Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МАМАЛАК (Атанын кызына болгон чексиз сүйүүсү тууралуу сериал)

№826 31-август-6-сентябрь, 2018-жыл


(Башталышы өткөн сандарда)

– А сен кайда?- бир жакка кетчүдөй даярданып алган Азаматты көрүп Ырыскан чочуп кетти. Иниси аны карап жылмайып койду.

– Жок, сен кайда барасың? Күлөт да кайра. Чөнтөгүңдө 1 сом акчаң жок.

Азамат адатынча үн каткан жок. Жылмайган боюнча эле эжесин бооруна кысып койду.

– Кайда? Кызыңа барганы жатасың го, ээ? Деги сен анын каякта экенин билесиңби? Алар Орусияда. Сен кантип жетесиң ал жакка? Жеткен күндө да Айсулуу сага кызды бере коёбу? 3 жыл өттү, Азамат. Кызың сени унутуп деле калса керек.

Иниси дале жанагы жылмайган калыбында турат. Жок, муну токтотууга мүмкүн эмес. Бирок бул дудукту башкалар киши катарында көрүшпөйт да. Эх, Азамат, дагы башыңа азап үйгөнү жатасыңбы?

– Майрамбек,- Ырыскан Азамат андан качып кетчүдөй босогону кулачтап алып сырттан күйөөсүн чакырды.

– Эмне болуп кетти?- Майрамбек шашкалактап келе калды.

– Бул кеткени жатат?

– Каякка?

– Каякка экенин айтса кана? Сүйлөбөйт эмеспи. Кызын издегени эле кеткени жатат.

– Аа, байкуш, мейли, барса барсын.

– Эмне?! Каякка барат, бул дудук болсо.

– Дудук болсо эмне экен? Сен андан көрө баягы сатылган торпоктун акчасын алып келчи.

– Ии?

– Азаматка берели. Мунун акчасы жок да. Биздин жардам ошол болсун,- Азамат жездесин ыраазы боло карап койду. Ал аны түшүндү.

– Эмне деп жатасың, Майрамбек? Мен сени муну токтотот экен десе,- Ырыскан чырылдап жиберди.

– Эмнеге токтотмок элек?

– Апей, сен соосуңбу?

– Ырыскан, мен да жанымдан артык көргөн балам башка жерде менсиз чоңоюп жатканын билсем, дудук экениме, чолок экениме, сокур экениме карабай издемекмин. Сен да ошентмексиң. Болгону өзүңдү Азаматтын ордуна коюп көр,- Майрамбектин бул сөзү Азаматка ынанымдуу угулду. Ал эжесин карап баш ийкеп жиберди. “Жездемди ук, ал туура айтып жатат. Мени коё бер” деген ишарат болчу. Эжеси аргасыз макул болду. Анан жүктүн арасына катып койгон мындан 2 жума мурун сатылган торпоктун акчасын алып чыкты.

– 15 миң сом эле, кем-карчыңа жаратып тур,- Майрамбек жүз аарчыга оролгон акчаны Азаматка сунду. Кайниси рахмат дегендей колун кыса кармап акчаны алды.

– Өзүңдү жакшы кара, ээ? Кыйналсаң биздикине кел. Сага ар дайым эшигим ачык,- Ырыскан көзүнө жаш ала инисинин маңдайынан өөп койду.

ххх

Адамдын алдыга койгон максаты анын деми экен. Азаматты көрүп билген адам сөзсүз ушинтип ойлонмок. Себеби анын “кызыма жетем, кызымды табам” деген максаты ага кайрат, дем берип турчу. Бишкекке келгенден тарта ал жаны тынбай иштеп жүрөт. Кадимки эле жалданып иштеген адамдар турчу көчөгө барат. Ал жерде ар кандай жумуш чыгат, бирөө таш ташытат, бирөө үй буздурат, бири аң каздырат... Улам бирөө унаасы менен токтоп катар тизилип турган жалданып иштөөчүлөр менен жасалчу жумуш, жумуштун акысы тууралуу сүйлөшүшөт. Жалданып иштегендердин көбү жумуштун оңоюна, баасы кымбатына качырышат. Жалдай турган адам менен соодалашышат. Азамат ким токтосо да унаанын арткы орундугуна отурат да, “айда” деп ишарат кылат. Кандай оор жумуш болбосун ал тандабайт. Жасай берет. Жасаганда да ушунчалык майын чыгарып, көз тойгудай жасайт. Жалдап келген киши да ыраазы болот. Айрымдары акчасын ашыгы менен беришет. Жалданып иштегендердин көбү түшкө чейин ар ким менен соодалашып жүрүп күн өткөрсө, Азамат түшкө чейин бир ишти, түштөн кийин бир ишти жасап коюуга үлгүрчү. Кызына жетиш үчүн көбүрөөк акча керек эмеспи. Муну ал жакшы түшүнөт.

2 ай дээрлик жаны тынбай иштеген соң Азамат керектүү сумма чогулду деп чечти. Москвага автобус менен эле кетиш керек. Ал жакта 1 айдай жашап турууга акчасы жетет. Андан аркысын көрө жатар.



ххх

– Канча күндө жетебиз?

– 3-4 күн болот го.

Автобустун ичиндегилер сүйлөшүп жатышты. Азамат отурган отургучун чалкалатып, уктоого даярданды. Көрсө, тыңыраак деле уйку көрө элек экен. Кыйшаяры менен эле уйкуга кетти. 2 ай жаны тынбай жүрүп чарчаган экен. Бирок ал ошол тытынып иштеп жүргөн 2 айдан дагы, Москвага бараткан мына ушул 3 күндүк жол аны тажатып, чарчатып жиберерин билген эмес. Жол узак болду.



ххх

– Кана, муну кийип көрчү?- ак жакалуу көйнөктү Айназикке кийгизип жатып апасы сүйлөдү.

– Ой-ий, сонун жарашат тура. Эми сен мектепке барып баштайсың.

– Сонун экен, ээ?- кыз көздөрү жайнай сүйлөдү.

– Ананчы, мектепке кийген кийимдер сонун болот да. Силердин мектепте 1-класска бара турган башка дагы 3 кыргыз бар. Менимче, баарыңарды бир класска киргизишсе керек. Жакшы оку, ээ, кызым.

– Ии.

Айсулуу кызынын маңдайынан өөп койду. Ал азыр маңдайында турган кызына “сени мектепке киргизүү үчүн толтура акча карыз алууга мажбур болдум. Эми үмүттөрдү акта, жакшы билим ал. Бул сен суктанып кийип турган кийимдер үчүн канча жан үрөп иштөөгө туура келди” деп түшүндүрүп баштамакчы болду. Бирок кайра кызынын кубанычын көрүп, азыр анын айланасында болуп жаткан сыйкырдуулукка суу сепкиси келбеди. Эмне кылат баланын шаабайын суутуп, кыжалат кылып? Башкысы, жакшы окуса болду деди ичинен. Анан жагымсыз бир нерсени эстегендей, алдыңкы эрдин тиштеген бойдон катып калды. Тимур... Айназикти мектепке Тимур жетелеп барса кандай жакшы болмок. Айсулуу андай күндү көп кыялданган. Бирок кыялдар орундалбай калды. Тимур Айназикке ата болот деген үмүтүн таш капты. Ал экөө чоочун бойдон калышты. Ал эмес, Тимур уулу Байэлден да алыстап бараткан өңдүү. Кана, баягы жумасына бир келип балдарга жолугуп турам деген убадасы? Айына бир келсе келет, келбесе жок. Балдарды сагынган, алар деп куса болгон түрү жок. А Байэл болсо сагынып эки күндүн биринде “атам качан келет?” деп сурайт. Бул суроонун жообун Айсулуу билбейт. Бирок “эртең” деп кутулат баласынан. Оор үшкүрүп алды.



ххх

Азамат Москвага келип түшөрү менен эле дароо мындан бир топ жыл мурун иштеп кеткен курулуш шаймандарын сатчу базарды көздөй жөнөдү. Таксистке базардын аталышын кагазга жазып көрсөтүп берди.



ххх

Эч ким бул адамды келет деп күткөн эмес. Кыргыздар соода кылчу катардагы жалал-абаддык Эркиндин соода ордуна узун сары жигит аста басып келди. Эркин карыптыр, чачын ак баскан. Жанындагы уулу окшойт. Экөө кагаздарга үңүлүп бир нерсе эсептеп жатышат. Жанына басып келген кишини бир топто барып байкашты.

– Эмне керек, байке?- уулу өйдө боло калды. Келген жигит унчукпайт. Жылмайып эле Эркинди карайт. Анан кол сунду. Эркин анын саламын алик алып, “бул тааныш жүздү кайдан көрдүм эле?” дегендей тиктеп калды.

– Сен Азамат белең? Ооба, дал өзү,- өзүнчө сүйлөнүп алды. Азамат жылмайган калыбында баш ийкеди.

–Эй десе, кандай анан?- кубанып кучактай калды. Жигит болсо баш ийкеп, анан сүйлөй албайм деп жандап түшүндүрдү. Эркин Азамат тууралуу баарын уккан. Баарын билет. Тааныш адамдардын кабары Москвага деле жетип турат.

– Сен Айбекти издеп келдиң го, ээ? Ал азыр жүк ташуучу унаа айдап, кардарларга жеткирип берүүчү болуп алган. Азыр бир жакка жүк жеткирип кетти окшойт. А жок, мына келип калды. Эй, Айбек, Азамат келди,- Эркин жүк ташуучу унаадан түшүп жаткан Айбекке карап кыйкырды...

(Уландысы кийинки санда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(8)
04.09.2018. 09:21 
Тайпасы:
Жаран
Комментарийлердин саны:
7
Катталган:
15-02-2013
Соӊку аракети:
21-09-2018 01:37
Жынысы:
Белгисиз
Калаасы:
Бишкек Новосибирск
+4
Кобуроок чыгарсанарчы байболгурлар
04.09.2018. 10:30 
Тайпасы:
Жаран
Комментарийлердин саны:
6
Катталган:
19-04-2013
Соӊку аракети:
11-09-2018 10:12
Жынысы:
Белгисиз
Калаасы:
Ош
+3
Кызын коргондо суйлойт окшойт
06.09.2018. 18:18 
Тайпасы:
Жаран
Комментарийлердин саны:
7
Катталган:
17-04-2017
Соӊку аракети:
18-09-2018 17:41
Жынысы:
Белгисиз
0
adah,кызым дейтго биринчи сериясында
04.09.2018. 10:30 
Тайпасы:
Жаран
Комментарийлердин саны:
6
Катталган:
19-04-2013
Соӊку аракети:
11-09-2018 10:12
Жынысы:
Белгисиз
Калаасы:
Ош
+2
Аз калды кызын табаарына
04.09.2018. 11:28 
Тайпасы:
Жаран
Комментарийлердин саны:
77
Катталган:
22-01-2018
Соӊку аракети:
20-09-2018 23:35
Жынысы:
Белгисиз
+2
Эмики жумада кызына жолугат окшойт, баарына чыдап баарын женди азамат экен
04.09.2018. 17:39 
Тайпасы:
Конок
Комментарийлердин саны:
3
Катталган:
27-08-2018
Соӊку аракети:
20-09-2018 10:31
Жынысы:
Белгисиз
0
Дагы бир жумаа
04.09.2018. 19:51 
Тайпасы:
Жаран
Комментарийлердин саны:
130
Катталган:
10-03-2016
Соӊку аракети:
18-09-2018 18:35
Жынысы:
Белгисиз
Калаасы:
Кыргызстан
0
Эх
04.09.2018. 22:36 
Тайпасы:
Жаран
Комментарийлердин саны:
2
Катталган:
16-02-2018
Соӊку аракети:
20-09-2018 22:51
Жынысы:
Белгисиз
Калаасы:
Бишкек
0
Чын эле суйлобой калган турбайбы ээ? Мен ойлогом осознанно эле психологический удар болуп эле суйлобой атат го деп. Жан дуйносуно эч кимди киргизгиси келбей. Дудуктуктун жардамы менен озун ашыкча эмоциядан сактап атат деп.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: