Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эсенбек Абдыкадыров: «АРТЫМДА ТУЯК КАЛТЫРБАЙ КЕТЕМБИ ДЕП КОРКОМ»

№821 27-июль -2-август, 2018-ж.


Бүгүнкү “Тагдыр” рубрикабыздын каарманы 10 жылдан ашуун ден соолугунун түйшүк арабасын тартып келе жаткан Эсенбек Абдыкадыров. “Бир бутумдан ажырагам, экинчи бутумду кестирбей сактап калып, үй-бүлө кургум келет” деген изги тилегин ишке ашыргысы келген каарманым кыялдары менен бөлүштү.

“ООРУ КЕЛГЕНДЕ ГАНА УБАКТЫМДЫ ӨТКӨРҮП АЛГАНЫМДЫ БАЙКАДЫМ...”

– Биздин чоң үй-бүлө Ысык-Көлдүн Тоң районуна караштуу Оттук айылында отурукташкан. Ата-энем 1 кыз, 6 эркекти татыктуу тарбиялап-өстүрүп, учурда 80ге чыгып, карып калышты. Мен 1970-жылы төрөлгөм. Кичинекейимде элдин балдарындай эле тызылдап чуркап ойноп жүрүп чоңойдум. Мектепти бүткөн соң 2 жыл аскердик кызматымды өтөп келдим. Келген соң университетке тапшыргам. 3-курста окуп жатканда жашоо кыйындап, окуумдан академиялык өргүү алып, ошол бойдон окуумду таштап салдым.

Кийин Бишкектеги жүргүнчүлөрдү ташуу мекемесине жумушка кирип, 10 жылдан ашуун жүргүнчүлөрдү ташып 212, 344, 286, 262, 134-маршруттук каттамдарда кичи автобус айдап иштедим. Бала кезимден эле техникага кызыгып, машиналарды шынарлап жүрчүмүн. 10 жыл аралыгында канча миң чакырым жол жүрдүм, убакыттын кантип өткөнүн билбей калыптырмын. Оору келгенде гана 36 жашка чыгып калганымды, үй-бүлө кура электигимди, убактымды өткөрүп алганымды байкадым.

“ОРГАНИЗМ ЖАСАЛМА КАН ТАМЫРДЫ КАБЫЛ АЛБАЙ, ОҢ БУТУМ КЕСИЛДИ”

– Бала кезимден төшөккө жатып, ооруканга барып көргөн жан эмес элем. Анан эле бул оору кайдан жабышты билбейм. Оң бутум акырындан оорутуп жүрүп, бир күнү шишип кетти. Басылып калат деп жүрө бердим. Бирок оору басылбады. Чыдабай калганымда ооруканага барсам “кан уюп калган” дешти. Бара-бара кан айлануу жакшы жүрбөй, бутумдун баш жагы көгөрүп кетти. Таң аткыча басып жүрөм, сыздатып ооруйт. Ошентип бул оору менен 10 жыл алыштым. Оң бутумду сактап калуу максатында дарыгерлер 9 ирет операция жасашты, бөйрөктүн үстү жагынан тешип жасалма кан тамыр орнотушкан. 25 күн кан жүгүрүп иштеп жаткан, андан кийин организм жасалма кан тамырды кабыл албай, акыры оң бутум кесилди. Кесилгенде кандай, алгач оң бутумдун чириген бир манжасы, анан кийинкиси, анан баары, кийин тизеден ылдый, тизеден өйдө, акыры жоон сан толугу менен кесилди. Дарыгерлер колдон келген жардамын көргөзүштү, бирок керектүү заманбап жабдыктардын жоктугунан бутумду сактап кала алышкан жок.

“МЕН КӨРГӨН ООРУНУ АЙБАНГА ДА КААЛАБАЙМ”

– Бул оорунун себептери суук өткөндөн, стресстен, тамеки тарткандан пайда болот дешти. Менин оорум кайсы себептен улам башталганын билбейм. Балким, 10 жыл бою тикчийип отурган жумушта иштеп, кан айлануум бузулгандыр же ысык-суукта жүрүп шамалдап калгандырмын.

Бутум 2014-жылы кесилген. Азыркыга чейин аба ырайы бузулса кесилген жери ооруйт, “фронталдык оору” деп коёт экен, жок бутум ооругандай сезилет. Көпкө бир жериң ооруса ал аң-сезимиңе сиңип, кийин деле оорутуп жатат деген сезим кала берет экен. Уктап жатсам кесилген бутумдун бармагы ооруйт же тизем ачышат, кычышат, аны издеп ордун сыйпалап таппай калам. Анан соо бутумду кармалап кала берем. Мен көргөн ооруну айбанга да каалабайм.

“ЖАЛАҢ ЭЛЕ КЕСИЛГЕН БУТТАР...”

– Бутум кесилгенден кийин 3 жыл врачтардын айткан дарыларын ичип жакшы жүрдүм. Анан бир күнү экинчи бутум челектей болуп шишип кеткенинен ооруканага бардым. Сол бутумда да томуктан бөйрөккө чейин тромб жайылып кетиптир. Жүрөккө аз эле калды. Эми жан талашып экинчи бутумду сактап калуу аракетин көрө баштадым. Дарыланып, жакында эле ооруканадан чыктым. Жума сайын УЗИге түшүп текшерилип жатам, эч жылыш жок. Канча жыл ооруканада жаттым, тромбдон жакшы болуп кеткен адамдарды көрбөдүм. Жалаң эле кесилген буттар... Медициналык заманбап жабдуулар алынып келсе, мага окшоп зар какшап тургандардын үмүтү жанмак.

Врачтар “чет өлкөгө барып дарыланып келбесеңиз бутуңуздан ажырайсыз” деп жатышат. Чет өлкөгө кайдан чыгам, күнүмдүк жашоомду эптей албай жатып? 10 жылдан бери ооруп келем, бир туугандарым жардамын аяган жок, ыраазымын. Бирок учурда жашаштын өзү оор болуп жатпайбы.

“ҮЙЛӨНӨМ ДЕГЕНДЕ ООРУП КАЛДЫМ”

– Шаар кичине эмеспи, бутум кесилгенден кийин көчөгө чыксам менин маршруткама дайыма түшүп жүргөн жүргүнчүлөр таанып “байке, кантип ушундай абалга келип калдыңыз?” деп келип абалымды сурашса ыраазы болуп калам. Чогуу иштешкен айдоочулар, мени тааныган жүргүнчүлөр жардамын аябай бирин-экин тыйын беришет, ал да болсо чоң жардам, көңүл. 6 миң сом төлөп батирде турам, 1-топтогу майыптык үчүн 4300 сом жөлөк пул алам. Уйку жок, дарынын күчү менен эле уктабасам. Дары ала албай калган күндөрү Кудайдын азабын тартып таң атырам.

Бутум соо кезинде бир кыз менен 1 жыл сүйлөшүп, экөөбүз үйлөнөбүз деп жатканда ооруп калдым. Ал мени кечке күтүп жүрө бермек беле, турмушка чыгып кетти. Анын үстүнө чолок адамга ким турмушка чыгат деп ойлоном. Бир чети өлүп калсам бир никеге турбай, эркектик парзымды аткарып артымда туяк калтырбай кетип, тиги дүйнөгө барганда эмне деп жооп берем деп корком.

“БӨЙРӨГҮМДӨН ИРИҢ АГЫП ТУРАТ”

– Врачтар туугандарыма эскертиптир “жинденсе, кайгырса эле тромб өйдө жылып, жүрөккө жетет, абайлагыла” деп. Азыр өмүрүм кыл үстүндө тургансыйт. Кыйналып жатканда“ушинтип кыйнагыча өзүңө алып кетсең болмок” деп Аллага кайрылам. Кайра өзүмө сабыр тилейм. Тромбду бул жактан дарылай алышпайт экен, Израилдеги врачтарга анализдеримди жиберсем, алар кел дешти. Ага баш-аягы 40 миң доллардай керек экен.

Тромбду дарылап алсам, кезек бөйрөктү дарылоого келет, ал үчүн Түркиядан операция жасатуу керек. Оң бутума жасалма кан тамыр түтүк коюшканда бөйрөк тушта 3 жарым сантиметрдей калып, калганы бут менен чогуу кесилген. Ошол түтүк көңдөйчө (свищ) жаратыптыр. Оң бөйрөгүм ириңдеп шишип, жарылайын деп калганда былтыр атайын аппараттын жардамы менен 100 граммдай ириң алышкан. Учурда ичимде кичине тешик бар, ошол жактан бөйрөктөгү ириң агып турат. Аны өзүм күнүгө тазалап, таңып турам. Бөйрөгүмдү дарылаш үчүн өкмөт кийинки жылдын аягына Түркияга квота берген. Бирок мени убакыт күтпөй коёбу дейм. Андыктан карапайым элимден жардам сураганга мажбур болуп турам.


Асыл Орозбекова
koom@super.kg



Бир бутунан ажыраган Эсенбек Абдыкадыров: “Артымда туяк калтырбай кетемби деп корком”

Автор: Илим Туратбек уулу
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
31.07.2018. 10:25 
Тайпасы:
Жаран
Комментарийлердин саны:
167
Катталган:
05-05-2018
Соӊку аракети:
16-11-2018 11:14
Жынысы:
Белгисиз
Калаасы:
Уч-Коргон
+7
Негизи кыргыздар оорууга вообще конул кошпуз,башка жактыктар жотолуп,же мурду канаса сразу больницага алып барат, эмне болду деп!А бизде температура 40 болсо да уйдоо оронуп чумконуп тердесем басылат деп отура беребиз,адам озунун денсоолугун ойлоосу керек да конул кош болбой,байкеге эми денсоолук каалайм,тилегине жетсиин!!
31.07.2018. 12:47 
Тайпасы:
Жаран
Комментарийлердин саны:
10
Катталган:
28-07-2012
Соӊку аракети:
16-11-2018 08:09
Жынысы:
Белгисиз
Калаасы:
кадамжай
+9
monster_high_98,врачтарын да мурдун канап барсале конул коюп карай коюшпайт да.Анан барсан ушуну айтат деп кала беребиз пенделер.
31.07.2018. 16:29 
Тайпасы:
Жаран
Комментарийлердин саны:
91
Катталган:
26-04-2017
Соӊку аракети:
27-08-2018 16:03
Жынысы:
Белгисиз
+2
Жакшы болуп кетиниз
31.07.2018. 22:20 
Тайпасы:
Конок
Комментарийлердин саны:
2
Катталган:
26-07-2018
Соӊку аракети:
07-10-2018 14:11
Жынысы:
Белгисиз
+6
ЭЛСОМ дарегин бергиле көп түкүрсө кол болот эртеңки күнүбүз Аллах гана билүүчү!!
31.07.2018. 22:21 
Тайпасы:
Конок
Комментарийлердин саны:
2
Катталган:
26-07-2018
Соӊку аракети:
07-10-2018 14:11
Жынысы:
Белгисиз
+4
ЭЛСОМ дарегин бергиле көп түкүрсө кол болот эртеңки күнүбүз Аллах гана билет!!!
03.08.2018. 12:33 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
16-11-2018 12:56
Жынысы:
Белгисиз
Калаасы:
SUPER.KG
0
Sonra.94, Эсенбек Абдыкадыровго жардам берүүнү каалагандар, төмөндөгү номер аркылуу байланышса болот: 0 703 77 23 23
Модератор admin_superstan түзөттү 2018-08-03 12:34:02
04.08.2018. 13:21 
Тайпасы:
Жаран
Комментарийлердин саны:
2
Катталган:
02-07-2017
Соӊку аракети:
27-08-2018 11:04
Жынысы:
Белгисиз
Калаасы:
Керемет Ааламы
0
Урматтуу''Супер инфо''гезитининин жамааты, Маевкада бир аял озунун уйундо майып балдарды карайт экен, ошол боюнча маалымат берип койсонуздар эгер мумкун болсо, чон рахмат.
04.08.2018. 17:19 
Тайпасы:
Супермодератор
Комментарийлердин саны:
7573
Катталган:
22-02-2011
Соӊку аракети:
16-11-2018 12:31
Жынысы:
Белгисиз
Калаасы:
...
0
NSKA,сунушуңуз тиешелүү бөлүмгө жеткирилди. Рахмат.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: