Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

6 ЖАШАР КЫЗДЫН АПАСЫ: «КЫЗЫМДЫ ӨГӨЙ АТАСЫ КОРДОП ЖҮРҮПТҮР»

№822 3 - 9-август, 2018-ж.


"6 жаштагы кызыма өгөй атасы жарым жылдан бери зомбулук көрсөтүп жүрүптүр" деп бизге Сокулук районунун Кызыл-Туу айылынын тургуну кайрылды. Анын айтымында, кылмышка шектелген күйөөсү качып кеткенге аракет кылып кармалган. Бирок учурда боштондукта жүрөт. Биз ар тараптын жообун угуп көрдүк.

“КҮЙӨӨМДӨН КОРКУП ҮЙГӨ БАРА АЛБАЙ ЖАТАБЫЗ”

Кызынын абалына жүрөгү чыдабаган апасы “ыплас аракеттер жасалган болсо, күнөөлүүлөр эркиндикте жүрбөшү керек эле” деп нааразы:

– Мен биринчи турмушумдан ажырашып, кызымды жетелеп экинчи ирет турмушка чыктым. Экинчи күйөөм кызыма жакшы мамиле жасачу. Бейбаштык кылса гана бир аз катуу сүйлөгөнү болбосо, кол көтөргөнүн көргөн эмесмин. Ушул жылдын жаз айларында күйөөм экөөбүз таарыныша кетип, ал иштегени Москвага кетти. Ошондо гана анын кызыма ыплас аракеттерди жасап жүргөнүн билип жатам.

Кызым бир күнү өзү теңдүү бөлөлөрү менен ойноп жатып, “мен ооздон өпкөндү жакшы көрөм” деп айтыптыр. Муну угуп, “сага ооздон өпкөндү ким үйрөттү?” деп сурасам, айтпай койду. Эртеси күнү тамак ичип отурганда кызымды алдап чакырып сурай баштадым. Кызымдын “атам үйрөткөн” дегенин угуп алып нес абалда калдым. Ушундай кантип болмок эле деп ишене албай, башка суроо бере алган да жокмун. Эртеси күнү гана дагы эмнелерди кылып жүргөнүн сурасам, үч уктасам түшүмө кирбеген нерселерди айтып берди. “Сиз жумушка кеткенде мени урчу. Уят видеолорду коюп берип, “жакшылап үйрөн, апаң жумушка кеткенде сен экөөбүз ушундай кылабыз” дечү” деп айтып берди.

Андан башка да ыплас аракеттерин айтып берди. Каршы чыкса, урчу экен. Бир ирет башка чапса, башы сандыкка тийип катуу ооруптур. Байкушум, кордук көрүптүр. Качып кетейин деп караңгыдан, иттерден коркчу экен. “Апаңа айтсаң, сени, апаңды кошо өлтүрүп көмүп кетип калам. Силерди эч ким таппай калат” дептир.

Мындай аракеттер жарым жылдай уланыптыр. Байкабай жүргөнүмдү карасаң. Ошол маалда кызым мектепке чейинки даярдоо классында окучу. Мугалими "кызыңыз башында активдүү болчу. Азыр маанайы суз болуп, сабактарга көңүл бурбай калды" деп айткан эле.

Анан 20-мартта Сокулук РИИБине арыз жаздым. Соттук-медициналык экспертиза даярдалды. Бирок анда кызымдын денесинин баары таза чыкты. Бул көп убакыт өтүп кеткендиктен болушу да мүмкүн. Психологго көрүндүк. Кызымдын документтери жок болгондуктан соттук-психологиялык-психиатриялык экспертизадан өткөрө элекмин. Кызым төрөлгөндө паспортумдун мөөнөтү өтүп кетип күбөлүк ала албай калгам. 30-июлда күбөлүк алдым. Эми экспертизадан өткөрөбүз.

“КАЧАМ ДЕП КАРМАЛЫП КАЛДЫ”

– Бул иш боюнча күйөөмө карата “14 жашка толо элеги белгилүү болгон адамга карата зомбулук көрсөтпөстөн, ыплас аракеттерди жасаган” деп кылмыш иши козголгон. Май айынын аягында 2 жарым жашар балам кайнак сууга күйүп каза болуп калды. Уулун жерге бергенге 18-июнда күйөөм учуп келип, аны милиция кызматкерлери аэропорттон кармап кетишти. Баламды акыркы сапарга узатуу үчүн аны 2 кызматкердин коштоосунда бир күнгө коё беришмек. Бирок эмнегедир кайра өзүн жалгыз эле 3 күнгө коё беришиптир. Жолдошумдун айтканына караганда, ал милиция кызматкерлерине 15 миң рубль берип, 3 күнгө уруксат алыптыр. Анан ошол убакытта ал качканга аракет кылды. Өзүнүн документтери милицияда болчу, инисинин паспорту менен Казакстанга өтүп баратканда кармалып калды. Ошондо анын үстүнөн “документ жасоо”, “мамлекеттик чек арадан мыйзамсыз өтүү” беренелери менен кылмыш иши козголуп, камалган. Кийин кайра эле бошоп кетиптир.

Күйөөмдү эркиндикке коё бербеши керек болчу. Азыр кызым экөөбүздүн коопсуздугубуз мени ойлондуруп жатат. Үйгө баргандан коркуп, тааныштарымдын үйүндө жашап жатам. Күйөөмдөн көп нерсени күтсө болот. Анткени ал мага үйлөнгөнгө чейин 2 жолу абакта отуруп чыгыптыр. Адам өлтүргөндөн кайра тартпайт. Ал өзү “бул берене менен камалганча, адам өлтүрүп отурганым жакшы” деп айткан.

“КЫЗ КАЛП АЙТКАН ЖОК”

Жабырлануучу кыз 2 жарым ай ЮНИСЕФтин зордук-зомбулуктан жана ырайымсыз мамиледен жабыр тарткан балдарга жардам берүү борборунда реабилитациядан өткөн. Аны менен иштешкен психолог Наргиза Субаналиева кыз эч нерсени оюнан чыгарган эмес дейт:

– Мен ал кыз менен 2 жарым айдай иштедим. Башында баланын психикалык абалы оор болчу. Депрессияга кабылган, корккон абалда, түнт болчу. Аны депрессиялык абалдан чыгаруу оор эле. Алгач кыз отургучка отургандан да коркчу, жамбашы ооручу экен. Кыздын айтканына караганда, ага өгөй атасы кыйнап порно тасмаларды көрсөтүп, анан көргөндөрүн кайталоону талап кылыптыр. Зордуктоо да болгон. Кыз болгондорду майда-чүйдөсүнө чейин айтып берди. Чоңдор үйрөтүп коюшкан же кыз оюнан чыгарып жаткан жокпу деп атайын психологиялык оюндардын жардамы менен да текшерип көрдүм. Жок, кыз алдабаптыр. Эгер бирөө тарабынан үйрөтүлгөн болсо, кыз мынчалык майда-чүйдөлөрдү айта албайт болчу.

Өгөй атасынын мындай аракеттери жарым жылдай уланган. Атасы бирөөгө айтса өлтүрүп коёрун айтып коркутуптур. Анан атасы Москвага кеткенде гана коопсуздукту сезип, апасына айта алган.

Үйүнө коноктор келип, ал кыз конокко кошо келген жаш балдар менен чоң адамдардай болуп оозунан өбүшкөн экен. Ошондо аны чоңдор байкап калып, сурап башташканда билинген. Соттук-медициналык экспертиза муну тастыктай албаганы таң калычтуу эмес. Анткени окуядан кийин 2 айдай убакыт өтүп кеткен, жарааттар айыгып калган. Азыр кыздын абалы жакшырып калды. Эми кайрадан анын жараатын козгобош үчүн соттук процесстерге өзүн катыштырбаганга аракет кылабыз.

“КЕЛИНЧЕГИМ МЕНДЕН КОРКУП ЭЛЕ ЖАЛАА ЖААП ЖАТАТ ОКШОЙТ”

Бул окуя тууралуу сурап кыздын өгөй атасына да байланыштык:

– Келинчегим экөөбүздө келишпестиктер уулум каза болгондон кийин башталды. Ушуну менен экинчи ирет баламдан айрылып жатам. 2010-жылы да уулум ооруп бизди таштап кеткен. Баламды жоготконумда ачууга алдырып келинчегиме “баланы күйгүзүп алгандан көрө өзүң өлүп калсаң болмок” деп айткам. Ата-эне баланы карашы керек. Бирок кайра катуу сүйлөп алдым го деп ичимден жаман болуп калгам. Кудай берди, кайра өзү алды деп өзүмдү сооротуп жүргөм. Келинчегим минтип силерге кайрылып, өзүн-өзү актап, менден качып жаткан болсо, анда кандайдыр бир күнөөсү бар. Демек, баланы ал өлтүргөн. Же үйгө камап кетип калган. Бул тууралуу ар кандай варианттарды угуп жатам. Бирок аныгын билбейм, ошондуктан күмөн санап аялым менен урушуп жаткам.

133-берене эмне экенин да билбейм. Сиздерге жеткен маалыматтар жалган. Андай эч нерсе болгон эмес. Сиз айтып жаткандай иш болсо, анда мени камап коюшмак да. Бирөөгө жамандык кылган эмесмин. Жакшы эле жашап келатканбыз. Акча таап, үй-бүлөмдү багайын деп Москвада иштеп жүргөм. Үй-бүлөмдү да Москвага чакырып алайын деп жаткам. Кызым менен мамилем жакшы болчу. Сүйлөшүп турчумун. Мен үй-бүлөмө карата катуураакмын. Мени уруп коёбу же башка нерсе кылып коёбу деп коркуп, келинчегим мага жалаа жаап жатат окшойт.

Уулумдун каза болгонун укканда дароо эле келе калгам. Орусияда бүтпөй калган иштерим бар эле. Аларды бүтүрүп келейин деп, качпай эле кетип бараткам. Ал эми документтерге келсек, өз документтерим менен ал өлкөгө кире албай калыптырмын. Каттоодон ката кеткенби же Москвада жасалма каттоо менен жүргөнмүнбү, билбейм. Ошол себептүү инимдин документтери менен барып келе калайын дегем. Бирок кармалып калдым.

“БУГА ЧЕЙИН ЭКИ ЖОЛУ СОТТОЛГОН”

Бул тууралуу Чүй ОИИББинин басма сөз кызматкери Нургүл Нусупова буларды айтып берди:

– 2018-жылдын 20-март күнү Ж.Э. аттуу Сокулук районунун Кызыл-Туу айылынын 1992-жылы туулган жашоочусунан 24-март күнү Сокулук РИИБине арыз түшкөн. Ал өз арызында "1984-жылы туулган М.К. аттуу жарандык никедеги жолдошу 2017-жылдын октябрь айынан 2018-жылдын февраль айына чейин 6 жаштагы кызына эркине каршы ыплас аракеттерди жасап жүргөн" деп арызданган. Аталган факт боюнча Сокулук РИИБи тарабынан Кылмыш-жаза кодексинин 133-беренеси (14 жашка толо элеги белгилүү болгон адамга карата зомбулук көрсөтпөстөн, ыплас аракеттерди жасоо) менен кылмыш иши козголгон. Соттук-медициналык экспертизанын жыйынтыгында "кыздын денесинде жарааттар табылган эмес, кыздыгы жана көтөн чучугу жабыр тарткан эмес" деген корутунду чыккан. Соттук-психологиялык-психиатриялык экспертиза дайындалган. Бирок кыздын эч бир документи жок болгондуктан аталган экспертизаны өткөрүү убактылуу токтотулган. Экспертизанын жыйынтыгы менен ишке юридикалык баа берилет. Эгер кыздын алдабаганы, кандайдыр бир зомбулукка кабылганы тастыкталса, ошого жараша тергөө уланат. М.Кны суракка алганда, ал эч кандай ыплас аракеттерди жасабагандыгын айткан.

2018-жылдын 21-июнь күнү ушул эле жаран “Ак-жол” көзөмөл өткөрүү пунктунан жасалма документ менен кармалган. Сокулук РИИБи анын үстүнөн “жасалма документтер менен чек арадан мыйзамсыз өткөн” деп кылмыш ишин козгоп, соттун чечими менен ал 1 айга камакка алынган. Бир ай өткөн соң тергөөчү айыпкерди камакка алуу мөөнөтүн узартуу өтүнүчүн келтирген. Бирок сот тарабынан өтүнүч канааттандырылбай, ал үй камагына чыгарылган. М.К. буга чейин баңгизатын сактоо жана сатуу беренеси боюнча 2 ирет соттолгон.

Кыз менен иштешкен психолог кыздын зордук-зомбулукка кабылганын тастыктап жатат. Бирок кыздын өздүгүн тастыктоочу документтердин жок болгонуна таяп милиция кызматкерлери териштирүү иштерин жүргүзбөй жатышат. Бул окуянын жыйынтыгына дагы кайрылабыз.

Перизат Музуратбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(22)
07.08.2018. 10:03 
Тайпасы:
Жаран
Комментарийлердин саны:
36
Катталган:
22-02-2011
Соӊку аракети:
24-09-2018 18:40
Жынысы:
Белгисиз
Калаасы:
Бишкек.
+23
Бул эмне деген маскарачылык?! Кыздын документи барбы, жокпу, ага карабай жашы жете элекке кылган иши үчүн кылмыш иши козголуш керек болчу! Тиешелүү мамлекеттик органдар тыкыр контролго алыш керек.
07.08.2018. 11:19 
Тайпасы:
Жаран
Комментарийлердин саны:
123
Катталган:
14-02-2016
Соӊку аракети:
17-10-2018 22:38
Жынысы:
Белгисиз
Калаасы:
Кыялдарда
+10
Ошол кызды зордуктап жургондо,кок мээ энеси кайда жургон?Кантип кичинекей кыздын журум турумун байкаган эмес?
07.08.2018. 11:43 
Тайпасы:
Жаран
Комментарийлердин саны:
46
Катталган:
17-08-2017
Соӊку аракети:
18-10-2018 12:28
Жынысы:
Белгисиз
+6
Энесинде да тоодой куноо бар кызына кунуно конул бурса байкамак да. Балдарын карабаган эне окшойт 2чисин куйгузуп алса... кудай сактасын балдарды куйуктон
07.08.2018. 13:48 
Тайпасы:
Жаран
Комментарийлердин саны:
80
Катталган:
12-09-2017
Соӊку аракети:
18-10-2018 21:14
Жынысы:
Белгисиз
-3
Азыр эрди катын уруша кетсе, биринчи эле кызымды зордуктаптыр,антиптир,мынтиптир деп эле даттана калчу нерсе модага айланды.Себеби ошол шылтоо менен куноо коюу оной болуп калды.Экоонун ортосунда башка нерседен жанжал чыгып,катыны кызын ортого тыгып,куйоосун каматайын дегендей туюлуп жатат.Куйоосун да ак дебейм,жакшылап текшериш керек!
Dembele84 түзөттү 2018-08-07 13:50:10
07.08.2018. 14:03 
Тайпасы:
Жаран
Комментарийлердин саны:
190
Катталган:
27-03-2011
Соӊку аракети:
18-10-2018 02:58
Жынысы:
Белгисиз
+18
1-турмуштан бала менен ажырашкандар башка турмуш курбай эле койгула... Балдарды тарбиялап жакшы жашагыла!
08.08.2018. 10:27 
Тайпасы:
Жаран
Комментарийлердин саны:
306
Катталган:
15-04-2014
Соӊку аракети:
18-10-2018 19:59
Жынысы:
Белгисиз
+7
ikitaidesu,туура! Баштан отту. Уулум жер коз болуп калды.
07.08.2018. 14:44 
Тайпасы:
Жаран
Комментарийлердин саны:
1
Катталган:
05-05-2018
Соӊку аракети:
18-10-2018 11:08
Жынысы:
Белгисиз
Калаасы:
Уч-Коргон
+2
Далилден дагы документ бийик турабы? Бизде качан мыйзам иштейт,адам адамды олтуруп жатса дагы документ деген нерсени шылтоолоп жинди деген справкасы бар экен чыгарыш керек деп бошотуп салышат.Документи барбы жокпу,далилге таянбайбы, психолог деле тастыктады,бангилер озу ХХХ болот да
07.08.2018. 15:10 
Тайпасы:
Жаран
Комментарийлердин саны:
253
Катталган:
14-11-2015
Соӊку аракети:
26-08-2018 21:56
Жынысы:
Белгисиз
Калаасы:
Шахризааданын жомогу
+12
Кыз чонойтуш ото эле коркунучтуу болуп баратат го кундон кунго.
07.08.2018. 17:02 
Тайпасы:
Жаран
Комментарийлердин саны:
21
Катталган:
21-11-2017
Соӊку аракети:
17-08-2018 23:55
Жынысы:
Белгисиз
+8
Тооба кылдым озун сактай кор кудай..кандай заман болуп кетти...
07.08.2018. 17:47 
Тайпасы:
Жаран
Комментарийлердин саны:
18
Катталган:
05-03-2017
Соӊку аракети:
18-10-2018 13:40
Жынысы:
Белгисиз
0
Жаш балдарга интим асылгандар уже касал адамдар...,тооба,тооба
07.08.2018. 18:47 
Тайпасы:
Жаран
Комментарийлердин саны:
10
Катталган:
30-08-2013
Соӊку аракети:
18-10-2018 08:51
Жынысы:
Белгисиз
Калаасы:
Жалал-Абад
+5
Ушундай педофилдерге каттуу мыйзам чыгабы же жокбу? Жок болсо эл озу эле ХХХ ХХХ Кызды чонойтуп турмушка узатыш кыйын болуп бара жатат! Милиция, газета, прокуратура болуп журуп же ХХХ ХХХ
Модератор admin_media түзөттү 2018-08-08 10:45:23
08.08.2018. 10:45 
Тайпасы:
Супермодератор
Комментарийлердин саны:
2077
Катталган:
22-02-2011
Соӊку аракети:
18-10-2018 17:57
Жынысы:
Белгисиз
Калаасы:
...
-3
Bayanova, этика нормаларына туура келбеген, провокация жараткан билдирүү калтырууга тыюу салынган. Билдирүү түзөтүлдү!
08.08.2018. 00:34 
Тайпасы:
Конок
Комментарийлердин саны:
22
Катталган:
15-07-2018
Соӊку аракети:
04-10-2018 00:15
Жынысы:
Белгисиз
+1
ХХХ Ушинтип балдарындын тагдырын извращенец огой атага кордоткуча эрге тийбей так откон жакшы...
Модератор admin_media түзөттү 2018-08-08 10:46:43
08.08.2018. 10:47 
Тайпасы:
Супермодератор
Комментарийлердин саны:
2077
Катталган:
22-02-2011
Соӊку аракети:
18-10-2018 17:57
Жынысы:
Белгисиз
Калаасы:
...
0
Tiken, порталдын эрежелерин сактоону сунуштайбыз!
08.08.2018. 10:28 
Тайпасы:
Жаран
Комментарийлердин саны:
306
Катталган:
15-04-2014
Соӊку аракети:
18-10-2018 19:59
Жынысы:
Белгисиз
+1
2 жолу соттолгонун билип неге тиет? Озундо да бар.
08.08.2018. 10:38 
Тайпасы:
Жаран
Комментарийлердин саны:
18
Катталган:
29-06-2015
Соӊку аракети:
16-10-2018 14:53
Жынысы:
Белгисиз
0
тобоо кылдым. Эркектерге ыйман берсин.
08.08.2018. 16:13 
Тайпасы:
Жаран
Комментарийлердин саны:
16
Катталган:
21-03-2017
Соӊку аракети:
18-10-2018 10:21
Жынысы:
Белгисиз
Калаасы:
Бишкек
+7
мен дагы кичинемде кабылдым ушундай окуяга балдарынарды бироого ата эненерге дагы таштабагыла..бироо баары бир бироо..экинчи турмушка чыкпай эле койгула аялдар эгер баланар боло турган болсооо..
10.08.2018. 20:11 
Тайпасы:
Жаран
Комментарийлердин саны:
7
Катталган:
09-08-2015
Соӊку аракети:
15-10-2018 00:54
Жынысы:
Белгисиз
+1
Жараткандын жазасынан кутула албас...
11.08.2018. 00:03 
Тайпасы:
Жаран
Комментарийлердин саны:
170
Катталган:
17-09-2010
Соӊку аракети:
17-10-2018 00:18
Жынысы:
Белгисиз
Калаасы:
Бишкек-Ankara
+1
Жасалма документ менен чыгып кетем деп кармалгандарга эч кандай жаза жокпу?
12.08.2018. 00:07 
Тайпасы:
Жаран
Комментарийлердин саны:
32
Катталган:
18-02-2016
Соӊку аракети:
25-08-2018 02:30
Жынысы:
Белгисиз
+1
Каждый третий педофиль болуп кеткенби эмне... оо Аллах эки баламды ата энеме таштап чет жака барып иштейм деп коем дагы. Минтип мага окшоп 2 бала сы мн ажырашкандар кантебиз анан????? Эххъъ.......
12.08.2018. 18:42 
Тайпасы:
Жаран
Комментарийлердин саны:
34
Катталган:
15-07-2012
Соӊку аракети:
09-10-2018 02:59
Жынысы:
Белгисиз
Калаасы:
Москва
0
Куноо энесинде! Кантип кызынын журум-турумун байкабайт. Демек жакшы караган эмес.
13.08.2018. 17:20 
Тайпасы:
Жаран
Комментарийлердин саны:
805
Катталган:
30-06-2015
Соӊку аракети:
18-10-2018 20:51
Жынысы:
Белгисиз
Калаасы:
Ордолуу - Ош
+1
Балалуу айрыкча кыздуу энелер кайра кайра турмушка чыга бергенди койгулачы. Канчалаган бобок кыздар запкы жеп жатат. Бир аз кызынар чонойгондо деле тийип улгуросунор.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21342;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: