Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ТҮРКИЯ СТИПЕНДИЯЛАРЫ» ПРОГРАММАСЫ ӨЛКӨЛӨР ОРТОСУНДАГЫ БАЙЛАНЫШТЫ ЧЫҢДАЙТ

№826 31-август-6-сентябрь, 2018-жыл



Кыргыз Республикасынын эгемендигин биринчи болуп тааныган Түркия кайрадан боордошунун жанында! Кыргыз эли Түркия президенти Режеп Тайип Эрдогандын 1-сентябрь күнү Кыргызстанга келишин кубануу менен күтүп жатат. Бул куттуу сапар Кыргыз-Түрк бир туугандыгында жаңы барактын ачылышы болот деген үмүттөр бар. Түркия президенти менен Кыргызстан өлкө башчысы эки тараптуу кызматташтыкты кеңейтүү алкагында сүйлөшүүлөрдү жүргүзмөкчү. Түркияда бийликти басып алуу кыянатчылыгын уюштурган деп айыпталган ФЕТӨ (Фетхуллах Гүленчи террордук уюм) менен күрөшүү маселеси да көтөрүлөт.

ТҮРКИЯДА БИЛИМ АЛГАН ЧЕТ ӨЛКӨЛҮКТӨРДҮН САНЫ ӨСҮҮДӨ

Түркия өнүккөн өлкө катары бардык тармактарда тездик менен секириктерди жасап жаткандыгы талашсыз. Кыргызстанда да жүздөгөн долбоорлорду ишке ашырып, кайтарымсыз жардамдарын көрсөтүп келет. Айрыкча Түркиянын билим берүү тармагындагы Кыргызстанга көрсөткөн колдоолору өзгөчө мааниге ээ. Алардын бири Түркия стипендиялары (Turkiye Burslari) программасы. Бул программанын алкагында бүгүнкү күнгө чейин 4375 кыргызстандык студент стипендия менен билим алган. Учурда Түркия стипендиялары тарабынан каржыланып жогорку билим алып жаткан 248 кыргыз студенти бар. Түркия стипендиялары программасынан тышкары түрдүү программалар менен жана өз алдынча 1678 кыргыз студенти Түркияда билим алып жатышат.

1992-жылы башталган жогорку билим берүү долбоорунан тартып 2012-жылы курулган Түркия стипендиялары программасына чейинки 20 жыл аралыгында Түркияда билим алган чет өлкөлүк студенттердин саны 48 миңге жеткен. Ал эми бүгүнкү күндө болсо Түркияда билим алган чет элдик студенттердин саны 170 пайызга өсүп, 130 миңге жетти.

“БУЛ ЖАКТА БААРЫ АКЫСЫЗ. ОКУУ ГАНА КЕРЕК”

Гиза Маматкулова:

– Түркиядагы эң алдыңкы университеттердин биринде стипендия алып окуп жатам. Буюрса, коммуникация илимдеринин доктору болом. Түркия чет өлкөлүк студенттер үчүн кеңири мүмкүнчүлүктөрдүн өлкөсү десек болот. Студенттердин окугандан башка иши жок. Баары даяр. Жатакана, тамак аш, жол кире акысыз. Бир гана окуу менен алекпиз. Жатаканада түрдүү акысыз курстар, ийримдер, спорттук иш-чаралар бар. Башка шаарларга, кооз табиятка, тарыхый жерлерге саякаттарды уюштуруп турушат.

Бирок менин окуу программам аябай жыш болгон үчүн кошумча курстарга катышууга жетишпейм. Окуу аябай татаал жана көп изденүүнү талап кылат. 300-450 беттик китепти 1 суткада окуп бүтүшүбүз керек болгон учурлар болот. Илимий макалаларды жазып, конференция, форумдарга катышып жүрүп жакшы эле тажрыйба топтодук. Анткени Түркияда конференцияларга катышуу, доклад окуу үчүн атаандаштык күчтүү болгондуктан мыкты даярдык талап кылынат.

Мисалы, Бириккен улуттар уюмунун моделиндеги конференция өткөрдүк. Түркияда дүйнөнүн 100дөн ашуун өлкөсүнөн келген студенттер окугандыктан алардын өкүлдөрү өз өлкөлөрүнүн атынан чыгып глобалдык маселелерди талкууладык. Илимий иш-чараларга катышып жүрүп көптөгөн жаңы жерлерди көрдүк. Баарынан маанилүүсү, дүйнөнүн ар кайсы бурчунан келип Түркияда окуган мыкты жаштардан досторду таптым. Түркия стипендияларын алып окуган жаштарды жаркын келечек күтүп турат деп ишенем.

Айжамал Бейшенаалы кызы:

– Мен бул жакка Түркия стипендиялары деген программа менен келдим. Программа болгондо да эң кымбат аба каттамы болгон "Turkish Airlines'тан" билет алып берди. Тагыраак айтканда, программа Түркияга биринчи келүү жана бүткөндөн кийинки кайтуу билетиңди төлөп берет. Келген соң студенттерди мамлекеттик же жеке жатаканаларга жайгаштырып, окууну бүткөнгө чейин баары программа тарабынан каржыланат. Ал эми жатаканада тамак бекер, үй жыйнайм, идиш-аяк жууйм дебейсиң. Жөн гана окушуң керек.

Анан да программа студенттерди медициналык жактан камсыздандырып, анын негизинде биз бардык мамлекеттик ооруканаларда акысыз дарыланып, жадакалса эң кымбат аппараттардан да акысыз текшериле алабыз. Андан сырткары программанын алкагында ар түрдүү акысыз курстар уюштурулуп турат. “Жөн эле билим алып кетпей, коомдук иштерге да катышып тажрыйба топтоп кеткиле" деп кайталашат.

Алган стипендиябыз болсо Кудайга шүгүр, кенен жетет, Ушундай сонун шарттардан кийин стипендиясын үнөмдөп, айрым студенттер акчаларын үйлөрүнө жөнөтүшөт экен. Кыскасы, мындай программа дүйнөдө чанда кезигет. Түркия бул иши менен жакында биринчи орунга чыгат деп ойлойм!

Максат Акматов:

– Түркия дүйнөнүн өнүгүп келаткан мамлекеттерине ар кандай тармакта жардамдарын берип келет. Ал жардамдардын бири – дүйнөнүн келечеги болгон жаштарга сапаттуу билим берүү. Түркия өкмөтү уюштурган Түркия стипендиялары программасы тандап, кабыл алган студенттердин арасында мен да болгонума аябай кубанычтамын.

Бул программанын дүйнөнүн башка өлкөлөрүндөгү стипендиялык программалардан айырмасы чоң. Мисалы, башка өлкөлөрдө бир гана акчасын бериши мүмкүн. Ал эми жатакана табуу, медициналык камсыздандыруу, виза алуу сыяктуу калган жумуштарына өзүңүз чуркайсыз. Түркия стипендиялары программасы болсо башка өлкөдөн кабыл алган студенттин өз өлкөсүнөн чыккандан баштап, кайра кеткенге чейин жоопкерчилигин моюнуна алат. Кабыл алынган студенттерди бул жакта атайын дайындалган кишилер аба майдандан тосуп алышып, жатаканага жайгаштырышат. Жатаканалардын сапаты да абдан жогорку деңгээлде, бүт шарттары менен заманбап мүмкүнчүлүктөрү менен салынган. Тамактары акысыз, эң акыркы телевизорлор жана башка техникалары менен эс алуу бөлмөсү, атайын сабак окуу бөлмөсү, жадакалса кээ бир жатаканаларда машыгуу залы менен кошо болот. Айрыкча Түркияда Кыргызстанды таанытуу үчүн иш-чараларды уюштурууда да Түркия стипендиялары программасы бардык жактан колдоо көрсөтүп келет.

Жайнагүл Атамбекова:

– Учурда Түркия стипендиялары программасы түзгөн мүмкүнчүлүктөн пайдаланып Түркияда окуп жатам. Окуп жатып, алмашуу программасынын негизинде Европанын университеттеринен да билим алууга жетиштим. Түркия стипендиялар программасы мага көп ийгиликтердин эшигин ачты.

Байтүгөл Исламбеков:

– Мен учурда Түркия стипендиялары менен Түркиянын Газиантеп шаарында эл аралык соода жана логистика багытында билим алып жаткан учурум. Ал жакта билим берүү системасы таптакыр башкача, сенин канчалык билим даражаң болсо ошого жараша баа аласың. Түркиядагы окуу системасында коррупция деген түшүнүк жок. Мугалимдерибиз "сен чет өлкөлүксүң" деп бөлбөй, баарына калыс билим берип, баа коюшат. Жогоруда айтып өткөн система дүйнө боюнча Африка, Орто Азия, Алыскы Чыгыш өлкөлөрү жана араб өлкөлөрүнөн окуйм деген, бирок экономикалык мүмкүнчүлүктөрү чектелүү үй-бүлөлөрдүн балдарын окутат. Түркия стипендияларынын максаты, менин оюмча, ошол студенттерге билим берип, өз өлкөлөрүнүн өнүгүшүнө салым кошкон жарандардан болуулары.

Алишер Имамов:

– 2012-2016-жылдар арасында Түркиянын Стамбул шаарында жайгашкан эң эски окуу жай, Стамбул университетинде "Коомчулук менен байланыш жана реклама" багытында чет өлкөлүк түрктөр жана тектеш улуттар башкармалыгынын (YTB) стипендианты катары окудум. Окууну бүтүргөндөн кийин Кыргызстандын өнүгүүсүнө өз салымымды кошуу үчүн өлкөмө кайттым. Азыркы күндө жеке фирмамды куруп иштеп жатам. Түркияда мамлекеттик жана мамлекеттик эмес уюмдардын көптөгөн иш-чаралары болуп турат. Мисалы, бизге стипендия берген уюм болгон YTBнын семинарлары, конференциялары, экскурсиялары жана башкалар. Аларга мен активдүү катышчумун. Алардын мени башкаларга сунуштаганынын жыйынтыгында бул жакта жасап жаткан иштерим да бир топ жеңилдеди. Айрыкча көптөгөн эшиктер да ачылып жатат. "Медиа жана Маданият" аттуу коомдук бирикме түзүп, Түркияда алган тажрыйбаларымды Кыргызстанда колдонуу үчүн аракет кылып жатам. Алардын бири Стамбулдагы Медиа академиясы сыяктуу окуу жайын Бишкекте ачуу болду. Бүгүнкү күндө аты аталган коомдук бирикмебиз тарабынан Түркиянын мамлекеттик агенттиги болгон ТИКА уюмунун колдоосу менен медиа жаатында акысыз билим берүү курстарыбыз уюштурулуп жатат.

Түркия Республикасы президентинин Кыргызстанга болгон расмий иш сапарында өлкө лидерлери жолугушуп, эки өлкө, эки эл үчүн дагы көбүрөөк пайдалуу иштерди башташат жана бул иштер кыргыз жана түрк элдеринин мамилелеринин бекемделишине себеп болот деп үмүт кыламын.

Учурдан пайдаланып, бизди 4 жыл бою өлкөлөрүндө стипендия төлөп окутуп, бизди конок кылган түрк элине, өзгөчө чет өлкөлүк түрктөр жана тектеш элдер башкармалыгына ыраазычылык билдирип кетким келет.

ТҮРКИЯ СТИПЕНДИЯЛАРЫ ТУУРАЛУУ

Түркия стипендиялары – Түркиянын бүткүл дүйнөдөгү студенттерге сунуштаган программасы. Ага кабыл алынган студенттер Түркиянын эң алдыңкы жогорку окуу жайларында, каалаган тармагында бекер жогорку билимге ээ болуу мүмкүнчүлүгүн алат. Түркия стипендиялары программасынын тандоо сынагы жогорку деңгээлде өткөрүлөт жана жыл сайын 150 өлкөдөн 120 миңден ашуун абитуриенттер тапшырат. Абитуриенттер окуудагы жетишкендиктери, жаш курагы жана диплом же аттестаттагы баалары сыяктуу критерийлерге карата тандалат. Тандоо учурунда коомдук иш-чараларда катышуу активдүүлүгү да эске алынат. Түркия стипендияларынын тандоо сынагына катышуу интернет аркылуу жүргүзүлөт. Атайын адистер жана окумуштуулар тарабынан жүргүзүлгөн тандоо турунан кийин критерийлерге жооп берген абитуриенттер менен маектешүү сынагы жүргүзүлөт. Учурда 150гө жакын өлкөдөн 20 миң студент Түркия cтипендиялары тартуулаган кенен мүмкүнчүлүктөр менен Түрк жогорку билим берүү мекемелеринде билимдерин алып жатышат. Кабыл алуу жарыялары Түркия cтипендияларынын сайтында жүргүзүлөт.

www.turkiyeburslari.gov.tr

Ибрагим Жусуев



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(1)
05.09.2018. 05:51 
Тайпасы:
Жаран
Комментарийлердин саны:
3
Катталган:
03-09-2016
Соӊку аракети:
12-11-2018 03:47
Жынысы:
Белгисиз
0
Эн мыкты экен. Ийгилик окуган жаштарга. Окуп келип мекенибизди онуктургуло. Силер КР келечегисинер.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: