БИР БҮРКҮМ. ЖЫЛ БАШЫНАН БЕРИ 38 182 АДАМ СҮЙҮНЧҮ ПУЛ АЛДЫ...

Бишкектин мурдагы мэри АЛБЕК ИБРАИМОВго мыйзамсыз жер сатуу боюнча “коррупция” беренеси менен дагы бир айып тагылды. Ал буга чейин башка кылмыш иши боюнча камакка алынган.
2018-жылдын 6 айында өлкө бюджетине 1 миллиард 103 миллион сом ЗЫЯН КЕЛТИРГЕН ФАКТЫЛАР боюнча Каржы полициясы 479 кылмыш ишин козгоду. Бул тууралуу аталган мекеменин өкүлү Сагынбек Абдылдаев билдирди.
6 айда ЖОЛ ЭРЕЖЕЛЕРИН БУЗУУДАН бюджетке 260 миллион сомго жакын каражат түштү. Бул тууралуу Жол кыймылынын коопсуздугун көзөмөлдөө боюнча башкы башкармалыгы билдирди.
Өкмөт "КООПСУЗ ШААР" долбоорун ишке ашыруу үчүн 2 миллиард 552 миллион 706 миң 240 сомго тендер жарыялады.
Экс-депутат АИДА САЛЯНОВАнын иниси Улан Саляновдун өлүмүнө шектелген үчүнчү жаран кармала электигин ИИМден билдиришти. Буга чейин кылмышка шектелип 2 адам кармалган.
УЗАРБЕК ЖЫЛКЫБАЕВ Ош облусунун башчысы болуп дайындалды. Ал буга чейин Ысык-Көл облусун жетектеп келген.
Быйыл февралда Казакстанда кармалган Жогорку Кеңештин экс-депутаты ДАМИРБЕК АСЫЛБЕК УУЛУН камакта кармоо мөөнөтү 15-августка чейин узартылды.
Парламент депутаты, Бишкек ЖЭБин жаңылоо иши боюнча кылмышка шектелип кармалган ОСМОНБЕК АРТЫКБАЕВ ооруканадан УКМКнын тергөө абагына которулду. Депутатка жакында операция жасалган.
Эмгек жана социалдык өнүктүрүү министрлигинин өкүлү Нуржан Алапаеванын айтымында, жыл башынан бери 38 182 адам СҮЙҮНЧҮ ПУЛ алды. Бул үчүн 155 миллион 800 миң сом төлөнгөн.
Жыл башынан бери өлкөдө 80 адам СУУГА ЧӨГҮП КАЗА БОЛГОН. Бул тууралуу Өзгөчө кырдаалдар министрлигинин өкүлү Рысбек Жолдошбаев билдирди.

Автандил Добулбеков
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 821, 27-июль -2-август, 2018-ж.