ОЛИМПИАДАНЫН 2 ЖОЛКУ ЧЕМПИОНУ ЯПОНИЯЛЫК ДЗЮДОЧУ КЫРГЫЗ СПОРТЧУЛАРЫН МАШЫКТЫРАТ

Масато Утисиба 2004-жылы Афиныда жана 2008-жылы Пекинде өткөн Олимпиада оюндарында чемпион аталган. Ал 2011-жылы «студент кызды зордуктады» деп шектелип камакка алынган. 2013-жылы сот Утисибанын күнөөсү далилденди деп, спортчуну 5 жылга эркинен ажыраткан. Бул окуядан кийин Япониянын дзюдо федерациясы анын мурунку эмгектерине карабастан өзүнүн курамынан четтетип салган.

Дал ошол Масато Утисиба Кыргыз өлкөсүндөгү дзюдо клубдарынын бирине машыктыруучу болуп дайындалды. Япониялык дзюдочу өз тажрыйбасы менен бөлүшүп, кыргыз дзюдочуларына 2020- жана 2024-жылы өтө турган Олимпиада оюндарында ийгиликтүү жыйынтык көрсөтүүгө жардам берет. Азыркы тапта Масато Утисиба Кыргыз өлкөсүнө келип, келишим боюнча август айында жумушун баштамакчы.

Кубан Жумамидинов
sport@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

monster_high_98

2018-08-07 14:27:31

Эмии бир жагынан ойлойсун,кыргызга келип келип ушул ХХХ туш келдиби деп,арга жок,балким япондордун да тактикасын уйронсок дзюдодон рейтинг жогорулаар

Комментарий калтыруу үчүн өз ысымыңыз менен кириңиз же каттоодон өтүңүз.

№ 822, 3 - 9-август, 2018-ж.