коруп олтурбады?келип вагондо жашап калды ?кызык...
Кебетеси эле айтып турат го, кудай сактасын ушундай эки буттуу адам сымалдардан.Ойду тоону бир сүйлөйтго
ушул кемпирдин тарбиясын коргон балдардан баарын кутсо болот
ушул кемпирдин тарбиясын алган балдардан баарын кутсо болот.
Кызык келин жаман экен озу чогуу жашабай коюптур, анан кызын куйоо баласын эмне чогуу жашатат?! Жамандарга жолотпой оз оз оокатынарды кылгыла десе болмок экен! Келин жабышып озу келип тийиптир, озунун кызы куйоо баласы кантип тийип каерде жашап атканын ойлонду экенби?! Мына эми азабын энесиз калган балдар, жа кылмышка катышы барлар тартат, эх жаман иш болуптур((
