Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

№825 24-30-август, 2018-ж


РОУП-ЖАМПИНГ – АДРЕНАЛИНГЕ СУУСАГАНДАР ҮЧҮН

Китеп окуу, театрга баруу, спорт менен машыгуу. Көпчүлүк адамдардын эс алуулары дал ушундай мүнөздө өтөт. Ал эми абдан активдүү адамдарды мындай тынч жашоо кызыктырбайт. Ошондуктан аларга адреналин алуу үчүн түрдүү коркунучтар тоскоолдук жаратпайт. Акыркы күндөрү Кыргыз жергесинде экстримдин жаңы түрү – роуп-жампингге кызыккандар көбөйдү. Роуп-жампинг кандай жаралган, эмнеси менен кызык? Ушул суроолорго чогуу жооп табалы.



Роуп-жампинг – аркан жиптердин жардамы менен ар кандай бийиктиктерден (аскалар, бийик имараттар, көпүрөлөр, тоолор) секирүү.


ЖАРАЛЫШЫ


Роуп-жампинг – англис тилинен которгондо «жип менен секирүү» дегенди түшүндүрөт. Бул экстремалдуу эс алуу түрүн америкалык аскага чыккыч Дэн Осман аттуу баштап берген десек болот. Ал татаал маршрутту багындырууда дал ушул «түшүп кетсем эмне болот?» деген коркунуч жолтоо болуп жатканын түшүнгөн. Ошондуктан өзүнүн коркуу сезимин жеңүү үчүн Дэн Осман атайылап түшүп кетүүнүн үстүнөн машыга баштайт. Ал эң биринчи ирет 1989-жылы аркан менен 18 метрлик бийиктиктен секирген. Андан кийин ар кандай бийиктиктеги көпүрөлөрдөн, имараттардан жана аскалардан секирип баштайт. Натыйжада ал 300 метр бийиктиктен секирүү менен ал кездеги рекордду коюуга жетишкен. Дэн Осман 1998-жылы Йосемити улуттук паркында кезектеги секирүүсүндө жип үзүлүп кетип каза болгон. Алгач жип менен секирүү боюнча тажрыйбалуу адамдар гана алектенип келишсе, учурда бардык эле каалоочулар секире берген экстремалдуу эс алуунун түрү катары өнүгүп келе жатат.


БИЙИКТИКТЕН СЕКИРҮҮ БИШКЕКТЕ

Азыркы күндө Бишкектин четиндеги Чуңкурчак капчыгайында атайын даярдыктан өткөн команда аскадан секирүүнү каалаган адамдарга өз кызматын көргөзүп келет. Ал эми асканын бийиктиги 60 метрди түзөт. Мындан тышкары шаардын борборундагы бийик имараттардан секирүүнү да уюштуруп жүргөндөр бар.


КООПСУЗ СЕКИРҮҮНҮН ЭРЕЖЕЛЕРИ:

Секирүү алдында инструктордун көрсөтмөлөрүн кунт коюп угуп, аны толук аткарууга аракет кылуу зарыл. Эң негизги эрежелер төмөнкүлөр:


  • «Бардыгы даяр, секирүүгө уруксат» деп айтылганга чейин секирүүгө болбойт. Бул өтө маанилүү. Эгер уюштуруучу даярдыгын билдирсе, демек, ал сизге секирүү ийгиликтүү болоруна кепилдик берет.
  • Арканды кол менен кармабоо керек. Арканды кармайм деп жипке оролуп калуу мүмкүн. Мындайда колду кокустатып же сындырып алуу коркунучу жаралат.
  • Уюштуруучулар көрсөткөн тарапка секирүү зарыл. Башка жакты көздөй секирген адам жаракат алып калышы ыктымал. 


Негизги шарттар:

Экстрим менен алектенүүдө төмөнкүдөй чектөөлөр бар:


  • Жакын арада операция жасалгандар, остеохондроз, грыжа сыяктуу оорулар менен ооругандар бул экстримден баш тартуусуна туура келет;
  • Эгер адамда дем алуу системи менен байланышкан көйгөйлөр бар болсо, өзгөчө астмасы барларга тыюу салынат;
  • Жүрөк-кан тамыр системинде көйгөйү барларга жана психологиялык жактан жабыр тарткандарга чектөө коюлат.


«КҮЧҮМ МЕНЕН ЭРКИМДИ ТЕКШЕРҮҮ ҮЧҮН КЕЛГЕМ»

Биз дагы Чуңкурчак капчыгайына барып, аска боорунан секирүүнү өз көзүбүз менен көрүп келдик. Бийиктиктен коркпой, аскадан секирүүнү каалаган жарандарыбыз да аз эмес экен. Алардын кээ бирлери биз менен ойлорун бөлүштү.


Мырзагүл Орозалиева, 32 жашта:

– Мен шаардын ызы-чуусунан алыстап, эс алайын деп келгем. Максатым ишке ашты десем болот. Сөз менен айтып бүткүс сонун көз ирмемдер болду. Секиргенден кийин жеңилдеп, жашоодогу таарынычтарды унутуп, жашоонун баалуулугун сезип калдым. Башында биринчи жана акыркы жолу секирем деп келгем. Бирок эми мындан да бийиктиктен секирем деген максаттар пайда болду.


Айбек Молдусаев, 22 жашта:

– Бул жерге келе жатканда бир четинен толкундансам, экинчи жагынан абдан кызык болуп жатты. Секиргенден кийин чындап сергип, жашоодо көйгөйлөр болсо унутуп, жашоону башкача көз караш менен карап калат экенсиң. Парктагы аттракциондордон алган адреналин бул жердеги адреналиндин жанында жөнөкөй эле болуп калат. Себеби бул жерде жашоо менен өлүмдүн ортосунда тургандай болот экенсиң.


Данияр Курманбеков, 26 жашта:

– Турмушта ар кандай соккулар болот, ошого туруштук бериш үчүн тоскоолдуктарды жеңе билген эрктүү адам болуш керек. Мен бул жерге өзүмдүн күчүмдү жана эркимди текшерүү үчүн келгем. Бийиктиктен өзүңдүн каалооң менен секирүү – бул да бир эрктүүлүк деп ойлойм. Биринчилерден болуп секирдим, маанай абдан сонун. Жашоомдун аягына чейин эсимде кала турган көз ирмем болду.


САЁРА, үйрөөтүчү адис: «55 ЖАШТАГЫ ЭЖЕНИН ЭРКТҮҮЛҮГҮНӨ БАА БЕРДИМ»

Экстремалдуу эс алуунун бул түрү менен биздин өлкөдө да алектенип башташкан. Бийиктиктен жип менен секирүү боюнча адис Саёра бизди кызыктырган суроолорго жооп берди:


– Адамдар эмне себептен бийиктиктен секирүүнү каалашат деген суроодон баштасак?..
– Кээ бирөөлөр жөн гана экстримди жакшы көрүшөт. Алар адреналин алуу менен өздөрүн бактылуу сезишет. Дагы бирлери жашоонун кызыгын сезүү үчүн келгендер. Айрымдар бийиктик боюнча фобиямды жеңем деп келишет.

– Секирүү учурунда адамдар өздөрүн кандай алып жүрүшөт?
– Секирүү алдында көпчүлүгү тынчсызданат, коркот. Аябай корккондор ары-бери басып, ойлонуп, убакытты узартууга аракет кылат. Кызыгы, учуп баратканда сүрөткө жакшы түшүп калсам деп ойлогондор да бар (күлүп).

– Улуу муундагы адамдар дагы бул экстримге кызыгып, секирген учурлар болду беле?
– Айымдар эркектерге караганда алсыз болот дейт го. Бирок аялдар эркектерден калышпаганын төмөнкү окуя тастыктайт. Бир жолу 55-60 жаштагы аял өзүнүн курбу-достору менен келген. Досторунун арасында мырзалар да бар эле. Бирок бардыгы биринчи болуп секирүүдөн коркуп жатышты. Ошондо эже эч нерседен коркпой биринчи болуп секирген. Кийин жанындагы досторун дагы секирүүгө мажбур кылды. Мына ошондо эженин эрктүүлүгүнө баа бердим.


«Бардыгы даяр, секирүүгө уруксат» деп айтылгандан кийин гана секирүү керек.


Жумамидинов Кубан
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
28.08.2018. 11:14 
Тайпасы:
Конок
Комментарийлердин саны:
29
Катталган:
17-08-2018
Соӊку аракети:
18-10-2018 00:09
Жынысы:
Белгисиз
+1
Дагы башка точкаларга да ачса жакшы болмок
28.08.2018. 13:06 
Тайпасы:
Жаран
Комментарийлердин саны:
1
Катталган:
13-06-2012
Соӊку аракети:
18-09-2018 09:39
Жынысы:
Белгисиз
0
Секирип жаткандагы видеолорун да жуктоп койсо жакшы болмок.
28.08.2018. 19:49 
Тайпасы:
Жаран
Комментарийлердин саны:
25
Катталган:
07-08-2018
Соӊку аракети:
17-11-2018 21:02
Жынысы:
Белгисиз
+1
Секирип коруш керек экен
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: