«Жылдын супер тасмасы»

Жыйынтык

Башка сурамжылоолор


Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Амантай Кутманалиев, төкмө акын: «ЧУДИНОВДУ СЫНДАЙ КОЁМ ДЕП ЖУМУШТАН АЙДАЛГАМ»

№822 3 - 9-август, 2018-ж.


– Амантай ага, чыгармачылыкта кандай жаңылыктарыңыз бар?
– Улуттук филармониянын алдындагы «Эл ырчысы Эстебес» тобунда иштеп жатам. Концерттерибиз өтүп жатат.

Төкмө акындар тойлорго да барып кошумча каражат таап калышпадыбы. Сизди да чакырышабы?
– Тойлорго чакырышат. Мени баалап, ырымды уга турган жерлерге барам. Кээ бир жерге барсаң ырыңды деле укпайт. «Анда эмне чакырдыңар?» деп аларды кошуп ырдап салсам таарынышат (күлүп). Соодалашпайм, көңүлдөн чыкканын беришет, мен дагы көңүлдүү ырдап берем. Ошол айлыгыбызга өп-чап болуп жатат да.

– "Кыргыз Республикасынын Эмгек сиңирген артисти" наамын жакында эле алдыңыз окшойт.
– Наам эч убакта талантыңа талант кошуп бербейт. Кичине болсо дагы өкмөт сени артист катары тааныды деген документ. Жаш кезде алсаң чыгармачылыгыңа дем болот. А мен картайганда, тагыраагы, былтыр алдым. Бир аз болсо да эмгегим бааланды деп сүйүндүм. Менде наам алам деген амбиция жок. Бир учурда «Ай, Амантай, жаш балдар наам алып жатышат, сен жүрө бересиңби, бир жылкы таппайсыңбы» дегендер чыккан. “Бюджетник” болсом менде кайдагы жылкы? Өздөрүнүн “ставкалары” да бар экен. «Андай наамыңардын кереги жок, өздөрү берсе алам, бербесе албайм» дегем. Аны алып алсаң эртең балдарың, неберелериң чоңоёт. Эл ичинде «сенин атаң наамды сатып алган» деп айтылып турса, ошол сөз жакшыбы? Ал наамың балдарыңдын бетине көө болбойбу.

– Акындык өнөрүңүз качан башталган?

– Өзүм Таластын Талды-Булак деген айылында чоңойдум. Бакай-Ата районунда Чалдовар мектеп-интернатында окуп калдым. 5-классымда чымындар бир аз ойгонду. Адегенде айылды сагынып бир нерселерди чүргөп жазчумун.

«Чалдовар мектеп-интернат,

Чаар ала тоонун этеги.

Алыста жаткан айылыма,

Кыйкырсам үнүм жетеби?» деп эле жаза берсем, мугалимдер күлүп «Ой, сенден акын чыгат» деп күүлөй беришчү. Классташтарым жаңы жылдык майрамдарда мага ыр жаздырышчу. Өзүмдөн-өзүм оолугуп эле комузду үйрөндүм. Айылда комуз черткен киши өтө аз болчу. «Айылыңарда акынчылык кылган киши жок эле, сиз кантип чыгып кеттиңиз?» деп көптөр таң кала берет. Көрсө, каныбызда бар окшойт. Айылдагы аксакалдар «Ой, сенин атаң жамакчы киши болчу. Ал киши отурган-турган жеринде 3-4 сапты мындай эле айтып койчу» деп айтып калышат. «Мен өзүмө ишенем, мен үчүн деңиз тизеден» деп койчу дейт.

– Атаңыз тууралуу айта кетсеңиз.

– Атам Токтогул 1994-жылы каза болду. Ал убакта мен жаңыдан талпынып, филармонияда окуп, иштеп баштаган элем. Апам менен атам ажырашып кетип, атасыз чоңойдум. Өлөрүнөн бир ай мурун жолукканбыз. Филармонияга мени издеп келиптир. «Эшикте сени бирөө чакырып жатат» деди. Эшикке чыксам бир сары киши турат. Куду менин өзүм. Көрө элекмин да. Кучактап эле көз жашы менин далыма куюлуп кирди. «Айланайын балам, менин сага айта турган сөздөрүм көп. Апаң экөөбүздүн турмушубуз кандайча, эмне болгонун, баарын айтып берем. Мени атам деп ойлойсуңбу?» деди. «Атамсыз, атамсыз» дедим. Жатаканага ээрчитип бардым. Уруум, чоң аталарым жөнүндө айтып отурду. Чоң атам Кутманалы Кетмен-Төбөдө жылан чагып каза болуптур. Ал кишинин да төкмөлүк жайы бар экен. Анан «Мен ушуга эле келгем, балам. Сенин атагыңа кызыгып келген жокмун. Болгону өмүр баянымды айтайын дедим» деди.

– Сизди Саркашка десе таанышат. Бул каймана атты ким койду эле?

– Таластын Аманбаев деген айылында сел жүрүп, элдин көңүлүн ачуу үчүн Садык Шер-Нияз бардык акындарды алып барып концерт уюштурду. Кээде эргүү келе калат го. Дайыма эле төгүлө бербейсиң да. Эргүү келгенде жакшы сөздөр өзүнөн өзү чыгып кетет. Ошентип 40 мүнөттөй ырдадым. Ашыралы Айталиев агабыз «вообще то» деп сүйлөчү. Ал «Оо, «вообще то» Амантай мыкты. Саркашкам менин Саркашкам» деп ийди. «Эмнеге Саркашка деп жатасыз?» деп Садык сураса «Ой, мен буга Саркашка деп ат койдум. Илгери улуу акындардын ар биринин «кличкасы» бар болчу. Кара кунан, Сары кунан, Дулдул өңдүү. Мен Амантай баламды мындан ары Саркашка дейм» десе баары күлүп, ошондон кийин Саркашка аталып калдым. Сары – өңүмдү, кашка – тунук дегенди, бир чети сары кашка тулпарды билдирет. Мен бул атым менен сыймыктанам. Себеби улуу, залкар адам койгон.

– Үй-бүлөңүз тууралуу айта кетсеңиз.

– 26 жашымда үйлөндүм. Жеңең азыркы Бүбүсара Бейшеналиева атындагы Кыргыз мамлекеттик маданият жана искусство университетин аяктаган. Эмир, Байтур деген 2 уулум бар, студент. Жеңең да комуз менен элдик дастандарды ырдачу. Кийин бала басты болуп калдык. Менин деле ашкан-ташкан бай туугандарым жок. Атадан жаш калдык. Жаңы үйлөнгөн жылдары аябай кыйналдык. Батирлеп 16 жыл жүрдүм. Мына, үй алам деп жатканда СССР тарап кетип, үй берилбей калды. 2004-жылы айтышта баш байгеге Жигули унаасын утуп алгам. Унаа ал кезде кымбат эле, ордуна 1 үй келчү. Аны 4200 долларга сатып, акчасына 8 сотых жер тилкеси менен 5-6 бөлмөлүү үй алгам.

– Бийликтин кемчиликтерин айта калып куугунтук жеген учурлар болобу?

– Болот. Бакиевдин учуру эле. Премьер-министр Чудинов болчу. 2010-жылы тил майрамында филармонияда чоң концерт уюштурулуп, өкмөттүк деңгээлдеги адамдардын баары келишти. Ошол жерден менин тилим кычышып кетти. Чудинов кызматка жаңы келерде «мен кыргыз тилин 3 айдын ичинде үйрөнүп, буюрса, кыргызча сүйлөйм» дебеди беле. Анын кызматка келгенине 3 жыл болуп калган. Ырдап келип эле:

Жетекчилик ишиңден,

Сиздин жетишкендик көп тилейм.

3 айда сүйлөйм дедиңиз,

Бирок 3 жылга мезгил жетти бейм

Бүгүн Чудинов сүйлөп кыргызча,

«Чудо» болсо деп тилейм,- десем баары каткырып күлүп калышты. Тамаша катары эле кабыл алса керек деп ойлодум. Чыксам эле артисттер «Ай, Амантай, кичине катуу айтып койдуң» дешти. «Азыр демократия, эмнеден коркобуз? Акындар илгертеден эле ачыгын айтышкан да» деп үйгө кетип калгам. Барсам эле үй телефон шыңгырап жатыптыр. Керим Турапов экен. Ал кезде биздин директор эле. «Эртең менен эрте мага кел, жумуш бар» деди. Эртеси келсем өңү бузулуп, ачууланып калыптыр. «Сен куудулданып, тапанданганыңды коё тур. Эмнеге премьер-министрге антип ырдайсың? Ал деген 2-киши. Баары бир аны эл башы деп коёт. Мына, жогору жактан улам чалып жатышат. Экөөбүз жаман-жакшы айтышпайлы. Булар тынчыганча 2-3 айга арызыңды жазып тур. Капа болбо, айланайын»,- деди. Арызымды жаздым да: «Эгер бийлигиңиз акындардын оозун ушинтип бууп жатса, анда демократия каякта? Бул бийлигиңиз деле алыска барбайт» деп кетип калдым.

– Кайра кантип филармонияда иштеп калдыңыз?

– Оозума Кудай сала бергендей, 3 айдан кийин революция болуп кетпедиби. 8-апрель күнү Керим Турапов телефон чалып «Амантай, тезирээк филармонияга келип кал» деди. «Эмне болду?» десем, «Эмне болгонун көрүп жатасың го, сени кетиребиз дегендер өздөрү кетишти. Таарынып келбей койбо, же шопурумду жиберейинби?» деди. «Жок, өзүм эле барам» деп барсам жакшы тосуп алды. «Баары бир экөөбүз чыгармачыл чөйрөдө жүрөбүз. Жүзүбүз бири-бирибизге жарык болсун деп атайын чакырдым. Мына, айлыгыңды көтөрдүм. Сен алигиче 2-категория менен иштейт экенсиң, жогорку кылып берем» деди. Ага чейин эмнеге аны ойлонгон эмес (күлүп)?..

– Ишиңизге ийгилик.

Асхат Субанбеков
star@super.kg



Амантай Кутманалиев: "Өкмөт башчыны кыргызча үйрөн деп ырдап коюп, жумуштан айдалгам"

Автор: Наргиза Өмүрбек кызы
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  7 
Комментарийлер(5)
07.08.2018. 10:42 
Тайпасы:
Жаран
Комментарийлердин саны:
33
Катталган:
29-06-2016
Соӊку аракети:
12-12-2018 12:09
Жынысы:
Белгисиз
+8
Омурунузго береке,уй булоонузго тынчтык,ынтымак каалайм! Эки дуйно бактылуу болунуз. Сиздей таланттуу адамдар кобое берсин,атыныздар унутулбай туболук легенда болуп муундан муунга айтылып эл эсинен чыкпайсыздар. Ал эми бийлик менен байлык колдун кири дегендей Чудиновко окшогон чиновникти эч ким деле эстеп баалабайт. Таланты бар адам эч качан олбойт деп бекер айтылган эмес.
07.08.2018. 14:33 
Тайпасы:
Жаран
Комментарийлердин саны:
552
Катталган:
05-05-2018
Соӊку аракети:
12-12-2018 11:49
Жынысы:
Белгисиз
Калаасы:
Уч-Коргон
+5
Демократия дегени менен куудул, токмо акындарга эле асылып журо беришет,чындыкка чычалашып!Озу чындыкты ушулар эле жеткирет
monster_high_98 түзөттү 2018-08-07 14:33:28
07.08.2018. 20:27 
Тайпасы:
Жаран
Комментарийлердин саны:
566
Катталган:
29-05-2016
Соӊку аракети:
12-12-2018 15:18
Жынысы:
Белгисиз
+4
Ишиңизге ийгилик Амантай байке .супер Аалы Туткучевтен интервью алгыла
11.08.2018. 00:04 
Тайпасы:
Жаран
Комментарийлердин саны:
14
Катталган:
04-07-2013
Соӊку аракети:
07-12-2018 08:52
Жынысы:
Белгисиз
+1
Акындар кана чындыкты айтышат да. Бирок этияттагыла! Биздин чоңдор чындыкты айткандарды эле тынчытып көнүп калышкан, тым тым кылып.
11.08.2018. 19:55 
Тайпасы:
Жаран
Комментарийлердин саны:
101
Катталган:
14-04-2014
Соӊку аракети:
10-11-2018 20:31
Жынысы:
Белгисиз
0
Aaly Tytkuchevten interviu algyla
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21592;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: