Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЗРАИЛЬ

№399 25-июнь - 1-июль, 2010-ж.


Саякат

Жер жүзүндө туристтерди өзүнө тарткан канча деген ажайып кооз аймактар, өлкөлөр бар. Алардын катарын өзүнүн байыркы тарыхы жана архитектуралык эстеликтери менен даңкталган өлкө да толуктайт. Ал, албетте, пайгамбарлар жашап өткөн өлкө – Израиль.

СУУСУ ДА, АБАСЫ ДА ДАРЫ
Израилде, негизинен, үч курорттук район бар. Алар Жер Ортолук деңизинин, Кызыл деңиздин жана Өлүк деңизинин жээгинен орун алган. Өлүк деңиз аталса эле тирүү макулук жок экен деп ойлоонун өзү натуура. Тескерисинче, ал кыймылга жана адамдарга толгон жер. Суусу минералдык заттарга бай болгондуктан, дарылык касиети күчтүү. Демек, эс алууга келгендер көңүл ачуу менен катар дарыланып да кете алышат. Өзгөчө өпкө, тери жана бронхит оорусу барлар Өлүк деңизиндеги эс алуудан соң оорусун узакка унутушат.
Суунун үстү тынымсыз бууланып тургандыктан, аба минералдык заттардын бөлүкчөлөрү менен каныккан. Бул – аба аркылуу да дарылануу дегендик. Мындан тышкары деңиздин тузу ашказан, эркектер менен аялдардын жыныстык органдарынын ооруларына оң таасирин тийгизип, нерв системасынын жакшыруусуна салым кошот. Жылдын 330 күнү ысык болгондуктан, каалаган учурда барып эс алып, дарыланып келүүгө болот.

КИРЕШЕ БУЛАГЫ – ТУРИЗМ
Израилге зыяратка баргандардын саны көп болгондуктан, киреше көп түшөт. Мисалы, Хермон тоосундагы лыжа базасы, Галилей токою, Иудей жана Арава туристтик базалары эс алуучуларды өзүнө чакырып турат. Өлкөнүн Туризм министрлигинин айтуусуна караганда, 2012-жылы 5 миллион туристти кабыл алуу пландалууда.

КООЗ ИМАРАТТАР КӨП
Иерусалим – Израилдин жүрөгү. Ал – иудей, мусулман жана христиан диндеринин чордону. Шаардагы Рокфеллердин музейи, Давиддин (Дөөтү пайгамбардын) сепили жана ушул сыяктуу кооз жайлардан баш айланат. Еврейлердин кварталынан кайталангыс архитектуралык курулуштарды жана сыйынуучу жайларды (синагога) көрүүгө болот. Туристтер мусулмандар ыйык туткан Храм тоосуна чыкпай коюшпайт. Ал эми Мекке жана Мединадан кийинки сыйынуучу Аль Акса мечити дал ушул Израилдин борборунан орун алган.

АЙЫЛ ЧАРБАСЫ АЛДЫҢКЫ ОРУНДА
Айыл чарбасы менен калктын 3,5 пайызы алектенип, жан багат. Көбүнчө цитрус өсүмдүктөрү, жер-жемиштер, пахта өстүрүлөт. Уй багып, фермерлик кылгандар да көп. Орто эсеп менен бир уй жылына 11 миң 290 литр сүт берет. Бул – Америкадагы уйларга салыштырмалуу 2239 литрге сүттү көп алуу дегендик. Өлкөдө суу тартыш болгондуктан, 440 миң гектарга эгилген дан эгинди жасалма жол менен сугарууга туура келет. Андыктан түшүм жогору боло бербейт.

САЛАМАТТЫКТЫ САКТОО ЖААТЫНДАГЫ ӨЗГӨЧӨЛҮГҮ
Ооруканалар медициналык камсыздандыруу баракчасы жокторду кабыл албайт. Аборт жасатууга ачык уруксат жок. Андыктан аборт жасатуучу айым атайын 3 комиссиянын: социалдык кызматкердин, психиатрдын жана врач-гинекологдун кароосунан өтүшү керек. Ал үчүн ар бирине 100 доллардан төлөйт.
“Тез жардамдын” эки түрү бар. Жеңил жаракат алган, ооруканага жеткизип баратканда дары-дармекти талап кылбаган оорулуу үчүн “Тез жардам” чакырылса, анда алар ак түстөгү машина менен келишет. Айдоочусу фельдшер (ховеш) болот. Ал эми кызгылт сары түстөгү машина менен жүргөн “Тез жардам” реанимация бригадасы (натан) деп аталат. Бул машина абалы оорлорго кызмат кылып, аларды ооруканага ташыйт.
Калктын 0,1 пайызы СПИД илдетине чалдыккан. Бул көрсөткүч 168 өлкөнүн ичинен 153-орунду ээлөө дегенди билдирет.

КАЛКЫ
Чет элдик ишмерлерди жана жашыруун иштөөчү иммигранттарды эсептебегенде, туруктуу калктын саны 7 миллион 587 миңге жетет (2010-жылдын апрель айындагы көрсөткүч). Мунун 5 миллион 726 миңин (75,5 пайызы) еврейлер, 1 миллион 548 миңин (20,4 пайызы) арабдар жана калган бөлүгүн башка улуттун өкүлдөрү түзөт.

АШКАНАСЫ ТҮРКҮН ДААМГА БАЙ
Ашкананын негизги бөлүгүн Европанын классикалык тамак-ашы түзөт. Жадакалса америкалыктардын фаст-фудун да кезиктирүүгө болот. Ал эми динчил еврейлер бир гана “кошер” (таза, жегенге мүмкүн, адал”) деген тамактарды жешет. Мындай тамактар атайын кафе-ресторандарда даярдалат.
Ошентип, канаттуу жана бодо мал этинен, балыктан, жашылчалар кошулуп даярдалган азыктарды, түркүн таттууларды дасторкон бетинен табууга болот.

МАЙРАМДАР ЖЫЛЫШЫП ТУРАТ
Израилде еврейлердин диний жана улуттук майрамдары мамлекеттик деңгээлде белгиленет. Негизинен, еврейлер майрамы ай календары менен белгиленгендиктен, мусулмандардын Айт майрамдары сыяктуу майрамдардын датасы жыл сайын жылышып турат. Жаңы жылды еврейлер сентябрь-октябрь айларында майрамдашат (майрам датасы жылып тургандыктан).
Ошондой эле мусулмандар да, христиан-дар да өздөрүнүн диний майрамдарын белгилеп турушат. Мисалы, мусулмандар ислам майрамдарынан Орозо айтты өзгөчө белгилеп келишет.

Аянты 27 800 чарчы чакырым.
Башкаруу формасы – парламенттик республика, өлкө башчысы — президент.
Эгемендүүлүккө ээ болгон – 1948-жылдын 14-майында.
Борбор шаары – Иерусалим.
Расмий тили – иврит, араб.
Дини – иудей.
Акчасы – шекель.
1 шекель 12 сомго барабар.
Калкынын саны
7 миллион 587 миң (2010-жылдын апрель айындагы көрсөткүч).

Бактыгүл Сокушова
koom@super.kg


Дүйнөдө эмне кеп?

АКШ

АЭРОПОРТТОН 66 АДАМДЫН БАШЫ ТАБЫЛДЫ
Арканзас штатынын “Литтл-Рок” аэропортунан 60 адамдын кесилген башы салынган контейнер чыкты. Аэропорт кызматкерлери контейнердин сыртында керектүү маалымат жазылбагандыктан, ичин ачып текшерүүнү оң көрүшкөн. Учурда баштар медициналык изилдөө үчүн алынып бара жаткандыгы же башка максат үчүн багытталган экендиги такталууда.
Негизи, Арканзаста буга чейин деле атуулдардын адамдын денесин мыйзамсыз алып жүргөн учурлары катталган.

Индия

66 ЖАШТАГЫ АЯЛ ҮЧ ЭМ ТӨРӨДҮ
Индиянын 66 жаш­тагы жашоочусу Бхатери Деви үч эм төрөп, дүйнөгө таанылды. Бул анын биринчи төрөтү. Ал күйөөсү менен 40 жыл бирге жашаса да, боюнда болбогон. Акыры минтип картайганда жасалма жол менен бойго бүтүрүү кызматына кайрылган. Анын 64 жаштагы күйөөсү Деви Сингх: “Бхатери төрөбөгөн соң мен анын уруксаты менен 3 аял алдым. Бирок алар да төрөп бере алышпады. Акыры минтип тилегим ишке ашты”,- дейт.

Мадагаскар

УЧУУЧУ БАКАЛАР КӨБӨЙҮҮДӨ
Мадагаскар аралында учуучу, тагыраак айтканда, 10 метрге дейре секирүүчү бакалар табылган эле. Учурда алар көбөйүп баратканы айтылууда. Баканын алдыңкы жана арткы бутунда чоюлчаак кабыкчалар бар. Бака секирүү алдында ичине аба толтуруп, шар сымал тоголок болуп алат. Дарактан даракка секирип, бекем жабышып алууга манжаларындагы жабышкак дөмпөкчөлөр жол берет. Учуучу бакалардын кээ бир түрү сууда жашаса, кээлери дарактан жерге түшпөйт. Оозундагы бези бөлүп чыгарган былжыр суюктукту колдонуп, уя куруп алат.

Египет

ПЛЯЖДАР МУНАЙДАН БУЛГАНДЫ
Кызыл деңизде жай­гашкан мунай бургулоочу платформадан агып кеткен мунай бир катар пляждарды каптап калды. Болгондо да дүйнөгө белгилүү Хургада курортунун пляждарын каптады. Агып кеткен 10 тоннага жакын мунайдын көбү деңизге куюлуп, калганы жээктин 20 чакырымын булгаган.
Булганган жээктерди мунайдан арылтууда 2 миңге чукул адам иштөөдө.

Бразилия

СУУ КАПТООДОН МИҢДЕН АШЫК АДАМ ЖОГОЛДУ
Өлкөнүн түндүк-чыгышындагы суу каптоолордун айынан миңден ашык адам кабарсыз жоголуп отурат. Андан тышкары аталган аймакта 26 адам жер көчкүнүн курмандыгы болгон эле. Миңдеген адамдар үй-жайсыз, тамак-ашсыз калышты. Учурда өлкөгө гуманитардык жардамдар келүүдө.

Португалия

КЫГЫ БААЛУУ КИТТЕР АЗАЮУДА
Байыркы убакта эле адамдар жээкке чыгып калган томолоктолгон чайыр сымал заттардын жыты буруксуп турарын байкашкан. Кээлери аны ажыдаардын катып калган шилекейи дешсе, кээлери чаяндын чайыры дешкен. 19-кылымда гана ал зат “амбра” деп аталып, ал кашалот аттуу киттердин бөлүп чыгарган калдыгы экендиги аныкталган. Амбраны кит ичегисинде иштеп чыгарат. Аны ичегисинин жаракатка кабылган капталдарын айыктыруу үчүн колдонот. Ичеги аркылуу жүрүп отуруп, амбра сыртка чыгат. Бирок сууга түшкөндө гана анын жыты аңкып чыга келет. Жыты үчүн аны адамдар парфюмерияда колдонуп келишет. Учурда кашалоттордун саны азайып бараткандыктан, өлкөнүн, дегеле дүйнөнүн атыр чыгаруучулары тынчсыздана башташты.

Канымжан Усупбекова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(2)
27.06.2010. 19:42 
Тайпасы:
Жаран
Комментарийлердин саны:
12
Катталган:
29-05-2010
Соӊку аракети:
25-09-2018 14:36
Жынысы:
Белгисиз
Калаасы:
Бишкек Талас
0
wwumdugun kurgur
28.06.2010. 14:53 
Тайпасы:
Жаран
Комментарийлердин саны:
281
Катталган:
26-11-2009
Соӊку аракети:
24-09-2018 17:46
Жынысы:
Белгисиз
Калаасы:
Жер эне
0
Израиль кооз мамлекет болгону менен жүргүзгөн саясаты ЖАКПАЙТ! Адам катары эмес, Палестинага азыркы күнгө чейин азап, азап жана азап тартуулап келе жатат! Жакпайт!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: