Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сахалинде чатыр кулап, 2 кыргыз жараны каза тапты. Каза болгон жигиттин атасы: “СӨӨГҮН КӨРГӨНГӨ ЧЕЙИН УУЛУМДУН ӨЛГӨНҮНӨ ИШЕНГЕН ЖОКМУН”

№826 31-август-6-сентябрь, 2018-жыл


19-август күнү Орусиянын Сахалин облусунун Поронайск районунда эски заводдун чатыры кулап, ал имаратты бузуп иштеп жаткан 2 кыргыз жараны менен бир тажик жараны каза тапты. Дагы 5 кыргыз жараны ар кандай жаракаттар менен ооруканага түшкөн. Чет жерде кырсыкка кабылган мекендештерибиздин абалын билип көрдүк.

“УУЛУМ “ЖАКЫНДА КЕЛИП ҮЙДҮ БҮТҮРӨМ” ДЕГЕН. КӨРСӨ, КӨРҮСТӨНДӨГҮ ҮЙҮН АЙТКАН ТУРА”

Өзгөн районунун Кутурган айылынын тургуну Төрөбек Жусуповдун 3 уулу Сахалинде курулушта чогуу иштеп жүрүшкөн. Бир уулун жерге берсе, экинчиси оор жаракат алып ооруканада дарыланууда. Бактыга жараша, үчүнчү уулу аман-эсен. Өз колу менен уулун жерге берип, жүрөгү сыздап турган ата төмөнкүлөрдү айтып берди:

– Менин 4 уул, 2 кызым бар. 5 жыл мурда жубайым ооруп каза болгон. Ошондон кийин улуу уулум Расул 18 жашында Орусияга иштеп келгени кеткен. Анткени менин тапканым азык-түлүккө жетсе, кийимдерине жетпей кыйнайт. Уулумдун тапканы да 6 кишини багууга жетпей жатып, 5 ай мурда 2 инисин: Рустамбек менен Нуржигитти чакырып алган эле.

Айылда куруп жаткан 3 бөлмөлүү үйүбүздүн 2 бөлмөсүн шыбап алып эле жашап жатабыз. Кырсык болгондон 2 күн мурун Расул менен сүйлөшсөм “ата, Кудай буюрса, 10-сентябрда айлык алсак, үйгө барабыз. Кабатыр болбоңуз, үйдү бүтүрөбүз” деген. Көрсө, өзүнүн көрүстөндөгү үйүн айткан экен да. Өлгөндөн кийин бат эле көрүстөндөгү үйүн бүтүрүп, көмүп коёт турбайбызбы.

Кырсык болгон күнү мен жайлоодо болчумун. Агам келип, көпкө чейин суук кабарды айта албай жанымда турду. Бир маалда “ачык эле айтайын, Сахалинде бир балаң каза болуптур” деп ыйлап калды. Ишенген жокмун. Айылга келсем башкалар да уулумдун каза болгонун айтып жатышты. Бирок мен баламдын сөөгү келгенче бул кабарга ишене албай турдум. 24-август күнү уулум Расулдун сөөгү алынып келип, өз колум менен баламды жерге бердим. Ата-эне үчүн мындан өткөн азап болбосо керек.

“БАЛАМДЫН АРТЫНДА 4 ЖАШТАГЫ ЖАЛГЫЗ КЫЗЫ КАЛДЫ”

– Расулдун артында 4 жаштагы жалгыз кызы калды. Ал Орусияда иштеп жүрүп үйлөнүп, балалуу болгон эле. Келиним менен Нуржигит аттуу уулум кайтып келишти. Колу сынып, башынан жаракат алган экен, Рустамбек Сахалинде ооруканада жатат.

Нуржигитти Кудай сактаптыр. Ал чет жакта турган экен, бетон түшкөндө анын күүсү четке учуруп, темир-тезектин арасында калыптыр. Эсине келгенден кийин бир туугандарын издеп, бирин таап, экинчисин таппай калган экен. Расулдун сөөгүн урандынын астынан бир күндөн кийин таап чыгышыптыр.

Мен элдин малын багып акча табам. Өзүбүздүн бир саан уюбуздан башка малыбыз жок. Анын сүтү балдарыма тамак болсун деп кармап отурам. Балдарымдын мектепке барганына кийим алып бере элекмин. Абалыбыз, жашоо шартыбыз бир аз оор. Элден жардам болуп калса деле жакшы болмок.

“4 БАЛАМДЫ БАГАЙЫН ДЕП ТАЛААЛАП ЖҮРӨМ”

Жаракат алган 5 адам азыр Сахалинде ооруканада дарыланып жатышат. Алардын бири 29 жаштагы өзгөндүк Умар Гришев омурткасы сынып, баш мээси чайкалган. Үй-бүлөсүнүн жалгыз багуучусу Умар эми жарым жыл төшөктө жатууга мажбур:

– Мен 4 жылдан бери Орусияда иштейм. Сахалинге келип иштеп жатканыма 1 айдан ашты. Айылда жубайым менен 4 балам калган. Бала-чакамды элден кем кылбай, курсагын тойгузуп, кийимин бүтөйүн деп талаалап жүрөм. Эми минтип жарым жылдай төшөктө жатышым керек. Бул учурда үй-бүлөмдүн абалы кантет деген ой мээмди жеп жатат.

Биз иштеп жаткан имарат 3 кабаттуу болчу. Кырсык болгон күнү 2 адам 1-кабатта, 8 адам 3-кабатта иштеп жатканбыз. Кырсыктан Азамат жана Нуржигит деген жигиттердин жардамы менен тирүү калдык. Бизди алгач алар таап куткарышты. Куткаруучулар менен “Тез жардам” кеч келди. Мен ал күндү эстегим келбейт.

Бизге элчиликтин өкүлдөрү келип абалыбыз менен таанышып кетишти. Ал эми Сахалиндеги кыргыз диаспорасынын өкүлдөрү бул жакта иштеген мекендештерден акча чогултуп каза тапкандардын сөөгүн мекенге жөнөтүштү. Сөөктү жөнөтүүгө жардам кылып жумуш берүүчүлөр да 200 миң рубль беришти. Иш берүүчүлөр ооруканада жаткандардын да чыгымдарын көтөрүп жатышат. Полиция кызматкерлери келип бизден көрсөтмө алып жатышат.

“ҮН ЧЫККАН ЖЕРЛЕРДИ ИЗДЕП, УРАНДЫ АСТЫНДАГЫЛАРДЫ КУТКАРЫП ЖАТТЫК”

Чүй облусунун тургуну Азамат Нурканов да ошол чатыры ураган имаратта иштеп жаткан. Бактыга жараша, ал жабыр тарткан эмес. Ал күнүгө тамак жасап келип, чогуу иштеген жигиттердин абалын сурап, аларга колдоо көрсөтүп турат:

– Эл катары эле жан багуунун айласын кылып Орусияга келип, бул жигиттер менен тагдырлаш болуп калдым. Эски целлюлоза-кагаз заводунун имаратын бузуп жатканбыз. Мен үстүңкү кабатта иштеп жаткам. Урагандан кийин чаңдан улам эч нерсе көрүнбөйт. Кыйкырып издеп, үн чыккан жерлерге барып урандылардын астынан таап, Нуржигит экөөбүз колубузга тийген нерселер менен казып балдарды чыгарып жаттык. Ошентип 2 адамды урандынын астынан чыгардык. Көрбөй калгандарыбызды куткаруучулар келип оор техниканын жардамы менен куткарышты. Азыр келип жигиттерден кабар алып жатам. 3 жигит оор абалда. Калганы жакшы болуп келе жатышат.

Аталган факт боюнча Орусия Федерациясынын Кылмыш-жаза кодексинин 143-беренеси (адам өлүмүнө алып келген эмгекти коргоо талаптарын бузуу) менен кылмыш иши козголуп, тергөө жүрүп жатат.

"2 кыргыз, 1 тажик жаранынын сөөгүн куткаруучулар урандылардын алдынан алып чыгышкан".
"Маркум Расул Төрөбек уулунун артында жубайы жана кызы калды".

Перизат Музуратбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
04.09.2018. 09:10 
Тайпасы:
Жаран
Комментарийлердин саны:
31
Катталган:
13-11-2017
Соӊку аракети:
19-09-2018 15:03
Жынысы:
Белгисиз
+8
Эххх ... окунучтуу
04.09.2018. 10:23 
Тайпасы:
Жаран
Комментарийлердин саны:
553
Катталган:
29-05-2016
Соӊку аракети:
19-09-2018 15:26
Жынысы:
Белгисиз
+12
Эх жашоо сабыр берсин сизге Ата ооруган мекендештер баатыраак сакайып кеткиле Кудай колдоп аамин
Канчалаган мекендештер жаш бойдон кетип жатат эх өкүнүчтүү
04.09.2018. 16:00 
Тайпасы:
Жаран
Комментарийлердин саны:
99
Катталган:
11-08-2017
Соӊку аракети:
19-09-2018 11:54
Жынысы:
Белгисиз
+6
Кандай гана окунучтуу, аттиң
04.09.2018. 20:41 
Тайпасы:
Жаран
Комментарийлердин саны:
89
Катталган:
27-08-2016
Соӊку аракети:
18-09-2018 18:18
Жынысы:
Белгисиз
+4
Кудай сактасын! Кырсык айттырбай келет. Талаалап жүрүп кыргыз кырылып бүтмөй болдук
05.09.2018. 06:34 
Тайпасы:
Жаран
Комментарийлердин саны:
4
Катталган:
30-07-2014
Соӊку аракети:
19-09-2018 14:39
Жынысы:
Белгисиз
Калаасы:
ОШ
+3
Бурулай, синдим сабырдуу бол. АЛЛАХЫМ куйонун куноолорун кечирип, жайын жаннаттан кылсын.
Супер, ойдодо туура эмес жазылыптыр, кызы 4 жашта эмес, 4айлык болсо керек. Жакында эле тороду эле.
05.09.2018. 14:13 
Тайпасы:
Жаран
Комментарийлердин саны:
55
Катталган:
15-03-2017
Соӊку аракети:
19-09-2018 09:54
Жынысы:
Белгисиз
0
Кудай курулай дооматтан,бей ажал олумдон сактасын. Айтылбай келген кырсыктан сактасын Кудай
05.09.2018. 14:16 
Тайпасы:
Жаран
Комментарийлердин саны:
34
Катталган:
23-05-2017
Соӊку аракети:
18-09-2018 14:46
Жынысы:
Белгисиз
+2
Аябай окунучтуу, мамлекетибиз каяка эле кетип баратат. Озубуздун жарандарга жумуш орундарын тузгондун ордуна, мамлекетти жеп. Жумушсуздуктун айынан канчалаган тагдырлар башка жакта иштеп журушот, томонкудой тагдырларга туш болуп жатышат.
Туугандарына терен кайгыруу менен конул айтам
08.09.2018. 23:49 
Тайпасы:
Жаран
Комментарийлердин саны:
54
Катталган:
17-05-2017
Соӊку аракети:
19-09-2018 16:00
Жынысы:
Белгисиз
+1
ech kandai koopsuzduktu oiloshpoit jumush beruuchulor
09.09.2018. 12:55 
Тайпасы:
Жаран
Комментарийлердин саны:
5
Катталган:
22-03-2018
Соӊку аракети:
17-09-2018 21:17
Жынысы:
Белгисиз
+1
Оз баласын жерге беруу Мындан откон азап жоктур бул дуйно Мандайына жазган экен Байкуштун жаткан жери жайлуу болсун!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: