АЙСУЛУУ ТЫНЫБЕКОВА «YASAR DOGU» МЕЛДЕШИНДЕ КҮМҮШ МЕДАЛЬ ТАГЫНДЫ

27-29-июль күндөрү Түркиянын Стамбул шаарында "Yasar Dogu" эл аралык мелдеши болуп өттү. Кыргыз балбаны Айсулуу Тыныбекова да бул мелдеште ийгилик жаратып, Кыргыз өлкөсүнүн байрагын желбиретүүгө жетишти.

Балбан кыз 62 килограммга чейинки салмак ченинде күч сынашты. Бул Айсулуу үчүн жаңы салмак категориясы. Алгач Тунистен келген спортчу Фатма Иноублини кыйынчылыксыз 11:0 эсебинде утуп алса, чейрек финалдык беттеште Тыныбекова германиялык балбан Луизу Неймехти 7:0 эсебинде жеңип алды. Жарым финалда азербайжандык Элмира Гамбалованы 4:2 эсебинде утуп, финалга жолдомо алды. Финалдык беттеште Тыныбекова болгариялык Тайбе Яссейн менен күч сынашмак. Бирок машыктыруучу Нурбек Изабековдун чечими менен Айсулуу килемге чыкпай, натыйжада күмүш медаль тагынды. Эске салсак, буга чейин Айсулуу Тыныбекова ушул жылы Кытайда өткөн мелдеште коло медаль жана Испанияда болгон эл аралык турнирде алтын байге тагынган.

Кубан Жумамидинов

sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

Fortuna1987

2018-08-07 09:42:17

Айсулуушка азамат. Эми медалдан там саласынбы? Сен кызсын, жердешим турмушка чык, аялдык бакытты сез, балалуу бол ошол сага медал болот. Кыйынсын, бар бол. Ийгилик, сыйлайм.

only_progress

2018-08-08 00:38:01

Тренери эмнеге андай чечим чыгарды. Балким алтын медал алмак.

Jakjakynas

2018-08-09 15:00:29

Ийгилик

Royal55

2018-08-11 13:26:26

Ийгилик.Эмне учун чыгарбай койду экен тренери?Же чын же женилип калат деп чочуп орун алып калсын деген ойдо чыгарбай койду бекен?Кантсе да азамат кыз.Рингде эле шерик таба бербей омурго да шерик изде эми

ajos

2018-08-14 09:06:49

Болгария атын чыгарыш учун чон акча сунуштаса керек да.

Комментарий калтыруу үчүн өз ысымыңыз менен кириңиз же каттоодон өтүңүз.

№ 822, 3 - 9-август, 2018-ж.