Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТУБАСА МАЙЫП БАЛДАР КӨП ТӨРӨЛҮҮДӨ

№228 16-22-март, 2007-ж.


БАЛДАРДЫН ТУБАСА ХИРУРГИЯЛЫК ООРУЛАРЫ КАЙСЫЛАР?

Мындай оорунун түрлөрүнө кулагы жок болуп төрөлүү, кабыргалардын жетишпестиги, кыздарда жыныс кыны жок туулуу, ичегилердин түйүлгөн түрүндө болушу, көтөн чучугу туюк төрөлүү, көкүрөк сөөгүнүн (көөдөнүнүн) чыгып же кирип кетиши, кол-буттун манжаларынын биригип калуусу, ашыкча манжалуулук же тескерисинче кол-буттун манжаларынын биринин же бир нечесинин өсүп-жетилбей калуусу, тубаса кыйшык колдуулук, жатыны жок төрөлүү, ички органдардын шишиги менен төрөлүү кирет. Мындан тышкары, бир буту кыска туулуу, май тамандык жана башкаларды кошууга болот.

СЕБЕПТЕРИ

  • Майып төрөлгөн балдардын энеси боюнда болгон алгачкы 3 ай ичинде коюлган талаптарды аткарбагандыгы. Анткени, алгачкы 3 айдын ичине жатында түйүлдүктүн пайда болушу, баланын мүчөлөрүнүн түзүлүп, калыптана башташы кирет. Ушул мезгилде болочок эне спирт ичимдигин жана тамеки колдонсо, үйбүлөлүк чыр-чатактан катуу кайгырууларга туш келсе, сапатсыз тамак-аштарды колдонсо, өз алдынча дарыгердин уруксатысыз дары-дармекти ичсе ичиндеги түйүлдүккө доо кетип, бала майып болуп төрөлүшү мүмкүн. Мындан тышкары, ысык күндөрү күн нуру алдында ачык жерлерде узакка иштесе күн нурлары денесине өтүп, натыйжада, бала майып төрөлөт.
  • Экологиянын бузулуусу. Мисалы, көл аймагында экологиянын бузулуусу көкүрөк сөөгү ичке кирип же сыртка чыгып төрөлгөн балдардын төрөлү­шүнө алып келүүдө. Статистиканын көрсөт­күчү­нө таянсак, мындай балдар көл аймагында төрөлгөн жалпы балдардын санынын 80 пайызын түзөт.
  • Кийинки кездерде бензоколонкада иштегендерден тышкары көчө бойлорунда, үйлөрүндө бензин, солярка саткан аялзатынын көбөйүшү да майып төрөлгөн балдардын санынын өсүшүнө коркунуч жаратууда. Нефть продуктыларынын бөлүкчөлөрү аба, тери аркылуу организмге өтүп, анан эненин денесинен жатындагы түйүлдүккө өтөт. Натыйжада, майып бала төрөлүүсү мүмкүн.
  • Абада радиациялык нурлардын жогорулоосу. Бул тубаса онкологиялык оорулар менен төрөлүүгө алып келет.

Майып балдардын төрөлүүсүнө аталган себептерден башка себептер да бар экендигин айта кетели.

ДИАГНОЗ КОЮУ

Төрөт үйлөрүндө наристе төрөлөөрү менен денсоолугунун абалы текшерүүдөн өтөт. Эгер организминдеги кемчилик билинсе, дароо адистештирилген ооруканаларга которулат.
Диагнозду тактоо үчүн наристе рентгенден же компьютердик томографиядан өткөрүлүүсү ыктымал.

ДАРЫЛАП АЙЫКТЫРУУ

Дарылап айыктыруу комплекстүү түрдө жүргүзүлөт. Операциядан тышкары ийне саюу, дары-дармек жана физиотерапия менен дарылап айыктыруу колдонулат.
Операциялардын кээси бала төрөлгөн­дө эле жасала турган болсо, кээси кийинки жылдарда деле жасала берет.

Бала төрөлөөрү менен жасалуучу операциялар

  • Ымыркай көтөн чучугу туюк же ички органдары сыртка чыгып төрөлсө, ал төрөлгөндөн кийинки 2 сааттан соң операция жасалат.
  • Ичегилери түйүлүп төрөлгөн­дөргө да операция жасалып, түй­үлгөн жерди кесип, ичегилер улантылып тигилет.
  • Көтөн чучугу туюк түрдө туулгандарга операция жасалып, арткы каналы ачылып коюлат.

Кийин жасала турган операциялар

  • Жатын кыны жок туулган кыздарга операция жасоодо хирургдар кыздын өзүнүн жоон ичегисинен кесип алып, ошондон жатын моюнчасын жасашат.
  • Тубаса кыйшык колдуулукта наристе кол сөөгүнүн кемчилиги менен төрөлөт. Мисалы, бир сөөктүн өспөй калгандыгынын негизинде колу кыйшык болуп калат. Эгер наристе ушундай абалда туулса, колу гипс таңуу менен акырындап оңдолуп барып, анан ортопедиялык аппарат менен оңдолууга өтөт. Мындай дарылоо натыйжасын бербесе, пластикалык операция жасалат.
  • Кол-бутунун манжалары жабышып туулгандарга операция жасалып, манжа аралары ач­ылып коюлат.
  • Тубаса кулагы жок тө­рөлгөн­дөр­гө 5ке тол­гон­дон тар­тып операция сунушталат. Операция 2-3 этапта жүргүзүлөт. Жыйынтыгында, баланын кабыргасы операциялык жол менен алынып, андан хирургдар кулак жасашат. Ошентип, бала өз кабыргасынан жасалган кулактуу болот.
  • Көкүрөк сөөктөрүнүн кирип же сыртка чыгып төрөлүшүндө баланын 4-6 жашында көкүрө­гүнө пластинка орнотулуп, ал сөөктөргө бекитилип коюлат. Сөөктөр калыбына келген кезде, тактап айтканда, 6 айдан соң пластинка алынып салынат.
  • Ашыкча манжалуу болуп төрөлгөндөрдүн ашыкча манжасы кесилип салынат.

Операциялар башка айтылбай калган оорулардын түрлөрүнө карап заманбап ыкмаларда жүр­гү­зүлөт.

БОЛОЧОК ЭНЕЛЕРДИН ЭСИНЕ!

Майып балдардын төрөлүшү­нө кош бойлуу аялдардын өз убагында аймактык дарыгерлерге катталбай, кезек-кезеги менен керектүү дарыгерлердин текшерүүсүнөн өтпөй жүргөндүгү да себеп болууда. Кээлери венерикалык ооруларды жугузуп алса да, толук дарыланып айыкпай, акырында майып баланы жарык дүй­нөгө алып келишүүдө.
Ошондуктан, жаш эне, туура тамактанып, өз убагында дарыгерге көрүнүп, жогорудагы майып балдардын төрөлүшүнө жеткирүүчү себептерден оолак болгонуңуз оң. Анткени, болочок балаңыздын алты саны аман төрөлүшү сизден көз каранды экендигин унутпаңыз.

Даярдаган Канымжан Усупбекова

Материалды даярдоого салым кошкондугу үчүн Республикалык балдар
клиникалык ооруканасынын балдардын тубаса ооруларынын №1-хирургиялык
бөлүмүнүн башчысы
Ибраимов Шарипканменен бөлүмдүн хирургу
Аманбаев Нурбекке ыраачылыгыбызды билдиребиз.



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: