Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАТТАМА ЖЕГИҢ КЕЛСЕ ЧОЛОККО БАР

№827 7-13-сентябрь, 2018-жыл


Боом капчыгайына жете бербей трасса боюнда жайгашкан Чолок айылын (Кемин району) өлкөбүздүн айрым жарандары гана эмес, чет өлкөлүк туристтер да биле баштады. Анткени эс алууга Ысык-Көлгө бараткандар ал жерден каттама жеп, самоордун сүттөгөн чайын ичип анан сапарын улашат. Тамактануучу жайлар гана бардай көрүнгөн бул жерде Чолок айылы бар. Үйлөр чоң жолдун ары жак-бери жагында чачкын жайгашкан. Айылда 13 түтүн болсо, тамактануучу жайлардын саны 22. Ошондо айыл тургундарынын дээрлик бардыгы каттама, сүттөгөн чай сатып жанын багат десек туура болчудай.


«КАРДАРЛАР СООДАГЕРЛЕР БОЛЧУ»

Союз тарап, эл жумушсуз калганда, 1989-жылы Чолок айылынын тургуну Анара Ниязалиева дал ушул жерге майда-чүйдө сатып, жүргүнчүлөрдүн көңүлүн бурган.

– Бул жерде башында сагыз, ширеңке, тамеки, суусундук сыяктуу майда-чүйдө сатып баштагам. Мени туурап кошуналарым да чыкты. Ошол жылдары Ысык-Көл, Нарынга товар ташыган соодагерлер көп болчу. Негизги кардарларыбыз ошолор болду. Жаңы келгенибизде бул жерде суу жок болчу, аны чыгардык. Башында самоорго чай коюп, оромо жасадык. Оромо жегиси келбегендерге эмне берсек болот деп ойлонуп каттамага токтолдум да, нак каймак менен каттама жасап сата баштадым. Мени көрүп жанымдагылар дагы каттамага өттү. Анан Бурулкан деген апа боз үйүн алып келди. Ал кезде баарыбыз жайма столдо соода кылчу элек. Кээде соодага чыкпай да калчубуз. Бурулкан апа такай чайын кайнатып, каттамасын жасап, кардарлары менен таанышып кобурашып отурчу. Анда каттама 5 эле сом болчу.

Бул жерге атайын каттама жейм деп келген кардарларыбыз көбөйүүдө. Буга Бурулкан апанын салымы чоң. Мен ал ортодо жашоо шартка жараша башка жумушка кетип калдым. Бурулкан апанын көзү өтүп кеткени ишин уул-келини улантып кетти.

«АПАМ УШУНДАЙ ИШТИ БИЗГЕ КАЛТЫРЫП КЕТКЕНИНЕ ЫРААЗЫМЫН»

Бурулкан апанын ишин улантып жаткан келини Гүлзат Койгелдиева өзү жаңыдан иштете баштаганда каттама 20 сом болгонун баяндап отурду.

– Апам 2011-жылы 76 жашында каза болду. Ал каттама жасаганды бизге үйрөтүп, ишин бизге калтырып кеткенине ыраазымын. Мен жасаган каттама апамдыкына жетпейт, аны апамдын кардарлары айтып калат. Ошентсе да апамдыкына окшоштурганга аракет кылып, жумшак, камырын ичиндеги жүсай көрүнгүдөй жука кылып жасайм.

Мурда кардарларга чайды самоордон чыныларга куюп берчүбүз. Бир учурда 5-6 столго чынылап чай ташуу кыйын болуп калат экен. Ошондуктан азыр сүт чайды чайнек менен берип калдык. Бирок апамдын мурунку кардарлары келгенде чынылап чай сунабыз. Алар ошого көнүп алышкан. Апам каттаманы көтөрүп кетүүгө уруксат берчү эмес. Кардарын маңдайына отургузуп алып кобурашып, столго каттама менен каймагын коюп, самоордун чайын берчү. Учурда каттама менен чай ичкен кардарларыбыз көп болгондуктан башка тамак жасабайбыз.

Бир сезондо чыгымдардан сырткары 5000-6000 доллар табабыз. Былтыр улуу балама 5 миң долларга машина алып бердик.

«БУЛ ЖАЙГА ЭЛ КАТТАМА ҮЧҮН ГАНА КЕЛСЕ ДЕЙМ»

Эрмек Зарылбеков, тамактануучу жайлардын биринин кожоюну. Ал бул жайга төбөсү көрүнгөндөр да көп келерин айтат.

– Каттама үчүн токтогондордун арасында көптөгөн аттуу-баштуулар бар. Менин ашканамдан Аида Салянова, Съездбек Искеналиев, Сыймык Бейшекеев, Күмөндөр Абылов тамактанып кетишет. Бул жайга эл атайын каттама жеш үчүн гана келсе дейм. Ошондуктан башка тамактарды кошпой, каттама, сүт чай менен кардарлардын эсинде калгыбыз келет. Башка тамактарды кафелерден деле жеп алышат да. Столдун үстүнө каттаманы, жумуртканы санабай эле коюп коёбуз. Каалашынча жешет да, ошончонун акчасын төлөп кетишет.

«ДААРАТКАНАЛАРДА ШАРТ ЖОК»

Бишкектен Ысык-Көлгө товар ташып бара жатып, атайын токтогон жеке ишкер Кудурет Кенжеев бул жердин 10 жылдан берки дайымкы кардары.

– Мен бул жердин он жылдан берки кардарымын. Бишкектен Ысык-Көлгө товар ташыйм. Жаңыдан тамак иче баштаганда бастырмасы да жок болчу. Жаңы жол салынса деле атайын каттама үчүн эски жол менен өтүп, токтоп чай ичип кетем. Бир жигит иштечү, биз машинадан түшөрүбүз менен чуркап чыгып тосуп алчу, акыркы жылдары көрүнбөй калды. Бул жерде каттамасынан мурун самоордун чайы жакшы. Ысык, сүттөп чай беришет. Ачыгын айтыш керек, каттамасы кээде начар болуп калат. Азыр сонун, ысыгын алып келишти. Тейлөө жагына токтолсом, жылдан жылга кардарды тейлөө жакшырып келе жатат. Бир гана дааратканасы адамдын маанайын түшүрөт. Киргениң 10 сом, ичинде кол жууган самыны, кол кургаткычы жок. Дагы бири 5 сом, ага кирип чыккан адам жарым саат даараткана жыттанып жүрөт.

КАТТАМАНЫН ДАЯРДАЛЫШЫ

  • Алгач туз кошулган жылуу сууга унду кошуп жумшак жууруп, тыныктырылат.
  • Бир каттамага 212 граммдан камыр кетет. Жуурулган камырды таразага тартып бөлүп алып, тоголоктоп, 10 мүнөттөй тыныктырат.
  • Жупжука кылып жайып, бетине аралашкан майды (каймакты, маргаринди, өсүмдүк майын) сүйкөп, жусайды себелеп, камырды ороп дагы тыныктырат.
  • Калыңдыгын 1 сантиметрдей жайып, көмөч казанда жай отто бир бетин бышырып, экинчи бетине алмаштырганда тегиз бышышы үчүн үстүнө банка коюлат.

Сүйүн Кулматова
Адилет Бектуров
koom@super.kg


Татымы таңдайдан кетпеген "апамдын каттамасын" жедиңиз беле?

Автор: Бактыгүл Момбекова
Оператор: Мундуз Нурланбек уулу

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(12)
11.09.2018. 11:47 
Тайпасы:
Жаран
Комментарийлердин саны:
27
Катталган:
23-11-2017
Соӊку аракети:
26-09-2018 10:56
Жынысы:
Белгисиз
-3
Суттоп чай берет дегени кандай
11.09.2018. 12:31 
Тайпасы:
Жаран
Комментарийлердин саны:
261
Катталган:
14-11-2015
Соӊку аракети:
26-09-2018 12:09
Жынысы:
Белгисиз
+6
Baiana2017,Кадимки эле чайга сут кошуп берет дегени
11.09.2018. 13:05 
Тайпасы:
Жаран
Комментарийлердин саны:
75
Катталган:
06-11-2008
Соӊку аракети:
26-09-2018 10:05
Жынысы:
Белгисиз
Калаасы:
Бишкек
+4
Жолдон жегенбиз, абдан даамдуу.
11.09.2018. 22:52 
Тайпасы:
Конок
Комментарийлердин саны:
0
Катталган:
29-08-2018
Соӊку аракети:
25-09-2018 00:43
Жынысы:
Белгисиз
+2
Колго барган сайын жейбиз сонун чайы да
12.09.2018. 10:02 
Тайпасы:
Жаран
Комментарийлердин саны:
155
Катталган:
20-11-2010
Соӊку аракети:
26-09-2018 07:26
Жынысы:
Белгисиз
Калаасы:
Жалал-Абад
+5
Туура, ушу даараткана маселелерин чечип коюшса. Жакшы эле пайда тушуп атыптыр. Ошодон кичине туалеттерин ондоп коюшса болот да. Ысык-Колго кетип атканда да, Ош-Бишкек жолунда да ушул акыбал. Анан ал дааратканасы бекер эмес.
12.09.2018. 18:11 
Тайпасы:
Жаран
Комментарийлердин саны:
1753
Катталган:
06-02-2012
Соӊку аракети:
26-09-2018 09:48
Жынысы:
Белгисиз
+2
Самоордун суттогон чайы каймагы соонун каттамасына деле кайыл чайы учун токтосо болот..жумуртканы бышырып койуп койушат 1 даанасы 15 сом кымбатыраак сатышат..5сомдук чийки жумуртка бышырса 10сомдон деле сатышса болот го
13.09.2018. 00:39 
Тайпасы:
Жаран
Комментарийлердин саны:
26
Катталган:
25-01-2013
Соӊку аракети:
26-09-2018 02:52
Жынысы:
Белгисиз
Калаасы:
Ардактуу айылым
-4
Жасалышы ,анан каттаманын калыңдыгы биздеги каттамалардан айырмаланып ,биздин "пөшкальдарга"окшойт экен.Пөшкальга ошентип арасына фарш кошсо болотго.
13.09.2018. 14:22 
Тайпасы:
Жаран
Комментарийлердин саны:
6
Катталган:
03-10-2008
Соӊку аракети:
26-09-2018 10:18
Жынысы:
Белгисиз
Калаасы:
Жалган дуйно
0
Колдон самап келатып жебей отуп кетиптирбиз, дагы да даамы ооздон кетпейт.
14.09.2018. 04:24 
Тайпасы:
Жаран
Комментарийлердин саны:
1
Катталган:
01-06-2011
Соӊку аракети:
25-09-2018 20:56
Жынысы:
Белгисиз
Калаасы:
москва
0
Эх менин чон энем жасаган каттамага жетпейтко.
16.09.2018. 18:11 
Тайпасы:
Жаран
Комментарийлердин саны:
231
Катталган:
21-05-2012
Соӊку аракети:
26-09-2018 11:53
Жынысы:
Белгисиз
Калаасы:
Планета
0
Жашыруун реклама го бул жагы)))
17.09.2018. 21:43 
Тайпасы:
Жаран
Комментарийлердин саны:
68
Катталган:
13-04-2016
Соӊку аракети:
26-09-2018 07:29
Жынысы:
Белгисиз
Калаасы:
Кыргызстан
0
PROS, Ачык эле реклама болуп туратго. Каттама жегин келсе Чолокко бар.
16.09.2018. 22:24 
Тайпасы:
Жаран
Комментарийлердин саны:
5
Катталган:
28-01-2016
Соӊку аракети:
22-09-2018 17:21
Жынысы:
Белгисиз
0
Чынында ушул жер бизге абдаан жагат, жолдошум экөөбүз жыл сайын Көлгө баратканда же келатканда дайым токтойбуз, кийинчерээк балдарыбыз да эс тартып калганы "каттамага жеттикпи, ачка болуп кеттик" деп чыйпыйы чыгып эсти оодарышат. Андан чыгып жүгөрү жейбиз. Рахмат силерге, дасторконуңарга береке!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: