Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№824 август, 17 - 23-август, 2018-ж


(Башталышы өткөн сандарда)

Шаар ичи боюнча 20 чакты жерге кирип чыкты. Баары жок деген жоопту айтышты. Чарчап бүтүп эки жагын караса кеч кирип келе жатыптыр. Бүгүн кайрадан балдары менен машиненин ичинде түнөөрүн ойлогондо коркуп кетти. Аман барда курбу болууга жан талашып жүргөн кыз-келиндерге чалып абалын түшүндүрсө, бири да оң жооп айткан жок. Өзүнүн классташ курбусуна чалды эле, “кел” деди. Элинанын чарчаңкы түрүн көрүп курбусу Акылай таң кала түштү.

– Ий, эмне болуп калгансың? Кебетең кантет?

– Айтпа, укмуш эле болуп калсам керек, мен балдарды сууга чайканта коёюнбу? Ысыкта жүдөп...

– Ооба, өзүң да чайканып ал.

Балдарын жуунтуп, курсагын тойгузуп, уктатып коюп Элина шалдырап отуруп калды. Алдындагы чайды деле ичпеди.

– Эй, айт эми, эмне болду сага?

– Акылай, мен...

Жүзүнөн жаштар агып кетти. Болгон окуяны айтып берди. Акылай сабырдуу, акылдуу кыз болчу. Ал дагы эркектерден катуу күйгөн эле. Бир топ жыл жашап жүргөн адамы жарым жыл мурун аны таштап, башкага үйлөнүп алган. Кашын серпип койгону болбосо, таң калган деле жок.

– Акылай, мен жинди болуп кетчүдөй болуп жатам...

– Жинди болбойсуң, күйөөсү көзүнө чөп салган аялдардын баары жинди болуп кетсе, Кыргызстандын жарымы жинди болуп кетпейт беле.

– Көзүнө чөп салган башка, анын аялы бар экен. Мыйзамдуу аялы. Элестет! Тескерисинче, мен ойношу катары жашап, ага бала төрөп берип жүрүптүрмүн. Муну ойлогонумда...

– Азыр оор, түшүнүп турам. “Чыдабайм, өлүп калам го” деп ойлойсуң. Эч кимге ишенгиң келбей калат. Колуңа автомат алып көчөгө чыгып эркек аттуунун баарын кырып салгың келет. Бирок чыдайсың. Кайда бармак элек? Биздин аялдык энчибиз – чыдамай! Бир аз убакытта жараң карттанып баштайт. Анан аздап эсиңден чыгат. Бирок көкүрөктөгү так кетпейт. Дайым оорутат. Бара-бара жөн гана кайдыгерлик калат.

– Мага ал “сенсиз жашай албайм” дечү...

– Хе, эркектин баары ошентет. Сага айткан сөзүн экинчисине, үчүнчүсүнө айтат. “Сенсиз жашай албайм” дейт, “сенсиз мен эч ким эмесмин” дейт, “сени жинди болуп сүйөм” дейт. Баа-ары калп!

– Акылай, мен кантем? Мен кантип чыдайм? Айтчы, кантип мындан ары жашап кеткенге күч табам? Бул түш болсо, мени бирөө ойготуп жиберсе...

– Чыдайсың, жаным, башка аялдар кантип чыдаса, сен да ошентип чыдайсың.

Элинанын өзөгү өрттөнүп жатты. Акылайдын айтканы ичиндеги өрткө бир аз болсо да суу себе албады. Ичине чок түшүп кеткендей онтойт. Мындан ары кантип жашаарын бир ойлосо, Амандын чыккынчылыгын эки ойлойт. Таң агарганда көзү илинип кетти. Көпкө уктап калган экен. Кимдир бирөө жүзүнөн сылап, көзүнөн өөп жатканынан ойгонду.

– Аман...- деди оюнда. Ар дайым ушинтип ойготчу эле. Жок, көзүн ачса уулу жүзүнөн сылап, көзүнөн өөп жаткан экен. Уулунун тунук көздөрүн көрүп жүрөгү жумшара түштү. Көкүлүнөн сылап жылмайып алды.

– Апа, курсагым ачты.

– Бакчага барабызбы, апа?- деди кызы.

– Ох, уктап калыпмын. Саат канча болду?

Дубалдагы саатка көзү түшүп чочуп кетти. Бакчага кечигип жаткан экен.

– Кана болгула, жүзүңөрдү жууп кийине калгыла.

Шашкалактап бакчага жеткиргенде аны тарбиячы каршы алды.

– Саламатсызбы? Бул жеке бакча. Балдардын бир айлык акчасын дагы деле төлөй элексиз. Сизди түшүнүп жатабыз, бирок биздин шарттарыбыз да бар. Эгерде биздин бакчага алып келген сизге оор болсо, мамлекеттик бакчаларга алып барыңыз. Күйөөңүз кайтыш болду, түшүнүп жатам.

Элина жүзүнө бирөө ургандай селт дей түштү. Эрдин кесе тиштеп турду да, эч нерсе дебестен чыгып кетти. Аман ага алтын-күмүш көп алып бере турган. Эң баалуусу ортосунда бриллиант ташы бар сөйкө шакек болчу. Ошону сатты. Албетте, өзүнүн баасынан бир топ арзан кетти. Акчаны алып бала бакчага төлөдү. Калганына арзаныраак батир издемей болду. Издеп отуруп чоң энеси экөө жашаган жатаканага келди. Аманга турмушка чыкканда чоң энесин колуна алышкан. Ошондон бери келе элек экен. Кире беришинен баштап дубалдарына чейин тааныш болчу. Колу менен сылап койду. “Мен келдим” деди улутуна.

Кир, ыңгайсыз, ызы-чуу жатаканада балдары менен жашаарын ойлогондо силкинип алды. “Жок, убактылуу гана жашай турабыз. Мен иштейм да, бул жерден балдарымды алып чыгып кетем. Бул жолу өз эмгегим менен бутума турам” деди ичинен.

Бөлмөлөрдү берүүчү кашка баш кишини жолуктурду. Ал аны башынан аягына чейин таң кала тиктеп алды.

– Ой, сен Элинасыңбы?

– Ооба.

– Сени бай адамга турмушка чыкты дешпеди беле? Биздин батирге чыгасыңбы?

Элина аргасыз күлдү.

– Байга чыккан адам өмүр бою бай жашайт деген кепилдик жок тура, Камчы байке, бош бөлмөңүз барбы?

– Хм, негизи бири бошоду. Бирок балдарым да бар деп жатпайсыңбы, ээ?- деп кыйыла түштү.

– Ооба, эки балам бар.

– Анда сага ыңгайсыз болобу дейм. Анткени маңдайыңдагы кошуна келин... Тиги... Эме... Ага эркектер көп келишет.

Элина жаакка чапкандай нестейе түштү.

– Түнү менен уктатпайт, энеңди урайындар. Чыгарып салайын десем өйдө жакта ишенимдүү таанышы бар. Андан башка бөлмө жок.

Элина саамга ойлоно калды да, чечкиндүү башын ийкеди.

– Биз убактылуу гана жашайбыз. Бере бериңиз.

Акчасын төлөп, ачкычын алып жөнөй берди. Эми буюм-тайымдарын алып келиши керек. Бул жакка керектүүлөрүн батырып, калганын сатканы дурус. Кенедей бөлмөгө кантип батырмак эле? Жок, алгач бөлмөнү жакшылап актап, сырдап алышы керек. Бөлмөнү актап, сырдап, иштеп жатып ойлордон эс ала түшкөндөй сезилди. Негедир жеңилдене да түшкөн экен.

“Баары жакшы болот” деди ичинен. Ушу үч ооз сөздү ичинен кайталай берчү болду. Баарынан кыйыны бактылуу беш жылын өткөргөн үйгө барып эмеректерин алуу эле. Заңгыраган элиталык батирдин алдына келип токтоп, терең дем алды. Коңгуроону басты. Алдында кайненесинин дайымкы суз жүзү көрүндү. Салам да айтпады. Жөн гана тиктеп турду. Алдында балапан жүнү түшө элек ак саргыл бакыраң көз кызды көргөндө Зейнептин катып калган жүрөгү солк этип алды. Аманынын сүйүктүүсү! Балдарынын апасы! Булардын ырыскысын, үйүн тартып алды өзү... Аргасыз көзүн түшүрдү.

– Кир...

Элина кирип үн-сөзсүз буюм-тайымдарын жыйнай баштады. Аздан кийин сүйлөшүлгөн адамдар кирип эмеректерин четинен чыгара баштады. Алардын бири абайсыз Амандын рамкадагы сүрөтүн түшүрүп алды. Бетиндеги айнеги быркыранып калган сүрөттү Элина тиктеп турду. Кимдир бирөөнүн кир буту сүрөттү басып да кетти. Анда да колуна алгысы келбеди. “Бүттү” деди ичинен, антсе да баары бир аны бир өмүр сүйөрүн түшүнүп турду. Өзүнө чыккынчылык кылса да, куду сүрөттөй жерге тебелеп кетсе да, аны сүйөрүн сезип турду.

– Бүттү баары, Аман! Биздин жомоктогудай сүйүүбүз аягына чыкты. Мен сени менен жашап эки бала төрөп, сенин чыныгы жүзүңдү билбептирмин. Мени жыландай арбап туруп, ууга сугарып кетипсиң. Мен сенин ууңдан кантип арыларымды билбейм. Кантип айыгарымды билбейм. Мен сенден кантип айыгарымды билбейм...

Ушинтип ойлонуп турду.

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Башка сандарда:
Комментарийлер(6)
21.08.2018. 09:37 
Тайпасы:
Жаран
Комментарийлердин саны:
32
Катталган:
27-07-2011
Соӊку аракети:
22-09-2018 20:58
Жынысы:
Белгисиз
Калаасы:
Москва
+1
Кыйын эле болду байкушка
21.08.2018. 10:05 
Тайпасы:
Жаран
Комментарийлердин саны:
144
Катталган:
06-02-2017
Соӊку аракети:
21-09-2018 04:21
Жынысы:
Белгисиз
Калаасы:
убактылуу жашоодо!!!
+1
Окууш керек экен ......
21.08.2018. 10:17 
Тайпасы:
Жаран
Комментарийлердин саны:
19
Катталган:
31-08-2017
Соӊку аракети:
20-09-2018 17:28
Жынысы:
Белгисиз
+2
Азыраак эле жазгылачы
22.08.2018. 02:06 
Тайпасы:
Жаран
Комментарийлердин саны:
43
Катталган:
19-09-2017
Соӊку аракети:
18-09-2018 14:03
Жынысы:
Белгисиз
Калаасы:
Ордолуу Ош
0
Аманга өллө жиним келип жатат!...
22.08.2018. 12:03 
Тайпасы:
Жаран
Комментарийлердин саны:
306
Катталган:
19-05-2014
Соӊку аракети:
22-09-2018 14:34
Жынысы:
Белгисиз
0
Эх байкуш ал батиринде деле кыйын кундорун отот болуш керек, тигил келинге келгендер тийиштик кылышпаса болгону. Ыйлагым келип аран окудумго.
23.08.2018. 08:59 
Тайпасы:
Жаран
Комментарийлердин саны:
40
Катталган:
22-07-2014
Соӊку аракети:
23-08-2018 08:59
Жынысы:
Белгисиз
0
отконку сериал туркиядагы. турк кинонун эле кочурмосу кыргызчалаган варианты болчу. бул деле бир кинону эске салп жатат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: