МАМАЛАК (Атанын кызына болгон чексиз сүйүүсү тууралуу сериал)
реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№822 3 - 9-август, 2018-ж.


(Башы өткөн сандарда)

ххх

– Биз эмне кылабыз, айтпайсыңбы?- Айсулуу жиндене сүйлөдү. Оюна койсо Тимур ушул бойдон унчукпай жүрө бере турган.

– Эмнени эмне кылабыз?

– Жашайбызбы же жашабайбызбы? Айт бир жообуңду. Балдарыңды дагы жетим калтырасыңбы? Же дагы бир аялды биздин үстүбүзгө кошуп аласыңбы? Айт!

– Айсулуу, сен дагы уруш баштаганы жатасыңбы?

– Демек, мен күнөөлүмүн, ээ? Дагы эле мен. Баарын мен баштайм. А ойнош күткөн ким? Үй-бүлөсүн чанып, башканын коюнунда жаткан ким?

– Мен. Анан эмне, кет дейсиңби? Кетейин. Бирок экөөбүз тең балдар үчүн жашашыбыз керек экенин түшүнүп эле жатпайбызбы, туурабы? Же сен эмне, мени сенин жаныңда тургусу келет деп ойлойсуңбу? Жок, мен сени сүйбөйм. Сен мен үчүн таптакыр чоочун адамсың. Бирок балдар үчүн жашашыбыз керек да.

– Балдар сенсиз да чоңоёт, жогол!

– Э-эх, Айка, кандай түшүнбөйсүң? Биз экөөбүз эми жипсиз байланган кишилербиз. Турмуш бизди “эл эмне дейт, балдар эмне болот?” деген нерселер менен чиелеп байлап салган. Болду, биз бошоно албайбыз. Биз эми эч кимди сүйбөшүбүз керек. Сүйгөнгө да укугубуз жок. Биздейлер толтура. Сүйүүсүз эле жашап жаткандар толтура. Кам санаба, биз жалгыз эмеспиз. Көпчүлүк үй-бүлөлөр таарынычтарын жутуп, бактылуу үй-бүлөнүн ролун ойноп жашап келе жатышат.

– Акмак, дагы сүйүү жөнүндө сүйлөйт. Билесиңби, мына, мен сени сүйүп артыңдан темтейип ээрчип Москвага келдим. Сен сүйүү жөнүндө сүйлөбө. Баарын тебелеп-тепсеп туруп сүйүү жөнүндө сүйлөбө.

– А мен сени кел дедим беле? Жашай бербейт белең ошол зөөкүрүң менен.

– Ошол зөөкүр сага караганда 10 эсе өйдө адам болгон экен.

– Ооба, сонун адам болгон үчүн түрмөдө отурбайбы. Аны түрмөгө отургузган адам да сонун адам.

– Акмак, жогол!

– Койчу, Айка. Мен кетем, бир жумадан кийин жалдырап чакырасың. “Балдар үчүн жашайлы” дейсиң. Калп эле кыйкырышып эмне кылабыз? Балдар үчүн жашайлы, ызы-чуу салбай эле.

– Жогол деп жатам.

Тимур күрмөсүн кийип сыртка чыгып кетти. Ошол бойдон ал бир жума барбай койду. Туура эле айткан экен. Ачуусу тараган Айсулуу кайрадан кечирим сурап, Тимурду чакырып алды. Балдар үчүн жашайлы деди. Күндөр баягыдай эле биринен сала бири өтө берди.

ххх

Нуржан менен көрүшө элегине көп болуп кетти. Бул арада Тимур кадимкидей өңдөн азып кетти. Кыз иштеген жерин да, жашаган жерин да которуп кетиптир. Жигит аны таба албай бушайман. Убакыттын өтүшү менен Айсулуу экөө да кеп-сөзгө келип калышты. Ырас, Айсулуу ичинде Тимурга таарынганы менен, ошол ызасын күч менен басып, күйөөсүнүн чыккынчылыгына көз жумуп жүрөт. Антпеcке аргасы барбы? Бир эсе ал өзүн “үй-бүлөлүк турмушта ушундай нерселер болуп турат” деп жооткотуп жатат. Тимурдун ою таптакыр бөлөк. Балдар бир аз чоңойсо эле Нуржанга барат. Башкысы, аны табышы керек. Башка жолду көргөн жок. Ушул оюна өзү бекемдеп ишенди да, кызды издегенин токтотподу.

Ар жума сайын кыз иштеп жүргөн кафеге барып анын дайынын сурайт. Жок, ал таптакыр кабарсыз. Мына азыр да аны менен чогуу иштеген кыздан Нуржанды сурап турат.

– Ал бул жакка кайра келбейт болуш керек. Менимче, Кыргызстанга кетти. Сиз бул жакка келе берүүнү токтотуңуз. Башка жактан издесеңиз батыраак тапсаңыз керек.

– Телефон номерин берип койсоң сүйлөшөт элем.

– Айттым го, байке, телефону өчүк,- Нуржандын кесиптеши ийинин куушура сүйлөдү.

– Ал Москвада эле жүрөт. Бир күн болбосо, бир күн келеттир. Сиз менин телефон номурумду жазып калбайсызбы. Эгер Нуржан тууралуу бир нерсе уксаңыз эле чалып коюңуз.

– Мейли, таштап коюңуз. Бирок келиши күмөн.

ххх

– Сен Байэлди карай турчу. Мен сыртка дүкөнгө чыгып келейин,- Айсулуу үстүнө күрмөсүн кийип жатып сүйлөдү.

– Мейли,- Тимур уулунун жел бешиги тарапка басты. Жел бешиктин ичинде Тимурдун эле кичинекей көчүрмөсү аны жылмайып тиктеп турган. Сүйкүмдүүлүгүн айт. Атасы элжиреп кетип аны колуна алды.

– Кимдин баласы, ыя? Кимдин баласы? Жытыңдан сенин жытыңдан,- уулунун моюнунан жыттап эзилип кетти. Анан аны Айназик таң калуу менен карап турганын байкап калды.

– А бул кимдин кызы?- деди аны таңыркай тиктеген кызга карап.

– Менин балам, менин кызым. Алтындарым десе. Келчи, кызым, өөп коёюн.

– Ыкы. Менин атам башка. Ал Азамат,- кыз тыкылдап жооп берди. Тимурдун жүрөгү сайгылаша түштү. Канча убакыт өтсө да, бул Азамат атасын унутчудай эмес.

– Менин кызымсың, Айназик Тимуровасың. Уктуңбу?- бир аз ачууланымыш болуп койду.

– Жок, Азамат кызы Айназикмин.

– Азамат деген жок. Ал сени уурдап кеткен. Менмин сенин атаң. Байэлдин атасы да менмин.

– Менин атам Азамат.

– Бар, анда кет, Азаматтын кызы болсоң,- Тимур таарынгандай тултуюп койду.

– Мени атам келип алып кетет.

– Келбейт, ал түрмөдө. Кыргызстанда. Аны эч жакка чыгарышпайт.

– Келет.

– Келбейт.

– Келе-ет,- кыз кыйкырып жиберди. Анан туруп эле оозун кемшейтип ызаланып ыйлап баштады. Бул убакта сырттан Айсулуу кирип келди.

– Эмне болуп кетти?- деди ал Айназиктин түрүн карап.

– Азамат атам алып кетет деп кыйын болуп жатат,- Тимур жактырбагандай сүйлөдү.

– Ушу кичинекей немеге да теңелесиңби? Койчу, Тимур.

– Ал эч убакта мени ата дебейт. Мына, келгенине бир жыл болду. Дагы эле Азамат дегенди унута элек.

– Сен ага ата болуп кыйратпасаң ошентет да.

– Кайра баштаганы жатасыңбы?- Тимур кыйкырып жиберди.

– Баштабай эле, бир аз бооруңа тартсаң башкача болмок да.

– Боорума тартпай эмне кылдым? Айназик деп эле жакшы көргөндөн башка мен эмне кылып жатам? Сени "апа" дейт. Мен болсо буга таптакыр эле чоочунмун,- Тимур чындап эле Айназикке болгон таарынычын жашырган жок. Ашканага Байэлди көтөрүп чыгып кетти.

– Мен атама барайынчы, апа,- кыз Айсулууну үмүттөнө тиктеди.

– Кайсы атаң? Сенин атаң Тимур.

– Жок, мен Азамат атама барам.

– Азамат сенин атаң эмес. Ал...- Айсулуу Азамат тууралуу жаман нерселерди айтып кыздын көңүлүн калтыргысы келген. Бирок эмнегедир токтоп калды. “Жамандабай эле коёюнчу” деди ичинен.

– Тимур сенин атаң, ал сени жакшы көрөт. Карачы, ал таарынып калды.

– Мен атамды сагындым. Мени ага алып барчы,- кыз апасын “балким, чын эле атама алып бараттыр” деген үмүттүү көздөрү менен карады.

– Жок, ал сенин атаң эмес.

– Ата,- адегенде кыз акырын гана ушул сөздү айтып кемшеңдеди. Ал ушул убакка чейин атасына болгон сагынычын эч билгизбей жашырып келе жаткан. Бирок күн сайын ал Азамат тууралуу, баягы мамалак тууралуу түштөрдү көрүп жүргөн. Дайыма уктаар алдында “эртең ойгонсом эле атам жанымда болуп калса” деп кыялданчу. Бирок бир да жолу сыртынан билгизчү эмес. А азыр болсо кичинекей жүрөгүндөгү атасына болгон чексиз сагынычы ашып-ташып кетти. Сезимдерин башкара алмак эмес. Аздап кемшеңдеп турган кыз, бир убакта “ата-а” деп үнүн барынча кыйкырып алып, эч токтолбостон уңулдап ыйлап баштады. Балким, Айсулуу менен Тимур Айназиктин бул кылыгын түшүнбөй калышкандыр. Бирок кыздын бул ыйында анын атасына болгон сагынычы, акырындап урап бараткан кыялдар, өчүп бараткан үмүттөр аралашып калган болчу. Айназик азыр атасын чындап жоктоп ыйлады. Куду экинчи көрбөй калчудай ыйлады. Бир эсе атасына таарынып ыйлады. Азаматтын келбегени кызды ызалантты. Бирок жер шарынын дагы бир бурчунда күңүрт тарткан бөлмөдө дубалды үн-сөзсүз тиктеп жаткан атасы кызына жетчү күндү санап, аны көрүүгө зар болуп, аны көрүү үчүн бардык тоскоолдукту басып өтүп, керек болсо дүйнөнү жөө басып болсо да, күндөрдүн бир күнүндө жароокер кызды маңдайынан өөп, кумары канганча төбөсүнөн жыттап аларын кыялданып жатты. Ошол кыялдарына ишенип турду...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(11)
07.08.2018. 09:17 
Тайпасы:
Конок
Комментарийлердин саны:
5
Катталган:
22-05-2018
Соӊку аракети:
16-08-2018 18:37
Жынысы:
Белгисиз
+3
Ээх
07.08.2018. 09:17 
Тайпасы:
Конок
Комментарийлердин саны:
5
Катталган:
22-05-2018
Соӊку аракети:
16-08-2018 18:37
Жынысы:
Белгисиз
+3
Кыйын эле болдуго
07.08.2018. 09:47 
Тайпасы:
Жаран
Комментарийлердин саны:
34
Катталган:
11-03-2018
Соӊку аракети:
17-08-2018 22:20
Жынысы:
Белгисиз
+4
Ыйлап жатам.
07.08.2018. 09:56 
Тайпасы:
Жаран
Комментарийлердин саны:
6
Катталган:
08-06-2015
Соӊку аракети:
14-08-2018 13:16
Жынысы:
Белгисиз
+4
Тимурга акыл кирип калган го. Балдар үчүн жашайлы деп.....
07.08.2018. 11:26 
Тайпасы:
Жаран
Комментарийлердин саны:
9
Катталган:
24-04-2014
Соӊку аракети:
14-08-2018 10:56
Жынысы:
Белгисиз
0
Кино тартса болчу дай екен
07.08.2018. 13:42 
Тайпасы:
Жаран
Комментарийлердин саны:
37
Катталган:
09-08-2017
Соӊку аракети:
17-08-2018 15:16
Жынысы:
Белгисиз
0
Мынча аз, көбүрөөк жазгылачы
07.08.2018. 21:34 
Тайпасы:
Жаран
Комментарийлердин саны:
157
Катталган:
05-03-2017
Соӊку аракети:
17-08-2018 22:23
Жынысы:
Белгисиз
+1
Ыйлап жибердим. Бекерда коз жаш менде да
07.08.2018. 22:27 
Тайпасы:
Жаран
Комментарийлердин саны:
122
Катталган:
10-03-2016
Соӊку аракети:
17-08-2018 21:03
Жынысы:
Белгисиз
Калаасы:
Кыргызстан
+1
Эх чиркин. Коздон жаш айлантат ко Айназик
07.08.2018. 22:32 
Тайпасы:
Жаран
Комментарийлердин саны:
12
Катталган:
28-01-2016
Соӊку аракети:
10-08-2018 13:41
Жынысы:
Белгисиз
+1
Эхх кызды кыйнабай Айназик тынч эле койбоду Азамат менен.
08.08.2018. 09:18 
Тайпасы:
Жаран
Комментарийлердин саны:
4
Катталган:
19-12-2017
Соӊку аракети:
15-08-2018 15:32
Жынысы:
Белгисиз
0
Сатып алып окуса болобу айтып койсоңор билгендер барбы, а то күтө берип уже...
09.08.2018. 02:13 
Тайпасы:
Жаран
Комментарийлердин саны:
34
Катталган:
16-01-2018
Соӊку аракети:
18-08-2018 01:46
Жынысы:
Белгисиз
Калаасы:
Тоолордун чокусунда...
0
Жүрөгүм... ((((
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21045;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: