ПРЕЗИДЕНТ. ЫСЫК-КӨЛ. ЖАЛГЫЗ КАЙЫК

SUPER.KG порталы президенттин бул сүрөтүнө ат коюу боюнча өзүнүн окурмандарынын арасында ыр же кара сөз түрүндө таймаш жарыялаган. Порталдын окурмандары позитивдүү, тамаша аралаш, сын көз карашты камтыган түрдүү билдирүүлөрдү жазып калтырышкан.

500дөн ашуун билдирүүнүн арасынан үч билдирүү порталдын редакциясы тарабынан мыкты деп тандалып, окурмандардын добушуна коюлган. Оригиналдуу жана кызыктуу аталыш деп эсептеген билдирүүгө порталдын окурмандары добуш берип, "Көлдүн сөзү" деген ырдын автору Таирбек Ерматов көп добуш топтоп жеңүүчү болду. Порталдын жамааты Таирбек Ерматовду куттуктап, байгеге убада берилген телефонду тапшырып, баарлашып кайтышты:

– Таирбек мырза, сынакка кантип катышып калдыңыз?

– Сынак тууралуу жарыяны "Соңку кабардан" окуп, катышып көрөйүнчү деп ыр жаздым. Көп адамдар жазып жатышканын көрүп жеңем деп ойлогон эмесмин. Утканыма дале ишенип-ишенбей турам. Бул да болсо чыгармачылыкка дем-күч берет экен.

– Ырыңыз "А-бу, ханым" деп башталганы да өзгөчө экен. Ушул тууралуу да айта кетсеңиз.

– Өзүм Лейлектен болом. Бизде а-бу, а-шу дегенди көп колдонушат. Өзүмдүн стилим да ушундай. Кызыктуураак болсун деп ушинтип жаздым. Биринчи көргөндө ишенбей кайра-кайра карап толкундадым. Секирип бийлегенге мүмкүнчүлүк болбоду. Жеңүүчү болот, жеңилүүчү болот. Аны бир адам чечкен жок. Ал жакта көп каршы чыккандар болду. Көпчүлүк жакшы көрүп жаткандан кийин сүйүнүп калат экенсиң.

– Демек, ыр жазасыз?

– Ооба. Ырларымды социалдык тармактарга чыгарып турам. 37 жаштамын. Орусияга иштегени баргам. Алгач Сургутка барып, 2000-2004-жылга чейин соода кылгам. 2007-жылы Москвада курулушта иштеп жүрүп үчүнчү кабаттан кулап кеттим. Ошондон кийин буттарым баспай калды. Москвада туура эмес операция жасап коюшуптур. Өзүбүздүн Сабырбек Жумабековго барсам жүлүн кыпчылып, омуртканын сыныгы сайылып турган экен. Ал "басып кетүү мүмкүнчүлүгү бар" деп айткандан кийин операция жасаткам, бир жыл болду. Басып кетүүгө үмүтүм чоң.

«КӨЛДҮН СӨЗҮ»
Аа-бу, ханым, костюм-шымчан жасанып?
Бирок чиркин, чыкыясың жашарып.
Сени көрүп толкунданып, кубанып.
Сүйүнүчтөн көзгө турам жаш алып.

Чеч костюмду, ичте арман калтырба.
Ыштанды да, шыпырып сал тартынба.
Көл суусундай адал, таза иштей бер.
Карапайым калкың турат артыңда.

Тиги турган кайыкка түш, калкысын.
Түз иштесең, Кудай түздөйт аркысын.
Эски хандар, каргыш алды көбүрөөк.
А сен элдин алып калгын алкышын.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

zinagull1996

2018-08-21 13:47:47

Чын эле сонун жазылыптырго

Ice-creme

2018-08-21 14:20:09

Ырлары жакшы маанилуу. Бирок, однодо озун жылдыз сезет негедир.

-6

PrinsessaNuri

2018-08-21 14:30:45

Sonun jazylyptyr , molodes

Aitun

2018-08-21 22:22:10

Однодо озунчо эле звездаго байке. Смс жазсам жооп жазбайт кадаланып. Белгилуу эле инсандарга инстаграммдан бир нерсени сурап жазсан созсуз жооп жазат.

-12

Mamiev

2018-08-22 12:20:58

Aitun,туура айтасың. Игнор кылганычы сын пикир жазгандары. Окуп калсаныз сизге айтаарым жөнөкөй болун сын пикирди туура кабыл алын. Бир ыр жазганынызда Кудайга ширк кылбан деп комментарий жаздым эле кара тизмеге кошуп коюп тур. Ырларын сүйүп окуучумун бирок бой көтөргөн адам экен

-10

tansykk

2018-08-22 20:28:32

Ыр соонун экен, ичи тарларга ккөңүл бурабыз байке, мындай бузукулар чыга берет дайым алга.

adii

2018-08-22 20:34:03

Жакшы соз жазыш колдон келбесе унчукпай коюуу да марттык алга

muxtar

2018-08-22 20:38:09

Иттерден сын пикир алганча туура кыласыз игнор кылып))

allaberdi

2018-08-22 20:48:17

Ассалом алейкум достор! Колдогондор үчүн терең ыраазычылык билдирем, чоң рахмат! Капа болгондордон кечирим сурайм! Пенде экенбиз, катачылык кетирип коебуз. Буюрса баары жакшы болот! Бар болуңуздар!

Ger_energy

2018-08-26 23:15:15

Соз жок,мыкты жазылыптыр!!!

Комментарий калтыруу үчүн өз ысымыңыз менен кириңиз же каттоодон өтүңүз.

№ 824, 17-23-август, 2018-жыл