Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№825 24-30-август, 2018-ж


(Башталышы өткөн сандарда)

– Ушул нерсени жөн эле баштаптырбыз... Балким, экөөбүз ошондо эле бири-бирибизге биротоло жолугушпай койгондо баары башкача болот беле?

– Эмне дегени турасың?

– Экөөбүз биротоло чырмалышып калдык. Өзүмчүл болуп койдук. Балдарыңды жетим калтырганы жатабыз. Турмуш бизге ушунун кесепетин көрсөтпөсө болду.

– Эмне деп жатасың, Нуржан? Мен баламды таштайм деген жокмун, анын апасын таштайм. Балдар жетим калбайт. Мен айттым эле го "бир келген жашоодо мен өзүм сүйгөн адам менен бактылуу болгум келет" деп. Адамдар эмне дешпесин биз бакыт үчүн күрөшүшүбүз керек да...

– Экөөбүз баш кошорубуз менен эле келеби бакыт деген?

– Бизге бакыт келген, жаным. Мен сени биринчи көргөн күндөн тарта бакыт биз менен жүрөт.

Тимурдун бул сөздөрүнөн кийин Нуржан кадимкидей жоошуй түштү. Жигитинин сонун сапаты бар, ал адамды жайгарып, ишендирип сүйлөй алат.



ххх

– Мен Айназикти мектепке сүйлөштүм. Ал быйыл күздө мектепке барат эмеспи?

– Жакшы кылыптырсың,- Тимур көңүл кош сүйлөдү.

– Мектепке даярдашыбыз керек экенин түшүнүп жаткандырсың?

– Түшүнбөй эмне?.. Акча жок азыр, болору менен берем.

– Сенден түңүлүп калбаган мен акмак экенмин негизи. Тимур, эбиң менен болсоң болот эле. Сенин акчаң ойношторуңа табылат. А балдарга келгенде сенден өткөн битир жок.

– Кайсы ойнош? Не деп жатасың?

– Койчу, мени эмне билбейт деп жатасыңбы? Сопсонун билем. Тиги шуркуяң менен мамилеңди үзгөн эмессиң. Эми акыры оңолор, ортодо балдар жетим калбасын деп ызамды жутуп келе жатам. Токтотуш керек го мындайды, Тимур?

– Эгер билсең, ал ойнош эмес мага. Аны андай жаман сөз менен атаба. Ал мен жакшы көргөн адам. Сенин жаныңда, эгер билсең, мен дагы балдар үчүн эле жүрөм. Бирок акыры бул кыйноо бүтүшү керек да, туурабы?

– Оой, Тимур, эмне дешти да билбейм. Дагы кетем деп коркутканы калдыңбы?! Биздин үй-бүлөдө экөөбүздүн ордубуз алмашып калган. Адатта аял коркутат да "кетем" деп. А бизде сен. Баракелде!

– Эч кандай коркутпай эле, биз биротоло ажырашуубуз керек. Мен балдарга каралашып турам. Бирок эми бул үйдө жашабайм.

– Кете бер. Тоюп деле бүттүм сага.

– Айсулуу, кел ушинтпейбиз. Бири-биринин көңүлүн калтырбай, жаман сүйлөшпөй деле ажырашса болот адамдар. Сен менин балдарымдын апасысың. Сага ыраазымын. Бирок ортобузда сүйүү жок болуп жатпайбы? Эмнеге бири-бирибизди кыйнайбыз? Кел, бири-бирибизге ыраазы бололу, эркиндик берели. Сен сүйүүңдү тап, мен табайын. Мен сага бакыт эле каалайм, эгер билсең. Балдарга жума сайын келип турам.

Айсулуу ачууланганын билдирбегенге аракет кылып жатты. Качан болсо ушул. Тимур ага дайым акылдуусуна берет. Түшүнүгү укмуш адамдай сүйлөйт. Акыл үйрөтөт, заманбап бол дейт. Мына, карабайсыңбы, азыр да кадимки кинонун каарманындай сүйлөп жатканын. Бирок жашоо деген кино эмес да. Ачуусун басып токтоолук менен сүйлөдү Айсулуу:

– Эсиңдеби, биз да бири-бирибизди сүйгөнбүз. Биз да сүйүү үчүн күрөшкөнбүз. Жок, сен эмес, мен сүйүү үчүн күрөшкөм. Сага жетем деп атамдын каргышына калганыма да кайыл болгом. Анан жеттим сага. Сүйүүмө жеттим. Кана бакыт? Сүйүүдө деле эмес окшойт бакыт деген. Сага жетсем жыргап калам дечүмүн, кана ошол мен күткөн жыргалчылык?

– Бизде сүйүү болгон эмес, Айсулуу! Биз адаштык.

– Анан? Адаштык деп кайра издегенче балалуу болуп калбадыкпы? Балдарды кантебиз?

– Балдарды кантмек элек, багабыз. Бала бар деп эле өзүбүздү кыйнай берелиби? Экөөбүздүн мамилебизден балдар сыгылып кетет, эгер билсең. Өзүбүзгө кошуп балдарды да кыжалат кылгандан көрө эки бөлөк жашаганыбыз жакшы го?..

– Мейли, балким, сенин айтканыңда да чындык бардыр. Бири-бирибизди эзе бербей, коё берсе коё береличи... Мен деле тажап бүттүм.

– Түшүнгөнүң үчүн рахмат.

– Ушинтпечи, Тимур. Жасалмалуулуктун эмне кереги бар?

– Жасалмалуулук эмес бул. Балдар үчүн сени менен жакшы мамилени сактап калайын деген аракетим.

– Уф... Мен түшүнөйүн сени, мейли. Бирок балдарга кантип түшүндүрөм?

– Сен сөздү кайра башынан баштаганы жатасыңбы? Мен өзүм түшүндүрөм.

Бөлмөдөн чыгып кетти. Коңшу бөлмөдө кичинекейи Байэл эжесинин жанында планшетте болуп жаткан мультфильмди тиктеп отурган экен.

– Балам?

– Мм,- Байэл бир аз кеч сүйлөчүдөй. Сөздөрдү түшүнгөнү менен, өзү баш ийкеп же баш чайкап гана жооп берет. Бир нерсени кааласа колу менен көрсөтөт.

– Мен кетип жатам, ээ? Бирок келип турам, макулбу? Сен сагынарың менен келем. Кел, өөп коёюнчу,- Байэл мультфильмден алаксыгысы келген жок. Ордунда отура берди. Чынында ал атасын түшүнгөн деле жок. Анын таза жүрөгү көп деле санаа тарткан жок. Атасы эмне күнүгө жумушка кетип, кайра келип жүрбөйбү. Келет да кайра. Бирок аны менен кошо мультфильм тиктеп отурган Айназик баарын түшүндү. “Апам ыйлайт го” деди ичинен. Апасы акыркы кезде көп ыйлап жүрөт. Андайда Айназик анын көңүлүн кантип көтөрөрүн билбей кыйналып кетет. Бу чоңдор өздөрү эле азап тартып жаткандай боло беришет. Аларга кошулуп баланын жүрөгү эзилип жатканын билишпейт тура, көрсө.

– Кызым,- ушул сөздү бирөө кыйнап айттыргансып үн катты Тимур. – Сен чоңоюп калбадыңбы? Апаңа жардамдашып, Байэлди карашып тур, ээ?

– А сенчи?

– Мен кетип жатам. Бирок бат-баттан келип турам.

– Сен Байэлди карашкың келбей калдыбы? Ошон үчүн кетип жатасыңбы?- Айназик бул суроону кызыгып сурады. Тимур жооп таппай калды. Эмне деш керек?

– Жо-ок, андай эмес,- кайсалактап кетти. – Мен... Сен чоңойгондо баарын түшүнөсүң...

Шаша-буша кийимдери салынган сумканы алды да, сыртка чыгып кетти. “Жоопкерчиликтен качтыңбы? Айназик ушинтип эле сурабадыбы? Качып баратамбы? Жок! Мен сүйүү үчүн күрөшүп жатам. Мен бакыт издеп баратам. Бир келген жашоодо сүйүктүү адам менен жашаш керек”. Өзүн-өзү актап баратты.



ххх

“Кош дебей кетти”. Айсулуу ушуну ойлоду. Кийин терезеге келип карады. Тимур куду мектепке биринчи бараткан бала өңдүү, далдалаңдап кубанып кетип бараткандай туюлду ага. Көкүрөгү ачышып чыкты. Бир кезде бардык нерсени ушул адам үчүн курмандыкка чалган. Кана эми, ошол адам анын сүйүүсүнө эмне менен жооп берди? Мурда да качкан. Азыр да качып баратат. Кубалаш керек беле негизи ушул адамды? Ооба. Бирок артынан эмес, тескерисинче, жанынан кубаласа болмок экен. Москва анан Тимур ага бакыт берет деп ойлоптур... Ээх, бекерге кеткен үмүт өчүргөн жылдар. Батирде 2 баласы менен калды. Же дүнүйө жыйнай албаптыр. Эми өкүнгөнгө кеч. Белди бекем буушу керек. Балдарды бутуна тургузуу керек. Аларга үй салыш керек. Эми мунун баарын өзү жалгыз жасайт. Эч кимге ишенбейт. Жок, сүйүү издебейт. Сүйүү анын балдарынын курсагын тойгузмак беле? Тиштенип туруп анын тамагын муунтуп келе жаткан көз жашын кыйнап токтотуп койду Айсулуу.



ххх

– Эми сен кетпейсиң, ээ?- ойгоно калып эле Тимурду бекем кучактады Нуржан.

– Эми кетпейм.

– Кандай жырга-ал! Сен жанымда болсоң эле дүйнө тегиз боло берет.

– Көрөсүң го, биз бактылуу жашайбыз. Биз ошого татыктуубуз.

– Жок, татыктуубуз дебе! Бакытты чочутуп албайлы керсеңдеп жатып.

– Мейли,- кызды маңдайынан өптү. Нуржан болсо ичинен өзүн жеп жатты. “Кантип татыктуу болобуз? Кантип балдарды жетим калтырып туруп, сүйүүгө татыктуу болмок элек? Бирок бизде башка жол бар беле? Койчу өзүмдү жей бербейинчи. Дүйнөдө бардык күнөөлөрдү жасап жаткан жалгыз эле мен бекенмин? Баары жасашат. Баары ката кетиришет. Идеалдуу эч ким жок. Бирок...”

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Башка сандарда:
Комментарийлер(7)
28.08.2018. 09:31 
Тайпасы:
Жаран
Комментарийлердин саны:
44
Катталган:
08-02-2017
Соӊку аракети:
16-09-2018 20:15
Жынысы:
Белгисиз
+1
Азамат качан келет экен Эми Айназикке?
28.08.2018. 11:26 
Тайпасы:
Жаран
Комментарийлердин саны:
101
Катталган:
11-08-2017
Соӊку аракети:
25-09-2018 21:21
Жынысы:
Белгисиз
0
Айчулууга ажеп эле болду
28.08.2018. 12:27 
Тайпасы:
Жаран
Комментарийлердин саны:
35
Катталган:
31-12-2017
Соӊку аракети:
06-09-2018 21:24
Жынысы:
Белгисиз
+3
Мм Айсулуу ушуну кормоксун. Эми Азамат сен учун, Айназик учун эмне кылганын бир ойлонуп, бармак эмес колундун билегине чейин жейсингоо...
28.08.2018. 13:21 
Тайпасы:
Жаран
Комментарийлердин саны:
12
Катталган:
04-01-2018
Соӊку аракети:
25-09-2018 13:13
Жынысы:
Белгисиз
+3
Ушундай соонун чыгармаларды эле Супер Инфо каяктан таап алат. Калтырбай окуйм
28.08.2018. 13:54 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
-2
Ммм
28.08.2018. 14:31 
Тайпасы:
Конок
Комментарийлердин саны:
11
Катталган:
27-07-2018
Соӊку аракети:
26-09-2018 00:22
Жынысы:
Белгисиз
+2
Айсулуу Азаматка кылган кыянаттыгынын жазасын ээми тартат. Тимур да корсо экен.
28.08.2018. 16:14 
Тайпасы:
Жаран
Комментарийлердин саны:
177
Катталган:
13-04-2017
Соӊку аракети:
26-09-2018 01:35
Жынысы:
Белгисиз
0
Айсулуунун ХХХ ХХХ Азамат мн жашасан май чайнайт Элен го эссиз...
Модератор admin_media түзөттү 2018-08-28 17:34:15
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: