Архив
844   845   846   847   848   849   850   851   852   853   854   855   856   857   858   859   860   861   862   863  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

МАМАЛАК (Атанын кызына болгон чексиз сүйүүсү тууралуу сериал)

№828 14-20-cентябрь, 2018-жыл


(Башталышы өткөн сандарда)

– Кандайсың, Тимур? Мен Айсулуу.

– Аа, кандай?

– Сен бүгүн үйгө келе аласыңбы? Эртерээк. Байэл ооруп калыптыр, дене табы көтөрүлүп таң атканча ыйлап чыкты. Айназикти мектепке алып барыш керек. Сен келип баланы карап берип турсаң...

– Аа, мейли,- телефонду коюп эле шашып ордунан туруп кийине баштады.

– Аялыңбы?- Нуржан таарынгандай үн катты.

– Мурунку аялым, менин жубайым сенсиң да. Балам ооруп калыптыр. Барбасам болбойт го,- актана сүйлөдү.

– Мм, барагой.

– Сага түшүнбөй турам. Сен эмне, мага балдарыма баратканым үчүн таарынып жатасыңбы ошондо?

– Ал жакта эмне, балдарың элеби? Аялың да бар го.

– Менин жубайым сенсиң. Ал мурунку аялым. Суранам, Нуржан, ушинтпечи. Сен баарын сопсонун эле билип турасың го. Балдарга барышым керек да.

– Барышың керек, албетте. Биротоло ошол жакта калып калсаң да болот. Каршылык жок. Келбей деле кой кайра.

– Таптакыр туура эмес ойлонуп жатканыңды билип жатсаң керек, ээ?

– Тимур, ойлосоң, экөөбүз дагы эле мыйзамдуу үйлөнө элекпиз. Чогуу эле жашап жатабыз. Ал жөнүндө ооз ачкың келбейт. А мен кайсы бир күнү сени кайра ошол балдарыңа, ошол мурунку аялыңа кетип каларыңды билбейм. Анан айтчы, мен эмнени туура ойлонушум керек?

– Кечинде келип сүйлөшөлү. Мен шашып жатам...

– Келбей эле кой дебедимби.

– Мен баягы жароокер Нуржанды тааныбай жатам.

– Ошол жароокер Нуржандан ажаан аялды жасап жаткан сенсиң, эгер билсең.

– Уфф, мен кеттим,- Нуржанды маңдайынан өөп чыгып кетти.



ххх

Такси тосту. Арткы орундуктан жай табары менен терезени тиктеди. “Эмнеге минтет? Балдарымды таштап ошол үчүн келгенимди унуттубу? Кайра кетип калат деп коркот окшойт. Эх, Нуржан, кантип кетем? Бүттү, эми сенсиз жашоонун кызыгы жок мага. Куусаң да кетпейм. Бирок балдарымдан кантип биротоло кол үзөм? Болбой калат го андай. Балада эмне күнөө? Анын үстүнө канчадан бери көрө элекмин аларды. Сагынып да калышкандыр...” Ойго батып келе берди.

"Жеттик" деди айдоочу артка кайрылып.

Унаадан түшүп эле көп кабаттуу үйлөрдү аралай Айсулуу менен балдары жашаган үйгө бет алды. Кызы мектепке кийчү кийимин кийип алып босогодо турган экен. Кирип барганда эле Айназик кадимкидей бой тартып чоңоё түшкөнүн байкады.

– Кандай, кызым?

– Жакшы. Бол эртерээк, мен мектептен кечигип жатам,- кыз шаштырды.

– Байэл. Ии, жаным, эмне болду? Ыпысык го,- аркы бөлмөдөн баласын көтөрүп чыккан Айсулуу менен учурашпастан эле уулун эркелетип анын абалын сураганга өттү.

– Ооба, түнү менен жөтөлүп, дене табы көтөрүлдү. Сен баланы ала тур. Мен Айназикти жеткире калайын,- шаша-буша бут кийимин кийип кызын жетелеп чыгып кетти Айсулуу.

Чыкты да, лифтке кирери менен оозун басып ыйлап жиберди. Эмнеге ыйлаганын өзү деле түшүнгөн жок. Тимур аны көңүл сыртында калтырганына таарынгандыр, балким, акыркы кезде кызын мектепке, баласын бакчага таштап, шашкан бойдон жумушуна барып жанталашып жүгүрө берип чарчагандан чыккандыр ал көз жаш. Ыйлай турганга көп эле себептер бар болчу. Бир чети баласы ооруп калганына өзүн да күнөөлөп жатты. Дайыма бакчадан кеч алып кетет. Жумуштан келгенче ошол болот. Айназикти түнкү убакта иштеген коңшу кыз, таң эрте келип уктап алып, анан түштөн кийин барып мектептен алып келет. Ошол коңшу кыз көп жардам берет. Болбосо эмне кылмак? Тимур болсо көңүлү кааласа келет, болбосо жок. Ага ушунун баарын айтып даттанайын дейт. Бирок эрдин бек тиштеп унчукпайт. Анын алдында байкуш көрүнүүнүн кажети жок. Намысы жол бербейт ага.

Айназик апасынын колунан өөп койду. Ыйлап жаткан апасын сооротууга башка жол таппады.

– Алтыным десе,- элжиреп кызын карады.

– Ыйлабаңыз, мен бүгүн да "5" алып келем.



ххх

– Чурка, кызым,- мектептин жанына келгенде кызынын ак бантигин түздөп жатып бетинен сүйдү.

– Түштө өзүм алып кетем, ээ? Бүгүн жумушка барбайм.

– Окей,- кыз тепилдеп чуркап кетти. Айсулуу аны артынан саамга карап турду. Дал ушул учурда мектептин жанында токтоп турган унаадан аларды Азамат карап турган болчу. Таң атпай ал Айбекти айдатып алып ушул жерге келген эле. Көпкө күттү. Ак бантик тагынган, апасы жетелеп келе жаткан кичине кыздардын улам бирин үмүттүү карап “Айназик эмеспи?” деп
4 жашында ажыраган кызынын көздөрүн, жылмайганда пайда боло калчу жүзүндөгү уячаларын издеп жатты. Ал азыр өзгөргөндүр. Чачы өссө керек, сүйкүмдүүлүгү арткандыр, бирок кантип аны Азамат тааныбай калсын? Жо- ок, жүз жыл өтүп жолугушса да кызын жазбай тааныйт. Каректер жүгүрүп Айназикти издеп жатты. Анан капыстан... Мына, баягы бакырайган күнөөсүз көздөр. Айназик апасына бир нерселерди көңүлдүү божурап сүйлөп келе жатыптыр. Жылмайып алган. “Ээ-э” деп кыйкырып жиберчүдөй ордунан обдулуп, унааны ачмакчы болуп жатканда Айбек токтотуп калды.

– Эй-эй, токто! Токто, жанында Айсулуу бар экен. Жолотпойт сени. Ызы-чуу чыгат.

Көздөрү алайып каректеринен “эмнеге, жанына барсам болбойбу? Кантип барбайм?” деген суроо дапдаана окулуп, бүркөлгөн кабагы, болор-болбос ачылып калган оозу айласы кетип калганынан кабар берип турду. Мына, 20 кадам аттаса кызына жетмек, кучагына бек кысмак, чачынан шуу жыттамак. Жүрөктөгү сагыныч толкун болуп буркан-шаркан түшүп келип, акыл-эстин аскасына карс урунуп токтоп калды. Тамагы буула түштү. Сезимдердин баары кекиртекке келип такалып калгандай. Көздөрү жашылданып кетти. Оор-оор дем тартып алды.

– Түшүнөм, дос. Бирок түшпө. Айсулуу кетсин, коё тур,- Айбек билегинен тартып, Азаматты жооткотуп жатты. Жашка толгон көздөр тыпылдап чуркап бара жаткан кызды узата карап калды. Жүрөк эзилип, көкүрөк толкуп, андагы сагыныч камалып айласы кеткенде көз жаш болуп каректерге миң сан ирет “жаным, кызым, жаным, кызым” деп ичинен кайталаган сөздөргө айласыз айланып жатты.



ххх

– Аза, өзүңдү колго ал, макулбу? Кызың сени тааныбай калган болсочу? Азыр барып жанына туруп калсаң эмне деп ойлошот? Ал тааныбай кыйкырып качса анда чатак чыкты дей бер. Мектептин жанында жүргөн дудук гастарбайтер тууралуу жакшы ой келет дейсиңби? Түшүнөм, сагыныпсың. Бирок...- Айбек сөзүн аяктай электе Азамат рюкзагынан эскирген күрөң мамалакты алып чыкты да, эстейт дегендей ишарат кыла досуна көргөздү.

– Аза, мектепке жакындаба. Сени көрө тургандай аралыкта эле туруп тур, макулбу?

Баш ийкеди да, унаадан түшүп кетти. Балдар мектептен чыга башташкан. Азамат бир колуна мамалакты жетелеп алгандай кармап, кандайдыр бир түпөйүл коркунуч менен демин ичине ката күтө баштады.

Кыз мектептен чыга берип, балдар ойноочу аянтчада турган кишини көрүп токтоп калды. Ал адам кызга абдан тааныш учурады. А колундагы мамалакчы? Бул мамалак да абдан тааныш.

– Атам?- ишенбегендей көздөрүн бат-бат ирмегилеп жиберди.

– Ата-а!- кыз кыйкырып чуркап жөнөдү. Ал бир да жолу мынчалык катуу чуркап көргөн эмес. Атасы алыста тургандай эле сезиле берди. Сагындырган, жоголду деген, таштап кетти деген атасы болчу. Ал да кызды утурлай чуркады. Бир убакта тизелей отура калып, чуркап келген кызды кучагына бекем кысып алды. “Ата-а” деп Азаматтын моюнунан бекем кучактаары менен ыйлап жиберди.

– Кызым!

3 жылдан бери үн-сөздөн калган, таптакыр сүйлөбөй жүргөн Азаматтын биринчи сөзү ушул болду. Ушул бир эле сөздө нечен жылдар ичинде буркан-шаркан түшкөн сагыныч бар болчу. Азаптарга сынбас, майтарылбас аталык сүйүү бар болчу ал сөздө. "Кызым" кайра-кайра кайталап жатты. Кучагындагы кызы да, өзү да мурундарын шыр тартып ыйлап жатышты. Ал камалып кеткенде кыз 4 эле жашта эмес беле. Бирок унутпаптыр атасын. Унутмак эмес, бул экөөндө бири-бирине болгон чексиз сүйүү бар болчу...



(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Башка сандарда:
Комментарийлер(19)
18.09.2018. 09:06 
Тайпасы:
Жаран
Комментарийлердин саны:
156
Катталган:
06-01-2012
Соӊку аракети:
26-05-2019 23:45
Жынысы:
Белгисиз
0
АКыры жолугат экен да
18.09.2018. 09:21 
Тайпасы:
Жаран
Комментарийлердин саны:
423
Катталган:
15-02-2013
Соӊку аракети:
26-05-2019 02:59
Жынысы:
Белгисиз
Калаасы:
Бишкек Новосибирск
+1
Акыры жолукту. Тиги кокмее айсулуу дагы бирдемени ойлоп подстава кылып жибереби деп ойлонот экенсин. Абайла да азамат сутко оозу куйгон айранды уйлоп ичет деген соз барго.
18.09.2018. 09:22 
Тайпасы:
Жаран
Комментарийлердин саны:
4
Катталган:
22-06-2016
Соӊку аракети:
25-04-2019 21:39
Жынысы:
Белгисиз
0
Эми Айсулу менен чогу жашайбы же баш каттыго
18.09.2018. 10:03 
Тайпасы:
Жаран
Комментарийлердин саны:
190
Катталган:
26-03-2014
Соӊку аракети:
25-05-2019 21:38
Жынысы:
Белгисиз
+5
Окуган сайын ыйлайт окшойм, ушунча берилип окуймунбу? Азаматтай аталарыбыз бар болсун!
18.09.2018. 11:10 
Тайпасы:
Жаран
Комментарийлердин саны:
144
Катталган:
13-02-2017
Соӊку аракети:
21-05-2019 16:10
Жынысы:
Белгисиз
+6
Уйдон эле окуш керек болуп калды. Ишьен окуп ыйлап, уят болуп жатам
18.09.2018. 11:38 
Тайпасы:
Жаран
Комментарийлердин саны:
149
Катталган:
03-08-2013
Соӊку аракети:
26-05-2019 08:06
Жынысы:
Белгисиз
0
Азаматтай аталар бар болсун, ыйладым гоо
18.09.2018. 11:57 
Тайпасы:
Жаран
Комментарийлердин саны:
33
Катталган:
27-07-2011
Соӊку аракети:
17-04-2019 05:37
Жынысы:
Белгисиз
Калаасы:
Москва
+2
Бизге да Азаматка окшогон ата керек болуп жатат кызым экообузго
18.09.2018. 12:33 
Тайпасы:
Жаран
Комментарийлердин саны:
37
Катталган:
18-07-2018
Соӊку аракети:
28-03-2019 18:46
Жынысы:
Белгисиз
0
Ыйлаттынар мени...
18.09.2018. 13:01 
Тайпасы:
Жаран
Комментарийлердин саны:
29
Катталган:
14-02-2014
Соӊку аракети:
13-05-2019 15:13
Жынысы:
Белгисиз
Калаасы:
Кыргызстан
0
ой жакшы жолуктуруп койду кызына,а то жолуктурбай бутуп калабы экен дегем!
18.09.2018. 13:02 
Тайпасы:
Жаран
Комментарийлердин саны:
29
Катталган:
14-02-2014
Соӊку аракети:
13-05-2019 15:13
Жынысы:
Белгисиз
Калаасы:
Кыргызстан
0
акыры жолуктурду ээ
18.09.2018. 13:48 
Тайпасы:
Жаран
Комментарийлердин саны:
78
Катталган:
22-01-2018
Соӊку аракети:
01-03-2019 12:48
Жынысы:
Белгисиз
0
Байкуш Азамат акыры жолукту кызына окуп алып аябай суйундум эми Айсулуу мн жашап калбаса болду кызы учун
18.09.2018. 14:35 
Тайпасы:
Жаран
Комментарийлердин саны:
31
Катталган:
07-10-2017
Соӊку аракети:
08-10-2018 11:11
Жынысы:
Белгисиз
0
Эми эмне болот десен эх....
18.09.2018. 14:45 
Тайпасы:
Жаран
Комментарийлердин саны:
175
Катталган:
05-03-2017
Соӊку аракети:
21-02-2019 22:10
Жынысы:
Белгисиз
0
Ыйлап жибердим олсун иштегилер буга не болгон тан атбай дегендир.
18.09.2018. 15:18 
Тайпасы:
Жаран
Комментарийлердин саны:
6
Катталган:
10-03-2016
Соӊку аракети:
01-03-2019 14:25
Жынысы:
Белгисиз
Калаасы:
Кыргызстан
0
Эми бирге болушса экен
18.09.2018. 15:38 
Тайпасы:
Жаран
Комментарийлердин саны:
2
Катталган:
01-07-2018
Соӊку аракети:
13-05-2019 11:50
Жынысы:
Белгисиз
+1
Буулугуп ыйлап алдымго.
18.09.2018. 16:08 
Тайпасы:
Жаран
Комментарийлердин саны:
7
Катталган:
15-07-2011
Соӊку аракети:
27-12-2018 17:00
Жынысы:
Белгисиз
+5
32 жаштагы килтейген киши мен тамагым буулуп атамды эстеп канырыгым тутоп кетти
18.09.2018. 17:45 
Тайпасы:
Жаран
Комментарийлердин саны:
139
Катталган:
27-03-2011
Соӊку аракети:
12-04-2019 19:15
Жынысы:
Белгисиз
+2
Өзүм зорго жүрөт элем, көздүн жашы токтобой жатат...
19.09.2018. 12:00 
Тайпасы:
Жаран
Комментарийлердин саны:
11
Катталган:
24-04-2014
Соӊку аракети:
28-11-2018 08:39
Жынысы:
Белгисиз
0
Ото жакшы чыгарма. Ушундай жакшы нерселерге клас баса Турган кылып койсо жакшы болот
20.09.2018. 01:09 
Тайпасы:
Жаран
Комментарийлердин саны:
9
Катталган:
10-09-2015
Соӊку аракети:
26-05-2019 06:23
Жынысы:
Белгисиз
+1
Кино тартса аябай сонун кино болот ....
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
22285;
 
Маалымат-маанайшат порталы
2006-2019 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: