Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЛҮМДҮН ҮЧ ТҮСҮ (Миллионердин акча үчүн болгон курмандыгы, өлүмү, сүйүүсү тууралуу сериал)

№825 24-30-август, 2018-ж


(Башталышы өткөн сандарда)

Сиз кайсы бир учурда коргоосуз, жападан жалгыз калдыңыз беле? Акыл берген адамыңыз жок же жөн гана ойлорун, түйшүгүн айтып алганга адамы жок калбасаңыз керек, ээ? Эгерде муну сезсеңиз Элинанын абалын түшүнө алсаңыз керек. Ал бул дүйнөдө жападан жалгыз болчу. Карманганы эки баласы. Кээде башына келген нерседен акылынан адашып кетемби деп ойлочу. Айласыздык, туңгуюк абалда да балдарына жылмайганынан жазбады. Анын жылмаюусу да өзгөчө болчу. Кайсы бир адамдар болот го, ички сулуулугу жүзүнө чыгып турган. Элина дал ошондой эле. Эки баласы апасынын тек жылмаюусун карманышар эле. Апасы жылмайып жатат, демек, баары жакшы! Көзүндө жаш турса да баары бир жылмайып жатат. Аман да бул жылмаюусунан улам “Менин Мона Лизам” дей турган.

Жатаканага көчүп келгендеги кызынын өңүн Элина эч унута албай жүрдү. Ак жүздүү бакырайган 4 жашар кыз жатаканага жатыркай карап бөлмөнүн ичине киргенде таптакыр эле оозу ачылып калды. Кең бөлмөлөрдө чуркап жүргөн кызга бул тар капастай эле болду.

– Апа, мындан кийин биз ушул жакта жашайбызбы?

– Ооба, кызым,- деди үнүн шаңдуу чыгарганга аракет кылган Элина.- Биз бул жерде жашайбыз. Сонун жашайбыз!

– Ашканабыз кана?

– Бул жерде?

– Биздин бөлмөчү?

– Баары бул жерде. Силерге сюрприз, эми үчөөбүз чогуу жатабыз! Кел, уулум, колуңду жууйлу...

Уулу менен алек болуп бүтүп, кызын караса ал дагы деле турган ордунда алайып турган экен. Жүрөгү зырп эте түштү. Өзүн эстеди. Апасын ойлоп кетти... Анын жүрөгү эзилди бекен? Чоң энесине 4 жаштагы кызын таштап кетип жатып анын кийинки тагдырын ойлоду бекен? Элина энесинин жүзүн таптакыр элестете алчу эмес. Азыр эмнегедир бүдөмүк бир элес келе түштү. Жашыл көйнөк! Ооба, апасынын жашыл көйнөгү боло турган. Анан жумшак, узун колдору эсинде калыптыр. Бирок жүзү эсинде жок. Кызын кучактай маңдайынан сүйдү.

– Баары жакшы болот, кызым, биз бул жерде көпкө турбайбыз. Мен иштеп акча табайын, анан кетебиз.

Чыныгы кызык түн ичинде башталды. Каршысындагы эшиктен түн ортосунда айгай салган аялдын, коркураган эркектердин үнү угула баштады. Чочуп кетип ыргып турган Элина эшиктин жанына барды. Эмне кылат? Алардын орой сөздөрүнөн кулагын баса калды. Байкаса, балдары да ойгонуп кетиптир.

– Чүш, баары жакшы болот. Мен жаныңардамын.

Эненин кучагындай кудуреттүү нерсе барбы? Азыр алаамат болуп кетүү коркунучу турса да апаң бир кучактап койсо баарын унутуп каларсың. Алия менен Адам да апасынын кучагында ушуну сезишти.

– Апа, сен дагы коркуп жатасыңбы?

– Жок, жаным, баары жакшы.

– Бул эмне үн, апа?

– Сен укпа аларды, байкелер ойноп жатышат.

– Жо-ок эжекелердин да үнү чыгып жатпайбы?

– Ооба, чоңдор да кээде ойнойт. Кел эми биз уктайлы.

Алия апасынын добушу да, денеси да титиреп жатканын туйду. Элина балдарын жаткырып коюп эртеңки күнү тууралуу ойлоду. Эртең менен туруп жалпы ашканада балдарына ботко бышырып жатып кечки окуянын каарманын көрдү. Эрдин кыпкызыл кылып боёнгон, кара көздүү, бою узун кара тору келин экен.

– Зуля, кечинде дагы кимди бакырттың, ия?- деп калды бири тамашага салып. Тиги жооп бербеди. Муздаткычтан минералдык суу алып стулга талтая отурду да, кекээр үн катты.

– Кана, лекцияңарды окугула мага. Силер эле периштесиңер.

Элина бардык эркин жыйып жанына барды.

– Менин кичине балдарым бар. Алар түндө коркуп...

– Эмне кылайын? Сенин балдарың менен менин ишим канча, ия? Сен мага жашоого акча берип койгонсуп милдет кылып...

Бакырып коё берген аялдын көзүнө тиктеп туруп чегине берди. Анын көздөрүнөн дал өзүнүкүндөй жанкечтиликти көрдү.

– Сиздин балдарыңыз жокпу?

– Хе, менин балдарымбы? Ме сага балдар!- ортону менен жаман ишарат көргөздү да, басып кетти.

Аркасынан тигилген Элина сөз айта албай калды.



ххх

Шаарды кыдырып отуруп тигүү цехинен араң жумуш тапты. Тажрыйбасы жоктугун айтса “алгач топчу тигип тур” дешти. Бул цехтин өзгөчөлүгү – такыр тажрыйбасы жокторго мүмкүнчүлүк берет экен. Топчу тиктирип, анан үтүккө отургузуп, кийин кийим тиккенге акырындап өткөрүп жүрүп отурат тура. Кандай болсо да иш тапканына сүйүндү. Бирок айдын аягында алган акчасы болгону 3000 сомду түздү. Уучундагы акчаны карап эрдин араң кыбыратты.

– Ушул элеби?

– Ай, сен кызык немесиң го. 5 күн "уулум ооруп калды" деп келбей жаттың. Анан түшкү тамагыңды кармадык. Иштегениң ушул, өзүң кыбырап отурасың да...- деп кабагын бүркөп сүйлөнүп кирди цехтин кожойкеси.

Эч нерсе дей албады. Акчаны тиктеди. Балдарынын бакчасынын жарымынын жарымына жетпейт. Демек, мамлекеттик бакчага которушу керек. Жаныбек адвокат балдары Амандын мураскери экени, балдар аныкы экени далилденсе алардын мурас талашканга укугу боло турганын айткан. Аргасыз анын телефонун терди. Болгон окуяны айтты.

– Мен сизге жардам берем. Бирок сотто балдар аныкы экенин далилдөө үчүн көп убакыт кетет.

– Фамилиясы аныкы да, бул жетиштүү эмеспи?

– Негизи жетиштүү. Бирок биз кимге согуш ачып жатканыбызды даана билишибиз керек. Нуриза Туманова анын мыйзамдуу аялы жана өлкө боюнча эң таасирдүү адамдын кызы. Туманов деген фамилияны укканда эле тизелери титирешет. Бирок баары бир мүмкүнчүлүк бар. 6 ай ичинде арыз жазууга тийиштүүсүз.

Дагы далай нерселерди айтты. Бири кулагына кирсе, экинчиси кирбей жатты. “Кызык, атасы Аман экенин далилдөө үчүн сотко кайрылышым керек. Бирөөгө айтса күлкүсү келет!” Ошентсе да арыз жазды. Канчалык мурасты талашкысы келбей турса да кылды. Анткени балдарынын укугу болчу.

Бул арада экинчи жумуш тапты. Түндө тигүү цехинде иштеп, күндүз официант болуп кафеге орношту. Эми анын жашоосу чындап эле чыгырыкты айланган тыйын чычкандай эле. Эртең менен балдарын алып бакчага жеткире коюп иштеген кафесине барат. Ал жерден саат 7де смен алмашат. Дакылдап балдарын бакчадан алып келе коюп аларга шам-шум эте тургандай бир нерсе жасайт да, уктата коюп топчу тиккенге жөнөйт. Таң атканда бутун сүйрөп 5те келет. Карамагында бир гана ишемби, жекшемби күндөрү бар, аны да үй-жайын жыйнап, балдарын киринтип, кир жууп, базарга бармай, бир аз уктап алмай менен өтөт. Чимирилген чимирик жашоо уланып жатты...

Баарынан оору түнкүсүн балдарын жалгыз таштап кетүүсү эле. Уктап жаткан жеринен демдерин тыңшап, электр мешти өчүрүп, карбаластап жатып араң кетет. Түнү менен жаман ойлор мээсин кысып “Бирөөлөр жалгыз таштап кетип жатканымды билип калса кирип бир нерсе кылып салабы? Өздөрү коркуп ыйлап калышабы? Коңшу Зуля коркутабы?” дей берип жаны төрт бөлүнөт. Ишти таштап да кете албайт.

– Сен эмнеге эле маңдайдагы саатты тиктей бересиң?- деди бир күнү жанындагы аял.

– Жөн эле...

– Аа, балдарыңдан санааң тынбай жатат го, ээ? Сага да оор.

Элинанын көзүнүн жашы мөлт тамды. Колундагы топчу, ийне да көрүнбөй калды.

– Кой ыйлаба, анткен менен балдарыңды ак эмгегиң менен багып жатпайсыңбы?..- деп койду тиги аны аяп шыпшына.

Ошол күнү бир нерсени сезгендей жүрөгү лакылдап эле токтобой калды. Жумуш бүтөрү менен чуркап чыкты да, алгачкы эле таксиге отуруп жөнөдү. Эки тепкичти бир аттап жетип келип туруп калды. Эшик ачык эле...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(15)
28.08.2018. 09:30 
Тайпасы:
Жаран
Комментарийлердин саны:
169
Катталган:
31-03-2009
Соӊку аракети:
18-09-2018 12:59
Жынысы:
Белгисиз
Калаасы:
Бактылуулар калаасы.
+1
Эшик неге ачык болуп калды? Бир жума кутуу....
28.08.2018. 10:00 
Тайпасы:
Жаран
Комментарийлердин саны:
71
Катталган:
07-05-2015
Соӊку аракети:
18-09-2018 11:28
Жынысы:
Белгисиз
Калаасы:
Бишкек
+2
Зуля апасы эмеспи
28.08.2018. 10:08 
Тайпасы:
Жаран
Комментарийлердин саны:
32
Катталган:
06-02-2017
Соӊку аракети:
18-09-2018 17:17
Жынысы:
Белгисиз
Калаасы:
убактылуу жашоодо!!!
0
Кызды сактай кор ....
28.08.2018. 10:30 
Тайпасы:
Жаран
Комментарийлердин саны:
304
Катталган:
19-05-2014
Соӊку аракети:
18-09-2018 16:05
Жынысы:
Белгисиз
0
уффф коркуп озумчоле окугум келбей калды акырын((( Байкуш эмне болдукен балдарына? Сотко бергенин угуп наркы тарап уурдап кетпеди бекен?
28.08.2018. 10:31 
Тайпасы:
Жаран
Комментарийлердин саны:
21
Катталган:
21-07-2014
Соӊку аракети:
18-09-2018 18:00
Жынысы:
Белгисиз
Калаасы:
Деңиз жээгинде.
0
Ой балдарды Тумановдор бирдеме кылбадыбы ыя..
28.08.2018. 10:31 
Тайпасы:
Жаран
Комментарийлердин саны:
65
Катталган:
17-10-2016
Соӊку аракети:
18-09-2018 11:09
Жынысы:
Белгисиз
+2
Выый суперчилер,,ушул жерин жазып койсонор эмне болмок эле
28.08.2018. 11:37 
Тайпасы:
Жаран
Комментарийлердин саны:
19
Катталган:
19-03-2017
Соӊку аракети:
18-09-2018 11:23
Жынысы:
Белгисиз
+4
Бир жума ойлоно берип жинди болобузго
28.08.2018. 13:28 
Тайпасы:
Конок
Комментарийлердин саны:
3
Катталган:
25-07-2018
Соӊку аракети:
03-09-2018 20:31
Жынысы:
Белгисиз
+5
Аман тирилип келип калса да
28.08.2018. 14:31 
Тайпасы:
Жаран
Комментарийлердин саны:
341
Катталган:
13-06-2016
Соӊку аракети:
18-09-2018 18:04
Жынысы:
Белгисиз
+2
Kuiooluu,эмнегедир магада ошондой ойлор келип жататда
28.08.2018. 13:45 
Тайпасы:
Жаран
Комментарийлердин саны:
46
Катталган:
04-09-2014
Соӊку аракети:
18-09-2018 17:26
Жынысы:
Белгисиз
+1
Эки үч катар сүйлөм кошуп жибергенде...
29.08.2018. 00:59 
Тайпасы:
Жаран
Комментарийлердин саны:
4
Катталган:
18-10-2017
Соӊку аракети:
18-09-2018 19:25
Жынысы:
Белгисиз
0
Кайын энеси эмесби?? Же подружкасы.
29.08.2018. 02:13 
Тайпасы:
Конок
Комментарийлердин саны:
14
Катталган:
18-07-2018
Соӊку аракети:
18-09-2018 12:33
Жынысы:
Белгисиз
0
Деги балдары аман болсо экен
29.08.2018. 02:14 
Тайпасы:
Конок
Комментарийлердин саны:
14
Катталган:
18-07-2018
Соӊку аракети:
18-09-2018 12:33
Жынысы:
Белгисиз
+1
Бул болгон окуянын негизинде жазылганбы же жөн гана чыгармабы, урматтуу супер
29.08.2018. 17:17 
Тайпасы:
Жаран
Комментарийлердин саны:
76
Катталган:
14-03-2009
Соӊку аракети:
18-09-2018 16:03
Жынысы:
Белгисиз
0
Болгон окуя((((
31.08.2018. 23:26 
Тайпасы:
Жаран
Комментарийлердин саны:
11
Катталган:
03-09-2013
Соӊку аракети:
31-08-2018 23:36
Жынысы:
Белгисиз
0
Агата Кристи,ошондо Туманов деген Ким ?.....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: