Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭНЕНИН СҮТҮБҮ ЖЕ ЭЧКИНИН СҮТҮБҮ? Педиатр кеңеш берет

№823 10 - 16-август, 2018-ж.


Окурмандардан келген суроолорго 35 жылдык тажрыйбасы бар врач-педиатр Гүлжамал Саадакбаева жооп берет.

– Төрөгөнүмө 2 ай болду. Эмнеге экенин билбейм, балам төрөлгөндөн эле эмчек эмбей койду. Учурда эчкинин сүтү менен багып жатам. Айрымдар суу кошуп бер деп жатышат.Сурайын дегеним, эчки, уйдун сүтүнүн балага зыяны жокпу?

Адина, Аксы району

 

– Менимче, эмчегиңиздин үрпү жок болуп, бала эме албай кыйналса керек. Демек, сиз кош бойлуу кезиңизде өзүңүзгө толук кам көргөн эмессиз. Акырын укалап үрпүн чыгарып алсаңыз өзүңүз да, балаңыз да кыйналмак эмес. Сүт боюнча айтсам, Дүйнөлүк саламаттыкты сактоо уюму да, Кыргыз Республикасынын Саламаттыкты сактоо министрлиги да ымыркайды 1-2 жашка чейин эмчек сүтү менен гана багуу саясатын жүргүзүп келишет. Эчкинин, уйдун сүтүн берүүгө каршы. Эне сүтүнүн ордун эч кандай сүт, тамак-аштар да алмаштыра албайт. Санасак:

Эмчек сүтүнүн курамында балага керектүү болгон белок, майлар, микроэлементтер, аминокычкылдардын баары бар.

  1. Бекер, акчага үнөм болот.
  2. Жылуулугу балага туура келет.
  3. Каалаган учурда бере аласыз.
  4. Стерилденген.
  5. Иммунитетти көтөрүп, балдарды көп оорулардан сактайт. Алсак, энеси кызамык менен ооруса, сүт аркылуу иммунитет балага берилет да, бала 1 жашка чейин бул оору менен оорубайт. Бул илимде изилденип далилденген.

Адина, эгер сүтүңүз тартыла элек болсо, өзүңүз жашаган аймактагы бейтапканага кайрылып, медайымдардан кеңеш алыңыз. Алар сизге баланы кантип туура эмизүү керек, кантип үрпүн чыгаруу керек баарын түшүндүрүп берүүгө милдеттүү. Эгер сүт жакшы чыкпай жатса, анда айла жок эне сүтүнө жакындатылып жасалган атайын кургак сүттөрдү берүүгө болот. Ошондо да 3-4 маал эмчек бергенди унутпаңыз.

“БАЛАМДЫН МУРДУ БҮТӨ БЕРЕТ?”

– Менин балам 8 жашта. Кечке эле мурду бүтө берет. Мурдунан сүйлөйт, оозун ачып уктайт. Акыркы убакта коңурук да тартып жатат. Жаш балдар да коңурук тартабы деп таң калып жатам. Эмне кылышым керек?

Гүлмайрам, Кош-Дөбө айылы

 

– Эгер баланын мурду дайыма бүтүп, ал оозун ачып уктаса, коңурук тартса, демек, анын мурун көңдөйү менен тамак көңдөйүнүн ортосундагы бездер чоңоюп кеткен. Аталган бездердин сезгенбеген учуру аденоиддердин өсүүсү, ал эми сезгенген учуру аденоид деп аталат. Бездер сезгенгенде сасык жыт чыгышы мүмкүн. Айрым балдардыкы 12 жашка чыкканча өзүнөн-өзү кургап жок болуп кеткен учурлар кездешет. Бирок мындай учурлар сейрек гана.

Балаңызды сөзсүз ЛОР-дарыгерине көрсөтүңүз. Дарыгер оорунун өөрчүшүнө карата дарылоо жүргүзөт. Дарылоодо мурундун ичине курамында күмүш бар атайын тамчылатма дарылар куюлат. Бул каражат бездерди кургатат да, мындан улам баланын дем алуусу жакшырат. Бирок бул убактылуу гана. Бездердин өскөнү атайын эндоскопиялык аппарат менен текшерилип, эгер көлөмү чоң болсо амбулаториялык операция жасалат. Операциядан кийин бала 1-2 саат жатат да, үйүнө жөнөтүлөт.

Аденоидди өз учурунда дарылабаса көп ооруларды чакырат. Алсак, тамак оорусу болгон өнөкөт фарингит. Анткени мурун бүткөндө бала тамак аркылуу дем алып, тамак кургап, ооруга чалдыгат. Ошондой эле бездер чоңойгон сайын жаак скелетинин өсүшү да бузулуп, ээк астыга карай чыгып өсөт.

“КЫЗЫМ УКТАП ЖАТКАНДА ТИШИН КЫЧЫРАТАТ”

– Кызым 12 жашта. Байкасам, 5-6 айдан бери уктап жатканда тишин кычырата берет. Бул эмнеси? Кандайдыр бир оорудан кабар бербейби?

Акылбек, Бишкек шаары

 

– Тиш кычыратуунун 3 себеби бар:

  1. Угуп жүрсөңүз деле керек, элдик медицинада тишти кычыраткан учурда “ичинде курту бар экен” деп коюшат. Бул учурда баланын тамакка болгон табити начарлап, физикалык жактан өсүүсү жайлайт, териси кургап, чакалай чыгат. Ичи бат-бат оорушу да мүмкүн.
  2. Баланын нерв системинин иштеши, психикасы бузулганда. Буга күндүзү коркунучтуу тасмаларды, мультфильмдерди көргөн балдар көп кабылышат. Алар түшүндө персонаждарды көрүп ызырынышып тишин кычыратышат. Мындай балдар менен психологдор тыгыз иш алып баруусу керек.
  3. Көнүмүш адат. Алсак, айрым балдар тишин дарылатканда пломбалар тегиз коюлбай калса тишин кычырата беришет. Кийин мунусу адат болуп калат.

Сизге кеңешим, кызыңызды педиатрдын текшерүүсүнөн өткөрүп, тишинин кычыратуусунун себебин аныктап, ошого жараша чара көрүңүз.

“ТӨШӨККӨ СИЙИП КОЁТ”

– Саламатсызбы? Кызым 9 жашта. Түн ичинде төшөккө сийип коёт. Конокко баргандан да тартынат. Медицинада энурез деп коюшат экен. Дарылап да көрдүк, бирок жакшы жыйынтык болбой жатат. Эмне кылсам болот?

Айдай, Сузак району

 

– Ооба, баланын түнкүсүн төшөккө заара ушатуусу түнкү энурез деп аталат. Түнкү энурездин түрлөрү да болот. Бизге кайрылган балдардын арасында чыныгы түнкү энурезге кабылгандар аз. Көпчүлүгү табарсыктын нейрогендик функциясынын бузулушунан жабыр тарткандар. Мында табарсыктын түзүлүшү чоң роль ойнойт. Алсак айрым балдардын табарсыгы гиперрефлектордук, айрымдардыкы гипорефлектордук түзүлүштө болуп, мындан улам төшөккө заара ушатып коюшат.

Гиперрефлектордук түзүлүштөгү табарсыктын көлөмү кичинекей болуп, бат-бат толо берет. Мындай балдар күнүнө 15-20 жолу заара ушатышы мүмкүн. Ал эми гипорефлектордук табарсыктын көлөмү чоң болуп, көптө толот. Мындан улам баланын жатарда сийгиси келбейт да, түн ичинде төшөккө жайлап коёт.

Бизге кайрылган ата-энелерден алгач “балаңыз төшөккө кандай көлөмдө сиет?” деп сурап, ошого жараша табарсыгынын көлөмүн аныктап алабыз. Андан соң баланын заарасынын жалпы анализин тапшыртып, сезгенүү оорулары жокпу баары текшерилет. Мындан сырткары баланы урофлоуметрия унитазына заара ушаттырып, анын секундуна кандай ылдамдыкта түшүп жатканы текшерилет. Ошондон кийин гана тиешелүү дарылоо жүргүзүлөт.

Ал эми чыныгы энурез экени аныкталса, дарттын келип чыгуу себебине жараша педиатр балдар урологуна же эндокринолог, невропатолог, психотерапевтке жиберет.

Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(6)
14.08.2018. 09:30 
Тайпасы:
Жаран
Комментарийлердин саны:
44
Катталган:
21-11-2011
Соӊку аракети:
14-08-2018 09:30
Жынысы:
Белгисиз
+5
Айдайга сенин койгойунду жакшы тушунуп турам. Менин да синдим жана иним, уктап жатканда тошокту булгап коюшчу. Чон эле болуп калганда мындай корунуш ото жаман нерсе экен. Доктурларга корунуп, даарыланып жыйынтык чыкпаганлдыктан, бироолордун сунушу боюнча Ак-Суу балдар курортуна бардык. Мына ушул жерден эки, уч курс лечениядан кийин бул оорудан таптакыр куттулдук. Силерге да сунуштайм.
14.08.2018. 13:58 
Тайпасы:
Жаран
Комментарийлердин саны:
23
Катталган:
22-04-2017
Соӊку аракети:
15-11-2018 08:45
Жынысы:
Белгисиз
+1
zolotiwka,кечиресиз,ал курорт кайсы жерде?
14.08.2018. 16:12 
Тайпасы:
Жаран
Комментарийлердин саны:
12
Катталган:
01-02-2017
Соӊку аракети:
14-11-2018 23:12
Жынысы:
Белгисиз
+1
Saidochka,ак суу болсо Каракол шаары
14.08.2018. 17:15 
Тайпасы:
Жаран
Комментарийлердин саны:
168
Катталган:
28-12-2013
Соӊку аракети:
11-10-2018 14:32
Жынысы:
Белгисиз
0
Менин сиңдим 5-6 класска чейин төшөгүн булгап жүрчү. Кийин мен кадимкидей спиртти алып табарсыгына болгону бир эле жолу сүрткөм андан кийин,ошол адаты калган...
15.08.2018. 23:24 
Тайпасы:
Жаран
Комментарийлердин саны:
3
Катталган:
17-03-2017
Соӊку аракети:
15-11-2018 02:56
Жынысы:
Белгисиз
0
Сарымайда жакшы мен кызыма эки жумадай жатарда суйкодум азыр такыр сийбейт
16.08.2018. 16:32 
Тайпасы:
Жаран
Комментарийлердин саны:
305
Катталган:
07-02-2014
Соӊку аракети:
15-11-2018 00:50
Жынысы:
Белгисиз
Калаасы:
Каракөл
0
КОйдун куйругун ысытып туруп, табарсыкка, тамандарына сүйкөсө да жакшы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: