Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эркин Рыскулбеков, телеалпаруучу: «САЛТАНАТТАЙ АДАМДАР 100 ЖЫЛДА БИР ЖАРАЛСА ЖАРАЛАТ, БОЛБОСО ЖОК»

№824 август, 17 - 23-август, 2018-ж


15-августтун таңы көпчүлүк үчүн суук кабар менен башталды. 7 жыл бою рак илдети менен алышып келген Кыргыз Республикасынын маданиятына эмгек сиңирген ишмер, ди-джей, телеалпаруучу, кыргыздын алтын үнү Салтанат Саматова 46 жашында дүйнө салды. Жашоону, өмүрдү жакшы көргөн телеалпаруучу ар дайым жүрөгүбүздө жаркыраган маанай тартуулаган, интеллекти бийик адам катары кала бермекчи.

“МЕН СӨЗСҮЗ ООРУНУ ЖЕҢЕМ...”

Белгилүү телеалпаруучу Салтанат Саматова 1972-жылы 1-мартта Фрунзе шаарында жарыкка келген. 4 эркектин арасында жалгыз чоңойгон болочоктогу жылдыз мектептин активисти болгону менен, жашоодо тартынчаак эле. Атасы Орозобек Түгөлбаев "кызымды композитор кылам" деп Композиторлор союзуна чейин жетелеп барат. Андан соң Мукаш Абдраев атындагы Музыкалык училищеде, Ишеналы Арабаев атындагы Мамлекеттик университеттин музыка факультетинде билим алган.

Эмгек жолун окуу жайда окутуучу катары баштап, кийинчерээк Кыргыз улуттук радиосуна орношот. 1996-жылы алгачкы жолу орусиялык радио Кыргыз жергесинде бөлүмүн ачып, Салтанат айым кыргыз тилдүү алгачкы ди-джей болуп эмгектенген. Соңку жылдарда Коомдук телеканалда ток-шоу, интеллектуалдуу оюндарды алып барган.

Телеалпаруучу 2011-жылы башы катуу ооруганынан ооруканага кайрылып, залалдуу шишик бар экенин билишет. Ошондон бери 7 жыл өтүп, аты жаман илдет менен күрөшүп келди. “Менин балдарым кичинекей, мен сөзсүз ооруну жеңем. Балдарымды чоңойтуп, үйлөнтүп, неберелеримди карашым керек” деп айтып келчү. Өзү ооруганына карабай “Помогать легко” коомдук фондунда байкоочу кеңешинин төрайымы болуп, онкологиялык илдетке кабылган аялдарга, балдарга жардам колун сунуп келди. Телеалпаруучу айымдын артында бир уул, бир кызы калды.

 

Салтанат Саматованын "Супер-Инфо" гезитине берген акыркы маегинен үзүндү:

“Бул ооруга кабылганда 2 жолу эле ыйладым. Бир жолу "мен өлөм, башка жакшы аял алып ал" деп ыйласам, жолдошум бооруна кысып "баары жакшы болот, чогуу жеңебиз" деп соороткон”.

“Өмүрлүк жарымдын, тууган-уруктун тилеги, элдин батасы, Жараткандын колдоосу менен бул илдетке каршы туруп келе жатам”.

“Жумуш мага аябай дем берет. Той-топур, салтанаттарга барганда чоң энергия алам”.



Эркин Рыскулбеков, телеалпаруучу: “СЕНИ ӨЗҮМ ҮЙЛӨНТӨМ ДЕЧҮ”

– Мен Салтанатты бала кезден тааныйм. Кесиптеш катары 8 жылдай чогуу иштештик. Биринчи жолу экөөбүз “Ала-Тоо” аянтында уюлдук компаниянын юбилейин алып барганыбыз эсимде. Ошол күнү эже таң атпай биринчи химиотерапиясын алып келген экен. Эл алдына чыгып номерди айтат да, сахнанын артына барып кусат. Кечке кусуп кыйналды. Көрсө, ошондо оорусу жаңы башталып жаткан экен. 7 жыл бою аябай карманды, күрөштү. Башында мен аны сиз дечүмүн. “Экөөбүздүн ортобуз 16 жаш экен, менин картайганымды улам баса белгилей бербей сен дечи” деп мени урушуп жүрүп көндүрдү.

Салтанаттын адамдык сапаттары тууралуу китеп жазсаң да аздык кылат. Мен дайыма ага “алтыным, сенин сөздүк лексиконуңда жок деген сөз барбы? Сен эмне тиги чалса деле ооба, бул чалса деле макул дей бересиң? Өзүңдү аясаң боло” деп айтар элем. Анткени ким суранса эле “ооба, барам” дей берчү. Ал акчасын береби-бербейби айырмасы жок эле.

Салтанат “Эмгек сиңирген ишмер” наамын алганда мен сүйүнчүлөгөм. “Салтуш, сыйлык алдың, кут болсун!” десем, “андай болушу мүмкүн эмес, акчасыз чечилбейт ал нерсе” дейт. Кабар маалымат булактарына тараган соң гана ишенип, “Эркинбай, атам сүйүнүп ыйлап жатат” деп аябай кубанды.

Өзү ооруп калгандан бери онкологиялык ооруга чалдыккан балдарга көмөк көрсөтүп баштады. 2 жыл мурун 23-февралда жолугуп “5000 сомуң барбы?” дейт. “Ооба” десем, “жүрү анда, мага демөөрчү болосуң” деп, "Орто-Сай" базарына жетелеп барды. Суукта экөөбүз кыдырып балдарга белек алдык. 30 бала болсо баарынын атын жашын билчү. Ай, бир алтын киши эле да...

Эми сахнада Салтанат менен иштешүү бир керемет болчу. Ал барында такыр толкунданбайсың. Кайсы жерден токтоп калсам, ошол жерден кошуп улап кетчү.

Акыркы жолу эки күн мурун “төшөктө жатыптыр, эч кимди тааныбай калыптыр” дегенде жетип бардым. Ошондо көргөнүм көз алдымда тартылып кетпей жатат. Салтанат ооруганда да оорусун салтанаттуу көтөрдү. Барган сайын “сени мен өзүм үйлөнтөм” дей берчү. Ошол боюнча өтүп кете берди. Андай адамдар 100 жылда бир жаралса жаралат, болбосо жок.

Орозобек Түгөлбаев, атасы: “САКИНИМ БАШКАЧА ЖАШАЙ АЛБАЙТ БОЛЧУ”

– "Сакиним асманга жаркыраган ак жылдыздай атып чыкпай эле, жаман эле кыз болуп жүрө берсе ушинтип оорубай калат беле, 46 жашында өтүп кетпейт беле?" деп көп ойлончу болдум. Бирок кызым башкача жашай алмак эмес. Ал өмүрүн элине, жаштарга, балдарга арнаган адам эле. Ооруп жатканда “мен оорудан айыктым, ракты жеңдим” деп айтып жүрдү. Мен “балам, бул ооруңду айтпай эле койсоң болбойбу” десем, “ата, мен муну өзүм үчүн эмес, элим үчүн айтып жатам. Бул оорунун атын укканда эле оорулуулар өзүн таштап салышат. Мен ошолор коркпосун дедим” дечү. Баланы ата-эне мүрзөгө койбой, ата-энени балдар койсо жакшы экен, аттиң...

Алтын Камчиев, телеалпаруучу: “БААРЫНАН ТАЖАДЫМ, КУДАЙ КЫЙНАБАЙ АЛЫП КЕТСЕ БОЛОТ ЭЛЕ ДЕГЕН”

– Мен 2000-жылы “Европа+” радиосунда тажрыйба топтоп жүргөндө Салтанат мага жол көрсөтүп, жардам берип жүрдү. Абдан боорукер аял эле. Экөөбүз ини-эжедей жакшы сүйлөшчүбүз. Жайдан баштап “көчөгө көп чыкпай калыптыр, эч жакка барбай жатат” деп Эркин айтып жүрдү.

Мен акыркы жолу баарлашканыбызда "ушунун баарынан тажадым, Кудай кыйнабай алып кетсе болот эле" деген маанидеги сөздөрдү жазды. "Кой, жаман ойлобочу, жакшыны ойлочу" дедим. Анан дароо эле Эркин менен сүйлөштүм. "Качан байланыштың эле, мага жаман сөздөрдү жазып жатат" десем, ошондо эле акыбалы начар экенин айтып жүрөктү оорутту.

Салтанат каза болгон түнү саат 12лерде өзүмчө эле ойгонуп кеттим, себеби деле жок. 3кө чейин уктай албай кыжалат боло бердим. Эртеси Эркин чалып кайтыш болуп калганын угузду. Аябай өкүнүчтүү. Кесиптештери дарылануусуна акча чогултуп жатты эле, ага да жетпей калды...

Айгүл Курманова, телеалпаруучу: “ООРУСУН ЖЕҢЕРИНЕ ИШЕНЧҮ”

Айгүл Курманова суук кабардан бир күн мурун түнү менен уктабай чыкканын Фейсбук баракчасына жазып, "жакшы эле күн болот бекен?" деген билдирүү калтырган эле.

– Мен да Салтанат менен радиодон 1997-жылы таанышкам. Экөөбүз бат эле тил табышып, достошуп кеттик. Абдан жөнөкөй, шайыр аял эле. Оорусун жеңерине, аягы жакшы болуп бүтөрүнө ишенчү. Аттиң, ал ишенимдер кыял боюнча кала берди.

Салтанаттын акыркы кезде көрүүсү начарлап, телефон менен да байланыша албай калганбыз. Мен уктабай чыккан түнү эже, балким, мени эстегендир, ойлогондур... Балким, сиңди катары жамандыкты ошондо эле сезгендирмин. Чынында бир күн мурун такыр көз ирмебей чыктым. Эртеси дароо жолдошуна, Эркинге абалын сурап жаздым. Кийинки күнү, өкүнүчтүү, Салтанатты жоготуп алдык...

"Супер-Инфо" гезитинин эмгек жамааты Салтанат Саматованын мезгилсиз дүйнө салганына байланыштуу үй-бүлөсүнө, жакындарына терең кайгыруу менен көңүл айтат.




Гүлжамал Абылкасымова
star@super.kg


Белгилүү теле алып баруучу Салтанат Саматованын сөөгү Ала-Арча көрүстөнүнөн жай алды

Автор: Илим Туратбек уулу
Оператор: Руслан Алыбаев

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(14)
Super TV
16.08.2018. 20:26 
Тайпасы:
Жаран
Комментарийлердин саны:
201
Катталган:
04-02-2013
Соӊку аракети:
09-09-2018 16:10
Жынысы:
Белгисиз
0
Жаткан жери жайлуу болсун жакшы адам эле бугун коштоштук
Super TV
17.08.2018. 02:26 
Тайпасы:
Жаран
Комментарийлердин саны:
233
Катталган:
26-05-2016
Соӊку аракети:
22-09-2018 02:12
Жынысы:
Белгисиз
Калаасы:
Коз жаштарга ишенбеген шаар
0
Теленин корку болчу, шан берип, дайыма шандуу журчу. Кыргыз эли дагы бир таланттуу кызынан ажырап, чон жоготууга учурады. Аттин, Айла жок.

Аллахым бейишин берсин..
Super TV
17.08.2018. 07:10 
Тайпасы:
Жаран
Комментарийлердин саны:
2260
Катталган:
17-03-2014
Соӊку аракети:
21-09-2018 22:46
Жынысы:
Белгисиз
0
Жаткан жериңиз жайлуу болсун
Super TV
18.08.2018. 01:24 
Тайпасы:
Жаран
Комментарийлердин саны:
20
Катталган:
22-03-2014
Соӊку аракети:
30-08-2018 00:00
Жынысы:
Белгисиз
0
Эже рактын кайсы туру менен оручу кайсы жеринен рак болгон?
Super TV
20.08.2018. 15:47 
Тайпасы:
Жаран
Комментарийлердин саны:
201
Катталган:
04-02-2013
Соӊку аракети:
09-09-2018 16:10
Жынысы:
Белгисиз
0
Жаткан жери жайлуу болсун аттин дуйно жакшы адам эле
21.08.2018. 09:23 
Тайпасы:
Жаран
Комментарийлердин саны:
309
Катталган:
31-05-2017
Соӊку аракети:
22-09-2018 02:00
Жынысы:
Белгисиз
+4
Ото окунучтуу. Жаткан жери жайлуу болсун. Жаман болду,айыгып кетет деп ойлочу элем
21.08.2018. 10:13 
Тайпасы:
Жаран
Комментарийлердин саны:
4
Катталган:
05-05-2018
Соӊку аракети:
22-09-2018 01:01
Жынысы:
Белгисиз
Калаасы:
Уч-Коргон
+6
Акыл Ордону алып барганы аябай жакчу.Созуно так,озу да суйкумдуу аял эле..Жаткан жери жайлуу болсун
21.08.2018. 11:32 
Тайпасы:
Жаран
Комментарийлердин саны:
3
Катталган:
11-01-2017
Соӊку аракети:
21-09-2018 22:15
Жынысы:
Белгисиз
-9
Болду эми поезд кетти, олгондон кийин мактабай тируусундо бир макала даярдап же эфирге алып чыгыш башына келбедиби?!
21.08.2018. 13:36 
Тайпасы:
Жаран
Комментарийлердин саны:
488
Катталган:
14-07-2015
Соӊку аракети:
20-09-2018 14:12
Жынысы:
Белгисиз
+5
Ыйлабай окуй албадыи,кандай гана өкүнүчтүү...
21.08.2018. 17:40 
Тайпасы:
Жаран
Комментарийлердин саны:
124
Катталган:
26-05-2013
Соӊку аракети:
20-09-2018 23:54
Жынысы:
Белгисиз
+6
Эл сени макташ учун,олуш керек деп бироо айтты эле.
21.08.2018. 23:42 
Тайпасы:
Жаран
Комментарийлердин саны:
5
Катталган:
10-03-2018
Соӊку аракети:
21-09-2018 21:11
Жынысы:
Белгисиз
+1
Жаткан жери жайлуу болсун
22.08.2018. 10:53 
Тайпасы:
Жаран
Комментарийлердин саны:
53
Катталган:
16-12-2015
Соӊку аракети:
21-09-2018 19:17
Жынысы:
Белгисиз
+1
Анын жакшы адам экени сыртынан эле корунуп турчу.
22.08.2018. 16:23 
Тайпасы:
Жаран
Комментарийлердин саны:
239
Катталган:
30-06-2015
Соӊку аракети:
21-09-2018 22:32
Жынысы:
Белгисиз
Калаасы:
Ордолуу - Ош
+2
Ушундай инсандарды эмнеге убагында барктап мактап, баарлашып бат баттан ал акыбалын сурап турбайт экенбиз. Олгондон кийин калптан же болбосо пиар ходго илгери архивдеги 6-7ж мурун коридордо бирге тушуп койгон суротун таба калып, жеткире мактап болбогон эле сандырак ойлорун жазымыш этип эстемиш болушту го копчулук айлакерлер. Улан Эгизбаев мн дагы ушундай болду. Тируусундо на самом деле баары ойноп кулуп бул инсандар мн корушуш эмес кызыкпаса деле керек эле.
23.08.2018. 12:16 
Тайпасы:
Конок
Комментарийлердин саны:
2
Катталган:
06-08-2018
Соӊку аракети:
21-09-2018 23:43
Жынысы:
Белгисиз
0
Эх! арман дуйно, менин жакшы коргон эжекелеримди алып кетти.Гулбубу эже менен Салтанат эжени аябай жакшы корчумун.кандай гана жаркылдаган жандар эле...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: