ТАЙБОКСЧУ БЕКЖАН МАТЫСАЕВ КҮМҮШ БАЙГЕГЕ ТАТЫДЫ

23-29-июль күндөрү Таиланддын Паттайя шаарында студенттер арасында тайбокс боюнча Дүйнөлүк чемпиондук болуп өттү. Матысаев мелдеште 67 килограммга чейинки чен бирдикте күч сынашты. Бекжан алгачкы беттешинде венгриялык Курд Истванды 30:27 эсебинде жеңип алды. Жарым финалда Словениянын намысын коргогон Сасо Воркапичти 2-раундда нокаут абалына келтирип, финалга кадам таштады.

Чечүүчү беттеште таиланддык Суксангуан Ситтисакка каршы чыкты. Биринчи раундду Матысаев 10:9 эсебинде жеңип алды. Экинчи раундда беш калыстын төртөө кыргыз мушкерге жеңишти ыйгарганы менен, башкы калыс чечимди өзгөртүп, жеңишти таиланддык спортчуга берип койду. Акыркы раундда 2-раунддагы кырдаал кайрадан кайталанып, негизги калыстын адилетсиздигинен улам Матысаев чемпиондуктан куру калды.

Дагы бир кыргыз спортчусу Арген Керимбеков бул мелдеште үчүнчү орунду ээлеп, коло байгеге ээ болду.

Кубан Жумамидинов

sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 822, 3 - 9-август, 2018-ж.