Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГҮЛГӨ ОРОНГОН ОШ ШААРЫ КҮЛГӨ АЙЛАНДЫ

№399 25-июнь - 1-июль, 2010-ж.


Биз өткөн жумадагы саныбызда өлкөнүн түштүгүндөгү окуяны сырттан байкоочу катары жазганбыз. Окурмандарыбыз ММКлардын Ош окуясы боюнча материалдарында маалымат бир тараптуу берилип жатканын айтышып, тынчсызданып жатышты. Андыктан Оштогу опурталдуу окуяны жабыр тарткан элдин өз оозунан угуп-билүүнү туура көрүп, борбордон Ошту көздөй сапар алдык.

БИШКЕК-ОШ САПАРЫ
Ош-Бишкек жолунда кадимкидей эле жүргүнчүлөрдү ташыган унаалар каттоодо. Бирок таксисттер кардарды алгандан кийин өз ара топтолуп алышып, жолдо кербен болуп айдап барышты. Жол катуу көзөмөлгө алынгандыктан, Ошко чейин бир канча күзөт бөлүмдөрүнөн өттүк. Биз менен кошо 20га жакын машинада Орусиядан кайткан өзбектер келе жатышты.
Сапарлашыбыз ырчы Гүлжигит Сатибеков Ош жана Жалал-Абаддагы окуяга күбө болгонун баяндап барды. Ал: "Ош-Бишкек трассасынын Жалал-Абаддагы бөлүгүндө жолду казып, аны башка жакка буруп коюшуптур. Ал эле эмес, жерге май төгүп салышкан. Андан өткөн машиналардын дөңгөлөктөрү майдан тайгаланып, андан пайдаланган көзгө атарлар ок менен машиналарды калбыр кылып салышты",- деди.
Ошентип, ордолуу Ошко жетип келип, шаардын кире беришинде жайгашкан облустар аралык оорукананын жанынан түшүп калдык.

ООРУКАНА КУРЧООДО КАЛГАН
Машинадан түшкөндөн кийин көргөн көзүбүзгө ишене албай турдук. Ооруканага жакын жайгашкан Фуркат айылындагы үйлөр, дүкөндөр бүтүндөй өрттөлгөн. Көчөлөрдө ээн баскан эл, шуулдата айдаган машина жок. Ал эми ооруканага киргенибизде куралчан аскерлер күзөттө турушуптур. Дарыгерлерден укканыбызга караганда, Ошто тополоң башталганда эле оорукананы бир канча жолу белгисиз адамдар басып алууга аракеттенишкен. Бул окуя боюнча Ош облустар аралык бириккен клиникалык ооруканасынын директору Шайирбек Сулайманов төмөнкүлөргө токтолду:
– 19-июнга чейин ооруканага 303 киши кайрылды. Анын ичинен 234ү жаткырылса, мунун 40ы ооруканада каза болду. Жарадар болгондордун 85 пайызына ок тийген, 10 пайызынын денеси күйгөн, калгандары таяк жеп, ур-токмокко алынгандар. Кан төгүү учурунда врачтарга да кол салган фактылар болду. Алсак, 16-июнда кечки саат алтыларда биздин оорукананын өлүкканасында иштеген Касым Жусупакматовду өзбектер барымтага алышкан. Бүгүнкү күнгө чейин ал жөнүндө маалымат жок.

ОНТОГОН ООРУКЧАНДАР
Андан ары палаталарды кыдырып, жарадар болгондор менен сүйлөшө баштадык. Бири бүт денеси күйүккө айланып, араң сүйлөсө, экинчиси колу-буту сынып, кейиштүү онтойт.

Жыргал Кежипов,
46 жашта, жумушчу:
– 11-июнда 10-20­дай өзбек келип, арматура таяктары менен токмоктой баштады. Кийин көзүмдү ачсам, ооруканада жатыптырмын. Баш сөөк менен мурундун сөөгү сынган.

Бекболот Приев,
22 жашта, жумушчу:
– Мен Фуркат айылына бара жатсам, күндүз эле атып кетишти. Эсиме келсем, ооруканада экенмин. Дарыгерлер башымдан бир ок алып чыгышты.

Рашид Ирсалиев,
46 жашта, өрт өчүрүүчү:
– 11-июнда Фуркатка чакырып калышты. Өрттү өчү­рүү­гө келсек, миңге жа­кын өзбек топтолуп туруптур. Алар өрт өчүрүүчү машинаны талкалашып, бирөө мени артымдан балта менен чапкан. Кудай жалгап, башымда темир каска бар эле, ошол сактап калыптыр. Каскам төрткө бөлүнүп, башым жаракат алган.

Дүйшөбай Кийикбаев,
57 жашта, дыйкан:
– Ошол күнү Фуркатка пахтага дары алайын деп келгенмин. Базардан майда-чүйдө алып, Отуз-Адырга кетейин деп турсам, миңге чукул топтолгон балдар тепкилеп киришти. Лом менен чапканда эс-учумду жоготуп коюптурмун.

Шавкат Юлдашев,
44 жашта, ишкер:
– Мен Макаренко районунда турам. Короого 20-30дай киши кирип, бизди эшикке алып чыгып, колундагы таяктар менен токмоктой башташты. Көзүмдү ачсам, ооруканада жатыптырмын. Мен аларга каршылык көрсөткөн эмесмин. Мээм чайкалып, колум үч жеринен сыныптыр.

Сардор Садиков,
24 жашта, студент:
– 11-июнда түштө Фуркатта жума намаздан чыгып келе жатканмын. Көчөдө кыргыздар менен өзбектер урушуп жатышыптыр, мен ортодо калдым. Эки бутума ок тийип, минтип ооруканада жатам.

Манас уулу Искендер,
20 жашта, студент:
– Апам экөөбүз машинада бара жатканбыз. Бир мезгилде эле топтолгон балдар машинанын терезесин сындырып, ичине бензин чачып өрттөп жиберишти. Өрттөнгөн машинадан түшсөк, алар токмоктоого өтүштү. Кийин кыргыз балдар келип куткарып чыгышты. (Каармандын бети күйүп калгандыктан, сүрөткө түшкөн жок).

Ормонбек Токоев,
52 жашта, убактылуу бош:
– Урушта аялым Черёмушкада болгондуктан, барууга туура келди. Тополоңдо чуркап бара жатып, чалынып түштүм. Жыгылганда бензин чачып жиберишип, мага өрт коюшту. Шымым алоолонуп, араң чечтим.

БОШ КАЛГАН ОШ
Калаанын көркүн ачкан имараттар урандыга айланып, шаардыктардын карааны жокко эсе. Бир гана №1-троллейбус 10-15 адамды салып ташып жүрөт. Шаарга гүлдүн жыты эмес, күйүктүн, кандын жыты сиңип калгандай жагымсыз. Бизди шаар ичинде алып жүргөн Сабыр ага бир канча райондордогу абал менен тааныштырды. Ал “Ак шумкар” деген кафени көрсөтүп: “Бул кыргыз эжеге таандык болчу, имаратты өрттөмөй дал ушул жерден башталган. Ошто биринчи болуп ушул кафе өрттөндү”,- деди.
Шаардын борбордук бөлүгүндөгү маңдай-тескей турган кафе-ресто­рандар, дүкөндөр, аялдамалар өрттөл­гөн. Андан сырткары Түштүк-Чыгыш районунда жайгашкан Хамза атындагы өзбек мектебине от коюлган.
Сабыр аганын айтымында, “шаардын 70-80 пайызы өрттөнгөн” деген туура эмес маалымат. “Ош шаары чоң. Анчалык күйүп кеткен болсо, шаардан эч нерсе калмак эмес. Шаардагы турак үйлөрдүн дээрлик бардыгы сакталып калды”,- деди. Ошту кыдырып жүрүп, филармониянын жанына токтодук.

САКТАСЫН СУУК КӨЗДӨРДӨН, САДАГАМ ОШТОЙ ЖЕРИМДИ!
Учурда Ошто кайсы машинага түшпөгүн, обону Гүлшайыр Садыбакасовага таандык “Садагам Оштой жеримди” ыры жаңырып турат. Бизди Ош филармониясынын жетекчиси Гүлшайыр Садыбакасова тосуп чыкты. Ал окуянын башынан сөз баштап: “11-июнга караган түнү салют атылып, кийин кыйкырык менен автоматтын үндөрү чыкты. Оюма дароо филармония келип, ошол күнү күзөттө турган Хикоятка чалдым”,- деди. Өзбек улутундагы Хикоят эже сөздү улап: “Ооба, мен тополоң башталганда Гүлшайыр эжеге чала алган жокмун. Бирок мага чалганда өзүмдү кармай албай ыйлап жибердим”,- деп айтты. “Мен сурасам, Хикоят өзбек балдар көчөдө туш келди имаратты, машинаны талкалап, адамдарга кол салып жүргөндүгүн айтты. Мен ага сен өзбексиң, ал балдардан филармонияга тийбегиле, керек болсо жалдыра дедим”,- деп Гүлшайыр эже күйө сүйлөдү.
Эже кийин филармониянын имаратын айлантып, бул жерде эки күн бою төрт өлүк жаткандыгын айтты. Ошол 11-июнга караган түнү өзбектер “кыргыздар жоголушсун, кетишсин, Ош биздики!” деп кыйкырып жүрүшкөндүгүн да билдирди. “Бул окуя жеке өзүм үчүн да тиешелүү болду. Көп жылдан бери достошуп келген Айшакан деген курбумдан айрылдым. Курбумду зордуктап, кийин бычактап, аягында өрттөп жиберишиптир”,- деп көзүнө жаш алып сөзүн улады.
Биз кыргыз кыздарынын зордукталганы жөнүндө ушак сөздөрдүн чындыгын Гүлшайыр эжеден сурасак: “Өз көзүм менен көрбөсөм да, кыздарды зордуктаган окуя болгон деп ишенем. Анткени кыргыз кыздары жашаган жатакананын тосмо темири жер менен жексен болуп калган. Жакында эле Аксыда эки студент кыз көмүлүптүр”,- деди.
Ал эми филармонияны талкалоодон жана өрттөн сактап калган Хикоят эжени кийин өзбектер “кыргыздын агенти” деп атап, жемелешиптир.

ШАМАЛ БОЛБОСО, ЧӨПТҮН БАШЫ КЫЙМЫЛДАБАЙТ
Шаар тургундары менен сүйлөшө келгенде үрөй учурган сөздөрдү уктук. Окуяга күбө болгондор 11-июнга чейин эки күн бою катуу үн чыгуучу аппараттардан чакырыктар болгонун жана тополоң башталарда шаардын беш жеринде белги берүүчү салют атылганын айтышат. Ошондон көп өтпөй мас абалындагы өзбектер көчөдөн кыргыздарга кол салып, кафедеги официант кыргыз кыздарды зордуктай башташкан дешет. Муну орусиялык каналдардын маалыматы да тастыктады. Анда ооруканада жаткан жаш өзбек жигити 5000 сом алып, жатаканадагы кыргыз кыздарды зордуктаганын билдирген. Өзбектерге ачууланган шаардык кыргыздар таң ата көчөлөрдө топтоло баштаган. Бирок кыргыз жаштарынын күчү тең келген эмес.
Бул аралыкта окуяга күбө болгондордун айтымында, Алай, Кара-Кулжадан келген тоолук кыргыздар өзбектерден оштук кыргыздарды сактап калышкан. Ушул күнгө чейин өзбектер көп жашаган райондорго кирүү кооптуу. Өзбектер төрөтү жакындап калган аялдарын куралчан адамдардын коштоосунда төрөтканага алып келип төрөтүп, 2 сааттын ичинде чыгарып кетип жаткандыгын жергиликтүү тургундар билдиришти. Жогорудагы маалымат калктан алынгандыктан, окуянын чындыгын кылмыш иликтөөчүлөр аныкташат.

“ОШ МЕНЕН ОЙНОБО!”
Филармониядан чыгып, биз “Ош шамы” гезитинин редактору Тургунбай Алдакулов менен жолуктук. “Бул окуянын башталышына сөзсүз түрдө 7-апрелдеги окуялар таасир берди. Өлкөнүн түштүгүндөгү өзбек лидерлери менен саясатчылар түрдүү багыттар боюнча келишим түзүшкөн. Анда бийликке жетүү, кызмат бөлүштүрүү, аймакта таасирин күчөтүү жөнүндө сүйлөшүүлөр жүргүзүлгөн. Биз бир канча жолу “Ош менен ойнобогула!” дегенибиз менен, аягы ушул болду”,- деп кейиди.
Т.Алдакулов 11-июнга караган түнү намазга тиешеси жок мезгилде мечиттен азан чакырылып, анан салюттар атылгандыгын билдирди. “Окуянын курч жана тез болуп кеткенине караганда, “алдын ала даярдалган” дегенге негиз бар. Бул кан төгүүгө бийликке умтулган саясатчыларды күнөөлөйм. Анткени алар өз кызыкчылыгы үчүн жөнөкөй элди колдонуп коюшту”,- деп сөзүн жыйынтыктады.

“ТЕМИРДЕЙ БЕКЕМ ТАРТИПТИ ОРНОТУШ КЕРЕК”
Сапарабызды улай биз облустук администрацияга жөнөдүк. Бул жакка атайын убакытты болжоп келбесек дагы, Ош шаарынын мэри Мелис Мырзакматов журналисттерге маалымат жыйынын уюштуруп жатыптыр. Биз залга киргенибизде сүрөттөрдү кармаган 50гө жакын ата-энелерди көрдүк. Бул адамдардын жакындары Ош окуясында белгисиз жоголушкан. Мелис Мырзакматовдун айтымында, болжол менен 300-400 кишинин дайыны жок. Ал кан төгүүнүн чоо-жайына токтолуп: “Бул окуяда сырткы күчтөрдүн, анын ичинде террорчулардын да салымы болушу мүмкүн. Анткени мечиттерде куралданууга чакырыктар болгон”,- дейт.
Маалымат жыйында 10го жакын чет өлкөлүк кабарчылар суроо узатышып, бирок жергиликтүү кабарчылардын дээрлик жоктугуна күбө болдук. Биз Ош шаарынын мэри Мелис Мырзакматов менен да кыска маек курдук.
– "Ош окуясы алдын ала даярдалган" деген маалыматтар бар. Эгер даярдалганы чын болсо, эмнеге чара көрүлгөн жок?
Алдын ала даярдалган деген маалыматты тактоо үчүн иликтөөнүн жыйынтыгын күтүшүбүз керек. Ал эми эмне үчүн чара көрүлгөн жок? дегенге кошулбаймын. Биз күн-түн дебей бардык аракетибизди көрүп жаттык.
– Жакынкы күндөрдө кандай иш­терди алып барасыз?
– Алгач кандуу окуядан чочуп калган элди тынчтандыруу керек. Анан темирдей бекем тартипти орнотуп, шаардыктардын коопсуздугун камсыздоого кам көрөбүз.
– Шаар башчысы катары баш аламандык боюнча жоопкерчиликти алууга даярсызбы?
– Жоопкерчиликтен коркпоймун. Өз элимдин алдындагы жоопкерчиликти сезип, ар бир ишти мыйзам чегинде алып баруудамын.
– Окуя мындан ары кандай өнү­гөт деп ойлойсуз?
– Коркунучтан качсаң, ал кууп жүрө берет. Артка кайрылып, коркунучка бетме-бет чыксаң, ал качат. Айтайын дегеним, биз коркунучту куудук. Кудай буюрса, ынтымактуу болсок, бардык маселелер чечилет.

ДАЙЫНСЫЗ ЖОГОЛГОНДОР
Маалымат жыйынында бир тууган инисинин сүрөтүн кучактаган Салкынбү Эрмекбаеваны кепке тарттык. Ал: “Иним Сапарбек келиним менен жайма базарда соода кылчу. Ошол кырсык болгон күнү ур-токмок менен инимди Жийделик деген өзбектер жашаган районго алып кирип кетишиптир. Жоголгон инимди куткарабыз деп ал жакта барымтада калган 50 кыргызды өзбектерге алмаштырдык. Бирок иним алардын арасында эмес экен”,- деди.

“ӨЗБЕКТЕР ГАНА ЭМЕС, БИЗ ДА ҮЙ-ЖАЙСЫЗ КАЛДЫК”
Мэриянын алдында топтолгон элге барып кайрылдык. Бул кыргыздардын Облустук оорукана тараптагы үйлөрү өзбектердин курчоосунда калган экен. Кээ бирлеринин үйү, дүкөнү өрттөнүп, бала-чакасын туугандарынын үйүнө жеткирип, өздөрү көчөдө калганын айтып кейишет. “Өзбектердин эле үйү өрттөндү дейсиңерби, жүргүлө, өз көзүңөр менен көргүлө, биздин үйдү алар кандай даараткана кылып коюшканын” деп наалышты.
Бул аралыкта таң эртеден бери чуркап жүрүп ачка болуп, дүкөн издей баштадык. Шаарды кыдырганда ачык дүкөн көргөн эмеспиз. Бактыга жараша, мэриянын артындагы дүкөнгө кезекке тизилип турган адамдарга көзүбүз чалдыкты. Кээ бир ММКлар Ошто тамак-аштын баасы кымбаттап кеткендигин айтышканына карабастан, бир литр сууну 15 сомго алдык. Дүкөндө нандын 12 сомдон сатылып жаткандыгына да күбө болдук.

“ӨРТТӨЛГӨНДҮН ЭЭСИ ӨЗБЕК”
Макала бир беткей болбошу үчүн “Өзбек жаштар кыймылынын” төрагасы Амир-Темур шаарчасында жашаган Дильмурод Нишанов менен байланыштык. Дильмурод бизди Он-Адыр айылына чакырды. Бул айылдын кире беришин тосуп, кыргыздарды, жергиликтүү журналисттерди киргизбей жатышыптыр. Жалаң өзбектер жашаганына байланыштуу бизге “ал жакка барбагыла” деп кооптонгондор болду. Дильмурод телефон аркылуу: “Ким баштаганын айтуу кыйын, болор иш болду. Өзбектерге тиешелүү дүкөн, кафе-ресторандар өрттөлгөн. Өзүбүз дагы түшүнбөй калдык. Калинин, Навои көчөлөрү жана Черёмушка районунда отурукташкан өзбек улутуна тиешелүү үйлөргө да өрт коюлган. Анда 400-500 өзбек улутунун өкүлдөрү өлгөн дешүүдө, бирок бул маалымат такталган эмес”,- деп билдирди.

ОШТОН ӨЗГӨНГӨ КАРАЙ
“Оштон чыгып кеткиле, аскерлер элдеги курал-жарактарды алуу боюнча иш жүргүзөт” дешкенинен күн батканда Өзгөнгө келдик. Бизди ала келген кыргыз жубайлар жолду катар Ош окуясын баяндап, айдоочунун аялы Алтынай Сатарова: “Ошол күндөн бери балдарыбыз туугандардыкында, өзүбүз достордун үйүндө түнөп жүрөбүз. Ош шаарындагы үйүбүзгө кире албай жатабыз”,- дейт.
Өзбеги да, кыргызы да байырлаган Өзгөн шаары тынч, базар кадимкидей иштөөдө. Кыргыз-өзбек дебей, кызуу турмуш көйгөйү менен жүрүшөт. Ошентип, Өзгөндөн чыгып, тоолор курчаган кең жол менен Бишкекке кайттык.

АКЫРЫНДА АЙТАРЫБЫЗ...
Мына, окурман, биз көргөн-билгенди жазып отурабыз. Бейкүнөө өлгөн наристеде, оозунан эне сүтү кете элек боз уланда, он гүлүнүн бир гүлү ачыла элек мыкаачылык менен өлтүрүлгөн кыздарда, башы кесилип, денеси күлгө айланган жанда эмне айып? Мейли кыргыз болсун, мейли өзбек болсун, бири-бирин өлүмгө кыюудан эмне пайда? Эки улуттун ортосуна чок салып, элдештиргис душман кылууга чагымчылардын кандай акылары бар?
Өлкөбүз эң оор күндөрдү башынан өткөрүп жатканда Убактылуу өкмөттүн төрайымы Роза Отунбаева аял башы менен туруксуз абалдагы мамлекетти башкарууда. Дал ушундай мезгилде өлкө башчысына колдоо көрсөтүп, чагымчыларга берилбөө зарыл.
Кызуу кандуулукка алдырбай, акылыбыздын барында кепке-сөзгө келип элдешели, калайык.

Бурул Исмаилова, Эльвира Караева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  20 
Комментарийлер(13)
27.06.2010. 20:00 
Тайпасы:
Жаран
Комментарийлердин саны:
12
Катталган:
29-05-2010
Соӊку аракети:
17-11-2018 16:15
Жынысы:
Белгисиз
Калаасы:
Бишкек Талас
0
degi ka4an akylga kelebiz kyrgyzgar
28.06.2010. 14:01 
Тайпасы:
Жаран
Комментарийлердин саны:
14
Катталган:
23-04-2007
Соӊку аракети:
03-09-2017 18:03
Жынысы:
Белгисиз
0
бул жерде баарын баштаган озбек эли алар коптон бери даярданган. Анан Убактылуу Окмоттун айтканы бекер соз 3-куч аралашты деп. Бул ириндеп турган нерсенин жарылганы.Кыргызстанда жашап жаткан сон тилибизди жерибизди талашпашы керек эле
28.06.2010. 14:34 
Тайпасы:
Жаран
Комментарийлердин саны:
281
Катталган:
26-11-2009
Соӊку аракети:
30-10-2018 00:28
Жынысы:
Белгисиз
Калаасы:
Жер эне
0
Өзбектерди мен өзү такыр жек көрөм! Айбандар!
28.06.2010. 21:22 
Тайпасы:
Кыймылы жок
Комментарийлердин саны:
28
Катталган:
16-06-2010
Соӊку аракети:
24-06-2011 14:02
Жынысы:
Белгисиз
0
Эмне үчүн интернетте жалаң эле өрттөлгөн өзбектерди көрсөтүп жатат же кыргыздар ошончолук кыйноо тартышпадыбы?өзбектердин мурдатан даярданганы байкалып эле турбайбы болбосо камерага тартып алып интернетке жүктөө кыргыздардын деле колунан келмек.Кылгылыкты кылып коюп кыл жип менен бууп коюп калп эле өлүмүш болуп жатышат буларды кайрадан Кыргызстанга киргизбей эле коюш керек.Ю.Усманованын ырынан
30.06.2010. 12:56 
Тайпасы:
Жаран
Комментарийлердин саны:
57
Катталган:
03-12-2008
Соӊку аракети:
16-11-2018 13:12
Жынысы:
Белгисиз
Калаасы:
Бишкек
0
Биз оз элибизде ээн эркин журо албайбыз.Шаарга келсек да орусча суйлошуп башкаларга жагалданышыбыз керек.Эгер Мамлекет баардык официал докум жана коомдук-жайларда кыргыз тилинде гана суйлоо керек деп чыгарганда .элибиз мынчалык басынмак эмес.Ж.О.Э тартип керек
30.06.2010. 13:05 
Тайпасы:
Жаран
Комментарийлердин саны:
57
Катталган:
03-12-2008
Соӊку аракети:
16-11-2018 13:12
Жынысы:
Белгисиз
Калаасы:
Бишкек
0
Озбек эли ото жаман калк.Дили катуу.Булар дагы башын которуп, котормок турсун биздин жерде туруп алып башкаргысы бар.Туштук элин жакшы тын кыргыз башкарыш керек.Жана чонурак орундарга озбек улутун отургузбашы керек.
01.07.2010. 15:33 
Тайпасы:
Жаран
Комментарийлердин саны:
76
Катталган:
14-03-2009
Соӊку аракети:
16-11-2018 16:07
Жынысы:
Белгисиз
0
Кыргыздар ашыкча айколбуз. Баары ченеми менен болушу керек. Эгерде кыргыз Озбекстанда жашаса минтип согуш чыгарганга батынмак тургай улутун да озбек деп жаздырып алмак.Эмнеси болсо да мындан ары тынчтык болсо экен.
02.07.2010. 22:49 
Тайпасы:
Кыймылы жок
Комментарийлердин саны:
26
Катталган:
24-02-2009
Соӊку аракети:
17-03-2011 17:06
Жынысы:
Белгисиз
0
кичине ушундай чындык билдирген макалалар жарыяланып турса, и.нетте жалан еле озбектер байкуш, кыргыздар нацист-желмогуз болуп калышыптыр го...Ошолор именно мыкаачы болушат. Тиги Нишанову "ким баштаганын айтыш кыйын" деп коет, озулору баштаганын сопсоонун еле билип туруп, деле кой, айылына кыргыздарды киргизбей! Анда такыр еле кыргыздар жок жерге жоголуп кетишпейби...Как я их ненавижуууу....
02.07.2010. 22:59 
Тайпасы:
Кыймылы жок
Комментарийлердин саны:
26
Катталган:
24-02-2009
Соӊку аракети:
17-03-2011 17:06
Жынысы:
Белгисиз
0
тиги ю. усмановада емне жок....
03.07.2010. 03:06 
Тайпасы:
Жаран
Комментарийлердин саны:
16
Катталган:
27-05-2010
Соӊку аракети:
05-05-2017 23:19
Жынысы:
Белгисиз
Калаасы:
Каракол
0
Эзелтеден бери чогу жашап журуп,келин алып ,кыэ берип дегендей,анан ушинтип бет карашпай калуу эй койгойлуу,боор ачытат.Эми ал баш кошкон адамдар ажыршышабы?Алардын торолгон балдары ким Озбекпи,же кыргызбы?Ал балдардын куноосу эмнеде?Кыргыз кызы озбеке оз кыз болуп калса,озбек баласы кыргызга уул болгон болсо алардын кийинки куну кандай болот,ошол суроого ким жооп берет?Негизи Кыргыз жергеси болгондон кийин башынан катуурак кармап,детский садиктерди ачырбай,мектепте кыргызча гана окутуп ,
03.07.2010. 03:16 
Тайпасы:
Кыймылы жок
Комментарийлердин саны:
21
Катталган:
09-05-2010
Соӊку аракети:
18-09-2010 02:27
Жынысы:
Белгисиз
Калаасы:
москва
0
балык башынан деп коет эмеспи
биздин атка минерлер паралап койсо аларга каалагандай мумкунчулукторду берип салышты. акыбети ушул болду.кадыржанды депутат кылып койду эле ал аркадан уруп кылгылыкты кылып кыл жип менен бууп коюп эми качып жок болду. ага окшогон сарттардан бизге эмне пайда. ошондуктан бийлик башына эч качан башка улуттун адамдары келбеши керек. айрыкча сарттар.ар бир кыргыз ушул нерсени унутпаш керек
03.07.2010. 03:16 
Тайпасы:
Жаран
Комментарийлердин саны:
16
Катталган:
27-05-2010
Соӊку аракети:
05-05-2017 23:19
Жынысы:
Белгисиз
Калаасы:
Каракол
0
именно чон окуу жайларда кыргыз тилинде сабак бердирген болсо,Озбек тили неофициальный тил болгондон кийин ,мындай болмок эмес балким.
Мага кызыгы Озбекстанда жашаган кыргыздар кантти экен байкуштар?Аларга биздей болуп озбектер ээн эркин жашоо бергенине мен кумонмун достор.Деги тынчтык эле болсо экен!!!
03.07.2010. 15:19 
Тайпасы:
Кыймылы жок
Комментарийлердин саны:
27
Катталган:
03-07-2010
Соӊку аракети:
03-01-2015 14:31
Жынысы:
Белгисиз
Калаасы:
Улан-Удэ
0
Оштун азвркы суротун коруп,ыйлагым келип кетти.Озбектерди жаман коруп калдым.С узбеками дальше жить уже невозможно!Баарына озбектер оздору куноолуу.Эмнеге и.нетте только кыргыздар озбектерди олтургонун жарыялашат?Эмнеге озбектер кыргыздарды олтургонун жарыялашпай?Озбектер кыргыздарды баарына жаман корсотуп коюшту.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: