Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«LOVE IS…» . СӨЗ МЕНЕН АЙТЫЛБАГАН СЕЗИМДЕР ТУУРАЛУУ СҮЙҮҮ БАЯНЫ

№825 24-30-август, 2018-ж


«Сүйүү – бул…» сагызын эки жемиштин айкалышкан даамынан сырткары аны сүйүүнүн эмне экенин түшүндүргөн сүрөттөрү жана сөздөрү үчүн да алып чайнайбыз. Сагыздын фантиктерин чогултуп, ага жазылган сөздөрдүн маанисин өз жашообузга салыштырып, окшоштуктарын таап жыргап да алабыз. Бирок кара чачтуу бала менен сары чачтуу кыз бизге чыныгы сүйүү баянын айтып берип жатканын көпчүлүгүбүз биле бербесек керек.

«КОЛУМДАН КЕЛСЕ, РОМАНТИКАЛЫК ЫРЛАРДЫ ЖАЗМАКМЫН»

«Love is…» сагызы жаңы зеландиялык Ким Гроуф менен италиялык Роберто Касалинин сүйүүсүн баяндайт. 1942-жылы туулган Ким Гроуф кичине кезинде эле чыгармачылыкка жакын экенин түшүнүп, өзүн кайсы бир тармактан табуу үчүн 19 жашында саякаттоону баштайт. Дүйнө кезип жүрүп, 1967-жылы АКШнын Калифорния штатына барып, ал жактан италиялык программист Роберто Касали менен таанышып калат. Мына ушул жерден башталган сүйүү баяны азыр да дүйнөгө сүйүүнү даңазалап жүрөт. Ким сүйүктүүсүнө сезимдерин билдиргиси келсе салфеткага кыз менен баланын сүрөтүн тартып, алдына ар кандай сөздөрдү жазган.

Бир интервьюсунда «Шыгым болгондо мен романтикалык ырлардын автору болмокмун. Сүйүү тууралуу ырлар менин жүрөгүмдүн кылдарын чертип өтөт. Бирок менин кооз сөздөрдү кураштыруу жөндөмүм жок. Ошондуктан сезимдеримди билдирүүнүн башка жолун тандоого туура келди» деп айткан. Ошол себептен чыт курсак кичинекей жылаңач кыз жана ага окшош баланын сүрөтү менен кыска сценалар жаралган. Комикстердин жаралышы тууралуу Ким «Мен эмнени сезип жатканымды билдириш үчүн сүрөт тартчумун. Бул нерсе менин эмоцияларымдын күндөлүгү эле. Сүрөттөр менин сезимимдин күндөн-күнгө өөрчүп жатканын көрсөтүп турчу. Алгач бир тамчы тарткам. Ал мен элем. Сүрөттөгү кыз мен сезип жаткан фантастикалык сезимдерди сезет. Анан дагы бир тамчы тарттым. Ал эркек. Ал менин сезимдеримдин себепчиси».

Ким менен Роберто Жаңы Зеландиядагы Кимдин ата-энеси баш кошкон чиркөөдөн баш кошушкан. Ал учурда Ким 30, Роберто 26 жашта болчу. Үйлөнүү тоюна Ким гүлдөрдөн жасалган таажы жана вуаль кийген. Дал ошондой таажы менен вуалды Ким өзүнүн чыт курсак каарманына да кийгизип тарткан. Ким: «Атам мен жаш кезде эле каза болуп калган. Роберто менин колумду сураганда макул болдум. Бирок «эмне кылсаң дагы менден эрте өлбө!» деп сурангам. Ал күлүп, аракет кыларын айткан»,- деп эскерет.

Кимдин тарткан комикстери Робертонун продюсерлиги астында 1970-жылы 5-январда «Los Angeles Times» гезитине алгачкы ирет басылып чыккан.

Иллюстрациялар Эрих Сигалдын «Сүйүү баяны» китеби жана ушундай аталыштагы тасма менен бир убакта чыгып калган. Фильмдин урааны «сүйүү – бул сенин кечирим суроого болгон милдетиң» эле. Ким бул ураандын маанисин өзгөртүп «сүйүү – кечирим сурай алганыңда» деп жазып чыгарган. Кимдин ою окурмандар тарабынан жакшы кабыл алынган. Комикстер аз убакыт ичинде кеңири тарап, аталган гезиттин акыркы барактарында жума сайын басыла баштаган.

Комикстер аз убакыттын ичинде футболка, календарь, кружка жана башка буюмдарга да чаптала баштаган. Сүрөттөрдүн атактуулугу өсө бергенинен «Minikim» корпорациясы түзүлүп, Роберто жубайынын иштеринин башкаруучусу болуп калат.

КҮЙӨӨСҮ ӨЛГӨНДӨН КИЙИН ДА АНДАН БАЛАЛУУ БОЛГОН

Комикстерде кыз менен баланын таанышканынан баштап жуптардын каза болгонуна чейин баяндалат. Сүрөттөрдөгү каармандардын бир кыз, бир эркек балдары бар. Бирок чыныгы жашоодо Ким Робертого Стефано жана Дарио аттуу 2 уул төрөп берген. Тилекке каршы, экөөнүн бактылуу үй-бүлөсүнүн өмүрү көпкө созулган эмес. 1975-жылы Роберто рактын айыккыс стадиясына келип калганы маалым болот. Ким убактысын жалаң күйөөсүнө дары издөө менен өткөрүп калат. Бул учурда комикстерди тартпай, бул ишти англиялык аниматор Билл Эсприге тапшырат. Дал ушул аниматор жылаңач каармандарга түстүү кийим кийгизген. Түстүү комикстерди Орусиянын, Түркиянын жана Украинанын сүрөтчүлөрү да тарта башташкан.

Жубайлар дагы балалуу болууну каалашат. Ошондуктан алар Робертонун бел суусун тоңдуруп коюуну чечишет. Бул эгер Робертонун көзү тирүү кезинде Ким кош бойлуу болбой калса, бул кыялды ал жокто да ишке ашыруу ниети эле. Роберто Касали 1976-жылы 31 жашында каза болгон. Комикстерде Ким жана эстелик гана калган.

Күйөөсү өлгөндөн 16 айдан кийин Ким Робертонун тоңдурулган бел суусун колдонуп, күйөөсүнөн үчүнчү ирет балалуу болот. Сүрөттөрдө кыз коляска сүйрөп, астында «Мило Робертону тааныштырганыбызга кубанычтабыз. Ата-энеси: Ким жана Роберто (өлгөндөн кийин, жасалма уруктандыруу жолу менен)» деп жазылат.

Көп адамдар колдоо каттарын жөнөтүшкөнү менен, диний басылмалар Кимдин «диний моралга» каршы кадам жасагандыгын айтып айыптап чыгышкан. Айыптоолорго Ким «Мило ата-энесинин сүйүүсүнөн жаралды. Муну сындап жаткандар бар болсо, анда дүйнө тең салмактуулук сезимин жоготуптур деп түшүнөм. Күйөөмдүн көзү тирүү кезинде эле жасалма жол менен балалуу болууга аракет кылдык. Ал тирүү болгондо деле Мило төрөлмөк. Робертонун өлүмү бир нерсени өзгөрттүбү?» деп жооп кайтарган. Кимге да узак жашоо буюрбаптыр. Ал 55 жашында, 1997-жылы сөөктүн жана боордун рагынан улам каза тапкан. Азыр алардын улуу баласы Стефано үй-бүлөлүк ишкердикти улантып келет.

Түстүү комикстер чыга баштагандан көп өтпөй «Интергам» аталышындагы сагыз чыгарган компания эч кандай уруксаты жок эле бул сүрөттөрдү колдонуп алган. «Love is…» деп атап сагыз чыгарып, ага комикстер тартылган фантиктерди орошкон. Сагыз 1990-жылдары КМШ өлкөлөрүнө жайылып, азыр да элдин сүймөнчүгүндө.

САГЫЗ ТУУРАЛУУ КЫЗЫКТАР...

  • Байкасаңыз, сагыз 2 түс жана 2 даамдан турат. Бул эки жемиштин бири-бирине болгон сүйүүсүн символдоштуруп турат.
  • Билл Эспри анын комикстери менен түрк сагызы оролуп чыгарылып жатканын билген эмес. Бул тууралуу ал 2008-жылы журналисттер бул сүрөттөрдүн автору катары интервью алуу үчүн телефон чалганда гана билген. Бирок Билл эмгегин колдонгондор менен териштирүү жүргүзгөн эмес.
  • 2002-жылы Санкт-Петербургдагы кондитердик «Меньшевик» фабрикасы «Life is… Life» деген сагызды аталышы, тышкы орогучуна чейин окшош кылып чыгарган. Бирок федералдык антимонополия кызматы бул сагызды чыгаруу түрктөрдүн «love is…» сагызын чыгарган компаниясына карата абийирсиз атаандаштык деп таап, сагызды чыгарууга тыюу салган.

Перизат Музуратбекова
s
tar@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
28.08.2018. 10:55 
Тайпасы:
Жаран
Комментарийлердин саны:
30
Катталган:
08-05-2018
Соӊку аракети:
17-11-2018 18:32
Жынысы:
Белгисиз
+8
Фантиктердеги суротторду топтоп кечке карап отура берет элем бирок чыныгы суйуу болгонун билбепмин.
28.08.2018. 11:11 
Тайпасы:
Конок
Комментарийлердин саны:
29
Катталган:
17-08-2018
Соӊку аракети:
18-10-2018 00:09
Жынысы:
Белгисиз
+12
Чын эле мен дагы топтоп журчумун,озунчоле бактылуу болуп....Тарыхы бар турбайбы
28.08.2018. 11:51 
Тайпасы:
Жаран
Комментарийлердин саны:
31
Катталган:
29-07-2017
Соӊку аракети:
17-11-2018 18:57
Жынысы:
Белгисиз
Калаасы:
Ош&Жалал-Абад
+8
Сонун,суйуулоруно суктандым го.
29.08.2018. 09:18 
Тайпасы:
Жаран
Комментарийлердин саны:
49
Катталган:
27-09-2011
Соӊку аракети:
16-11-2018 13:59
Жынысы:
Белгисиз
Калаасы:
Биш))
+3
Мен да учурунда фантиктердин баарын болбосо да, көпчүлугүн чогулткан элем. Ал гана эмес атайын бир дептер ачып, анын ар бир бетине фантиктеги сурөттөрду тартып чыкканым эсимде.))Балалык жана окуучулук кез))
29.08.2018. 11:33 
Тайпасы:
Жаран
Комментарийлердин саны:
31
Катталган:
13-02-2017
Соӊку аракети:
23-10-2018 21:33
Жынысы:
Белгисиз
+5
Окучуулук кезде барыбыз love is... алганда созсуз бири бирибиздин фантиктерибизди окуп чыгат элек.
03.09.2018. 09:18 
Тайпасы:
Жаран
Комментарийлердин саны:
14
Катталган:
26-01-2016
Соӊку аракети:
17-11-2018 16:30
Жынысы:
Белгисиз
Калаасы:
♡♡♡ОШ♡♡♡
+1
эмне чыгыптыр деп сөзсүз окучумун)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: